హైదరాబాద్ డిసెంబర్ 1 ;సోమవారం ఆగ్నేయ బంగాళాఖాతంలో ఏర్పడిన వాయుగుండం పశ్చిమ దిక్కుగా కదిలి వాయవ్య, ఆగ్నేయ బంగాళాఖాతంలో మంగళవారం ఉదయం 5.30 గంటల ప్రాంతంలో తీవ్ర వాయుగుండంగా మారిందని భారత వాతావరణ శాఖ ప్రకటించింది. ట్రింకోమలై ( శ్రీలంక)కు ఆగ్నేయ దిశలో 500 కిలోమీటర్ల దూరంలోను కన్యాకుమారి ( భారతదేశం)కి తూర్పు-ఆగ్నేయ దిశలో 900 కిలోమీటర్ల దూరంలో ఇది ఈ రోజు ఉదయం 8.30 గంటలకి కేంద్రీకృతమై ఉంది .

ఇది రానున్న 24 గంటలలో తుపానుగా మారే అవకాశం ఉంది. పశ్చిమ వాయవ్య దిశలో కదిలి ట్రింకోమలీ వద్ద డిసెంబర్ రెండవ తేదీ సాయంకాలం / రాత్రి తీరం దాటే అవకాశం ఉంది. ఆ తరువాత ఇది పశ్చిమ దిశలో ప్రయాణించి గల్ఫ్ అఫ్ మన్నార్ , పక్కనే వున్న కామోరిన్ ప్రాంతంలో డిసెంబర్ మూడవ తేదీ ఉదయం ప్రవేశించి పశ్చిమ దిశ లో దక్షిణ తమిళనాడు తీరం వైపు సాగుతుంది.

ఇది ప్రయాణించే మార్గం, తీవ్రత కింద పొందుపరచబడ్డాయి.

***