भूविज्ञान मंत्रालय

बुरेवी चक्रीवादळ मन्नारच्या आखातावर (दक्षिण तामिळनाडू व दक्षिण केरळ किनाऱ्यांवर वादळाचा इशारा : लाल संदेश)


वादळाचे केंद्र मन्नारच्या आखातावर , मन्नारच्या पश्चिम-वायव्येकडे 40 कि.मी., पम्बनच्या (भारत)पूर्व- आग्नेय भागात 40 कि.मी. व कन्याकुमारीच्या पूर्व- ईशान्येस 260 कि.मी. वर

पम्बन आणि कन्याकुमारी दरम्यान 3 डिसेंबर आणि 4 डिसेंबर च्या दरम्यान वादळ दक्षिण तामिळनाडू किनारा ओलांडणार

तामिळनाडूचे रामनाथपुरम, थुथ्थुकुडी, तिरुनवेली आणि कन्याकुमारी हे जिल्हे आणि आसपासचे दक्षिण केरळमधील जिल्हे इथे 4 डिसेंबरच्या सकाळपर्यंत वादळाची तीव्रता जाणवत राहील.

दक्षिण तामिळनाडूत काही ठिकाणी 3 डिसेंबरला जोरदार पर्जन्यवृष्टी तर दक्षिण तामिळनाडू आणि दक्षिण केरळमध्ये 4 डिसेंबरला जोरदार ते अति मुसळधार पावसाची शक्यता

वादळामुळे 1 मीटर उंचीच्या लाटांची शक्यता

दक्षिण तामिळनाडू आणि दक्षिण केरळमध्ये नुकसानीची शक्यता- झोपड्या, वीज व दळणवळण, तांदूळ शेती, केळी, पपई आणि बागायतींच्या पडझडीची शक्यता

Posted On: 03 DEC 2020 6:03PM by PIB Mumbai

नवी दिल्‍ली, 3 डिसेंबर 2020

 

भारतीय हवामान विभागाच्या (IMD) वादळ पुर्वानुमान विभागाने दिलेल्या इशाऱ्यानुसार:

‘बुरेवी’ चक्रीवादळ श्रीलंकेच्या उत्तरेकडून गेल्या 6 तासात पश्चिम-वायव्येकडे 13 ताशी किमी वेगाने सरकले आहे आणि भारतीय प्रमाणवेळेनुसार 3 डिसेंबर रोजी 11.30  वाजता ते मन्नारच्या आखातावर, मन्नारपासून 40 कि.मी वर, पम्बनच्या (भारत)पूर्व- आग्नेय  भागात 40 कि.मी., कन्याकुमारीच्या पूर्व-ईशान्येस 260 कि.मी. वर सक्रीय असेल. यामुळे वाहणाऱ्या वाऱ्यांचा वेग  ताशी 70 ते 80 किमी राहील व तो  ताशी 90 कि.मी. पर्यंतही वाढू शकेल,

दुपारपर्यंत बुरेवी चक्रीवादळ पम्बन भागाच्या पश्चिमेच्या दिशेने सरकेल. नंतर ते पश्चिम-नैऋत्य दिशेने जात 3 डिसेंबरच्या रात्री पंम्बन आणि कन्याकुमारी दरम्यान तामिळनाडू किनारपट्टी ओलांडेल व 4 डिसेंबरला सकाळी वादळी वाऱ्यांचा वेग ताशी 70-80 कि मी ते 90 कि मी पर्यंत पोचेल. तामिळनाडूचे रामनाथपुरम, थुथ्थुकुडी, तिरुनवेली आणि कन्याकुमारी हे जिल्हे आणि आसपासचे दक्षिण केरळमधील जिल्हे इथे याचा प्रभाव 4 डिसेंबर पर्यंत जाणवेल.

वादळाची वाटचास आणि तीव्रता यांचे अनुमान पुढीलप्रमाणे:

Date/Time(IST) Position (Lat. 0N/ long. 0E) Maximum sustained surface wind speed (Kmph) Category of cyclonic disturbance
03.12.20/1130 
9.2/79.6
 70-80 gusting to 90

Cyclonic Storm
03.12.20/1730 9.2/79.1 70-80 gusting to 90

Cyclonic Storm
03.12.20/2330 9.0/78.5 70-80 gusting to 90

Cyclonic Storm
04.12.20/0530 8.9/78.0 60-70 gusting to 80

Cyclonic Storm
04.12.20/1130 8.8/77.4 50-60 gusting to 70

Deep Depression
04.12.20/2330 8.7/76.3 40-50 gusting to 60

Depression

इशारा

(i) पाऊस

  • 3 डिसेंबरला दक्षिण तामिळनाडूत काही ठिकाणी म्हणजे रामनाथपुरम,थुथ्थुकुडी,तिरुनवेली,कन्याकुमारी, तेंकासी, विरुधुनगर, थेनी, मदुराई व सिवगंगाई जिल्ह्यांमध्ये व दक्षिण केरळात थिरूवनंतपुरम, कोलम, पथ्थनमथ्थिट, इडुकी आणि अलापुझा या जिल्हयांत मुसळधार पर्जन्यवृष्टीची शक्यता, तर 4 डिसेंबरला दक्षिण तामिळनाडू व दक्षिण केरळात  तुरळक ठिकाणी अति मुसळधार पर्जन्यवृष्टीची शक्यता.
  • दक्षिण तामिळनाडू, पुद्दुचेरी, माहे, करईक्कल आणि उत्तर केरळात 4 डिसेंबरला तुरळक ठिकाणी मुसळधार पर्जन्यवृष्टीची शक्यता.
  • 3 व 4 डिसेंबरला आंध्रप्रदेशची दक्षिण किनारपट्टी आणि लक्षद्वीपला मुसळधार पर्जन्यवृष्टीची शक्यता.

Sub-Divisions

03 Dec 2020*

04 Dec 2020*

South Tamilnadu

Rainfall at most places with heavy to very heavy rainfall at  few places and extremely heavy fall at  isolated places 

Rainfall at many places with heavy to very heavy  rainfall at  isolated places

North Tamilnadu, Puducherry & Karaikal

Rainfall at many places with heavy to very heavy  rainfall at  isolated places

Rainfall at many places with heavy fall at  isolated places 

 

South Kerala

Rainfall at most places with heavy to very heavy rainfall at  few places and extremely heavy fall at  isolated places 

Rainfall at many places with heavy to very heavy  rainfall at  isolated places

 

North Kerala & Mahe

Rainfall at most places with heavy to very heavy  rainfall  at  isolated places

Rainfall at a few places with heavy fall at  isolated places 

South Coastal Andhra Pradesh

Rainfall  at a few places with heavy rainfall at isolated places

Rainfall  at a few places with heavy rainfall at isolated places

Lakshadweep

Rainfall  at many places

Rainfall  at most places with heavy to very falls at isolated places

 

 

 

 

(ii) जोरदार वाऱ्यांचा इशारा

  • पुढील 24 तासांमध्ये दक्षिण तामिळनाडूत किनारपट्टी भागात (रामनाथपुरम,थुथ्थुकुडी,तिरुनवेली व कन्याकुमारी जिल्ह्यांमध्ये)  व आसपास जोरदार वाऱ्यांचा वेग  ताशी 70-80  किमी ते ताशी 90 पर्यंत तर दक्षिण केरळ ( थिरूवनंतपुरम, कोलम, पथ्थनमथ्थिट, आणि अलापुझा जिल्ह्यात) व आसपास ताशी 75 कि.मी वेगाने वारे वाहतील. त्यांनंतर वाऱ्यांचा वेग मंदावेल.
  • 3 व 4 डिसेंबरला लक्ष्द्विप मालदीव तसेच अरबी समुद्राचा त्या जवळपासच्या पट्टयात ताशी 45-55 किमी वेगाने घोंघावत वाहणाऱ्या वाऱ्यांचा वेग 65 किमी पर्यत जाईल.
     

(iii) वादळी लाटा

  • पुढील 6 तासांमध्ये 1 मीटरपर्यंतच्या उंच लाटांमुळे दक्षिण तामिळनाडूच्या  दक्षिण किनारपट्टीवरील सखल भूभाग (रामनाथपुरम,थुथ्थुकुडी,तिरुनवेली व कन्याकुमारी जिल्हे)   व श्रीलंकेची वायव्य किनारपट्टीकडील भाग जलमय होण्याची शक्यता.

(iii) समुद्राची स्थिती

  • 3 व 4 डिसेंबरला मन्नारचे आखात,  दक्षिण तामिळनाडू आणि जवळपासचे भाग, श्रीलंकेचा पश्चिम किनारपट्टी व (केप)कोमोरिन, अरबी समुद्राचा जवळपासचा भाग  व केरळ किनारपट्टी  या भागात समुद्र खवळलेला ते अति खवळलेला असेल.
  • बंगालची खाडी, श्रीलंकेचा ईशान्य किनारपट्टी येथेही समुद्र खवळलेला ते अति खवळलेला असेल, ही परिस्थिती 3 डिसेंबरच्या मध्यरात्रीपर्यंत राहील व हळूहळू निवळेल.
  • लक्षद्विप मालदीव  व अरबी समुद्राचा त्या जवळपासचा भाग  येथे 3 ते 5 डिसेंबरपर्यंत समुद्र खवळलेला ते अति खवळलेला असेल.

(iv) दक्षिण तामिळनाडूत कन्याकुमारी, तिरुनवेली, थुथ्थुकुडी व रामनाथपुरम जिल्ह्यांत तर  दक्षिण केरळात थिरूवनंतपुरम, कोलम, पथ्थनमथ्थिट, आणि अलापुझा या जिल्हयांत नुकसान होण्याची शक्यता.

  • शाकारलेल्या झोपड्यांचे नुकसान
  • झाडांच्या फांद्या पडून वीज व दळणवळणाच्या तारांचे नुकसान
  • कच्च्या रस्त्यांना भरपूर तर पक्क्या रस्त्यांना काही प्रमाणात नुकसान पोचेल
  • शेते तसेच केळी, पपई व बागायतींचे नुकसान
  • कच्चे बांधारे उखडले जाऊन सखल भागात समुद्राचे पाणी शिरण्याची शक्यता

(v) मच्छीमारांना सूचना

  • खालील भागांमध्ये 3 ते 5 डिसेबर या कालावधील मासेमारी पूर्णतः बंद राहील
  • बंगालच्या उपसागरात नैऋत्येला व श्रीलंकेची पूर्व किनारपट्टीजवळ 3 डिसेबर तर कोमोरिन भाग , मन्नार आखात, दक्षिण तामिळनाडू- केरळ , श्रीलंकेचा पश्चिम किनार येथे 3 व 4 डिसेंबर आणि लक्षद्विप, मालदीव, त्या आसपासचा अरबी समुद्राचा भाग येथे 3 ते 5 डिसेंबर दरम्यान  समुद्रात न जाण्याचा इशारा मच्छीमारांना देण्यात आला आहे.

 

Cyclonic Storm ‘BUREVI’ at 9.2N/79.6E

3 डिसेंबरच्या वादळाच्या तीव्रतेचा 0000 UTC वरील INCOIS मॉडेलवर आधारित अंदाज    

 

वादळाच्या अनुमानाची व्यवस्था सतत देखरेखीखाली असून संबधित राज्य सरकारांना वेळोवेळी सूचना दिल्या जातील.

अद्ययावत माहितीसाठी www.rsmcnewdelhi.imd.gov.in व www.mausam.imd.gov.in संकेतस्थळांना भेट द्या.

कृपया, विशिष्ठ भागातील हवामानाचा अंदाज जाणून घेण्यासाठी MAUSAM APP डाऊनलोड करा.  शेतीविषयक हवामान अंदाजासाठी MEGHDOOT APP तर वीजांच्या इशाऱ्यांबद्दल माहिती करुन घेण्यासाठी DAMINI APP डाऊनलोड करा.


* * *

Jaydevi PS/V.Sahajrao/D.Rane

 

सोशल मिडियावर आम्हाला फॉलो करा: @PIBMumbai   Image result for facebook icon /PIBMumbai    /pibmumbai  pibmumbai[at]gmail[dot]com



(Release ID: 1678067) Visitor Counter : 190


Read this release in: English , Urdu , Hindi , Bengali , Manipuri , Tamil