কাউন্সিল ওফ সাইন্তিফিক এন্দ ইন্দস্ত্রিএল রিছর্চ (সি.এস.আই.আর.)গী শরুক অমা ওইরিবা চেন্নাইদবা লৈবা লেবোরেতরী স্ত্রকচরেল ইঞ্জিনিয়রিং রিছর্স সেন্তর (এস.ই.আর.সি.)না ত্রান্সমিসন লাইন তৱারশিং য়ারক্তবা মতমদা থুনা পৱার ত্রান্সমিসন হঞ্জিলহল্লক্নবা লমদমসিগী ওইবা তেক্নোলোজী, ইমর্জেন্সী রিত্রাইভেল সিস্তেম (ই.আর.এস.) অমা পুথোক্লে‍। সি.এস.আই.আর.-এস.ই.আর.সি.না ই.এস.আর. তেক্নোলোজী অসিগী লাইসেন্সিংগীদমক্তা এম./এস. অদবৈত ইন্ফ্রাতেক, অহমদবাদকা য়ানচে অমা খুৎয়েক পীনখ্রে‍।

হৌজিক্কী ওইনা ই.আর.এস. সিস্তেম মপান্দগী পুশিল্লক্লি‍। মসি পুথোকপা মশিং মালেমসিদা খরখক্তমক লৈ অমদি মসিগী মমল য়াম্না ৱাংই‍। তেক্নোলোজী অসি শেমগৎপসিনা অহানবা ওইনা ভারত্তা পুথোকচবা ঙমহন্দুনা মরুওইবা মহুৎ শিন্দোক্নবগী মচাক অমা ওইরগনি অমদি মপান্দগী পুশিল্লকপা সিস্তেমদগী চাদা ৪০গী চাংদা মমল হন্থগনি‍। ই.আর.এস. অসি ভারত লোয়ননা সার্ক অমদি অফ্রিকান লৈবাকশিংগী কৈথেলদা চাউনা মথৌ তাই‍। মরম অসিনা তেক্নোলোজী অসি শেমগৎপা অসিনা মরোমদোম লেপচবা ভারত অমদি মেক ইন ইন্দিয়াগী লমজেলদা অচৌবা খোঙথাঙ অমা ওইরে‍।

ই.আর.এস. অসি সাইক্লোন/য়ুহা হাবনচিংবা মহৌশাগী খুদোংথিবা থোকপদা নৎত্রগা মীওইবগী থৌওংনা অপনবা পীদুনা ত্রান্সমিসন লাইনদা য়ারক্তবা মতমদা খুদক্তা হান্নগুম মৈ পীহন্নবা মতম খরগী ওইবা ঙাক্লৌগী স্ত্রকচরনি ওইনা শীজিন্নবা অয়াংবা অনৌবা মওংগী সিস্তেম্নি‍। অসিগুম্বা খুদোংথিবা থোকপা মফমশিংদা নীংথিনা মৈ পীবা য়াননবা শেমজিনবদা চয়োল কয়া চঙগদবা মফমদা মী পীননবা নুমিৎ ২-৩নিদা থুনা মফমদুনা পানখৎপা য়াই‍। পুথোক্লিবা তেক্নোলোজী অসি ত্রান্সমিসন লাইন য়ারক্তবা মতমদা মীচম মীয়ামগী পুন্সিদা শাথিনা চৈথেং পীবা অমদি পৱার কম্পেনীশিংদা শেল চাউনা মাঙবা মরম্না য়াম্না মরুওই‍। মপুং ফানা য়াদবা/অমাঙ অতা থোকপা হায়বসি মৈ মুৎপগী মতমগা হকথেংননা মরী লৈনবা মরম্না য়াদ্রিবা/অমাঙ অতা থোক্লিবা স্ত্রকচর অসু হান্নগী ফীভমদা তারক্নবা শেমজিনবদা মতম হায়বসি য়াম্না মরু ওই‍।

য়াম্না ৱাংনা স্তেবল ওইবা উপুগী সেক্সনগী মওং মতৌদা শাবা ই.;আর.এস. অসি য়াংই, অনৌবা মখলগী ওই অমদি হঞ্জিন হঞ্জিন শীজিন্নবা য়াই‍। মসিনা তোঙান তোঙানবা লৈবাক লৈহাউ মখলদা মেম্বর কন্নেক্সনদগী ফাউন্দেসন ফাওবগী মপুং ফাবা সোলুসন পী‍। সিস্তেম অসি অকনবা স্ত্রকচরেল চাংয়েংগী খুত্থাঙদা ভেরিফাই তৌই‍। খুদোংথিবা থোক্লিবা মফমদা ই.আর.এস. পানখৎনবা অমদি হাপচিন্নবগীদমক বেসিক নোলেজ অমদি খুৎশু খুৎলায়খক্তমক মথৌ তাই‍। তোঙান তোঙানবা ভোলতেজ ক্লাসকী ত্রান্সমিসন লাইগা চুননা শেমদোক শেমজিন তৌবা য়াই‍। সিস্তেম অসি য়াম্না চাউদবা অদুবু য়ুংখৎলবা মতমদা মপুং ফানা মথৌ তৌবা ঙম্বা মওংনি‍। মসি কে.ভি. ৩৩দগী ৮০০ ফাওবগী পৱার লাইনগী থাক্তা চাউখৎহনবা য়াননবা শেমবনি অমদি অমাঙ অতা থোকপদা খুন্নাইবু হান্নগী ফীভমদা লায়না হঞ্জিল্লকপা ঙমহনবদা মতেং ওইগনি‍।

য়ানচে অদু সি.এস.আই.আর.-এস.ই.আর.সি., চেন্নাইগী দাইরেক্তর প্রোফেসর সান্তোস কাপুরিয়া অমদি সেন্ত্রেল ইলেক্ত্রিসিতী ওথোরিতী, নই দিল্লীগী চীফ ইঞ্জিনিয়র (সি.এস.ই. অমদি তি.দি.) শ্রী এস.কে. রে মোহাপত্রা য়াওবা থৌরম অমদা খুৎয়েক পীনখি‍।

পুথোক্লিবা ই.আর.এস.কী চাউরাকপা মশক মওং

সি.এস.আই.আর.-এস.ই.আর.সি.না ই.আর.এস. তেক্নোলোজীগী লাইসেন্সিংগী য়ানচে এম./এস. অদবৈত ইন্ফ্রাতেক, অহমদবাদকা সি.এস.আই.আর.-এস.ই.আর.সি., চেন্নাইগী দাইরেক্তর প্রোফেসর সান্তোস কাপুরিয়া অমদি সেন্ত্রেল ইলেক্ত্রিসিতী ওথোরিতী, নই দিল্লীগী চীফ ইঞ্জিনিয়র (সি.এস.ই. অমদি তি.দি.) শ্রী এস.কে. রে মোহাপত্রা য়াওবা নই দিল্লীদা থৌরম অমদা খুৎয়েক পীনখি‍।

*****