কমর্স অমসুং ইন্দস্ত্রী মন্ত্রালয়
ইন্দিয়া অমসুং ম্যানমারগী মরক্তা জোইন্ত ত্রেদ কম্মিতিগী ৭শুবা মীতিং
Posted On:
24 NOV 2020 8:01PM by PIB Imphal
ইন্দিয়া অমসুং ম্যানমারগী মরক্তা জোইন্ত ত্রেদ কম্মিতিগী ৭শুবা মীতিং ২০২০গী নবেম্বরগী ২৪দা ভর্চুএলগী ওইবা খুত্থাংদা পাংথোকখ্রে। মিতিং অসি ম্যানমারগী মিনিস্ত্রী ওফ কম্মর্সকী য়ুনিয়ন মিনিস্তর দাঃ থান মাইয়িন্ত অমসুং ইন্দিয়াগী কম্মর্স অমসুং ইন্দস্ত্রী মিনিস্তর শ্রী পিয়ুশ গোয়ালনা ময়াই তাঙবল লৌখি। ৱা খন্নবা মনুং অসিদা নাকন অনিগী ওইবা ত্রেদ, শেন্থং, বেঙ্কিং, মরী লৈনহনবা, থবক হেনগৎহনবা অমসুং মচাক মথুমগী ঙমখৈ ফগৎহনবা অসিদা অমুক পুথোক্তুনা খন্নখি। নাকন অনিনা কোবিদ-১৯গী অৱাবা অসি থেংননবা শেম-শাবগী খন্নখি অমসুং ফার্মা অমসুং হকশেলগী মফম কায়া অমা লোয়ননা মহৌশাদগী চৎনরক্লবা হিদাকশিং অসিদা মতেং পীনবা হেনগৎহনবা অসিদা অমুক খন্নখি।
শ্রী পিয়ুশ গোয়ালনা ইন্দিয়া অমসুং ম্যানমার অনিগী মরক্তা লৈরিবা সংস্কৃতী অমসুং কম্মর্সিএল ওইবা অচেৎপা মরী অসি উৎখি অমসুং অহানবা ওইনা ইন্দিয়ানা ম্যানমারগা লৈরিবা মরী অসি ‘নাইবরহুদ ফার্স’ অমসুং ‘এক্ত ইস্ত’ পোলিসি অসিগী মরী অসিনি। মহাক্না অমুক হন্না হায়খি মদুদি ইন্দিয়ানা ম্যানমারগা হীরম কয়াদা খুশম্নদুনা চৎনবা শোইদনা ঙাক্কনি হায়রিবা অসিদা ত্রেদ, শেন্থং, থাও অমসুং গ্যাস, পাৱর, ইন্সুরেন্স, ফার্মাস্যুতিকেল অমসুং ইনফ্রাস্ত্ররচর অমসুং ইন্দিয়ানা ম্যানমারদা শেন্থং পীবা হেনগৎলক্লিবা অসিদা অপেনবা ফোংদোরক্লি। নাকন অনিনা খঙনরি মদুদি ইন্দিয়া অমসুং ম্যানমার অনিগী থাও অমসুং গ্যাসকী কোল্লার্বেসন অমসুং কোওপরেসন অসিনা নাকন অনিদা পেত্রোলিয়ম পোত্থোক অমসুং রিফাইনিং তৌবদা কান্নবা পীরি।
লৈবাক অনিনা য়ান্নরি মদুদি হৌজিক ওইরিবা নাকন অনিগী ত্রেদ অসি অশেংবা পোতেন্সিএল নত্তে অমসুং মসিবু মখোয়গী ইকোনোমীগী ওইবী মরী অসিদা হেন্না খুদোংচাবা পীদুনা চাওখৎপা ত্রেদ অমা পুরকপা অসিনি। মখোয়না মরী লৈনবা প্রোজেক্তকী ফীবমশিংশু খন্নখি। নাকন অনিনা ইন্দিয়ান গ্রান্ত-ইন-এইদকী মখাদা মোদর্ন ইন্তিগ্রেতেৎ চেক পোস্ত (আই.সি.পি.) তামু (ফেজ ১) প্রোজেক্ত অসি লোইশিল্লকপগীদমক থাগৎপা ফোংদোরক্লি অমসুং মসিনা নাকন অনিদা শম্নবা অমসুং ত্রেদ অমসুং হায়রিবা অসিনা মী অমগা অমগগী মরক্তা নকশিন্নবা হেল্লগনি।
মিতিং অসি লৈবাক অনিগী অপেনবা য়াওনা হৌখিবা চহি খর অসিদা ইকোনোমীগী ওইবা মরী শেমখি হায়বা ফোংদোকখি অমসু্ং মখা তানা ত্রেদ অমসুং শেন্থং পীবা অসি হেন্না কনখৎনবা অচেৎপা লৈরি হায়না হন্না হায়খি। শ্রী গোয়ালনা দাঃ থান মাইয়িন্ত বু ২০২১দা পাংথোক্কদবা জোইন্ত ত্রেদ কম্মিতি মিতিংগী বার্তোন তৌখ্রে।
****
(Release ID: 1675534)
Visitor Counter : 153