ইন্দিয়াগী ভাইস প্রসিদেন্ত, শ্রী এম. ভেঙ্কায়া নাইদুনা ঙসি ঈশিং তুংশিন্নবা ‘জন অন্দোলন’ থম্নবা হায়খ্রে অমসুং মীয়াম পুম্বা শরুক য়াদুনা হায়রিবা অসি মায় পাক্না চংশিনবদা মরু ওই হায়না খংহনখ্রে। ইন্দিয়া হায়বা অসি য়াম্না পাক চাওবা লৈবাক অমনি অমসুং মীয়ামগী মতেং য়াওদনা করিগুম্বা অমত্তা মায় পাকপা ঙম্লোই হায়না মহাক্না হায়খি।

২শুবা নেস্নেল ৱাতর এৱার্দ সেরেমোনিদা ৱাহৌদোক ওইনা ভর্চুএলি ৱা ঙাংবদা ভাইস প্রেসিদেন্তনা মতৌ করম্না স্বচ্ছ ভারত অভিয়ান অসি মীয়ামগী ওইবা ইহৌ ওইখি হায়বা অসি থমখি অমসুং মহাক্না আর্বান দিবলপমেন্ত মিনিস্তর ওইরিঙৈদা মসি হৌদোকখিবা অসিদা থেংনরকখিবা অসি হায়খি।

“ঐখোয়না ইকাই খুম্নরবা প্রধান মন্ত্রী শ্রী নরেন্দ্র মোদীগী অনৌবা ৱাখল্লোলগী থবক কয়া পায়খৎপা থেংনরি। হায়রিবা অসি মীয়াম্না শরুক য়াবা অমসুং থৌবু কয়া অমশু য়াওশিল্লকপা অসিনা মাংজিল থাবনি” হায়না শ্রী নাইদুনা মখা তাখি।

চেকশিন্নবা হায়দুনা মহাক্না হায়খি মদুদি ঈশিং লেম্না মাংহনবা অমসুং ঈশিং অসি তুংশিনবা অসিগা খোঙথাং লৌখৎত্রবদি তুংদা ঈশিং ফংদবগী অৱাবা কয়া মায়োক্নরক্কনি। মহাক্না মখা তানা ঈশিং অসি লোইবা নাইবা অমসুং মসি নিংথিনা শিজিন্নবা পাওজেল কয়া পীখি।

মালেমদা ফংলিবা ঈশিং অসিদা ৩% খক্তনি থুমহি চেন্দবা ঈশিং অসি অমসুং মসিদা 0.৫% খক্তনি থক্নবা ঈশিং ফংলিবা অসি, হায়না মহাক্না হায়খি। “ঈশিং অসি কনবা অমসুং তুংশিনবা অসি প্রজা খুদিংগী তৌফম থোকপা থৌদাং অমনি। হৌজিক্কী মতমদা হোংবা নাইবা চংলিবা অসি পুন্সি মহিং অসিনি অমসুং ঈশিং তুংশিনবা অসিনা পুন্সি মহিংগী লম্বী অমনি হায়না শ্রী নাইদুনা মখা শমথখি।   

ঈশিং অসি য়াম্না লিকপা মহৌশাগী ললনি হায়না শন্দোক্না তাক্লদুনা মহাক্না হায় মদুদি লৈবাক অসিগী কাচিন-কোয়া খুদিংদা মসি য়োক্নবা পাওজেল পীরি। ঈশিংগী ইরিক খুদিংমক কন্দুনা থমগদবনি হায়বা পল্লদুনা মহাক্না হায় মদুদি “মীওইবা অসিনা অৱাবা তাদ্রিঙৈদা মীপুম খুদিংনা ৱাখল তাম্মিন্নবা মথৌ তাই” হায়না মহাক্না হায়খি।

মতিক চাবা মীয়ামদা পাওজেল পীদুনা ঈশিং য়োকপা অসিগী মরুওইবা খংহনগদবনি হায়রদুনা মহাক্না হায়খি মদুদি স্কুলশিং, কোলেজশিং, য়ুনিভর্সিতিশিং, এন.জি.ও.শিং অমসুং লৈকাইশিং অসি হকথেংননা শরুক য়াগদবনি।

হৌজিক ওইরিবা পাবদা চংগদবা ঈশিং অসি চহিদা চাওরাক্না ক্যুবিক মিতর বিল্লিয়ন ১১০০নি অমসুং ২০৫০দদি ক্যুবিক মিতর বিল্লিয়ন ১৪৪৭ হায়না পানরি। মহাক্না মখা তানা হায়খি মদুদি মীশিং হেনগৎলকপা, সহর মশিং য়ামখৎলকপা, ইন্দস্ত্রী অমসুং লৌউ-শিংউবা হেনগৎলকপা অসিনা ঈশিং শিজিন্নবা হেনগৎলক্লি।

শ্রী নাইদুনা হায়রি মদুদি ঈশিং লিক্না শিজিন্নবা অসিনা য়ুম-য়ুমদা, ওফিস অমসুং লৌদা ঈশিং পীবা হন্থহন্দুনা ইনর্জি হন্থহল্লি। “মসিনা মরম ওইদুনা পোলুসন অসিশু হন্থহনগনি” হায়না মহাক্না হায়খি।

মহাক্না হায় মদুদি জল শক্তি আভিয়ান্না পান্দম থম্লিবা অসি জন অন্দোলনগী মতুং ইন্না ঈশিং তুংশিনবা অসিনি।

তামিল নাদু, মহারাস্ত্রা অমসুং রাজস্থান য়াওনা মায় পাকখ্রবাশিং অসিদা থাগৎপা ফোংদোক্লদুনা হায়খি মদুদি মখোয়না তৌখিবা অফবা থবক অসি খক্তা নত্তনা পান্দম থম্লিবা অসি থৌবু কয়া অমসু পুমক্নিং থৌগৎলগনি।

দিস্ত্রীক্তকী এদমিনিস্ত্রেসন অমসুং পনচায়ৎশিংনা তৌখিবা থবকশিং অসিদা শ্রী নাইদুনা হায় মদুদি মহৌশাগী লল কনবা অমসুং য়োকপা অসিদা লৈকাইগী থৌ পুবশিং অসিনা থৱায় য়াওবা উৎলি। “ঐহাক্না থাজৈ মদুদি থৌরাং অমা তৌবদা খাইদোক্নরগা তৌবা অসিনা অচৌবা থৌদাং লৌরি” হায়না মহাক্না মখা তাখি।

ভি.পি.না ম্যুনিসিপালিতিশিং অমসুং অতৈ অতোপ্পা লোকেল বোদীশিংদা নোংগী ঈশিং য়োক্নবা অনৌবা শাবা য়ুম খুদিংদা হাপকদবনি হায়না হায়খ্রে।

ঈশিং নিংথিনা শিজিন্নবা ঈশিং থমফম চাওখৎনবা পুক্নিং থৌগৎপা অসিদা মহাক্না হায়খি মদুদি “রিদ্যুস, রিয়ুস অমসুং রিসাইকল অসি মতুং তাবা জেনেরেসন অসিগীদমক লেংদবা প্লানেৎ অমা ওইনবা ৱাহৈ ওইহনগদবনি”।

জল শক্তিগী মিনিস্তর শ্রী গাজেন্দ্র সিংহ শেখৱাত, জল শক্তিগী মিনিস্ত্রীগী মিনিস্তর ওফ স্তেত শ্রী রতন লাল কাতারিয়া, জল শক্তিগী মিনিস্ত্রীগী সেক্রেতরী দাঃ অনিল জোশী, এনভাইরোনমেন্তালিস্ত শ্রী রাজীব রঞ্জন মীশ্রা, দি.জি. নেস্নেল মিসন ফোর ক্লিন গঙ্গা, এৱার্দ ফংখ্রবা স্তেতকী মীহুৎশিং, ওর্গানাইজেসন অমসুং এৱার্দিশিংনা থৌরম অসিদা শরুক য়াখি।

****