তেরোরিজম য়োকখৎলিবা লৈবাকশিং অসি তোখায়না তাহন্নবা মালেম অসিদা লৈরিবা কম্ম্যুনিতীশিং অমতা ওইনা চৎমিন্ননবা অমসুং মখোয়শিং অসিগী মথক্তা সেঙ্কসনশিং থম্নবা ঙসি  উপ-রাস্ত্রপতি শ্রী এম. ভেনকাইহ নাইদুনা ফোংদোকখ্রে৷

তেরোরিজমগী চাং হেঙ্গৎলকপা অসিদা খন্না নৈনবা অদু মপুং ফানা লোইশিন্নবা অমসুং 'ইন্তরনেস্নেল তেরোরিজমগী মতাংদা কমপ্রিহেন্সিব কনভেন্সন' গী মতম কুইনদগী পন্দুনা লৈরিবা ভারতকী প্রোপোজেল অদু পাংথোক্নবা ভি.পি.না য়ুনাইতেদ নেসন্সতা হায়জখ্রে
তেরোরিজম অসিনা মরম ওইরগা লৈবাক অমতনা নিংথী নুংঙাইনা সেফ ওইনা লৈতবা অসি য়েংলগা তুমিন্না লৈশিনবগী মতম ওদু লোইখ্রে অমসুং অকনবা এক্সন লৌখৎপগী মতম ওইরে হায়না মহাক্না ফোংদোকখি৷ " য়ু.এন. অসি শেমদোকপা তঙাই ফদে অমসুং হেন্না ইনক্লুসিব অমসুং ইক্বুইতেবল ৱল্দ ওদর অমা শেম্বা তঙাই ফদে" হায়না মহাক্না ফোংদোকখি৷

ইনফোসিস ফাউন্দেসনগী চিয়রপর্সন শ্রিমতি সুধা মুর্তীদা মহাক্কী ফিলানথ্রেোপিক ৱর্ক অদুগীদমক ২০২০ এক্সিলেন্সকীদমক লাল বহাদুর শাস্ত্রী নেস্নেল এৱার্দ পীন্নবা লাল বহাদুর শাস্ত্রী ইন্সতিত্যুত ওফ মেনেজমেন্তনা শিল্লিবা থৌরম অসিদা ভর্চুয়েল্লী ওইনা ৱা ঙাংদুনা লৈবাক পুম্নমক মরু ওইনা সাউথ এসিয়া লৈবাকশিং অসিদা শান্তী লৈহন্নবা, লাইরবা মুথৎনবা, মীয়ামশিংগী সোসিয়ো-ইকোনোমিক কন্দিসনশিং হেন্না ফহন্নবা অমসুং তেরোরিজম মুথৎপা তঙাই ফদে হায়না মহাক্না ফোংদোকখ্রে৷

উপ-রাস্ত্রপতি অসিনা মমাংগী ভারতকী প্রধান মন্ত্রী শ্রী লাল বহাদুর শাস্ত্রীদু ইকাই খুম্নবা উৎখ্রে অমসুং মহাক অসি য়াম্না চিং লেম্বা ইমুং অমদগী হৌরক্তুনা ভারতকী মশক নাইরবা প্রধান মন্ত্রীগী ফম অসি পাইরকখিবা অফাওবা ভারত মচা অমনি হায়না মহাক্না ফোংদোকখি৷

লৌমীশিং অসিবু ফুদ সেক্যুরিতী লৈহনবা ঙম্লিবা অমসুং ভারতনা মালেম অসিগী খ্বাইদগী য়াম্না শঙ্গোম পুথোকপা ঙম্লিবা অসি মমাংগী প্রধান মন্ত্রী অসিনা গ্রীন রিভোলুসন অমসুং হ্বাইত রিভোলুসন অসিদা ইনখৎপিরম্বা অসিননি হায়না শ্রী নাইদুনা ফোংদোকখ্রে৷

তোঙান তোঙানবা ফিল্দশিংদা লৈরিবা ফ্রন্তলাইন ৱরিয়রশিং অসি থাগৎলদুনা উপ-রাস্ত্রপতিনা অসুম্না ফোংদোকখ্রে, "লোক দাউন অসিগী মনুংদা অথিংবশিং অসি লৈনা-লৈনা, ঐখোয়গী লৌমীশিংনা ফ্রন্তলাইন ৱরিয়রশিং ওইনা মথৌ তৌখ্রে অমসুং মহৈ-মরোংশিং মতিক চানা পুথোক্নবা হোৎনখ্রে৷ মখোয়গী পুন্সিদা খুদোংথিবা কয়ামরোম থেংনৈ, দোক্তরশিং, নর্সশিং, হেল্থকেয়র ৱর্করশিং, সেক্যুরিতী ফোর্সশিং, সেনিতেসন ৱর্করশিং অমসুং মেদিয়া পর্সোনেলশিং অসিসু অসিগুম্বা তেস্তিংগী মতম অসিদা থৱাই হকচাং য়াওনা হোৎনদুনা লাক্লি৷ মখোয় ময়াম পুম্নমক্তা ঐনা  থাগৎপা ফোংদোকচরি!"

লৈবাক অসিদা লৈরিবা মীয়ামশিং অসি মতেং পাংন্নবা কেন্দ্র অমসুং তোঙান তোঙানবা রাজ্য সরকারশিংনা খোংথাং কয়ামরোম লৌখৎলি অমসুং লাইনা-লাইচৎ অসিনা ফিভম কাইনা শোকহল্লবা মীওইশিংদা ভারত মচাশিংনা মতেং পাংবগী খ্বাইদগী ফরবা মতম ওইরে হায়না উপ-রাস্ত্রপতিনা ফোংদোকখ্রে৷  " ‘সর্ভেজনুসুখনিনোভাবন্তু’ অমসুং ‘সেয়র অমসুং কেয়র’ গী ৱাখল্লোনশিং অসিনা ঙল্লিঙৈ মতমদগী হৌদুনা ইন্দিয়ন ফিলোসোফী সপোর্ত তৌখ্রে অমসুং হেন্না চাউবা হ্যুমেনিতরিয়ন কোস অসিদা ঐখোয়না মতম পুম্বদা মতেং পাংগদবনি," হায়না মহাক্না ফোংদোকখ্রে৷

ময়াম্না নিংথিনা মশক খঙনরবা ফিলানথ্রোপিস্ত অমসুং প্রোলিফিক ৱাইতর শ্রীমতি সুধা মুর্তীবু মহাক্কী ফিলানথ্রোপিক ৱর্ক অসিগীদমক এক্সিলেন্সকী ২১শুবা লাল বহাদুর শাস্ত্রী এৱার্দ পীখ্রে৷ হেল্থকেয়র, এদজুকেসন, পব্লিক হাইজিন অমসুং রুরেল দিভেলপমেন্তদা তোঙান তোঙানবা প্রোজেক্তশিংগী খুৎথাংদা শোৎথরবা মীওইশিংগী সেক্সনদা মতেং পাংলম্বা অসিগীদমক শ্রী নাইদুনা মহাক অমসুং ইনফোসিস ফাউন্দেসনবু থাগৎখ্রে৷

এল.বি.এস.আই.এম.না এক্সিলেন্সকীদমক পীরিবা লাল বহাদুর শাস্ত্রী নেস্নেল এৱার্দ অসিনা শাস্ত্রীজিগী মংলান অদু মাংহন্দনা থম্লে অমসুং তোঙান তোঙানবা ফিল্দশিংদা লৈরিবা হৈথোই শিংথোইরবা মীওইশিংবু ইকাই খুম্নৈ হায়না উপ-রাস্ত্রপতিনা হরাউ নুংঙাইবা ফোংদোকখ্রে৷  "হায়রিবা এৱার্দশিং অসি তোঙান তোঙানবা মীওইশিংনা পাংথোক্লিবা থবকশিং অদু খঙবিবা খক্তা নত্তনা ফিলানথ্রোপিক ৱর্ক অসিবু পাংথোকপা পাম্লিবা মাওইশিংবু পুক্নিং শুমহৎনবা পান্দম থম্লি," হায়না মহাক্না ফোংদোকখ্রে৷

মসিগী থৌরম অসিদা, স্কুল কুরিকুলমগী শরুক ওইনা লাল বহাদুর শারস্ত্রীগুম্বা অফাওবা মীওই কয়াগী পুন্সি অমসুং তিচিং অদু তম্ননবা শ্রী নাইদুনা সরকারশিংদা হায়খ্রে৷

ইনফোসিস ফাউন্দেসনগী চিয়রমেন শ্রী সুধা মুর্তী,লাল বহাদুর শাস্ত্রী ইন্সিত্যুত ওফ মেনেজমেন্তগী চিয়রমেন অমসুং ইন্সিত্যুত অসিগী দাইরেক্তর ওইরিবা শ্রী অনিল শাস্ত্রী, প্রোফেসর দি.কি. শ্রিভাস্তভা অমসুং মেনেজমেন্তগী লাল বহাদুর শাস্ত্রীগী ইমিনেন্ত দিপ্রোমেতশিং, স্তাফ ফেকল্তী অমসুং মহৈরোইশিংনা ভর্চুয়েল থৌরম অসিদা শরুক য়ীখি৷

মখাগী অসি ৱারোল অদুগী মপুং ওইবা তেক্সনি –

“হেক হৌরকপগা ফিলানথ্রোপিক ৱর্ক্তা এক্সিলেন্সকীদমক ২১শুবা লাল বহাদুর শাস্ত্রী নেস্নেল এৱার্দ ফংখ্রবি শ্রীমতি সুধা মুর্তীবু ঐনা থাগৎপা ফোংদোকচরি৷

ফাওরবা ভারত মচা মমাংগী প্রধান মন্ত্রী শ্রী লাল বহাদুর শাস্ত্রীগী মগুনশিং অসি থাগৎলদুনা গুরুদেব রবিন্দ্রনাথ তেগোরগী ফজরবা শৈরেং অমা ওইরিবা নুমিৎ অসি তাগদৌরে অমসুং মম্লক্লবা মতমদা করি থোক্কদগে হায়দুনা মীপুং খুদিংমক্না ৱানরি...অদুদগীদি অপিকপা লৈবাক্না শাবা লেম্প অদুনা ৱা ঙাংলকই,,, “ঐনা হেক ঙম্লিবা মখৈ ঐবু থানবিরো, ঐনা হেক ঙম্লিবা মখৈ ঐজু পাংথোকচগে” হায়রিবা শৈরেং অসি ঐনা শন্দোক্না হায়বা পাম্লম্মী৷

মী অমগা নিংথীজনা পাউ ফাওনবা অমসুং হৈ-শিংনা য়াশিন্নবা পুরকপা ঙম্বা অসিনা শাস্ত্রীজিগী য়াম্না মরু ওইবা এস্পেক্ত অমা ওই৷ পন্দিত জৱাহর্লাল নেহরুনা মতম অয়াম্বদা শাস্ত্রী জিগী মতৌ তম্মী অমসু অরুবা অমসুং দেলিকেৎ ওইবা নেগোসিয়েসনশিংদা মহাকপু শিজিন্নৈ৷ অতোপ্পা মী অমগী পোইন্ত ওফ ভ্যি উবা ঙম্বা অসিনা নেগোসিয়েতর অমা ওইনা মহাক্না মাই পাকপা অসিগী অরোনবা অমা ওইরি৷

পোর্তফোলিও য়াওদনা মন্ত্রী অমসুং গৃহ মন্ত্রী ওইনা থৌ পুরিঙৈ মতমদা মহাক্না থৌনা লৈনা অরু অরুবা তানফমশিং তাইশিনখ্রে৷ মহাক্না অখাং কনবা থৌনাগা লোইননা থেংনখিবা য়াম্না শাথীরবা থৌদোক অনিখক্তা হায়জগে—অমনা ১৯৬১দা অসামদা থোকখিবা লেঙ্গুয়েজ প্রোব্লেম অমসুং ১৯৬৪দা থোকখিবা হাজরতবল সেক্রেদ রেলিক অসিনা ওই৷

চেলেঞ্জিং ওইরবা প্রোব্লেমশিং থেংনবা মতমদা মহাক্কী সিমপ্লিসিতী, ইন্তিগ্রিতী, হ্যুমেনিতী, পেসেন্স, তোলিরেন্স অমসুং মহাক্কী তৌবা ঙম্বগী ক্বালিতীশিং অসি মতম পুম্বদা ভারততা লৈরিবা মীপুম খুদিংমক্কী থৌনা অমা ওইনা লৈহৌরগনি৷

কোবিদ-১৯ লাইনা-লাইচৎ অসিনা মরম ওইরগা চাওনা মাংহন তাকহল্লিবা অসিদগী ভারত অমসুং মালেম অসিগী অতোপ্পা লৈবাকশিং অসিনা শেল-থুমশিং অমুক হন্না ফগৎলক্নবা হোৎনরিবা চৈরক অসিদা লৈবাক পুম্নমক মরু ওইনা সাউথ এসিয়া লৈবাকশিং পুন্না চৎমিন্নদুনা শান্তি লৈহন্নবা, লাইরবা মুথৎনবা, প্রজাশিংগী সোসিয়ো-ইকোনোমিক ফিভমশিং ফগৎহন্নবা অমসুং তেরোতিজম মুথৎপা তঙাই ফদে৷

তেরোরিজমদগী লৈবাক অমতা সেফ ওইনা লৈতে অমসুং মতম কুইনদগী ভারতনা পুখৎলক্লিবা প্রোপোজেল-ইন্তরনেস্নেল তেরোরিজমদা কমপ্রিহেন্সিব কনভেন্সন অসিগী মতাংদা খন্না নৈনবা অদু লোইশিনবগী অমসুং প্রোপোজেল অসি চৎনবগী খ্বাইদগী ফরবা মতম ওইরে৷  তেরোরিজম য়োকখৎলিবা লৈবাকশিং অসি তোখায়না তাহন্নবা মালেম অসিদা লৈরিবা কম্ম্যুনিতীশিং অমতা ওইনা চৎমিন্নবা অসি খক্তা নত্তনা মখোয়শিং অসিগী মখক্তা সেঙ্কসনশিং থমগদবনি অমসুং তুমিন্না লৈশিল্লকপগী মতম অদু লোইরে হৌজিক্তি এক্সন লৌখৎপগী চপ চাবা মতম ওইরে৷

য়ু.এন. অসি শেমদোকপা অমসুং হেন্না ইনক্লুসিব অমসুং ইক্বুইতেবল ওইবা ৱল্দ ওর্দর অমা শেম্বা তঙাই ফদে৷

নুংশিরবা ইচলশিং অমসুং ইনাওশিং,

চহী কয়া অমা ভারতনা হোৎনদুনা এগ্রিকল্চর য়াওনা তোঙান তোঙানবা শেক্তরশিংদা চাওনা অওনবা পুরকখ্রে৷ গ্রীন রিভোলুসন অমসুং হ্বাইত রিভোলুসন থোক্নবা হোৎনমিরম্বা অসিগীদমক শাস্ত্রীজিবু থাগৎচরি, ঐখোয়গী লৌমীশিং অসি ফুদ সেক্যুরিতী ফংহনবা ঙম্বা ফিভম অমদা লৈরে অমসুং ভারতনা শঙ্গোম খ্বাইদগী হেন্না পুথোকপা ঙম্বা লৈবাক অমা ওইরে৷

লোক দাউন অসিগী মনুংদা অথিংবশিং অসি লৈনা-লৈনা, ঐখোয়গী লৌমীশিংনা ফ্রন্তলাইন ৱরিয়রশিং ওইনা মথৌ তৌখ্রে অমসুং মহৈ-মরোংশিং মতিক চানা পুথোক্নবা হোৎনখ্রে৷ মখোয়গী পুন্সিদা খুদোংথিবা কয়ামরোম থেংনৈ, দোক্তরশিং, নর্সশিং, হেল্থকেয়র ৱর্করশিং, সেক্যুরিতী ফোর্সশিং, সেনিতেসন ৱর্করশিং অমসুং মেদিয়া পর্সোনেলশিং অসিসু অসিগুম্বা তেস্তিংগী মতম অসিদা থৱাই হকচাং য়াওনা হোৎনদুনা লাক্লি৷ মখোয় ময়াম পুম্নমক্তা ঐনা হরাউ নুংঙাইবা থাগৎপা ফোংদোকচরি!

কোবিদ-১৯ অসিনা হেল্থ ক্রাইসিস থোকহল্লিবা অমসুং ইকোনোমী অমসুং পুন্সি মরেল অসিদা ফিভম কাইনা শোকহল্লিবা অসি য়েংলগা, হেল্থ ইনফ্রাস্ত্রকচর অসি হেন্না ফগৎনবা অমসুং মীয়ামদা মরু ওইনা লাইরবা অমসুং ৱর্কিং ক্লাস থেংনহল্লিবা অৱাবা অসি হন্থনবা  কেন্দ্র অমসুং রাজ্য সরকারশিংনা খোংথাং কয়ামরোম লৌখৎখ্রে ৷

নুংশিরবা ইচলশিং অমসুং ইনাওশিং,

লাইনা-লাইচৎ অসিনা শাথীনা শোকহল্লবা মীয়ামশিং অসিদা মতেং পাংনবা সরকারশিং, এন.জি.ও.শিং অমসিুং অতৈ অতোপ্পশিং অসিনা হোৎনরিবা অসিদা ভারত মচাশিংনা মতেং পাংবগী মতম ওইরে৷ সর্ভেজনুসুখনিনোভাবন্তু’ অমসুং ‘সেয়র অমসুং কেয়র’ গী ৱাখল্লোনশিং অসিনা ঙল্লিঙৈ মতমদগী হৌদুনা ইন্দিয়ন ফিলোসোফী সপোর্ত তৌখ্রে অমসুং হেন্না চাউবা হ্যুমেনিতরিয়ন কোস অসিদা ঐখোয়না মতম পুম্বদা মতেং পাংগদবনি।

মমিং লৈরবা ভারতকী ইন্দস্ত্রীয়েল হাউসশিংনা  এদজুকেসন অমসুং হেল্থকেয়র ফংহন্নবা ত্রস্তশিং অমসুং ফাউন্দেসনশিং শেমখ্রে অমসুং  সি.এস.আর. এক্তিবিতীশিংগী খুৎথাংদা  সমাজ অসিগী শোত্থরবা কাংলুপশিং অসিদা মতেং পাংনবা প্রোজেক্ত কয়ামরোম লৌখৎখ্রে৷

নুংশিরবা ইচলশিং অমসুং ইনাওশিং,

মালেম অসিনা পাম্নরিবা এক্সত্রাওর্দিনরী লিগেসী অমা ওইরিবা লাল বহাদুর শাস্ত্রী ইন্সতিত্যুত ওফ মেনেজমেন্তগা পুন্না চৎমিন্নবা মীপুম খুদিংমক লাইবক ফৈ হায়না ঐনা হায়নিংই৷ শাস্ত্রীয়ন লিদরশিপকী ক্বালিতী অমসুং ইন্তিগ্রিতী চেনবা নুপা অমসুং নুপীশিংনা  ওর্গনাইজেসনশিং অমসুং কম্ম্যুনিতীশিং অসিদা অহোংবা অমা পুরকপা ঙমগনি৷

ঐনা, মসিনা মরম ওইরগা সোসিয়েল অমসুং ইকোনোমিক প্রোব্লেমশিংদা চাং নাইবা মওং অমদা রিসর্চ পাংথোক্নবা লাল বহাদুর শাস্ত্রী ইন্সতিত্যুত ওফ মেনেজমেন্তগী ফেকল্তী অমসুং মহৈরোইশিংদা হায়জরি৷ করপ্সন, পোভর্তী, ইনইক্বেলিতী, সোসিয়েল অমসুং জেন্দপ দিস্ক্রিমিনেসন অসি মুথৎপদা ঐখোয় পুন্না হোৎনমিন্নসি  অমসুং অনৌবা ভারত অমা শেম্লসি৷

এল.বি.এস.আই.এম.না এক্সিলেন্সকীদমক পীরিবা লাল বহাদুর শাস্ত্রী নেস্নেল এৱার্দ অসিনা শাস্ত্রী জিগী মংলান অদু মাংহন্দনা থম্লিবা অসি ঐ নুংঙাইবা ফাওজৈ অমসুং তোঙান তোঙানবা ফিল্দশিংদা লৈরিবা হৈথোই শিংথোইরবা মীওইশিংবু ইকাই খুম্নবা উৎচরি৷  "হায়রিবা এৱার্দশিং অসি তোঙান তোঙানবা মীওইশিংনা পাংথোক্লিবা থবকশিং অদু খঙবিবা খক্তা নত্তনা ফিলানথ্রোপিক ৱর্ক অসিবু পাংথোকপা পাম্লিবা মাওইশিংবু পুক্নিং শুমহৎনবা পান্দম থম্লি৷

হন্দক চহীগী ওইনা এৱার্দ অসি ময়াম্না মশক খঙলবা ফিলানথ্রোপিস্ত অমসুং প্রোলিফিক ৱাইতর  অমা ওইরিবা শ্রমতি সুদা মুর্তীদা পীখিবা অসি ঐ নুংঙাইবা ফাওজৈ৷  এৱার্দ অসিগীদমক ঐনা মহাকপু অমুক্কা হন্না থাগৎচরি অমসুং হেল্থকেয়র, এদজুকেসন, পব্লিক হাইজিন অমসুং রুরেল দিভেলপমেন্তদা তোঙান তোঙানবা প্রোজেক্তশিংগী খুৎথাংদা শোৎথরবা মীওইশিংগী সেক্সনদা মতেং পাংলম্বা অসিগীদমক ঐনা ইনফোসিস ফাউন্দেসনবু থাগৎচরি৷

শ্রীমতী সুর্ধ মুর্তীনা ইনফোসিস ফাউন্দেসন অসিগী দ্রাইভিং ফোর্স অমা ওইবনা মঙোন্দা পীরিবা একোলেদশিং, ওনরশিং অমসুং এৱার্দ পুম্নমক মঙোন্দা পীবা মতিক চাই৷ সেভা অমসুং পরোপকারাদা মহাক্কী এতিচ্যুদ অমসুং রিমার্কেবল সিমপ্লিসিতী অসিগীদমক ঐনা অমুক্কা হন্না নুংঙাইবা ফোংদোকচরি৷

জই হিন্দ!”

*****