উপ-রাস্ত্রপতিগী লোইশঙ
প্রেসকী নীংতম্বদা শিংনরকপা খুদিংমক লৈবাক্কী ইন্তরেস্ততা শোক্নিংঙাইনি: উপা রাস্ত্রপতি
মনীং তম্বা অমদি অকিবা লৈতবা প্রেস য়াওদনা দিমোক্রেসী হিংবা ঙম্লোই হায়না ভি.পি.না চেকশিনৱা হায়খ্রে
মিদিয়াদা কা হেনবা মওং মতৌ শীজিন্নদনবা অমদি পাউগা ৱাখল্লোনগা পুনশিন্নদনবা ৱাফম থমখ্রে
লাইচৎ লাকপসিদা মাঙজিন থাবা লান্মী ওইনা থবক তৌবগীদমক্তা পাউমীশিংবু থাগৎখি
লাইচৎ মনুংসিদা অচুম্বা পাউদম পীবগী মরুওইবা ৱাফম থমখি
মীয়ামদা মরী মখোঙ শেংদবা ৱাফমদগী চেকশিন্না লৈনবা ৱাফম থমখি
মিদিয়াগী শিন্মীশিং থবক লৌথোকখিবদা নুংঙাইতবা ফোঙদোকখি অমদি ফীভম অসি থেংননবা অনৌবা মওংগী পাম্বৈ শীজিন্ননবা ৱাফম থমখি
মিদয়াদা তুং কোইগদবা লল্লোন ইতিক্কী থৌওং লৌশিন্নবা অমদি শেলথুমগী ফীভম ফগৎহন্নবা অতোপ্পা পাম্বৈশিং থিনবা ৱাফম থমখি
নেসনেল প্রেস দেগী ৱেবিনারদা মাঙজৌননা রেকোর্দ তৌরবা পাউজেল পীখি
Posted On:
16 NOV 2020 11:56AM by PIB Imphal
ভারতকী উপ রাস্ত্রপতি, শ্রী এম. ভেঙ্কয়া নাইদুনা প্রেসকী নীংতম্বদা শিংনরকপা খুদিংমক লৈবাক্কী ইন্তরেস্ততা শোক্নিংঙাইনি অমদি মসিবু মীপুম খুদিংমক্তা অমত্তা ওইনা থেংনমিন্নগদবনি হায়না ঙসি হায়খ্রে।
নেসনেল প্রেস দেগী থৌরমদা প্রেস কাউন্সিল ওফ ইন্দিয়ানা শিন্দুনা ‘কোবিদ-১৯ লাইচৎ মনুংদা মিদিয়াগী থৌদাং অমদি মিদিয়াদা মসিনা পীরিবা চৈথেং’ হায়বা হিরমসিদা পাঙথোকপা ৱেবিনারদা মাঙজৌননা রেকোর্দ তৌরবা ভিদিও পাউজেল অমদা, উপ রাস্ত্রপতিনা হায়খিবদা “মনীং তম্বা অমদি অকিবা লৈতবা প্রেস য়াওদনা দিমোক্রেসী হিংবা ঙম্লোই”।
ভারত্তা প্রেস অসি মতম পুম্নমক্তা দিমোক্রেসীগী য়ুম্ফমবু ঙাক্তুনা অমদি মপাঙ্গল কনহন্দুনা লাক্লি হায়না মহাক্না হায়খি। “”অচৌবা, মনীং তম্বা অমদি মশক মচু থোকপা মিদিয়া অমা হায়বসি দিমোক্রেসী মরা চেৎশিনহনবদা অমদি কন্সতিত্যুসনেল রুল ওফ লোবু মপাঙ্গল কলহন্বদা মনীং তম্বা ৱায়েল পথাপ অমগুম মরুওই”, হায়না উপ রাস্ত্রপতিনা ফোঙদোকখি।
জর্নেলিজমবু অথোইবা খোঙথাংনি হায়না তাক্লদুনা মহাক্না প্রেসপু মীয়ামবু মপাঙ্গল কলহনবগীদমক অমদি লৈবাক্কী ইন্তেরেস্তপু মাঙদা পুখৎপগীদমক্তা থাগৎখি।
অমরোমদসু, শ্রী নাইদুনা মিদিয়াবু মখোয়গী মথৌদা মীচঙ মীখায় নাইদনা, পান্দম চুম্না অমদি মরীক চুম্না পাউদম্নবা পাউতাকসু পীখি। “কা হেনবা মওং মতৌ উৎলোইদবনি অমদি ঈ-পাউবু ৱাখল্লোনগা য়ানশিন্নদুনা পাউদমবগী হৈনবী লাকশিনগদবনি। অদুগা অমুকসু ঐখোয়গী পাউদমবগী মওং অসিদা চাউখৎ থৌরাংগী মফম হেন্না লৈহনবা মথৌ তাই”, হায়না মহাক্না মখা তাখি।
উপ রাস্ত্রপতিনা কোবিদ-১৯ লাইচৎ লাকপদা মাঙজিন থাবা লান্মী অমগুম মথৌ তৌবগীদমক্তা অমদি লাইচৎকী তমথিরবা খুদোংথিবা কয়া থৌশারুদনা থোক্লিবা থৌদোক ৱাথোক পুম্নমক্কী পাউদম লেপ্পা নাইদনা পাঙথোকপগীদমক্তা প্রিন্ত অমদি ইলেক্ত্রোনিক মিদিয়াবু থাগৎপা ফোঙদোকখি।
ঈ-পাউ মীয়ামদা ফংহন্নবগীদমক্তা লেপ্পা নাইদনা হোৎনরিবা পাউমী, কেমেরেমেন অমদি অতৈ খুদিংমকপু ঐনা তৌবিমল খঙবা উৎচরি”, হায়না মহাক্না মখা তাখি।
উপ রাস্ত্রপতিনা লাইচৎ মরকসিদা, “মরুওইনা অরানবা পাউ কয়ানা থল্লবা মতমসিদা” অচুমবা মতমদা অচুমবা পাউদম পীবগী মরুওইবা ৱাফমসু থমখি।
চুম্মী লাল্লি খঙদ্রিবা অমদি মরী মখোঙ লৈতবা ৱাফমশিংদগী নাথৈদুনা লৈবগী মথৌ তাবা ৱাফম থম্লদুনা হায়রিবা হীরম অসিদা মীয়ামবু ৱাখল তাহনবদা মিদিয়াগী চাউরবা থৌদাং লৈ হায়না উপ রাস্ত্রপতিনা হায়খি।
কোবিদ-১৯ নাদুনা লৈখিদ্রবা পাউমী কয়াগী ইমুং মনুংশিংগী মফমদসু মহাক্না অৱাবা ফোঙদোকখি।
কোবিদ-১৯ লাংফম্না মিদিয়া ইন্দস্ত্রীদা পীরিবা চৈথেংগী মতাঙদা পল্লদুনা মসিনা পাউ-চে খরদি মখোয়গী চেফোঙ লেপহন্দুনা দিজিতেল ওইনা ফোঙহল্লি হায়না মহাক্না হায়খি। “প্রিন্ত অমদি ইলেক্ত্রোনিক মিদিয়া অনিমক্তা শিন্মী মশিং হন্থহনবগী নুংঙাইতবা থৌদোকশিং লৈখি”, হায়না শ্রী নাইদুনা মখা তাখি।
অসিগুম্বা খুদোং চাদ্রবা ফীভমসিদা পাউমীশিংবু হন্না য়েংদনা থম্বিরোইদবনি হায়না হায়রদুনা উপ রাস্ত্রপতিনা স্তেকহোল্দর খুদিংমক পুনশিন্নদুনা কোরোনা ভাইরসনা পুরক্লিবা তোপ তোপ্পা ফীভমসিদা অনৌবা পাম্বৈশিং থিমিন্ননবা ৱাফম থমখি।
লাইচৎ অসিনা মিদিয়া লূপশিংবু কোমথোক কোমশিন য়াবা অমদি তুং কোইগদবা লল্লোন ইতিক্কী মওং লৌশিনবগী মথৌ তাবা হেনগৎহল্লে হায়বা ৱাফম থম্লদুনা শ্রী নাইদুনা মী কয়া য়ুমদগী হেন্দোক্তনা লৈরি অমদি খ্বাইদগী নৌবা ঈ-পাউ ফংননবা অমদি খুন্নাইগী অমগা অমগা ৱারী ৱাতায় শানবা ৱাৎপগী তোখাই তারকপা ফীভমবু থেংননবা মিদিয়া অমদি এন্তরতেনমেন্ত ইন্দস্ত্রীদা মীৎয়েঙ চঙলকপা অসুম অসুম হেনগৎলক্লি।
রমায়ন অমদি মহাভারত অমুক হন্না শন্দোকপদা মীয়াম্না পাম্নখিবা অদুবু খুদম ওইনা পল্লদুনা, উপ রাস্ত্রপতিনা মিদিয়া ইন্দস্ত্রীবু মখোয়বু য়েংলিবা মীওইশিংগী মশিং হেনগৎহন্নবা অমদি মখোয়গী শেলথুমগী ফীভম মশা মউ ফনা থম্নবগী অতোপ্পা পাম্বৈশিং থিনবা ৱাফম থমখি।
মখাদা পীরিবা অসি উপ রাস্ত্রপতিনা পীখিবা মপুং ফাবা ৱারোলনি-
“নেসনেল প্রেস দেগী থৌরমসিদা মিদিয়াগী মরুপ মপাঙ খুদিংমক্তা য়াইফ পাউজেল পীজরি!
ভারত্তা প্রেসনা মতম পুম্নমক্তা দিমোক্রেসীগী য়ুম্ফম ঙাক্তুনা অমদি মপাঙ্গল কনখৎহন্দুনা লাক্লি। অচৌবা, মনীং তম্বা অমদি মশক মচু থোকপা মিদিয়া অমা হায়বসি দিমোক্রেসীবু মরা চেৎশিনহন্নবা অমদি কস্তিত্যুসনেল রুল ওফ লোবু মপাঙ্গল কনখৎহন্নবগীদমক্তা মনীং তম্বা ৱায়েল পথাপ অমগুম মরু ওই।
‘কোবিদ-১৯ লাইচৎ মনুংদা মিদিয়াগী থৌদাং অমদি মসিনা মিদিয়াদা পীরিবা চৈথেং’ হায়বা হীরমসিদা পাঙথোক্লিবা ৱেবিনার অসিগী খুত্থাঙদা অদোম পুম্নমক্না থেংনরিবা খুদোংচাদবশিং নৈননবা খ্বাইদগী চুনরবা হীরম অমা খনবগীদমক্তা প্রেস কাউন্সিল ওফ ইন্দিয়াবু ঐনা থাগৎচরি।
লাইচৎ অসিনা পীরিবা খুদোংথিবা ফীভম কয়াবু নাচুংদনা, প্রিন্ত অমদি ইলেক্ত্রোনিক মিদিয়াগী পাউমীশিংনা মাঙজিন থাবা লান্মী অমগী শক্লোন লৌদুনা লৈবাকসিদা অমদি মপান লৈবাক্তা থোক্লিবা থৌদোক ৱাথোক পুম্নমক্কী পাউদম লেপ্পা নাইদনা ফংহল্লি।
পাউ খোমজিনবা মতমদা, পাউমী কয়া লাইবক থিদুনা কোবিদ-১৯ নারক্তুনা লৈখিদ্রে অদুগা পাউমী লিশিং কয়াবুনা নোভেল কোরোনা ভাইরস অসিনা নাহল্লি। কোবিদ-১৯ নাদুনা লৈখিদ্রবা পাউমীশিংগী ইমুং মনুংশিংগী মফমদা ঐনা অৱাবা ফোঙদোকচরি।
লোকদাউন লাউথোকখ্রবা মতুংদা লৈবাকসিদা থবক থৌরম খুদিংমক চপ লেপ্তুনা লৈখিবা মতমদা তি.ভি. চেনেলশিংনা মীয়ামদা লাইচৎগী মতাঙদা খ্বাইদগী নৌবা ঈ-পাউশিং পীখি। হেন্না মরু ওইরিবদি, প্রিন্ত অমদি তি.ভি. চেনেলশিংনা কোবিদ-১৯গী মতাঙদা অমদি মসি থেংননবা চেকশিন থৌরাং লৌখৎপগী মতাংদা মীয়ামবু ৱাখল তাহনবদা মমল নাইদ্রবা থৌদাং য়াখি।
অসিগুম্বা ফীভমসিদা, মরুওইনা অরানবা পাউ কয়ানা থল্লবা মতমসিদা, অচুমবা পাউদম মতম চানা তমবা য়াম্না মরুওই। মীয়ামসু লাল্লি চুম্মী খঙদ্রিবা অমদি মরী মখোঙ খঙদবা ৱাফমশিংদগী নাথৈদুনা লৈবা মথৌ তাই। হীরম অসিগী মতাঙদা মীয়ামবু ৱাখল তাহনবদা মিদিয়াগী চাউরবা থৌদাং লৈ।
মীয়ামদা ঈ-পাউ ফংহন্নবগীদমক্তা লেপ্পা নাইদনা হোৎনরিবা পাউমী, কেমেরামেন অমদি অতৈ মীওই খুদিংমকপু ঐনা তৌবিমল খঙবা উৎচরি।
অদুগা কোবিদ-১৯ লাংফম্না খ্বাইদগী শাথিনা শোকহল্লবশিংগী মরক্তা মিদিয়া ইন্দস্ত্রীসু অমনি হায়বসিসু অচুমবা ৱাফম্নি। সোসিএল দিস্তেন্সিংগী চৎন-কাঙলোন্না মরম ওইরগা লৈবাক শিনবা থুংনা লাইভ থৌরম কয়া তোক্নখি অমদি ত্রাভেল অমদি হোস্পিতালিতীনচিংবা সেক্তরশিং শাথিনা শোকহনখি।
মসিনা মরম ওইরগা, পাউ-চে খরদি মখোয়গী চেফোঙ লেপ্তুনা দিজিতেল ওইনা ওন্থোকখি। প্রিন্ত অমদি ইলেক্ত্রোনিক মিদিয়া অনিমক্তা শিন্মীশিং লৌথোক লৌশিন তৌবগী লাইবক থিরবা থৌদোকশিং লৈখি।
হায়রিবা শিংনবা অসি থেংননবগীদমক্তা ঐখোয়গী অপুনবগী পাঙ্গল শিজিন্নবা মথৌ তাই। পাউমীশিং খুদোংচাদ্রবা মতমসিদা হন্না য়েংবিদনা থমবা য়ারোই। ঐনা স্তেকহোল্দর পুম্নমক্কী মফমদা পুন্না খুৎশম্নদুনা কোরোনা ভাইরসনা থোকহল্লিবা তোপ তোপ্পা ফীভমসিগী অনৌবা পাম্বৈশিং থিমিন্ননবা ৱাফম থমজরি।
লাইচৎ অসিনা পোত্থোক শীজিন্নরিবশিংগী মওং মতৌদসু অহোংবা পুরক্লি। মীওই কয়ানা দিজিতেল ফম্পাক্তা হোংলক্তুনা পাউ-চে লৌবগী চাং হন্থরক্লি। পাউ-চেগী ইন্দস্ত্রীনসু অহোংবা অসিগী পাউখুম ওইনা দিজিতেল কন্তেন্ত হেন্না পুথোরক্লি হায়বা ঐ খঙই। অদুবু দিজিতেল প্রজেন্স মশক থোক্না লৈজদবা রিজনেল পাউ-চেশিংদি শাথিনা শোকহল্লি অমদি মখোয়বু ওনলাই ফম্পাক্তা হোংলকপগী মতমসিদা লমজিংবিবা মথৌ তাগনি।
নুংশিরবা ইচিন ইনাউশিং,
লাইচৎ অসিনা মিদিয়া লূপশিংবু কোমথোক কোমশিন য়াবা অমদি তুং কোইগদবা লল্লোন ইতিক্কী মওং মতৌ শীজিন্নবগী মথৌ তাবা হেনগৎহল্লে। মিদিয়া ইন্দস্ত্রীদা শাথিবা চৈথেং পীরবসু কোবিদ-১৯ লাংফম অসিনা তোঙান তোঙানবা তাঞ্জা কয়াসু পুরক্লি। মীওই কয়ানা য়ুমদগী হেন্দোক্তনা লৈরি অমদি খ্বাইদগী নৌবা ঈ-পাউ অমদি খুন্নাইগী ওইবা ৱারী ৱাতায় শানবা ৱাৎপনা ওইহল্লক্লিবা তোখায় তাবগী ফীভম অসি থেংননবগীদমক মিদিয়া অমদি এন্তরতেনমেন্ত ইন্দস্ত্রীদা হেন্না মীৎয়েং চঙলক্লি। রমায়ন অমদি মহাভারত অমুক হন্না শন্দোকপদা চাউনা মায় পাকখিবা অদুমক তরু তরুবা খুদম অমনি। মিদিয়া ইন্দস্ত্রীনা হায়রিবা হেনগৎলক্লিবা মীয়ামসিবু লোকশিনহৌনবা অমদি মখোয়গী শেলথুমগী ফীভম মশা মউ ফনা থম্নবগীদমক অতোপ্পা পাম্বৈশিং থিজিনবা মথৌ তাই।
নুংশিরবা মরূপশিং,
ঐনা মতম পুম্নমক্তা হায়বা ৱাফমদি জর্নেলিজম হায়বসি ইচম চমবা শিনফম অমা নত্তে অথোইবা খোঙথাঙ অমনি। মীয়ামবু মপাঙ্গল কলহনবদা অমদি লৈবাক্কী ইন্তরেস্তপু মাঙদা পুখৎপদা প্রেসনা মতম পুম্নমক্তা মশক থোকপা থৌদাং য়াদুনা লাক্লি। মনীং তমবা অমদি অকিবা লৈতবা প্রেস য়াওদনা দিমোক্রেসী হিংবা ঙম্লোই। মরম অসিনা প্রেসকী নীংতম্বদা শিংনরকপা হায়বসি লৈবাক্কী ইন্তরেস্ততা শোক্নিংঙাই ওই অমদি মসিবু মীয়াম্না অমত্তা ওইনা থেংনমিন্নগদবনি।
মিদিয়ানসু পাউ তমবা মতমদা মীচঙ মীখায় নাইদন, পান্দম চুম্না অমদি মরীক চুম্না পাউদমবা মথৌ তাই। কা হেনবা মওং মতৌ উৎলোইদবনি অমদি পাউগা ৱাখল্লোনগা য়ানশিন্নবগী হৈনবী থাদোক্কদবনি। অদুগা ঐখোয়গী ঈ-পাউ তমবদা চাউখৎ থৌরাংগী মফম হেন্না কনবগী মথৌ তাই।
অরোইবদা, ঐনা মিদিয়াগী মরূপ পুম্নমকপু কত্থোকপা অমদি খোঙফম চেৎনা লৈবাক্কী থৌগল তৌবগীদমক্তা অমুক্কা হন্না থাগৎপা ফোঙদোকচরি।
অদোম পুম্নমকপু থাগৎচরি।
জয় হিন্দ!”
*****
(Release ID: 1673267)
Visitor Counter : 191