ৱেস্ত বেঙ্গল, কেরেলা অমসুং দিল্লী রাজ্যশিং/য়ু.তি. অসিদা কোবিদকী ওইরিবা ফীভম অমসুং মখোয়না পব্লিক হেল্থ রেস্পোন্সকী লৌখৎলিবা খোঙথাংশিং ঙসি মীফম অমা পাঙথোক্তুনা কেন্দ্রগী হকশেলগী সেক্রেতরী শ্রী রাজেশ ভুশন্না ভিদিও কনফরেন্সিংগী খুত্থাংদা নিতি আয়োগকী মেম্বর (হকশেল) দা. ভি.কে. পোল অমসুং আই.সি.এম.আর.গী দি.জি. দা. বলরাম ভর্গবা য়াওনা য়েংশিনখ্রে, রাজ্যশিং/য়ু.তি.গী হকশেলগী সেক্রেতরীশিং, এন.ঐচ.এম. এম.দি., দি.জি.ঐচ.এস. অমসুং অতোপ্পা মকোক থোংবা হকশেলগী ওফিসিএলশিংনা ভর্চ্যুএল ওইনা শরুক য়াখি। মীফম অসিদা রাজ্যশিং/য়ু.তি.শিংদা কেসশিং ৱাংখৎলকপগী মতাংদা নুংনাংবা ফোঙদোকখি।

দিল্লীদা ঙসি ফাওবদা এক্তিব কেস ২৯,৩৭৯ লৈবগা লোয়ননা ফেতেলিতী রেৎ ১.৭৬% ওই অমসুং পোজিতিবিতী রেৎনা ৭.৯%নি। হৌখিবা পুং ২৪দা অনৌবা কেস ৫,৬৭৩ রেকোর্দ তৌখি। হৌখিবা চয়োল মরি অসিদা অনৌবা কেসশিংদা ৪৬%গী ময়াদা হেনগৎলে, অমসুং পোজিতিবিতী রেৎ অসি চয়োল মরি অসিদা ৯%গী ময়াদা হাইগৎলকখি। দিল্লীগী তিমনা ফোঙদোরকপগী মতুং ইন্না কেসশিং হেনগৎলক্লিবা অসি কুমহৈগী মতমদা মীয়াম তিনবশিং, নুংশিৎকী ক্বালিতী ফৎচিল্লক্তবা, রেস্পিরেতরী দিসোর্দরশিং থোকপা হেল্লকপা অমসুং থবক মফমশিংদা ক্লস্তর ওইনা পোজিতিব কেসশিং থেংনবা অসিনা থোকহল্লি। ফ্রন্তলাইন ৱার্করশিংগী মরক্তা হেংনরিবা অৱাবা অদুসু খন্নখি।

য়ু.তি. অসিদা তেস্ত তৌবা অকনবা মওংদা হেনগৎনবা, আর.তি.-পি.সি.আর. তেস্তশিং হেনগৎহন্নবা, কন্তেক্ত ত্রেসিংদা মীৎয়েং চংনবা অমসুং অহানবা পুং ৭২গী মনুংদা ত্রেস তৌরবা কন্তেক্তশিং আইসোলেসন মপুং ফানা তৌনবা খঙহনখি। কন্তেনমেন্ত জোনশিংদা মীৎয়েং চংবা অমসুং এম.ঐ.এ.গী গাইদলাইনশিংগী মতুং ইন্না অকনবা পেরিমিতর কন্ত্রোল ইমপ্লিমেন্ত তৌনবা পাউতাক পীখি। হেল্থ ওথোরিতীশিংনা আই.ই.সি.গী খোঙথাংশিংদা অহেনবা মীৎয়েং চংবা অমসুং মাস্ক উপ্পা অমসুং অতোপ্পা কোবিদকা চুনবা চৎন-লোনচৎশিং ঙাক্না চৎনবা হোৎনগনি হায়না খঙহনখি।

ঙসি ফাওবদা ৱেস্ত বেঙ্গলগী এক্তিব কেস ৩৭,১১১ শুখ্রে। রাজ্য অসিগী কেস ফেতেলিতী রেৎ অসি ১.৮৪%নি অমসুং পোজিতিবিতী রেৎনা ৮.৩%নি। হৌখিবা পুং ২৪দা রাজ্য অসিদা অনৌবা কেস ৩,৯২৪ রেজিস্তর তৌখি। হৌখিবা চয়োল মরি অসিদা নোংমদা থেংনবা কেসশিংগী চাংচৎ অসি ২৩% হেনগৎপগী রেকোর্দ তৌখি। হৌখিবা চয়োল মরি অসিদা পোজিতিবিতী রেৎ অসি ১% হেনগৎলে। দার্জীলিং, নাদিয়া, মেদিনিপুর ৱেস্ত, জলপাইগুরি, হুগ্লী অসিনা কেসশিং হেনগৎলক্লিবা মকোক থংবা জিলাশিং ওইরি। অমরোমদা মুর্শিদবাদ, নাদিয়া, কোচবেহর, কোলকতা অমসুং দার্জীলিংদা হৌখিবা চয়োলদা চয়োলগী ওইনা লৈখিদবগী মশিং হেনগৎপগী রেজিস্তর তৌরকখি। তেস্ত পর মিলিয়ন পোপুলেসন (তি.পি.এম.) ৪১,২৬১দা লৈরি অমরোমদা লৈবাক অসিগী তি.পি.এম.না ৭৭,২২০ ওইরি।

রাজ্য অসিদা ‘তেস্ত-ত্রেক-ত্রীৎ’কী লালোং চেকশিন্না ঙাক্না চৎনবা খঙহনখি। তেস্ত তৌবদা লাইথোক্তবা অমসুং আর.তি.-পি.সি.আর. তেস্তশিং মশিং য়াম্না তৌবগা লোয়ননা নোংমগী তেস্ত তৌবগী চাং অসি ৱাংহন্নবা ৱেস্ত বেঙ্গল হেল্থ ওথোরিতীশিংদা খঙহনখি। মপুং ফাবা স্তেন্দর্দ ওফ কিয়র পীনবা অমসুং কেসশিং ঙন্না খঙদোক্নবা লোয়ননা ঙন্না হোস্পিতেলাইজেসন তৌনবা খঙহনখি। হোম ইসোলেসন তৌদুনা থম্লিবা মীওইশিংগী চাং নায়না লাইওং উৎলকপরা য়েংশিনবা অমসুং হোস্পিতেলাইজেসন তৌনবগী খোঙথাং লৌখৎনবসু পাউতাক পীখি। রাজ্য অসিনা রেপিদ কন্তেক্ত ত্রেসিং তৌবদা অমসুং ত্রেস তৌরবা কন্তেক্তশিং অথুবদা আইসোলেসন তৌবা অসি মপুং ফানা চত্থনবা মীৎয়েং ফংনবসু খঙহনখি। বা মুং ফানা চত্িং তৌবদা অমসুং ত্রেস ত

কেরেলাদা কেসশিং হেনগৎলকপা উবা ফংলি। ঙসি ফাওবদা অপুনবা এক্তিব কেস ৯৩,৩৬৯ লৈরি। হৌখিবা চয়োল মরি অসিদা নোংমদা থেংনবা কেসশিং অসিগী চাংচৎতা ১১% হেনগৎপগী রেকোর্দ তৌখি। হৌখিবা নুমিৎ ১৪ অসিদা থেংনখিবা অনৌবা কেসশিংগী মশিং অসি ৯৮,৭৭৮নি। হৌখিবা পুং ২৪ অসিদা কেরেলাদা ৮,৯৭০ কেস রেজিস্তর তৌদুনা অনৌবা কেসকী মশিং খ্বাইদগী য়াম্বা ওইখি। ত্রিসুর, অলাপুলা, কোত্তয়ম, পথানমথিত্তা, মলাপুরম অসি কোবিদ কেসশিংগী মশিং হেনগৎলক্লিবা মকোক থংবা জিলাশিং ওইরি। কোবিদতগী লৈখিদবগী ওইনদি রাজ্য অসিনা মপুং ফানা লাকশিনবগী ফল উবা ফংলি। ত্রিসুর (১৩৩%), কোলম (৭৫%), অলাপুলা (৩১%), ইর্নাকুলম (৩০%) অমসুং কন্নুর (১৫%)দা চয়োলগী ওইনা লৈখিদবা হেনগৎলবসু রাজ্য অসিগী ফেতেলিতী রেৎ অসি ০.৩৪% ওইরি।

পোপুলেসনগী তেস্ত পর মিলিয়ন অসি ৬৬,৭৫৫নি অমসুং পোজিতিবিতী রেৎ অসি ১৬.৫% ওইদুনা য়াম্না ৱাংলি। হৌখিবা চয়োল মরি অসিদা পোজিতিবিতী রেৎ ৪১% হেনগৎপগী রেজিস্তর তৌখি।

হরাও-কমহৈনা মরম ওইদুনা অনৌবা কেসশিং হেনগৎলক্লিবা অসি য়াম্না নুংনাংনীংঙাই ওই হায়না ফোঙদোকখি। রাজ্য অসিদা আই.ই.সি.গী খোঙথাংশিং হেনগৎনবা অমসুং হেন্না চেকশিল থৌরাংগা লোয়ননা মাস্ক উনবা খঙহন্নবা পাউতাক পীখি। অমরোমদা কেরেলানা য়ুম্লোনরিবা জিলাশিং অমসুং রাজ্যগী ঙমখৈশিংদা কন্তেক্ত ত্রেসিং তৌবগী থবক থৌরমশিং য়েংশিল্লি, মলাপুরমগুম্বা পোজিতিবিঈ রেৎ য়াম্না ৱাংবা জিলা খরদা অহেনবা মেনেজমেন্ত লৌখৎপা মথৌ তারি।

রাজ্যশিং/য়ু.তি.শিংদা সোসিএল দিস্তেন্সিং ঙাক্না থম্বা, সেনিতাইজেসন তৌবা, মাস্কশিং উপ্পা অসিগুম্বা চেকশিন থৌরাংগী পাম্বৈশিং অসি লৌখৎনবা খংহনখ্রে।

****