রাজ্য/য়ু.তি.শিংদা জল জীবন মিসনগী থবকশিংগী ফিভম য়েংশিনবগী চহি-ময়ায়গী মীফমগী পরিং মখা চত্থরকপা ওইনা ছতিসগরনা ভিদিও কনফরেন্সিংগী খুত্থাংদা নেস্নেল জল জীবন মিসনগী মমাংদা প্রজেন্তেসন অমা উৎখ্রে। ইং ২০২৪গী মনুংদা লৈবাক অসিগী খুঙ্গংগী ইমুং খুদিংদা তোতি ঈশিং ফংহনবগী পান্দম লৈরিবা কেন্দ্র সরকারগী ফ্লেগশিপ প্রোগ্রাম অমা ওইরিবা জল জীবম মিসন (জে.জে.এম.)গী মখাদা চল্লিবা ঈশিং ফংহনবগী পান্দম অসিবু ফংহন্নবা হায়দুনা জল শক্তি মন্ত্রালয়না রাজ্য/য়ু.তি.শিংনা পায়খৎলিবা মরী লৈনবা খোঙথাংশিংগী হৌজিক্কী ওইবা মাই-পাকপগী অমসুং থবক-থৌরমশিংগী ফিভম য়েংশিনবগী থৌওং পাঙথোক্লি। রাজ্য অমসুং য়ু.তি.শিংনা খুঙ্গংগী ইমুং-মনুংশিং অমসুং মসিদা লৈবা ইন্সতিত্যুস্নেল মেকানিজমশিংদা ঈশিং ফংহন্নবা অমসুং জে.জে.এম.গী মখাদা পুম্নমকপু কোন্দুনা তুং লমচৎকিদমক্তা চৎনবা হোৎনবগী থবকশিংগী হৌজিক্কী ওইরিবা মাই-পাকপগী ৱারোলশিং পীনরক্লি।

ছতিসগর রাজ্যনা ইং ২০২৩ ফাওবগী মনুংদা মথৌ তৌবা তোতি ঈশিং শম্বগী (এফ.ঐচ.তি.সি.) থৌওং ১০০%গী চাংদা পাঙথোক্নবা ৱারেপ লৌখ্রবনি। রাজ্যসিগী ইমুং লাখ ৪৫গী মনুংদা ইমুং লাখ ৫.৬৬ খক্তদা তোতি ঈশিং ফংহনবা ঙমখ্রে। হন্দক্কী চহিসিদা রাজ্যসিনা ঈশিং পীবগী মশিং অসি লাখ ২০ য়ৌহন্নবা থৌরাং য়াৎলি।

ইং ২০২০-২১দা মিসন অসিগী ওইনা ছতিসগরদা লুপা করোর ৪৪৫.৫২ কায়থখি। মখা তাবা ওইনা খুঙ্গংগী লোকেল বোদীশিংদা পীগদবা ১৫শুবা ফাইনান্স কম্মিসনগী মখাদা রাজ্যসিদা ইং ২০২০-২১দা লুপা করোর ১৪৫৪ কায়থখ্রবনি অমসুং মসিগী মনুংদগী ৫০%দি থক্নবা ঈশিং পীনবা অমসুং সেনিতেসনগী ওইনা শিজিন্নদবা য়াদবনি। রাজ্য অসিনা এম.জি.এন.আর.ই.জি.এস., জল জীবন মিসন, এস.বি.এম. (জি.), ১৫শুবা এফ.সি. গ্রান্ত তু পি.আর.আই., দিস্ত্রিক্ত মিনরেল দিভেলপমেন্ত ফন্দ, সি.এ.এম.পি.এ., সি.এস.আর. ফন্দ, লোকেল এরিয়া দিভেলপমেন্ত ফন্দনচিংবা প্রোগ্রামশিং অসি পুন্সিন্দুনা লৈরিবা রিসোর্সশিং অসি জিলাগী থাক্তা শিজিন্ননবা অমসুং চহি ৫গী ওইবা ভিলেজ এক্সন প্লান (ভি.এ.পি.) অমসু মসিগী রিসোর্সশিং অসি চুননা পুন্সিন্দুনা ফন্দশিং অসি নীংথিনা শিজিন্ননবা খঙহনখ্রে।

ভিলেজ এক্সন প্লান শেম্বা অমসুং য়ামদ্রবদা নুপীনা ৫০% ওইগদবা গ্রাম পঞ্চায়ৎকী সব-কমিত্তী অমা ওইনা খুঙ্গংগী ঈশিং অমসুং সেনিতেসন কম্মিত্তী/পানি সমিতি অমা শেম্বগী মতাংদসু মিৎয়েং চঙখি। মসিগী মেম্বরশিং অসিনা থৌরাং য়াৎপা, মওং-শেম্বা, থবক ওইনা পাঙথোকপা অমসুং খুঙ্গংগী ঈশিং পীবগী ইনফ্রাস্ত্রকচরশিংবু শেন্নবগী থৌদাং লৌগনি। খুঙ্গংগী মীওই খুদিংনা থক্নবা ঈশিং ফংফমশিং চাউখৎহনবা/ফগৎহনবা, ঈশিং পীবা, গ্রে ৱাতর মেনেজমেন্ত অমসুং থবক পাঙথোক্নবা অমসুং শেন্নবগী পোৎলমশিংগী হীরমশিং য়াওহন্দুনা ভিলেজ এক্সন প্লান (ভি.এ.পি.) অমা শেমগদবনি। জল জীবন মিসন অসিবু তসেংবা মীয়ামগী ইহৌ অমা ওইহন্নবগীদমক্তা খুন্নাইগী মীওইশিংবু শরুক য়াহন্দুনা খুঙ্গং খুদিংদা আই.ই.সি. কেম্পেন পাঙথোকপগী তঙাই ফদবসু লৈ।

ছতিসগরনা লৈনুঙগী ঈশিংগী চাং হন্থরকপা অমসুং কেমিকেল য়ানশিনবগী শিংনবা কয়া থেংনদুনা লাক্লি; মরম অদুনা রাজ্যসিদা ফ্রন্তলাইন্দা থবক তৌরিবা মীওইশিংনা থৱাই য়াওনা শরুক য়াবগী খুত্থাংদা মগুন লৈবা ঈশিংগী মতাংদা মীয়ামদা খঙহনবগী থৌওং পাঙথোক্নবা পাউতাক পীখি। জল জীবন মিসনগী মখাদা ফ্রন্তলাইন্দা থবক তৌরিবা মীওইশিংনা থৱাই য়াওনা শরুক য়াবগা লোয়ননা মফম মফমশিংগী খুন্নাইগী মীওইশিং য়াওহন্দুনা পাঙথোকপা থবকশিংগী খুত্থাংদা ঈশিংগী মগুন য়েংশিনবগী থৌওংশিংসু পাঙথোকহন্নবা অহানবা মিৎয়েং চঙলি। খুঙ্গং খুদিংগী ওইনা মীওই ৫, মরু ওইনা নুপীশিংদা ফিল্দ তেস্ত কিৎ শিজিন্নদুনা ঈশিংগী মগুন চাংয়েং তৌনবা ত্রেনিং পীরে। ঈশিং ফংফম খুদিংমক চহি খুদিংগী ওইনা ফিজিকেল অমসুং কেমিকেল পেরামীতর তেস্ত অমুক্লক অমসুং বেক্তরিয়া য়াওবা য়েংনবগীদমক্তা অনিরক তেস্ত তৌগদবনি।

য়েংশিনবগী মীফম অদুদা পুথোক্নরকপগী মতুং ইন্না স্কুল ১৬৯৮দি থক্নবা ঈশিং ফংদে হায়বা খঙবা ঙমখি। রাজ্যসিনা পাউদম্লকপগী মতুং ইন্না অঙ্গনৱাদি সেন্তর ৫০৫১৮গী মনুংদা ৩১০৩১দি থক্নবা ঈশিং ফংবগী খুদোংচাবা লৈ। অদুম ওইনমক খুদোংচাবগী মখল, চাং, মগুন্নচিংবা হীরমশিংগী মতাংদা য়াম্না কুপ্না থীজিনবগী তঙাই ফদবদি লৈরি। লৈবাক শিনবা থুংবদা লৈবা স্কুলশিং অমসুং অঙ্গনৱাদি সেন্তরশিংদা থকপদা কায়দবা ঈশিং ফংহন্নবা হায়দুনা জল শক্তি মন্ত্রালয়না ওক্তোবর ২, ২০২০দা হৌদোকখিবা নুমিৎ ১০০নিগী কেম্পেন অসিদা থৱাই য়াওনা থবক তৌনবা রাজ্যসিদা পাউতাক পীখি।

******