ইনকম তেক্স দিপার্তমেন্তনা ২৮.১০.২০২০দা রিয়েল এস্তেত বিজনেসতা মাইপুননা থবক তৌবা বিজনোরদা লৈবা গ্রুপ অমা অমসুং মখোয়গী এসোসিয়েতশিংগী মতাংদা থিবা হুম্বগী থবক চত্থখ্রে। গ্রুপ কমপনীশিং অসিনা লোনশিং অমসুং এদভান্স ওইনা মরী লৈনবা পার্তীশিং/ অতোপ্পশিং অমসুং অতোপ্পা পেয়েবলশিংদগী য়াম্লবা প্রিমিয়ম রিজার্বশিং অমসুং য়াম্লবা লায়েবিলিতীশিং লৈরবা ফাওবদা মখোয়না অতোপ্পদা এদভান্স ওইনা য়াম্লবা লোনগী শেনফমশিং লৈ হায়না মরাল শিরকপা লৈখি। গ্রুপ অসিগী সেলসশিং অদু উৎলিবা লোনশিং অমসুং এদভান্সশিং অদুগা চুনবা ওইখিদে।

থিবা–হুম্বগী থবক চত্থখিবা অদুদা হৌজিক ফাওবদা লুপা লাখ ৫০গী মথক্তা ওইবা হৌরকফম খঙদবা শেল অমসুং চাউরাক্না কে.জি. ২.৫ লুম্বা হৌরকফম খঙদবা সনা-লিকোনশিং ফংখি। থিবা-হুম্বগী থবক অদুদা শেয়র প্রিমিয়মগী মতাংদা মরাল শিরকখিবা অদু অচুম্বা ওইরমখি। মখোয়শিং অদুনা মখোয়গী সোর্স অদু ময়েক শেংনা তাকপা ঙমদবা মরী লৈনবা শেয়রহোল্দরশিং অদুগী ইনকম অদুগা চুনবা ওইখিদে।  

থিবা-হুম্বগী থবক অদুদা কমপনী ২০গী হেন্না মফম অমখক্তদগী চলাইরম্বা থেংনখি, মসিগী মনুংদা কমপনী ময়াম অমা শাশিন্নবা কমপনীশিং ওইরমখি অমসুং থবক তৌবা অমত্তা উখিদে। কমপনীশিং অদুগী মমল অমত্তা লৈরমদে অদুবু মখোয়না শেয়র প্রিমিয়মগী য়াম্লবা শেনফম উৎখি। শাশিন্নবা কমপনীশিং অদু ফন্দশিং থাদোক্নবগী লম্বি অমা ওইনা শিজিন্নখি।

গ্রুপ মেম্বরশিং অদুগী মরক্তা অমদি য়ু.কে.দা লৈবা ফোরেন কমপনী অমা অমসুং লন্দনদা প্রোপর্তী অমদা ফানেন্সিয়েল ইন্তরেস্ত লৈরম্মি, মদুদা থাথখিবা ইনভেস্তমেন্তকী সোর্স অদু য়েংশিনখ্রে। মসিগী মথক্তা প্রোপর্তী কয়া অমদা ইনভেস্তমেন্ত তৌখিবশিং অদুগা মরী লৈনবা চিংননিংঙাই ওইবা দোক্যুমেন্তশিংশু মখোয়গী মফম কয়া অমদগী ফংবা ঙমখি অমসুং হায়রিবশিং অদুদসু িনভেস্তিগেত তৌখ্রে। গ্রুপ অসিনা মপু ওইবা প্রোপর্তিশিং অদুদা থাধখিবা ইনভেস্তমেন্ত অদুগী লিখুনদি ভেরিফাই তৌখ্রে। থিবা-হুম্বগী থবক অদুদা অখন্নবা পেমেন্তশিং/রিসীপশিং অদুগা মরী লৈনবা হেন্দ-রিতনপেপরশিংশু ফংবা ঙমখি অমসুং মখোয়শিং অদুসু য়েংশিনখ্রে।

হৌজিক ফাওবদা বেঙ্ক লোক্কর ৬ ফংখ্রে অমসুং মখাতাবা ইনভেস্তিগেশনশিং চত্থরি।

*****