দোক্তরশিং শাফনা লৈহন্নবা অমসুং কোবিদ-১৯গী অৱাবা অসিগী তোপ-তোপ্পা খুদক্কী ওইবা মথৌ তাবশিংদা মতেং পাংনবা মওং অমদা মেদিকেল ইক্বিপমেন্ত দিজাইন তৌবা য়াবরা?

সাইন্স অমসুং তেক্নোলোজীগী বিভাগ (দি.এস.তি.)না শৌগৎপা স্তার্ত-অপশিংনা দোক্তরশিংনা অনাবা মীওই শোক্তনা স্তেথোস্কোপ শীজিন্নবা য়াবা, ওক্সিজেন কন্সেন্ত্রেতরনা হোস্পিতালশিংদা মখোয়গী ইন-হাউস ওক্সিজেন পুথোকপদা মতেং পাংবা য়াবা অমদি পোর্তেবেল অমসুং এপ-কন্ত্রোল আই.ও.তি. (ইন্তর্নেৎ ওফ থিংস)তা য়ুম্ফম ওইবা ভেন্তিলেতর সিস্তেমগী লম্বী পুথোক্লি।

ভারতকী মেদিকেল দিবাইজ শারিবা অমসুং ইন্দিজিনস ওতোমেসন কম্পনী কয়ানা লাইচৎ অসি শীংনবা অমা ওইনা লৌদুনা ভেন্তিলেতরগী অনৌবা দিজাইনশিং, অনাবা মীওইশিং শোক্নদনা দাইগ্নোসিস তৌনবা অমসুং মোনিতর তৌনবা পোর্তেবল রেস্পিরেতরী এদশিং নত্রগা দিবাইজশিং পুথোকখি।

ভারত সরকারগী সাইন্স অমসুং তেক্নোলোজী বিভাগ (দি.এস.তি.)না মখোয়গী সেন্তর ফোর ওগমেন্তিং ৱার ৱিথ কোবিদ-১৯ হেল্থ খ্রাইসিস (কৱাছ)কী খুত্থাংদা হৌজিক দিপ্লোই তৌনবগী থাক্তা মখোয়গী প্রদক্তশিং য়ৌহনবা ঙমখ্রবা কম্পনী ৫দগী অনৌবা ভেন্তিলেতর, রেস্পিরেতরী এদশিং অমসুং অতোপ্পা ভাইতেল মেদিকেল ইক্বিপমেন্তগী থীজিনবা, ইভাল্যুএৎ তৌবা অমসুং শৌগৎপগী থবক হৌখি।

আই.আই.তি. বোম্বেগী সোসাইতী ফোর ইন্নোবেসন এন্দ ওন্তর্প্রিনোরশিপ (এস.আই.এন.ই.)দা ২০১৭দা ইনক্যুবেৎ তৌখিবা আয়ু দেবাইসেসনা দোক্তরশিংনা অনাবা মীওইদগী লাপ্না লৈরগা মখোয়গী হর্ত অমসুং লংসকী মখোল তাবদা মতেং পাংগদবা দিজিতেল স্তেথোস্কোপ অমা দিবেলপ তৌখি। দিবাইজ অসিনা মান্নবা মখোলশিং খঙদোকই অমসুং অনাবা মীওই অদু দাইগ্নোস তৌবদা মতেং পাংঙি। মসি ব্লুতুথ রেঞ্জ অদু হেনগৎহন্নবা ৱায়রলেস মোদ্যুল ওইনা দিজাইন তৌখি অমসুং লাপ্না লৈরগা কন্ত্রোল তৌবদা মতেং পাংঙি। অমরোমদা হৌজিক লৈরিবা দিজিতেল স্তেথোস্কোপ অসিনা স্মার্তফোন ব্লুতুথ শীজিন্নৈ, দেতাগী রেঞ্জ অমসুং কনসিস্তেন্সী হেনগৎহন্নবা মখোয়গী দিবাইজ অসিনা অহেনবা ব্লুতুথ মোদ্যুল অমগা লোইননা মথৌ তৌরি। মসিদা ফিল্তরশিং ফিৎ তৌদুনা ও.পি.দি.শিংদা য়াম্না লাংবা ভারতকী ক্লিনিকেলগী মফমশিং অসিদা শীজিন্নবা য়াবা মখোল ময়েং শেংনা তানবা অতোপ্পা লাংবগী খোঞ্জেল লৌথোক্লি। মসিনা দোক্তরশিংনা পি.পি.ই.শিং. শেৎলবসু চুম্নগী স্তেথোস্কোপ  শীজিন্নবা ওইথোক্তবা অদু মসি শীজিন্নদুনা থাবাক্কী মীহুল তাবা ঙমহল্লি।

মখোয়না মেন্যুফেকচর তৌবা হেনগৎতুনা মথৌ তাবা হেনগৎলক্লিবা অসিদা মতেং পাংনবা অমসুং তেলিমেদিসিন সেকমেন্তগীদমক্তা স্তেথোস্কোপ অসি মাই পাক্না কম্মর্সিএলাইজ তৌখ্রে।

অম্বালাদা বেজ তৌবা ৱালনৎ মেদিকেলকী পোর্তেবল ওক্সিজেন কন্সেন্ত্রেতর অমনা হোস্পিতালশিংদা ইন-হাউস ওক্সিজেন পুথোকপদা মতেং পাংলি। মসি ওক্সিজেন লেবেল মোনিতর তৌনবা হৈশিংনা শেম্লবা ক্লোস লুপ সিস্তেম অমনি অমসুং অনাবা মীওইগী মথৌ তাবগী মতুং ইন্না ওক্সিজেন মরাং কাইনা ফংহল্লি। মসি ভারত্তা শাজবা অহানবা ওক্সিজেন কন্সেন্ত্রেতরনি অমসুং হাইপরোসিয়া নাবা মীওইশিং ঙাক্থোক্নবা ওতোমেতেদ ওক্সিজেন ফ্লো তেক্নোলোজীগা লোইননা ফিৎ তৌখ্রে।

দি.এস.তি.না মতম চানা শৌগৎপীবা অসিনা মখোয়না লিতর ৫ অমসুং লিতর ১০গী ওক্সিজেন কন্সেন্ত্রেতর মোদেলশিং অমসুং ওক্সিমিতর পুথোকপদা মতেং পাংলি। ওক্সিজেন কন্সেন্ত্রেতরশিং শাবদা অচৌবা মোল্দশিং চংঙি অমসুং শৌগৎপীরকপা অসিনা মখোয়না ক্বালিতী লৈবা মোল্দশিংদা ইনবেস্ত তৌবা ঙমহন্দুনা জপান, য়ু.এস.এ. অমসুং চিনানা পুথোকপা প্রদক্তশিংগা লম্বা তৌবা ঙমহনখি। আই.আই.তি. দিল্লী ইনক্যুবেসন তিমনা তেক্নোলোজী অসি হেন্না খুমাং চাউশিন্নবা মখোয়গী থবক তৌমিন্নখি।

ৱালনৎ মেদিকেলনা নবেম্বর লোইশিল্লকপদা সরকারগী হোস্পিতালশিংদা ওক্সিজেন কন্সেন্ত্রেতর ৫০ দোনেৎ তৌগনি অমসুং মতুংদা মার্কেৎতা প্রদক্তশিং অসি লোঞ্চ তৌগনি।

পুনেদা বেজ তৌবা নোক্কা রোবোতিক্সনা ইনবেসিব অমসুং নন-ইনবেসিব অনিমক্তা ওপরেৎ তৌবা য়াবা, প্রেসর-কন্ত্রোল মোদ ওইবা অমসুং ৱাত তানা মথৌবা তাবা সোলর পাৱর ওইবা ভেন্তিলেতর অমা দিবেলপ তৌখি। মসি মেদিকেল এয়রলাইন অমসুং ওক্সিজেন লোইননা এম্বিয়েন্ত এয়র অমসুং ওক্সিজেনদা মথৌ তৌই অমসুং মসিদা এপ বেজ কন্ত্রোল অমসুং আই.ও.তি. ইনেবল সিস্তেম য়াওরি।

হাইদ্রবাদতা বেজ তৌবা এরোবাইওসিস তেক্নোলোজীসনা স্মার্ত বেন্তিলেসন সিস্তেম অমা ফংহল্লি। মসি পোর্তেবল ওই, শেল চংদে, আই.ও.তি.-ইনেবল ওই অমসুং লিথিয়ম আইওন বেত্তরীশিংনা চল্লাই। মসি পুং ৫ লেপ্তনা চল্লাইবা য়াই অমসিং ইনবেসিব অমসুং নন-ইনবেসিব ওই, লোইননা দিবাইজ অসি কন্ত্রোল তৌনবা স্মার্তফোন এপ অমা য়াওরি। সিস্তেম অসিনা শ্বর হোনবগী মওংগী মতাংদা রিএল তাইম ইনফোর্মেসন অমসুং অতোপ্পা মরু ওইবা লংসকী পেরামিতরশিং উৎলি। মসি ওক্সিজেন সিলিন্দরদা হাপ্পা য়াই অমসুং এম্বিয়ন্ত এয়রদা মশা মথন্তা ওপরেৎ তৌবা য়াই।

পুনেদা বেজ তৌবা জীবত্রোনিক্সনা থম্মোইগী লাইনা নাবশিংদা মতেং পাংনবা হর্ততা ইলেক্ত্রিক পল্স নত্ত্রগা শোক অমা থাজিন্দুনা মীহুল অদু মহৌশাগুম্না অমুক ওইহন্নবা দিফিব্রিলেতর কৌবা দিবাইজ অমা দিবেলপ তৌখ্রে। মসিনা মহৌশাগা মান্নদবা নত্ত্রগা মীহুল কা হেন্না তপ্পা নত্ত্রগা কা হেন্না থুবা মখল অমা ওইরিবা, এরিৎমিয়া ঙাকথোক্নবা নত্ত্রগা ফগৎহনবদা শীজিন্নৈ। মখোয়না দ্যুএল পাৱর দিফিব্রিলেতর (গ্রিদ + হেন্দ ক্রেঙ্ক) লোইননা খুদক্তা কার্দিয়েক এরেস্ত তৌরকপদা শীজিন্নবা বেত্তরী য়াওদবা দিফিব্রিলেতর দিবেলপ তৌখ্রে।

কৱাছ প্রোগ্রাম অসিগী ইমপ্লিমেন্তেসন পার্তনর অসি এস.আই.এন.ই., আই.আই.তি. বোম্বেনা ওইরি। ভারতকী তোঙান তোঙানবা জোনশিংদগী অতোপ্পা ইনক্যুবেসন সেন্তর নিপান অমসুং ভারতকী স্তেপশিং অমসুং ইনক্যুবেতর্স এসোসিয়েসনা এপ্লিকেসনশিং, রিভ্যু অমসুং খনবগী প্রোসেসকীদমক্তা শরুক য়াখি। মতেং পাংলিবা সেতলাইৎ সেন্তরশিংদি এফ.আই.আই.তি., আই.আই.তি., দিল্লী, এস.আই.আই.সি., আই.আই.তি. কানপুর, ঐচ.তি.আই.সি., আই.আই.তি. মদ্রাস, বেঞ্চর সেন্তর, পুনে, পুনে, আই.কে.পি. নোলেৎজ পার্ক, হাইদ্রবাদ, কে.আই.আই.তি.-তি.বি.আই. ভুবনেস্বরনি।

কৱাছ প্রোগ্রাম অসি দি.এস.তি.গী নেস্নেল সাইন্স এন্দ তেক্নোলোজী ওন্তর্প্রিনোরশীপ দিবেলপমেন্ত বোর্দ (এন.এস.তি.ই.দি.বি.)না লমজিংলি।

এন.এস.তি.ই.দি.বি.গী হেদ দা. অনিতা গুপ্তনা হায়খি, “অখন্নবা ফ্লেক্সিবিলিতী পুরকপা অমসুং মতেং পাংবদা থুজিনবা অসি স্তার্তঅপশিং মতম চানা মাই পাকহনবদা মরু ওই।”

দি.এস.তি.গী সেক্তরেতী প্রোফেসর অশুতোশ শর্মনা হায়খি, “কোবিদ-১৯গী হৌজিক ওইরিবা অমসুং খুদোংচাদবশিং অসিনা একাদেমিয়া, লেবশিং, স্তার্তঅপশিং, ইন্দস্ত্রী অমসুং সরকারনা অমুক্তা ওইখিদ্রিবা মওংদা হোৎনরিবা অসিনা চপ মান্নবা ৱাখল্লোন অমগা লোইননা খোংজেল য়াংনা তোপ-তোপ্পা মওংদা খুমাং চাউশিল্লহল্লি। তমশিনখিবা পরাশিং অসি নৌনা পুথোরক্কদবা সাইন্স তেক্নোলোজী অমসুং ইন্নোবেসন পোলিসী ২০২০দা শীজিন্নরি।”

*****