নহারোল অমসুং শান্ন-খোৎনবগী মন্ত্রালয়

কেন্দ্রগী শান্ন-খোৎনবগী মন্ত্রী, শ্রী কিরেন রিজিজুনা কি.মি. ২০০ শাংবা ‘ফিত ইন্দিয়া ৱাকাথোন’ লমথাখ্রে


ফোর্সশিংনা তৌবা ৱাকাথোন অসিনা ফিতনেস মু্যমেন্তগী শরুক অমা ওইনবা প্রজাশিং পুক্নিং থৌগৎকনি হায়

Posted On: 31 OCT 2020 5:29PM by PIB Imphal

নেস্নেল য়ুনিতী দে (সরদার বালবভাই পতেলগী মপোক কুমওন)গী থৌরম অসিদা, কেন্দ্রগী শান্না-খোৎনবগী মন্ত্রী, শ্রী কিরেন রিজিজুনা বোলিৱুদকী এক্তর ভিদ্যুত জামৱালগা লোইননা রাজস্থানগী জাইসলমেরদা ওক্তোবরগী ৩১দা কি.মি. ২০০ শাংবা ‘ফিত ইন্দিয়া ৱাকাথোন’ লমথাখ্রে।

            https://static.pib.gov.in/WriteReadData/userfiles/image/image001W2RW.jpg

থৌরমা অসি ইন্দো তিবেতন বোর্দর পুলিস (আই.তি.বি.পি.)না শিণখিবনি অমসুং নুমিৎ হুম্নি চুপ্না চৎথগনি, মসিদা আই.তি.বি.পি. জৱান ১০০ মথক্তা অমসুং সেন্ত্রেল আর্মদ পুলিস ফোর্সশিং (সি.এ.পি.এফ.শিং)গী পার্সোনেল কয়া অমনা কি.মি. ২০০ হেন্না খোংনা চৎকনি।

ৱাকাথোন মার্চ অসি নুংথিল অমসুং নুমিদাং লেপ্তনা চৎথগনি অমসুং ইন্দিয়া-পাকিস্তান বোর্দরদা লৈবা মফমশিংগী থার দেজর্তকী দ্যুনশিং ফাোদুনসু লানগনি।

মার্চ অসিগী অয়ম্বা শরুক্তা, ত্রেক অদু লানফম অমসুং লানগীদমক্তা মমিং চৎলবা ইন্তরনেস্নেল বাউন্দরীদা লৈ, মসিদা কিশনগর ফোর্ত অসিনা লম্বি অদুদা লৈবা য়াম্না মমিং চৎপা মফম অমনি।

শান্না-খোৎনবগী মন্ত্রী, শ্রী কিরেন রিজিজুসু ফোর্সশিং অদুগা লোইননা ৱাকাথোন অসিগী অহানবা কিলোমিতর খরা খোংনা চৎখি অমসুং হায়খি “ফিত ইন্দিয়া মু্ভমেন্ত অসিবু মীয়ামগী মুভমেন্ত ওইহনবা অমসুং মসিবু লৈবাক অসিগী কাচিন-কোয়া খুদিংমক্তা য়ৌহনবা হায়বসি ঐখোয়গী প্রধান মন্ত্রী মঙলান্নি। ফোর্সশিং মশামক্তা ফিত ওই অদুবু জাইসলমেরগী বোর্দরশিংদা কি.মি. ২০০ খোংনা চৎপা অসিনা করিগুম্বা মখোয়না ৱাকাথোন ওইনা কি.মি. ২০০ অসিবু থুংনা চৎপা ঙম্লবদি, প্রজা খুদিংমক্না ফিতনেসপু মওং অমা নত্রগা অতোপ্পা অমদা লৌখৎপা য়াগনি হায়না লৈবাক অসিগী প্রজা খুদিংমক্তা পুক্নিং থৌগৎনবগী পান্দম থম্লি।”

                https://static.pib.gov.in/WriteReadData/userfiles/image/image002C2YU.jpg

এক্তর অমসুং ফিতনেস আইকন, ভিদ্যুত জামৱালনা মখা তারকখি মদুদি “মসি সরকারনা লৌখৎপা য়াম্না ফবা খোংথাং অমনি, অমসুং ফিত ওইবা ইন্দিয়ানা লৈবাক অসিগী কাচিন-কোয়া খুদিংমক্তা য়ৌহন্নবগীদমক্তা, অর্বান সেন্তরশিং অমসুং অচৌবা সহরশিংদা ফিতনেসকী তৌরম অসি পাংথোকপনা মপুং ফাহনবা ঙম্লোই অদুবু অপিকপা মফমশিংদা মসিবু পাংথোক্কদবনি। মসিগী থৌরম অসি দেজর্ত্তা শিনবা অসিনা, সরকার অসিনা কাচিন-কোয়া খুদিংমক্তা মশিগী অনৌবা খোংথাং অসিবু য়ৌহনবদা য়াম্না হকচিন্না লৌই হায়বদু উৎলি। ”

আই.তি.বি.পি.গী মথক্তা, মার্চ অসিদা বোর্দর সেক্যুরিতী ফোর্স (বি.এস.এফ.), সেন্ত্রেল রিজার্ব পুলিস ফোর্স (সি.আর.পি.এফ.), নেস্নেল দিজাস্তর রিলীফ ফোর্স (এন.দি.আর.এফ.), রেপিদ এক্সন ফোর্স (আর.এ.এফ.), অসাম রিফলস অমসুং নেস্নেল সেক্যুরিতী গার্দ (এন.এস.জি.)গী ওফিসিয়েলশিংগী মীহুৎশুং য়াওখি।

‘ফিত ইন্দিয়া ৱাকাথোন’ অসিনা ভারত্তা ফিত ওইবা অমসুং হকচাং ফবা পুন্সি মহিংগী মতাংদা এৱেয়রনেস লৈহন্নবা পান্দম থম্লি অমসুং ভারত শিনবা থুংনা মীওই করোর ৬.৫গী মথক্তা শরুক য়াখিবা হন্দক্তা লোইশিনখিবা ‘ফিত ইন্দিয়া ফ্রীদম রন’গী হেক মথংদা তৌখিবনি।

*****



(Release ID: 1669200) Visitor Counter : 112