লদাখকী ল্যুতনেন্ত গবর্নর শ্রী আর.কে. মাথুরবু ঙসি স্তেতকী য়ুনিয়ন মিনিস্তর (ইন্দিপেন্দেন্ত চার্জ), দিবলপমেন্ত ওফ নোর্থ ইস্ত্রন রিজন (দি.ও.এন.ই.আর.) এম.ও.এস. পি.এম.ও., পর্সোনোল, পব্লিক গ্রীবেন্স, পেন্সন, এতোমিক ইনর্জি অমসুং স্পেস, দাঃ জিতেন্দ্রা সিংহনা কৌদুনা পন্দুনা লৈবা হীরম কয়াদা ৱারি শান্নখ্রে। ল্যুতনেন্ত গবর্নরনা য়ুনিয়ন মিনিস্তরনা হৌজিক ওইরিবা এল.এ.ঐচ.দি.সি. মীখলগী মতাং অমসুং সেন্ত্রেলনা পীরিবা ফন্দ প্রোজেক্তশিং অসিগী মতাংদা ময়েক শেংনা তাকখি।

দাঃ জিতেন্দ্রা সিংহনা শ্রী মাথুরবু মহাক্না মায় পাক্না অমসুং ইং-চিক্না এল.এ.ঐচ.দি.সি. মীখল পাংথোকখিবা অসিদা থাগৎপা ফোংদোকখি অমসুং হায়রিবা অসি প্রধান মন্ত্রী শ্রী নরেন্দ্র মোদীনা থাগৎপা ফোংদোকখি হায়বা অসিশু খংহনখি। মহাক্না হায়খি মদুদি মসিগী মীখল অসি লদাখনা য়ুনিয়ন তেরিতোরি ওইবদগী অহানবা ওইবনা মরুওইবা মশক থোকপা ওইরি।

প্রোজেক্ত কয়া অমগী ৱারি শান্নবা অসিদা, দাঃ জিতেন্দ্রনা হায় মদুদি প্রধান মন্ত্রী শ্রী নরেন্দ্র মোদীনা লাদাখকীদমক অমসুং মসিগী অকোইবদা লৈরিবা মফমশিং অসিদা খ্বাইদগী ৱাংনা পীফম থোকপা পীরি। মহাক্না হায় মদুদি মোদী সরকারনা লদাক্তা য়ুনিভর্সিতি অমা, মেদিকেল কোলেজ অমা অমসুং ইঞ্জিনিয়রিং কোলেজ অমা পীবা অসিনা অহানবনি ।

দাঃ জিতেন্দ্র সিংহনা ল্যুতনেন্ত গবর্নরনা অমুকশু খংহল্লি মদুদি সি.এস.আই.আর. (কাউন্সিল ওফ সাইন্তিফিক অমসুং ইন্দস্ত্রীএল রিসর্স) দাঃ শেখার মান্দেনা থৌরাং চাওনা লৈরিবা মমিং লৈরবা লাদাখকী হৈগী পোত্থোক “লাদাখ বেরি” হায়না খংনবা অমসিদা ব্যুজিনেস তৌবা য়াগনি।

শ্রী মাথুরনা দাঃ জিতেন্দ্রাদা “কার্বোন ন্যুত্রেল”গী প্রধান মন্ত্রীনা লাওথোকলম্বা অসিগী পোলিসি অমসুং থৌরাং কয়া অসি পীখি। মহাক্না মিনিস্তর অসিদা খংহনখি মদুদি য়ুনিয়ন তেরিতোরি সরকার অসি খুমাং চাওশিন্নবা থবক থৌরম কয়া অমা পায়খৎলি। মহাক্না “লদাখ মিয়েং ২০৫০” হায়বা অসিগী থৌরাং কয়া অমসু উৎখি।

ল্যুতনেন্ত গবর্নরনা লদাক্কী অখন্নবা করোর ৫০গী পেক্কেজ অমসু পুথোকখি অমসুং মহাকনা হায়খি মদুদি অসিগুম্বা প্রোজেক্তশিং অসি সেন্ত্রেল সরকারনা পীরকপা অসি মফম অসিদা অহানবনি। মহাক্না হায় মদুদি লদাখকী মফমদা মসিনা অহানবা লম্বী অমা চৎনবগী খোঙথাং ওইরগনি।

শ্রী মাথুরনা দাঃ জিতেন্দ্রা সিংহবু মহাক্কী লেপ্পা লৈতবা মতেং অমসুং লদাখ অসিগী থবক থৌরম কয়াদা য়াওবিবা অসিগীদমক থাগৎপা ফোংদোক্লি।

<><><><><>