সাইন্স অমসুং তেক্নোলোজী, আর্থ সাইন্স অমসুং হকশেল অমসুং য়াইফ য়ুম্বালগী কেন্দ্রগী মন্ত্রী দাঃ হর্শ বর্ধন্না নুপী সাইন্তিস্তশিংগী ওইনা মপুং ওইনা শেম্বা এস.ই.আর.বি. – পি.ও.দবল্যু.ই.আর. (প্রোমোতিং ওপ্পোর্চুনিতী ফোর ৱিমেন ইন এক্সপ্লোরেতরী রিসর্চ) কৌবা স্কিম অমা ঙসি ই.-প্লেৎফোর্ম অমদা পাঙথোকপা থৌরম অমদা হৌদোকখ্রে। সাইন্স অমসুং ইঞ্জিন্যারিং রিসর্চ বোর্দ (এস.ই.আর.বি.), ভারত সরকারগী সাইন্স অমসুং তেক্নোলোজী বিভাগকী স্তেত্যুতরী বোদীনা ভারতকী একাদমিক ইন্সতিত্যুৎশিং অমসুং আর. অমসুং দি. লেবোরেতরীশিংদা পাংথোক্লিবা তোঙান-তোঙানবা এস. অমসুং তি. প্রোগ্রামশিংগী সাইন্স অমসুং ইঞ্জিন্যারিং রিসর্চতা শেল থাদবগী থৌওংশিংদা জেন্দরগী খেৎনবা লৈববু হন্থহন্নবা স্কিম অমা পায়খৎনবা মতম কুইনদগী খন্নদুনা লাক্লবনি।

থৌরম অসিদা ৱা ঙাংবদা কেন্দ্রগী মন্ত্রীনা ঐখোয়গী এস. অমসুং তি.গী ফিভম অসিদা রিসর্চ তৌবী নুপীশিংবু মপাঙ্গল হাপ্পগী তঙাই ফদবশিংদা মিৎয়েং চঙখি। মহাক্না হায়খি, “রিসর্চকী থৌওংশিং শেম-শাবদা জেন্দরগী হীরমশিং য়াওহনবা অসিনা মালেমগী থাক্তা মীয়ামগী পুক্নিং চীংশিনবা ঙমখি। রিসর্চকী থবক পাংথোক্লিবশিংগী মনুংদা নুপীশিং য়াওবা হেনগৎহনবা অমসুং খুমাং চাউশিলহনবা হায়বসি ঐখোয়গী সরকারগী অহানবা ওইনা মিৎয়েং চঙবা থৌওংনি”। দি.এস.তি.না নুপীগী ফেলোশিপকী স্কিমগী খুত্থাংদা নুপীশিংবু মপাঙ্গল হাপ্পগী মশক থোকপা থৌওং হৌদোকখিবা অমসুং হৌখিবা মতম কয়াদা রিসর্চ তৌবী নুপী লিশিং কয়া-কয়াদা তেংবাং পীখিবগীদমক্তা থাগৎপা ফোঙদোকখি।

এস.ই.আর.বি. – পি.ও.দবল্যু.ই.আর. স্কিম অসিদা অসিদা মচং অনি য়াওগনি- (১)এস.ই.আর.বি. – পি.ও.দবল্যু.ই.আর. ফোলোশিপ, (২)এস.ই.আর.বি. – পি.ও.দবল্যু.ই.আর. রিসর্চ গ্রান্তশিং। মখোয়গী মশক থোকপা মওংশিং মখাদা পীরিঃ

১) এস.ই.আর.বি. – পি.ও.দবল্যু.ই.আর. ফেলোশিপকী মশক থোকপা মওং:

ক) পান্দমঃ চহি ৩৫-৫৫গী মনুংদা লৈবী রিসর্চ তৌবী নুপীশিং। চহি অমদা ফেলোশিপ ২৫ ফাওবা পীগনি অমসুং করিগুম্বা মতম অমা হেক্তদা ৭৫দগীদি হেল্লোই।

খ) শৌগৎপগী হীরমশিং: চাং নাইনা পীরিবা চাগাগী মথক্তা থা খুদিংগী লুপা ১৫০০০গী ফেলোশিপ পীগনি। চহিদা লুপা লাখ ১০গী রিসর্চ গ্রান্ত অমসুং লুপা ৯০০০০গী ওভর্হেদ।

গ) অচঙবা মতমঃ চহি অহুম, শাংথবগী খুদোংচাবদি লৈরোই। কেরিয়রদা অমুক্লক।

২) এস.ই.আর.বি. – পি.ও.দবল্যু.ই.আর. রিসর্চ গ্রান্তকী মশক থোকপা মওং:

২.১) পি.ও.দবল্যু.ই.আর. গ্রান্তনা নুপীশিংবু থাক অনিদা শেলগী তেংবাং পীদুনা রিসর্চ তৌবী নুপীশিংবু মপাঙ্গল হাপকনিঃ

ক) থাক ১ (আই.আই.তি., আই.আই.এস.ই.আর., আই.আই.এস.সি., এন.আই.তি., সেন্ত্রেল য়ুনিবর্সিতীশিং অমসুং কেন্দ্র সরকারগী ইন্সতিত্যুসনশিংগী নেস্নেল লেবতগী লাকপা এপ্লিকেন্তশিংগী): শেল থাদবগী চাং অসি চহি অহুমগী ওইনা লুপা লাখ ৬০ ফাওবনি।

খ) থাক ২ (রাজ্যগী য়ুনিবর্সিতীশিং/কোলেজ অমসুং লন্নাইগী একাদমিক ইন্সতিত্যুসনশিংদগী লাকপা এপ্লিকেন্তশিংগী): শেল থাদবগী চাং অসি চহি অহুমগী ওইনা লুপা লাখ 30 ফাওবনি।

২.২) পি.ও.দবল্যু.ই.আর. গ্রান্ত অসি এস.ই.আর.বি. –সি.আর.জি. (সাইন্স অমসুং ইঞ্জিন্যারিং রিসর্চ বোর্দ-কোর রিসর্চ গ্রান্ত)গী কাঙলোনগী মতুং ইনবা চৎন-পথাপকী খুত্থাংদা য়েংশিনগনি।  

থৌওং অসিগীদমক্তা শেম্বা সর্চ-কম-সেলেক্সন কমিত্তীনা পি.ও.দবল্যু.ই.আর. ফেলোশিপশিং মশক খঙদোকপদা তেংবাংবা অসিগা লোয়ননা হৌজিক লৈরিবা প্রোগ্রাম এদবাইজরী কম্মিত্তী (পি.এ.সি.)গী মেকানিজম অসিবুনা পি.ও.দবল্যু.ই.আর. রিসর্চ গ্রান্তশিং খনবদা শিজিন্নগনি।

চহি খুদিংগী ওইনা পি.ও.দবল্যু.ই.আর. ফেলোশিপ ২৫ শেম্নবা ৱাফম অমসু হৌদোকখ্রে। চহি খুদিংগী ওইনা থাক ১ অমসুং থাক ২গী অমমমগী ওইনা পি.ও.দবল্যু.ই.আর. গ্রান্ত ৫০গী অয়াবা পীগনি।

এস.ই.আর.বি.-পি.ও.দবল্যু.ই.আর. ফেলোশিপ অমসুং গ্রান্ত অসিনা লৈবাক্কী থাক্তা মশক খঙবগী ফম্বাক অমস ওইনা মথৌ তৌগনি হায়বগী থাজবা লৈনরি। মসিগী সরকারগী স্কিমশিং অসিনা ঐখোয়গী একাদমিক অমসুং রিসর্চ ইন্সতিত্যুসনশিংদা নুপী সাইন্তিস্তশিংবু খুমাং চাউশিলহনবা অমসুং নুপীশিংনা থবক শুবা নুংঙাইবা মফম অমা শোইদনা শেম্বা ঙমগনি অমসুং মসিগা লোয়ননা ৱারেপ লৌবা ঙম্বা বোদীশিংদা লৈবা লুচিংবগী থাকশিংদা নুপীশিং য়াওবা হেলহনগনি।

এস.ই.আর.বি.গী চেয়রমেন অমসুং দি.এস.তি.গী সেক্রেতরী, প্রোফঃ আশুতোশ শর্মা; এস.ই.আর.বি.গী সেক্রেতরী, প্রোফঃ সন্দীপ ভর্মা অমসুং সাইন্স অমসুং তেক্নোলোজী মন্ত্রালয়গী সাইন্তিস্তশিংনা শরুক য়াবা থৌরম অসিদা সরকারনা আর. অমসুং দি.গী ইকোসীস্তেমদা অহেনবা নুপী সাইন্তিস্ত মশিং য়াম্না য়াওহন্নিংবগী অপাম্বা উৎলিবা অসিবু মখোয় পুম্নমক্না য়ানিংবা ফোঙদোকখি।

*****