শিপ্পিং মন্ত্রালয়

উত্তর প্রদেসকী অয়োধ্যাদা সারয়ু তুরেলদা অথুবদা ‘রামায়ন ক্রুইজ সর্বিস’ হৌদোক্লগনি

শেংলবা সারয়ু তুরেলদা অহানবা ওইনা লকজরি ক্রুইজ সর্বিস লৈরগনি

শেংলবা অয়োধ্যা সহর য়েংবা লাকপা ভাক্তশিংদা ঈশ্বরগী খোঙচৎকী অঙকপা থৌদোকশিং খঙহন্নবা প্রোজেক অসিনা পান্দম থম্লি

Posted On: 01 DEC 2020 3:51PM by PIB Imphal

অয়োধ্যাদা সারয়ু তুরেলদা অথুবদা ‘রামায়ন ক্রুইজ তুর’ হৌদোক্লগনি। ক্রুইজ সর্বিস থবক ওইনা পায়খৎনবগীদমক পোর্তস, সিপ্পিং অমসুং ৱাতরৱেজগী য়ুনিয়ন মিনিস্তর শ্রী মনসুখ মান্দাবিয়ানা লুচিংদুনা ঙসি হন্না য়েংশিনবা মীফম অমা পাংথোকখ্রে।

মসি উত্তর প্রদেসকী অয়োধ্যাদা সারয়ু তুরেল(ঘাগ্রা/নেসনেলৱাতরৱেজ-৪০)দা অহানবা হৌদোকপা লকজরি ক্রুইজ সর্বিস ওইরগনি। শেংলবা তুরেল সারয়ুগী মমিং চৎলবা ঘাতশিং ফাওদুনা হোনবা মতমদা অসিগুম্বা মখলগী স্পিরিচুএল ওইবা খোঙচৎশিংগী অঙকপা থৌদোকশিং মতাংদা ভাক্তশিংদা ফাওহন্নবা প্রোজেক অসিনা পান্দম থম্লি।

(থৌরাং তৌরিবা ক্রুইজ ভেসেল অদুগী ৩-দি দিজাইন(কলাকার অমনা য়েকপা)

ক্রুইজ অদুদা মালেম থাক্কী অশোই-অঙাম থোক্তনবা থবকশিং অমসুং চেকশিন-থৌরাংগা লোয়ন্না অকে-অমৌগী নুংঙাইবা অমসুং খুদোংচাবশিং য়াওগনি। ক্রুইজ অদুগী মনুংগী শরুক অমসুং বোর্দিং পোইন্ত অদু রামচরিতমানসকী পান্দমদা য়ুম্ফম ওইগনি। মপুংফানা এয়র-কন্দিসন তৌরবা মীওই ৮০ চনবা ক্রুইজ অসি ঘাতশিংগী ফজবা য়েংনবা অপাকপা মিংশেলগী থোঙনাওশিং পানগনি। লমকোয়বা মীওইশিংগী নুংঙাইনবা ক্রুইজ অদুদা চাকশঙ অমসুং চাফম থকফম য়াওগনি। অকোয়বগী ফিবমদা অকায়বা অমত্তা থোকহন্দনবা ক্রুইজ অসিদা বাইও তোইলেতশিং অমসুং হায়ব্রিদ ইঞ্জিন সিস্তেমশিং য়াওরি।  

লমকোয়বা মীওইশিং পুং ১-১.৫ শাংবা ‘রামচরিতমানস তুর’ শরুক য়াহনবা মতমদা, ভাগবান রাম পোকপদগী হৌরগা মহাক্না নিংথৌ ফম্বাল তোংবা ফাওবা য়াওবা গোশ্বামি তুলসিদাসগী রামচরিতমানসতা য়ুম্ফম ওইবা অখন্ননা পুথোকপা মিনিত ৪৫-৬০গী ভিদিও ফিল্ম উৎকনি। অপুনবা খোঙচৎ অদু কিলোমিতর ১৫-১৬ শাংগনি। রামায়নগী তোঙান-তোঙানবা তাঙ্ককশিংনা ইথিল পীবা সেলফি পোইন্তশিং লৈগনি অমসুং থৌরম কয়া পাংথোক্কনি। তুর অদুগী অরোইবদা মীওই খুদিংমক্না থৱায় য়াওনা শরুক য়াবা য়াগদবা সারয়ু আর্তি পাংথোক্কনি।

ভারতকি মমিং চৎলবা ইপিক রামায়নদা অয়োধ্যা অসি ভাগবান রামগী পোক্নফম্নি হায়না পল্লি। অয়োধ্যা অসি হিন্দুশিংগী খ্বাইদগী মরুওইবা লাইখুরুম্ফম তরেৎ(মোক্ষদায়িনি সাপ্ত পুরিস)কী অহানবনি। য়ু.পি তুরিজমগী দেতা মতুংইন্না, ২০১৯দা চাউরাক্না অয়োধ্যাদা চহি অমদা লমকোয়বা মীওই করোর ২ লাকখি হায়রি। রাম মন্দির শাবা লোইরবা মতুংদা, সহর অসিদা লাকপা লমকোয়বা মীওই মশিং হেনগৎলক্কনি হায়না থাজনরি।

‘রামায়ন ক্রুইজ তুর’না য়াম্লবা লমকোয়বা মীওইশিং মশিং য়াম্না চিংশিনবগী মথক্তা মসিনা লমদম অদুদা হকথেংন্না অমসুং নাকোইন্না থবক কয়া ফংহনগনি। ক্রুইজ সর্বিস মপুংফানা ফজনা পাংথোকপা য়ানবা পোর্তস, সিপ্পিং অমসুং ৱাতরৱেজ মিনিস্ত্রিনা দরকার ওইবা মচাক-মথুমশিং ফংহনগনি।

****



(Release ID: 1677488) Visitor Counter : 40