ইনফোর্মেসন তেক্নোলোজী (আই.তি.)গী সেক্তরদা মরুওইনা বিজিনেস প্রোসেস আওতসোর্চিং(বি.পি.ও.) অমসুং আই.তি. ইনেবল সর্ভিসশিংগী বিজিনেস তৌবদা হেন্না লাইথোকহনবদা নিংথিজনা ফগৎহন্নবগী পান্দমদা ভারত সরকারনা তেলিকোম বিভাগনা অতোপ্পা সর্ভিশশিং ফংহল্লিবশিং(ও.এস.পি.)গীদমক্তা লমজিং-লমতাকশিং অসি য়াম্না হেন্না লাইথোকহনখ্রে। অনৌবা লমজিং-লমতাক অসি বি.পি.ও. ইন্দস্ত্রীনা ঙাক্না চত্তবা য়াদবা পোৎলুমশিং অদু য়াম্না হন্থহল্লি। 

ও.এস.পি.গী ওইনা রেজিস্ত্রেসন তৌবগী মথৌ তাবা অদু মপুং ওইনা লৈহন্দ্রে অমদি দেতাগী মরি লৈনবা থবক পায়রিবা বি.পি.ও.দা ও.এস.পি.গী চৎন-কাংলোনশিংগী মনুংদা লৈহন্দ্রে হায়বসি ময়েক শেংনা খংহনখ্রে।  মসিদা নত্তনা বেঙ্ক গরেন্তী পীশিনবা, তুং-কোইবা আই.পি.গী মথৌ তাবা, চাং নাইনা রিপোর্তিং তৌবদা অথিংবা লৈরম্বশিং,  নেতৱর্ক দাইএগ্রাম ফোংবা, পেনেল প্রোভিজনশিংনচিংবশিং অসিসু লৌথোকখ্রে। মতৌ অসিগুম্না কম্পনিশিংনা ‘য়ুমদগী থবক তৌবা’ অমদি ‘মফম অমদগী হেক্তা থবক তৌবা’গী চৎন-কাংলোনশিংগী অসি পাংথোকপদা থিংখিবা অতোপ্পা মথৌ তাবা কয়া অমসু লৌথোকখ্রে। মসিগী ইন্দস্ত্রী অসিদা কোমথোক-কোমশিন তৌবা য়াবশিং হেন্না লৈহন্নবগীদমক্তা অতোপ্পা কয়া অমসু কোমথোকখি।

মসিগী অনৌবা ফ্রেমৱর্ক অসিনা ভারতকী ইন্দস্ত্রীগী খোংজেল হেনগৎহল্লগনি অমদি ভারত অসি মালেমগী খ্বাইদগী য়াম্না হিদান্নরিবা আই.তি. জুরিসদিক্সনশিংগী মরক্তগী অমা ওইহনবা ঙমগনি। অনৌবা লমজিং-লমতাক অসি প্রধান মন্ত্রী নরেন্দ্র মোদীগী খ্বাইদগী য়ামদবা সরকার খ্বাইদগী হেনবা লৈঙাক্কী ভিজন অসিগী ইথিল পী। ভারতকী ইনফোর্মেসন তেক্নোলোজী ইন্দস্ত্রী অসি লৈবাক অসিগী ওইনা চাউথোকচনবগী হৌরকফম্নি অমদি অনৌবা লমজিং-লমতাক্কী পান্দম অসি ইন্দস্ত্রীগী অনৌবা পোত্থোকশিং অমসুং সোলুসনশিংদা পুকিং লুপশিনবা ঙম্নবা কান্নদবা মীনাইগুম্না নমদুনা থবক তৌহনবা মওংগী অথিংবশিং লৌথোকপনি।  মসিগী অনৌবা মওংদা শেমদোকপা অসিগা লোয়ননা ভারস সরকারনা সেক্তর অসিদা ইনভেস্ত তৌবা হেনগৎনরক্লিবা অসি পুকিং থৌগৎলদুনা আই.তি. ইন্দস্ত্রী অসিবু শৌগৎনবা অকনবা মিৎয়েং থম্লি।। মসিগী অনৌবা মওংদা শেমদোকপা অসিনা ভারত অসি ইনফোর্মেসন এন্দ নোলেজ আওতসোর্চিং ইন্দস্ত্রীগী পাম্নরবা লমথুংফম অমা ওইহন্দুনা চপ চানা ঐখোয়গী হৈথোই-শিংথোইরবা নহা ওইরিবশিংগী থবকশিং অসি থোকহল্লক্কনি অমদি  ‘মীপাল তাংদনা মরোমদোম হিংজবা ভারত’গী ভিজন অসি খুমাং চাউশিলহনগনি।

ও.এস.পি.গী লমজিং-লমতাকশিং অসি য়েংনবা মসিদা ক্লিক তৌবিয়ু

*****