হেলথ অমসুং ফেমিলি ৱেলফিয়রগী য়ুনিয়ন মিনিস্তর দাঃ হার্শ বর্ধন্না ঙসি –‘হেলথ তোল্ক’ স্বীদেন ইন্দিয়া নোবেল মেমোরিএল চয়োলগী মখাদা ইন্দিয়া স্বীদেন হেলকেয়র ইন্নোবেসন সেন্তরগী এন্নুএল কনফরেন্সগী শঙ্গাবগী সেসন্দা চেয়র লৌখি।

মীপুম খুদিংবু নিংশিংহনখি মদুদি লৈবাক অনি অসিগী হকশেলগী ওইবা তৌমিন্নরিবা থবক অসিগী লমদা য়াম্না শাংনা চৎথরক্তুনা ২০১৯দা ১০শুবা চহি ফাহগী থাগৎপা ফোংদোক্লদুনা, মিনিস্তরনা হায় মদুদি, “ইন্দিয়া-স্বীদেন হেলকেয়র ইন্নোবেসন সেন্তর অসি স্বীদেনগী নিংথৌ গুস্তাফনা ২০১৯গী ১৬তা শঙ্গাবা উখিবা অদু ঐখোয়না নিংশিংলি”।

লৈবাক অনি অসিগী খুৎশম্নবা অসিনা মল্তি-স্তেকহোলদর ফাওবা য়ৌরকপা অসিদা নুঙাইবা ফোংদোক্লদুনা দাঃ হার্শ বর্ধন্নানা হায়খি মদুদি, “পোলিসি মেক্করস, একাদেমিয়া অমসুং ইন্দস্ত্রী কোনশিনবা অসিনা অনৌবা অমা পুথোকপদা অচৌবা থৌদাং অমা লৌগনি অমসুং ঐহাক্না থবক তৌমিন্নরিবশিং অসিবু মাংলোমদা চংশিনহনগনি”।

কোবিদকী মতাংদা ৱা ঙাংলদুনা দাঃ হার্শ বর্ধন্নানা হায়খি মদুদি, “হেলথকেয়রগী মতাংদা ৱারি শান্নবা অসি মালেম অসিদা মায়োক্নরিবা কোবিদ-১৯ লায়চৎ অসিগী থা ১০ চুপ্পা অৱাবা থেংনরিবা অসিগী খন্নবা য়াওদ্রবদি মপুং ফাদে। অদুম ওইনমক থেংনরিবা অৱাবা পুম্বদা আসা অমদি অদুম্মক লৈরি। মালেমগী ওইবা লায়চৎ অসিনা ঐখোয়দা পারা অমা তম্বিরি মদুদি থেংনরিবা অৱাবা অসিগী মান্নবা থৌদাং লৌমিন্নগদবনি। ঐখোয়না ইথন্তা শাংনা থবক তৌবা ঙম্লোই। ঐখোয়না মমাংগা অমুক্তা মান্নদবা মওংদা থবক তৌম্মিনগদবনি”।  

মসিগী মতাংদা মহাক্না হায়খি মদুদি, “ইকাই খুম্নরবা প্রধান মন্ত্রী অনিনা লৈবাক অনি অসি মনুংদা মতেং পীনবা অসি হেনগৎনবা হোৎনবগী অপাম্বা লৈবা অসি ফোংদোক্নরক্লি। মতাং অসিদা ঐহাক্না স্বীদিশকী হেলথ মিনিস্তরগা উন্নদুনা ৱারী শান্নবগী খুদোংচাবা অদু ফংখি”। মহাক্না মখা তানা হায়খি মদুদি খুৎশম্নদুনা থবক তৌমিন্নরিবা অমদি মখা তানা লৈবাক অনিগী হেলথ কোওপরেসন হেনগৎনবা মথং চয়োলদা উন্নগদৌরিবা অসি য়েংখি।

নাকন অনিগী এম.ও.য়ু. অসিগী ফল অসিগী অফবা অসি উদুনা দাঃ হার্শ বর্ধন্নানা হায়খি মদুদি, ‘ইন্দিয়া-স্বীদেন হেলকেয়র ইন্নোভেসন সেম্তর অসি এ.আই.আই.এম.এস. জোদপুরদা কেন্সরগী ওইবা সেন্তর ওফ এক্সেলেন্স থৌরাং শিল্লি। মসিনা অনাবাশিং অসিদা হেন্না ৱাখল তাবা অমসুং মখোয়গী লায়নাশিং অসি লায়েংবদা লাইনা তৌবা ঙহল্লগনি। মসিনা অমুকশু হিদাকশিং শিনবা, লায়েংবা অসিদা হেন্না অফবা অমা ওইরগনি”।  

দাঃ হার্শ বর্ধন্নানা সেন্তর অসিগী অহানবা অৱাবা মায়োক্নবগী অনৌবা পুথোকপা অসিগী মায় পাক্লবশিং লাওথোকপা অসি য়েংনবা বার্তোন তৌরি; প্রোব্লেম ৮গী স্তেতমেন্ত এন.সি.দি. অমসুং কোবিদ-১৯ য়াওনা খংদোকখ্রে অমসুং ইন্দিয়া অমসুং স্বীদেন অনিগী স্তার্ত-অপ হৌনবগী কৌখ্রে। ইন্নোবেসন চালেঞ্জ অসি য়াম্না হেন্না এপ্লিকান্ত ৪৬৮ লাকখি অমসুং মসিদা মায় পাকপা ১৪ লৈগনি।

মায় পাক্লবশিং অসিদা থাগৎপা ফোংদোক্লদুনা দাঃ হার্শ বর্ধন্নানা হায়খি মদুদি, “ইন্দিয়াদা ঐখোয়গী ওইবা অনৌবা পুথোকপা কয়া অমা লৈ, মায়োক্নরিব অদুদি ৱাখল্লোল অসিবু পুথোকপা অসিনি অমসুং ঐখোয়না মিয়েং ইন্দিয়া অমসুং মপালদা মতেং পীগনি”। মহাক্না থাজবা ফোংদোক্লি মদুদি তেক্নোলোজিকেল অমসুং লৌশিংগী ওইবা খুৎশম্নবা অসিনা ইন্তরপ্রেনুর অসি মাই পাকপা ঙমগনি।

. ইন্দিয়াদা স্বীদেনগী এম্বাসাদুর, মিস্তর ক্লাস মোলিন, স্বীদেন সরকারগী হেলথ অমসুং সোসিএল এফিয়র্সগী মিনিস্ত্রী, দিপুতি দি.জি. অমসুং হেদ ওফ দিবিজন ফোর ই.য়ু. অমসুং ইন্তরনেসনেল এফিয়র্স, মিস্তর নিক্লাস জেকোবসন, ইন্দিয়াদা স্বাদিশ ত্রেদ কম্মিস্নরনা থৌরম অদুদা শরুক য়াখি। এ.আই.আই.এম.এস. নই দিল্লী, দাইরেক্তর দাঃ রান্দীপ গুলেরিয়া, এ.আই.আই.এম.এস. জোদপুরগী দাইরেক্তর দাঃ সঞ্জীব মিস্রা, দাঃ কুলদীপ সিংহ অমসুং দাঃ মিনু বাজপায়ি (এ.আই.আই.এম.এস. নই দিল্লী)না মেদিকেল কম্ম্যুনিতি ওইনা শরুক য়াখি।

য়ুনিয়ন হেলথ সেক্ত্রেতরী শ্রী রাজেশ ভুশন, ইকোনোমিক এদভাইজর শ্রী নিলামবুজ শারন অমসুং হেলথ মিনিস্ত্রীদগী অতৈ অতোপ্পা ওফিসিএলশিংশু শরুক য়াখি।

****