কমর্স অমসুং ইন্দস্ত্রী মন্ত্রালয়
ফ্যুচরগীদমক কোস্ত-ইফেক্তিব অমসুং ইন্নোভেতিব হেল্থকেয়র সোলুসনশিং ফংহনবদা ইন্দিয়ানা য়াম্না মরু ওইবা থৌদাং লৌরগনি: শ্রী পিয়ুশ গোয়ল
ইন্দিয়ন ইন্দস্ত্রীগী কনফেদেরেসনগী এসিয়া হেল্থ ২০২০ সম্মিত অদুদা শ্রী পিয়ুশ গোয়লনা ৱা ঙাংখ্রে
Posted On:
20 NOV 2020 4:53PM by PIB Imphal
ঐখোয়না নেসন অমা ওইনা পীবা য়াবা খ্বাইদগী ৱাংবা একোলেদশিং অদু হোস্পিতালশিং, দোক্তরশিং অমসুং কোরোনা ৱরিয়রশিং অসিদা পীফম থোকই হায়না কম্মর্স অমসুং ইন্দস্ত্রীগী মন্ত্রী শ্রী পিয়ুশ গোয়লনা ফোংদোকখ্রে৷ মখোয়শিং অসিনা হোৎনরিবা ময়াম অদু লেম্না মাংলরোই হায়না ইন্দিয়ন ইন্দস্ত্রীগী কনফেদেরেসনগী এসিয়া হেল্থ ২০২০ সম্মিত অদুদা শ্রী পিয়ুশ গোয়লনা ফোংদোকখ্রে৷
কোবিদ ভেক্সিন অসিগী মতাংদা ৱা ঙাংলদুনা ঐখোয়গী লৈবাক অসিদা শাজবা ভেক্সিন অসি খোংজেল য়াংনা ফগৎলক্লি হায়না শ্রী গোয়লনা অসুম্না ফোংদোকখ্রে অদুবু প্রধান মন্ত্রীনদি অসুম্না ফোংদোকখ্রে, "ঐখোয়না ভেক্সিন শোত অমা ফংদ্রিবফাওবদি লাইনা-লাইচৎ অসিগী মরমদা ঐখোয়না নুংঙাইবা ফোংদোকপা য়াদ্রি"৷ লাইনা-লাইচৎ অসি থেংনবদা ইন্দিয়ানা লৌরিবা থৌদাং অসি তুংদা লাক্কদৌরিবা মীরোলশিংনা মতম পুম্নমক্তা নিংশিংদুনা লৈহৌরগনি হায়না মহাক্না ফোংদোকখি৷ ইন্দিয়াদা তৌরিবা লোকদাউন অসিনা লাইনা-লাইচৎ অসিদগী ঙাকথোকপদা তশেংনা লৈবাক অসিবু মতেং পাংখ্রে অমসুং অতোপ্পা চাওখৎলবা লৈবাকশিং অসিগা য়েংনবা মতমদা লাইনা-লাইচৎ অসিদগী ইন্দিয়ানা হেন্না ফনা ঙাকথোক্লে হায়না দবল্যু.ঐচ.ও.না য়াম্না তোইনা তোইনা হায়বা অদু পল্লদুনা লৈবাক অসিদা তৌরিবা লোকদাউন অদু মহাক্না শন্দোক্না তাকখ্রে৷ ইন্দিয়াদা য়াম্না চেকশিন্না তৌরিবা লোকদাউন অসি মালেম অসিনা রোল মোদেল অমা ওইনা মশক খংলে অমসুং লোকদাউন অসিনা মরম ওইরগা লৈবাক অসিনা লাইনা অসিদগী ফগৎলকপগী চাং ৱাংনা লৈহনবদা মতেং পাংখ্রে৷
সি.আই.আইগী ইফোর্তশিং অদু থাগৎলদুনা এসিয়া হেল্থ ২০২০গুম্বা এঙ্গেস্মেন্তশিং অসিনা অনৌবা ৱাখল্লোনশিং পুথোকপদা মতেং পাংলগনি, লৈবাক অসিনা থেংনরিবা প্রোব্লেমশিং অসিগী সোলুসনশিং লৈহল্লগনি অমসুং ভেক্সিন অসি ফংলকপা মতমদা ময়ামদা ফংহন্নবা হোৎনবদা মতেং পাংলগনি হায়না শ্রী গোয়লনা ফোংদোকখ্রে৷ ইন্দিয়ন ১.৩ বিলিয়নদা কোবিদ হেল্থকেয়র নিংথীজনা ফংহন্নবা হোৎনবদা ঐখোয়না পব্লিক-প্রাইভেৎ পার্তনর্শিপ অমদা থবক তৌরগনি হায়না মহাক্না ফোংদোকখি৷ মসিনা মাংদা লান্থেংনরিবা অসি মাই পাকহল্লগনি হায়না মহাক্না মখাতানা ফোংদোকখি৷ কা হেন্না চাওখৎত্রিবা অমসুং লাইরবা লৈবাকশিং য়াওনা ময়াম পুম্নমক্তা কোবিদ-১৯গী ভেক্সিন অসি অহোংবা মমলদা ফংহনবা তঙাই ফদে অমসুং হায়রিবা ময়াম অসি ঐখোয় ময়াম পুম্নমক্কী অপুনবা থৌদাং ওইরগনি হায়না শ্রী গোয়লনা ফোংদোকখ্রে৷ ফ্যুচরগীদমক কোস্ত-ইফেক্তিব অমসুং ইন্নোভেতিব হেল্থকেয়র সোলুসনশিং ফংহনবদা ইন্দিয়ানা য়াম্না মরু ওইবা থৌদাং লৌরগনি হায়না মহাক্না ফোংদোকখ্রে৷
ভেক্সিন অমা পুথোকপা ঙম্নবা ময়াম পুম্নমক্কী পান্দম ওইদুনা হোৎনরিবা অসিনা ঐখোয় ময়াম্বু অমতা ওইনা পুনশিলহল্লে হায়না শ্রী পিয়ুশ গোয়লনা ফোংদোকখ্রে৷ মালেম অসিনা থেংনরিবা য়াম্না অরুবা লাইনা-লাইচৎ অসি লান্থোক্নবা হোৎনবদা কম্মন পর্পোস অমগী স্পিরিৎ অসিনা ঐখোয়বু হিংহনবদা, এদাপ্ত তৌবদা মতেং পাংলগনি৷ কোবিদ অসিনা মালেম অমসুং হ্যুমেনিতী অসিবু অমতা ওইনা পুনশিনহনখ্রে৷ ঙসিগী মালেম অসিনা কম্মন কোস অমগীদমক লান্থেংমিন্ননবা অমতা ওইনা পুনশিনখ্রে৷
*****
(Release ID: 1674656)
Visitor Counter : 172