মনুং হঞ্জিনবা মফমশিং, এস্পিরেস্নেল জিলাশিং অমসুং ঙমখৈগী মফমশিংদা তঙাই ফদবা অৱাৎপশিং ফংহন্নবা কেন্দ্র সরকার অসিগী মীৎয়েং অসিগা লোইননা অৱাংবা মফমশিং খুদম ওইনা লদাখতা অফবা থক্নবা ইশিং নিংথীজনা ফংহন্নবা জল জীবন মিসন(জে.জে.এম.) অসিনা হোৎনরি৷ জম্মু অমসুং কশ্মীর অমসুং লদাখ য়ুনিয়ন তেরিতোরী অনিমক্না ভারতনা মনিং মখা তম্বা চহী ৭৫ শুরকপগী পাংথোকপা মতম ২০২২ ফাওবগী মনুংদা খুঙ্গংগী য়ুমথোং খুদিংদা তোতিগী ইশিং শমহন্নবা পান্দম থম্লি৷ য়ু.তি. অসিদা জল জীবন মিসন অসি চৎনবদা মতেং পাংন্নবা মন্ত্রালয় অসিগী ওফিসিয়েলশিং অমসুং এক্সপর্তশিং য়াওবা মল্তিদিসিপ্লিনরী তীম নেস্নেল জল জীবন মিসন্দগী লাদাখদা থুংখ্রে৷

তীম অসিনা মীতর ৩,৫০০ ৱাংবা মফমদা লৈরিবা স্তোক ভিলেজতা চৎখ্রে অমসুং সর্পাঞ্চ য়াওনা লোকেল কম্ম্যুনিতীগা পব্লিক হেল্থ ইঞ্জিনিয়রিং দিপার্তমেন্তগী ওফিসিয়েলশিংগা লোইননা ভিলেজ ৱাতর অমসুং সেনিতেসন কম্মিতী(ভি.দবল্যু.এস.সি.)গা লোইননা খন্না নৈনখ্রে৷ খুঙ্গংদা মশা-মশাগী ময়ুমদা চাং নাইনা অমসুং মতম শাংনা ইশিংগী সপ্লাই অসি ফংহন্নবা  লোকেল কম্ম্যুনিতী অসিনা মশা-মশাগী ওইজনবা, য়েংশিন্নবা অমসুং চলাইদুনা য়ুমথোং খুদিংদা তোতিগী ইশিং শমহন্নবা হৌজিক লৈরিবা হেন্দ পম্পশিং অসি শিজিন্ননবা তীম অসিনা লেপখ্রে৷

লদাখকী অৱাংবা মফমশিংদা তোতিগী ইশিং য়ুমথোং খুদিংদা শমহন্নবা প্রোভিজন শেম্বা অসি মফম অদুগী সব-জিরো এত্মোস্ফেরিক কন্দিসন য়াম্না নেম্বা অমসুং থা ৫-৬ খক্তমক থবক শুবগী মতম ফংবা অসিনা মরম ওইরগা য়াম্না চেলেঞ্জিং ওইরগনি৷ সব-জিরো তেমপরেচর লৈবা মতমদা য়ুমথোংশিংদা ইশিংগী সপ্লাই অদু কাইদনবা এদভান্স ওইরবা তেক্নোলোজী শিজিন্নবা অসি মিসন অসিগী পান্দমনি৷ লো-কোস্ত গ্রেভিতীদা বেস তৌবা ইশিংগী সপ্লাই সিস্তেম অসি চলাইবগী অমসুং মেন্তিনেন্স তৌবগী মমল অসি য়াম্না চংদনা শেম্ননবা হেন্না মীৎয়েং চংলি৷ তেমপরেচর য়াম্না নেম্বা অমসুং তোইনা তোইনা পোখাইবা অসিনা মরম ওইরগা ফ্রিজিং তৌরকপা অসিদগী কন্নবা পাইপলাইনশিং অসি লৈবাক মখাদা ফুম্বা মরু ওই৷ উন তারকপা মতমদসু মফম অসিদা ইশিংগী অৱাৎপা লৈতনবা গ্রাউন্দ ৱাতর সোর্সশিং অমসুং স্ত্রিম অনিমক অসিদা মতুং ইন্দুনা ইশিং কঞ্জঙ্কতিব ওইনা শিজিন্ননবা য়ু.তি.দা মতেং পাংখ্রে৷

মিসন অসিনা য়ুমথোং খুদিংদা অফবা থকপা য়াবা ইশিংগী সপ্লাই অদু ফংহন্নবা য়াম্না কন্না হোৎনরি৷ নোমিনেল চার্জতা মখোয় মখোয়গী ইশিংগী সেমপল অদু তেস্ত তৌন্নবগীদমক জেনেরেল পব্লিকতা ইশিং তেস্ত তৌনবা লেবোরেতরীশিং অদু হাংলি৷ কিৎশিং শিজিন্নদুনা ইশিং তেস্ত তৌনবা গ্রাম পঞ্চয়ত/ভি.দবল্যু.এস.সি./পানি মনিতি ত্রেন তৌখ্রে অমসুং পুল্লপ পুন্না দাতা অদু থাগৎলি, মসিনা অফবা থকপা য়াবা ইশিং ফংহনবদা মতেং পাংলগনি৷ অসুম্না হায়রিবা লেবোরেতরীশিং অসি পুনশিন্নদুনা অমসুং লৈবাক মীয়ামদা হাংদোক্তুনা ফংহনবা অসিনা তোতিশিংগী খুৎথাংদা ইশিংগী সপ্লাই শুংশোই শোইদনা ফংহনবদা মতেং পাংলগনি৷  মিসন অসিনা কম্ম্যুনিতী অসিদা কিৎশিং সপ্লাই তৌনবা, খুঙ্গং খুদিংমক্তা য়ামদ্রবদা মীওই মঙা মরু ওইনা নুপী অশা অমসুং অনগনৱাদি ৱর্করশিং, স্কুল ওজাশিং, ভি.দবল্যু.এস.সি./পানি সমিতি মেম্বরশিংদগী খন্দোক্নবা অমসুং খুঙ্গং খুদিংদা ফংহল্লিবা ইশিং অসি লোকেল্লী ওইনা তেস্ত তৌবা য়ানবা ফিল্দ তেস্ত কিৎ(এফ.তি.কে.) অসি ত্রেনিং তৌদুনা শিজিন্নবা হৈহন্নবা কন্না হোৎনরি৷ ৱাখল্লোন অসিনা অফবা থকপা য়াবা ইশিংগী সপ্লাই অসি চৎনবা য়াবা অমসুং থাজবা য়াবা মওং অমদা থম্নবা হোৎনরি৷

পব্লিক স্তেন্দ পোস্ততগী খোমগৎলকপা সেমপল

লদাখকী য়ু.তি. সাসন অসিনা ফিল্দ তেস্ত কিৎশিং অসি শিজিন্ননবগীদমক গ্রাম পঞ্চয়ত অমসুং ভি.দবল্যু.এস.সি. মেম্বরশিং ত্রনিং পীগদৌরি৷ এন.জে.জে.এম. তীমগী খোংচৎ অদুদা বেসিক ৱাতর ক্বালিতী পেরামীতরশিং খুদম ওইনা পি.ঐচ., ফ্লোরাইদ, আইরন, নাইত্রেত, ফোস্ফেৎ, হার্দনেস, তর্বিদিতী অসি মতৌ কমদৌনা চাংয়েং তৌগদগে হায়বা অদু ভিলেজ কম্ম্যুনিতী অমসুং পি.ঐচ.ই.দি. ওফিসিযেলশিং অদুদা উৎখ্রে৷

লেহগী নেহ ভিলেজতা এফ.তি.কে. ত্রেনিং তৌবা

খুঙ্গংদা ৱাতর সপ্লাই স্কিম অসি চৎননবা অমসুং চলাইনবগী প্লানিংদা মীৎয়েং থমদুনা কম্ম্যুনিতী য়াওশিলহনবা অসিনা প্রোগ্রাম অসিগী খ্বাইদগী মরু ওইবা মশক ওইরি৷ খুঙ্গং খুদিংমক য়ুনিৎ অমা ওইনা পাংথোক্নখ্রে অমসুং ইমুং খুদিংমক্তা অফবা থকপা য়াবা ইশিং মরাং কাইনা ফংন্নবগীদমক তঙাই ফদবা মচাকশিং খুদম ওইনা লোকেল দ্রিঙ্কিং ৱাতর সোর্সশিং; তোতিগী ইশিং ফংহন্নবা খুঙ্গংশিংদা ইশিংগী সপ্লাই ইনফ্রাস্ত্রকচর; গ্রে ৱতর ত্রিতমেন্ত অমসুং অমুক হন্না শিজিন্নবা য়ানবা; ৱাতর সপ্লাই সিস্তেম চলাইনবা অমসুং য়েংশিনবদা লোকেল কম্ম্যুনিতী শরুক য়াদুনা খুঙ্গং খুদিংমক্কী ওইনা চহী মঙাগী ভিলেজ এক্সন প্লান(ভি.এ.পি.) শেম্লি৷

দ্রিঙ্কিং ৱাতর অমসুং সেনিতেসন দিপার্তমেন্তগী নেস্নেল জল জীবন মিসন অসিনা চহী খুদিংগী ওইনা য়ুমথোংশিংদা তোতিগী ইশিং মখোয়গী ‘ফঙ্কসন্নেলিতী’গীদমক শমহল্লগনি, হায়বদি ইশিং মতিক চানা অমসুং ক্বালিতী লৈনা চাং নাইবা মওং অমদা খুঙ্গংগী য়ুমথোং খুদিংদা ফংহল্লগনি৷ মসিগী ৱাহন্থোক্তি ‘সর্ভিস দেলিভরী’দা মীৎয়েং থম্লি হায়বনি৷ হন্দক্কী চহী অসিগী ওইনা ২০২০গী নবেম্বর-দিসেম্বর ফাওবগী মনুংদা এসেস্মেন্ত অসি পাংথোক্লগনি৷ কেন্দ্র সরকারগী ফ্লেগশিপ প্রোগ্রাম ওইনা রাজ্যশিংগা খুৎশম্নরগা চৎথগদৌরিবা জল জীবন মিসন অসিনা ২০২৪ ফাওবগী মনুংদা লৈবাক অসিগী খুঙ্গংগী য়ুমথোং খুদিংদা তোতিগী ইশিং শমহন্নবা পান্দম থম্লি৷ খুঙ্গং পুম্নমক/ মী তাবা মফম পুম্নমক্তা লৈরিবা য়ুমথোং খুদিংদা য়ুমথোং অমতা চিথহৌদনা মথৌ নিংথীনা তৌবা তোতি ইশিং শমহনবা অসিনা মিসন অসিগী পান্দম ওইরি৷

*****