نئی لّی ، 30 نومبر  / نائب صدرِ جمہوریۂ ہند جناب ایم وینکیا نائیڈو نے  گرو نانک جینتی  سے قبل آج  قوم کو مبارکباد دی ہے ۔  اُن کے پیغام کا متن مندرجہ ذیل ہے :

          ‘‘ میں گرو نانک دیو جی  کی سالگرہ   کے مقدس موقع پر  اپنے ملک کے عوام  کو  پُر خلوص مبارکباد اور نیک خواہشات  پیش کرتا ہوں ۔

          سکھ ازم کے بانی  گرو  نانک دیو جی  اپنی پوری زندگی سچائی  ، ہمدردی  اور حق پرستی    کے علمبردار رہے ۔ اُن کا بھارت کے روحانی لیڈروں  ، اصلاح کرنے والوں اور صوفیوں  سنتوں میں ایک منفرد مقام ہے ۔  اُن کی تعلیمات میں آفاقی  جاذبیت ہے اور  وہ ہمیشہ  ہمیں  ہمدردی اور انسانیت   کی راہ پر عمل کرنے  اور   ذات پات یا مذہب  سے بالا تر ہوکر تمام انسانیت کا احترام  کرنے  کے لئے رہنمائی کرتی رہیں گی ۔ 

          گرو نانک جینتی   ہمیشہ ہی  خاندان اور  دوستوں   کے یکجا ہونے اور جشن منانے کا موقع رہا ہے  لیکن اِس سال  کووڈ – 19 کی وجہ سے  غیر معمولی صحت ایمرجنسی   کے پیشِ نظر  ، میں تمام  ہم وطنوں  پر زور دیتا ہوں  کہ وہ کووڈ سے متعلق  صحت اور صفائی  ستھرائی   کے پروٹوکول  پر عمل کرتے ہوئے  تہوار منائیں ۔

          اس خوشی کے موقع پر  ، میں ملک میں  ہم آہنگی اور امن کے لئے دعا گو ہوں ۔ ’’

۔۔۔۔۔۔۔۔۔۔۔ ۔۔۔۔۔۔۔۔۔۔ ۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ ۔۔۔ ۔۔۔۔۔۔۔۔۔۔

( م ن ۔ و ا ۔ ع ا ) 

U. No. 7676