কোবিদ-১৯ লাইনা-লাইচৎ অসিনা মরম ওইরগা থোকহল্লিবা চরাংনবা অসি ইশৈ অমসুং জগোইনা পোথাহনবা ঙম্মী হায়না উপ-রাস্ত্রপতি শ্রী এম. বেনকাইহ নাইদুনা ঙসি ফোংদোকখ্রে৷

য়ুনাইতেদ নেসন্সকা খুৎশম্নদুনা নত্যা তরঙ্গিনিনা শিল্লিবা ‘পরমপরা সেরিস ২০২০- ইশৈ অমসুং জগোইগী নেস্নেল ফেস্তিবেল ’গী ভর্চুয়েল ফেস্তিবেল লোঞ্চ তৌবগী থৌরম অদুদা ইশৈ অমসুং জগোইনা ঐখোয়বু  ইনর্জী পীদুনা অমসুং নহা ওইথোকহন্দুনা ঐখোয়গী পুন্সিবু হেন্না মপুং ফাবা ওইহল্লি হায়না উপ-রাস্ত্রপতিনা ফোংদোকখ্রে৷ লাইনা-লাইচৎ অসিনা মরম ওইরগা থোকহল্লিবা পুক্নিং লৈতহন্দবা ময়াম অদু ইশৈ অমসুং জগোইনা মাংহনবা ঙম্মী অমসুং ঐখোয়গী পুন্সিদা শান্তি পুরকই হায়না মহাক্না ফোংদোকখ্রে

 মমাংগী চহী ২৩দগী হৌদুনা ‘পরমপরা সেরিস’ অসি পাংথোকপগীদমক অমসুং অসিগুম্লবা লুরবা মতম অসিদা ২৪শুবা চহী অসিদা পাংথোক্ননবগীদমক শিজিন্নরিবা ইন্নোভেতিব ইফোর্তশিং অদুগীদমক মহাক্না নত্যা তরঙ্গিনিবু থাগৎখ্রে৷ ‘পরমপরা’ হায়বদি ‘চৎনবী’ হায়বনি, মীরোল অমদগী অতোপ্পা মীরোল অমদা কল্চরেল ত্রেজর হাউস শন্দোকপা হায়বনি হায়না মহাক্না মখাতানা ফোংদোকখি৷

লাইনা-লাইচৎ অসিনা মরম ওইরগা তৌরিবা লোকদাউন, ইকোনোমিক হন্থরকপা অমসুং সোসিয়েল ইন্তরেক্সন ৱাৎলকপা অসিনা নোর্মেল ওইবা পুন্সি অসি মাংহনখিবা অসিনা মরম ওইরগা অসিগুম্লবা জগোই অমসুং ইশৈগী ফেস্তিবেল অসি হৌজিক লৈরিবা মতম অসিদা পাংথোকপা অসিদগী হেন্না ফবা মতম অমা মতুং তারকপদা লাক্লরোই হায়না শ্রী নাইদুনা ফোংদোকখি৷

ওদিও-ভিজুয়েল হেরিতেজকী মালেমগী নুমিৎ অসি নুমিৎ অমখক্তদা তামিন্ননবা মসিগী ফেস্তিবেল অসি ঙসি পাংথোকপনি৷

সমাবেদা অমসুং ভারতামুনিগী নত্যাশাস্ত্রাগী মতুং ইন্না ভারত অসি ইশৈ অমসুং জগোইদা য়াম্না মঙাল নাইরবা চৎনবী লৈ হায়না উপ-রাস্ত্রাপতিনা ফোংদোকখ্রে৷ জগোই, ইশৈ অমসুং দ্রমাগী তোঙান তোঙানবা আর্ত মখলশিং অসিনা ঐখোয়গী কম্মন সিবিলাইজেসন ফিলোসোফী অদু মশক তাকই হাযনা মহাক্না ফোংদোকখ্রে৷ দিবোসন অমসুং স্পিরিচুয়েলিতীদা অখন্ননা মীৎয়েং থম্লি অমসুং হ্যুমেন একজিস্তেন্স অসিগী মনুং চল্লিবা  ‘রসাস’ মাপনগী এক্সপ্রেসন্সকী মপুং ওইবা গেমুত অমা লৈ হায়না মহাক্না ফোংদোকখি৷

ঐখোয়গী ত্রেদিস্নেল ত্রেজরশিং অদু ঐখোয়না লেপ্পা লৈতনা য়েংশিনগদবনি হায়না উপ-রাস্ত্রপতিনা ফোংদোকখ্রে৷ পরমপরা অসি মখাতানা চৎথনবা এদজুকেসন সিস্তেমদা হায়রিবা ইলিমেন্তশিং অসি সিস্তেমেতিক ওইনা ইনকোর্পোরেসন তৌবা মহাক্নসু পাম্মী৷

কুরিকুলমগী কমপল্সরী ওইবা শরুক অমা ওইনা আর্তশিং পাংথোকপা অসিনা মহৈরোইশিংনা হেন্না কনফিদেন্ত লৈহনবদা, লোৎশিল্লগা লৈরিবা তেলেন্তশিং উৎথোকপদা অমসুং ক্রেতিব ওইবা পোৎ শেম-শাবদা মতেং পাংলগনি হায়না মহাক্না মখা তানা ফোংদোকখি৷

হৌজিক লৈরিবা মতম অসিদা মালেম অসিগী মীওই খুদিংদা শান্তিগী মেসেজ মরু ওই অমসুং অতোপ্পাশিংগা ইংনা চিক্না হিংমিন্নবা ঙম্বা মরু ওই অমসুং ঐখোয়গী অকোইবদা লৈরিবা মীওই খুদিংমক্কা ইংনা চিক্না শান্তি লৈনা হিংবা ঙম্বা য়াম্না মরু ওই৷ মহৌশা অমসুং অকোইবগী ফিভম অসি কাইহল্লকপনা মরম ওইরগা থোকহল্লকপা য়াম্না শাথিরবা ফলশিং অদু লাইনা-লাইচৎ অসিনা মীওইবদা চাংয়েং তৌদুনা উৎখ্রে হায়না উপ-রাস্ত্রপতিনা ফোংদোকখ্রে৷ হিরম অসিদা মীওই খুদিংমক, কম্মুনিতী খুদিংমক, ওর্গনাইজেসনশিং অমসুং সরকারশিংনা অকোইবগী ফিভম অসি ঙাক শেন্দুনা থম্নবা মহাক্না খঙহনখ্রে৷

তুংদা লাক্কদৌরিবা মীরোলশিংদা হেন্না ফবা অমসুং অশংবা প্লানেত অমা ওইনা খুৎশিন্নবা হায়বসি ঐখোয়গী ইথৌ অমনি হায়না শ্রী নাইদু না ফোংদোক্লদুনা মহৌশা অমসুং অকোইবদা লৈরিবা থৱাই পাল্লিবা জীবা পুম্নমক্কা ইংনা চিক্না শান্তি লৈনা পুন্না হিংমিন্নবগী তঙাই ফদবাশিং অদু ভারতিয়া কল্চর অমসুং সিবিলাইজেসনগী ভেল্যুশিং অসি মতম পুম্নমক্তা খঙহল্লি হায়না  মহাক্না ফোংদোকখ্রে৷ ঙল্লিঙৈ মতমদগী হৌদুনা, ঐখোয়গী কল্চর অসিনা মহৌশা অমসুং অকোইবগী ফিভমদা কান্নবা পীবা থবক কয়ামরোম তৌখ্রে হায়না মহাক্না ফোংদোকখি৷

লাইনা-লাইচৎ অসিনা মরম ওইরগা  মমাংগী থা খরা অসিদা থ্রেতরশিং অসমুং ওদিতোরিয়মশিং লেপ্পা লৈতনা থিংজিনখিবনা আর্তকী ইন্দস্ত্রীদা চাওনা অকোইবা পীখি, চৎনবী অসি ঙাক শেন্দুনা য়োক্তুনা থম্নবা অমসুং শন্দোক্নবা আর্তিস্তশিং অমসুং ইন্সতিত্যুসনশিংনা তেক্নোলোজী শিজিন্নবা শ্রী নাইদুনা পামখি৷

লুরবা মতম অসিদা পব্লি-প্রাইবেৎ- পার্তনরশিপ তঙাই ফদবা অসিনা মরম ওইরগা, অফবা তুং অমগীদমক ভারতকী অনৌবা জেনেরেসন অসিদা আর্ত, কল্চর অমসুং স্পোর্তস হেন্না হেন্না য়োকখৎনবা ইন্দস্ত্রী লিদর পুম্নমক্তা উপ-রাস্ত্রপতিনা হায়জখ্রে৷

কুচিপুদিদা নহা ওইরিবা মহৈরোইশিংবু ত্রেনিং তৌবীবগীদমক অমসুং চৎনবী অসি মাংহন্দুনা মতম শাংনা থম্লকপা অসিগীদমক দা. রজা রধা রেদী, কৌশাল্যা রেদী অমসুং মখোয়গী ইমুং মনুংবু মহাক্না থাগৎখ্রে৷

অসিগুম্লবা ভর্চুয়েল ফেস্তিবেল অসি পুন্না পাংথোকপগীদমক য়ু.এন.গী রিসাইদেন্ত কোওর্দিনেতর শ্রীমতি রেনতা দেসালিনবু মহাক্না অখন্ননা থাগৎখ্রে৷ পুনবগী থৌরম অদুদা জি.এম.আর. গ্রুপকী চিয়রমেন জি.এম. রাওসু শরুক য়াখি৷

থৌরম অদুদা ওনলাইনগী খুৎথাংদা লিজেন্দরী কুচিপুদি দান্স কোপল দা. রজা রেদী, রধা রেদী, হান্নগী য়ু.এন. এসিস্তেন্ত সেক্রেতরী-জেনেরেল  শ্রীমতি লক্সমী পুরি, জি.এম.আর. গ্রুপকী চিয়রমেন শ্রী গান্ধী মল্লিকর্জুনা রাও, য়ু.এন.রিসাইদেন্ত কোওর্দিনেতর শ্রীমতি রেনতা দেসালিন, তোঙান তোঙানবা লৈবাকশিংদগী মশক নাইবা মীওইশিং, নত্যা তরঙ্গিনিগী মহৈরোইশিং অমসুং ক্লাসিকেল জগোই শারিবশিংনা থৌরম অদু শরুক য়াখি৷

মখাগী অসি ঙাংখিবা ৱারোল অদুগী মপুং ফাবা অইবনি-

“নত্যা তরঙ্গিনিনা য়ুনাইতেদ নেসন্সকা খুৎশম্নরগা পাংথোক্লিবা ‘পরমপরা সেরিস ২০২০’গী ভর্চুয়েল ফেস্তিবেল অসি লোঞ্চ তৌবগী থৌরম অসিদা ঙসি ময়াম পুম্নমক্কা য়াওবা ফংজবা অসি ঐহাক অসুক্কী মতিক নুংঙাই৷

হন্দক্কী সিজন অসি হরাউ-কুহ্মৈশিং- দুসেহরা, দীপবলি, মিলদ-উন-নবি, গুরু নানক্কী মপোক নুমিৎ অমসুং খৃস্তমাস্তনচিংবা লৈবা সিজন অমনি৷ মখোয়না হরাও নুংঙাইবা, অফবা ৱাখল্লোন ফংহল্লি৷ ঐকোয়গী পুন্সি অসি হেন্না মপুং ফানবা অসিগুম্লবা হরাউ নুংঙাইবা অসি ঐখোয়না দরকার ওই৷ মসিনা মরম ওইদুনা ইশৈ অমসুং জগোইনা ঐখোয়দা নুংঙাইবা পী অমসুং পোথাবা ফংহন্দুনা অমুক হন্না ইনর্জী হাপ্পী৷ অৱাবা অমসুং নিংবা কাইরবা অদুসু মাংহনবদা মখোয়না ঐখোয়বু মতেং পাংই৷ ঐখোয়গী নুংগী ওইবা স্পিরিত অসিসু মখোয়না শেংহল্লি৷

অসিগুম্লবা জগোই অমসুং ইশৈগী ফেস্তিবেল  অসি পাংথোকপগী মতম অসি হৌজিক নত্তনা শিদগী হেন্না অফবা মতম অমফাও লাক্লরোই৷ ওদিও-ভিজুয়েল হেরিতেজকী মালেমগী নুমিৎ অসি ঐখোয়না পাংথোকপা খক্তা নত্তে, ভারতকী হৈ শিংবা অদুগীদমক হরাউ নুংঙাইবা ফোংদোকপগী শরুক য়াওরিবনি৷

লাইনা-লাইচৎ অসিনা মরম ওইরগা ঐখোয় অরুবা ফিভম অমদা লৈরি৷ ভাইরস অসিদগী ঙাকথোক্নবা ঐখোয়না ভেক্সিন অমা অমসুং রেমিদী অমা থীরি৷ লোকদাউন অসিগী  মনুং অসিদা, শেল-থুং হাইথরকপা মতম অসিদা অমসুং সোসিয়েল ইন্তরেক্সন ৱাৎলকপা মতম অসিদা ঐখোয়না ঐখোয়গী পুন্সি শেমদোক্লি৷

হায়রিবা অৱাবা ময়াং অসি ইশৈ অমসুং জগোইনা মাংহনবা ঙমগনি৷ মসিনা মতুং তারকপদা ঐখোয়গী অশা মাংহন্দনা থম্বা ঙমগনি৷ মসিনা ঐখোয়গী পুন্সিদা শান্তি পুরক্লগনি৷ অসিগুম্লবা তম্বা ঙমদবা অরুবা মতম অসিদা হেন্না ফনা ঐখোয়না থেংনবা ঙম্লগনি৷

মসিগী ‘পরমপরা সেরিসকী’ ইদিসন অসিনা মমাংগী ইদিসনশিংদগী ভারতকী ক্লাসিকেল ইশৈ অমসুং জগোইগী পর্ফোমেন্স পুনশিল্লকপা অসি ঐ তশেংনা ঙকই৷ মসি অফবা ইন্নিসিয়েতিদ অমনি৷

পরমপরা হায়বগী ৱাহন্থোক্তি ‘চৎনবী হায়বনি’, জেনেরেসন অমদগী জেনেরেসন অমদা কল্চরেল ত্রেজর হাউস শন্দোকপা অদুবুনি৷

নত্যা তরঙ্গিনিনা হোৎনরিবা ‘পরমপরা সেরিস’ অসি হৌজিক ফাওবা চৎথরকপা চহী ২৩ শুরে অমসুং অসিগুম্লবা অরুবা তানফম অসিদা ২৪শুবা পাংথোক্নবা হোৎনরিবা ইন্নোবেতিব ইফোর্তশিং অসি অসুক্কী মতিক মমল লৈ৷

নুংশিরবা মরুপশিং,

ভারত অসি ইশৈ অমসুং জগোইগী মঙাল নাইরবা চৎনবী অমা লৈ৷ সমাবেদা অমসুং ভারতামুনিগী নত্যাশাস্ত্রদগী লৌথোক্তুনা পরমপরাগী চৎনবী অসি চহী চা ২০ হেল্লে৷ হিন্দুস্তানি অমসুং কর্নাতিক্কী ক্লাসিকেল ত্রেদিসন অনি অসিগী মথক্তা ভারতকী লিতরেরী হেরিতেজ অসি হেন্না চাওখৎহনগদবা ফোল্ক ম্যুজিক অমসুং জগোই ত্রেদিসনগী মমল লৈরবা রিপরতরী লৈরে৷

নুংশিরবা ইয়াম্বা অমসুং ইচেশিং,

মসিগী মেসেজ অসি হৌজিক হৌজিক মালেম অসিদা দরকার ওইরিবা মেসেজ অমনি-মহৌশা অমসুং অকোইবদা লৈরিবা থৱাই পাল্লিবা জীবা পুম্নমক্কা ইংনা চিক্না শান্তি লৈনা পুন্না হিংমিন্নবা হায়বনি৷ অসিগুম্লবা মেসেজ অসি ঐখোয়গী ফাওরবা হৌজিক লৈরিবা চৎনবী অসিনা  শন্দোকপা অসিদগী হেন্না ফবা মেদিয়ম অমতা লৈতে৷

 মহৌশা অমসুং লৈরিবা থৱাই পানবা পুম্নমক  অসিগী ইংনা চিক্না শান্তি লৈনা হিংমিন্নবগী কান্নবশিং অদু ভারতিয়া কল্চর অমসুং সিবিলাইজেসনগী ভেল্যুশিং অসিনা মতম পুম্নমক্তা খঙহল্লি৷ ঙল্লিঙৈ মতমদগী হৌদুনা, ঐখোয়গী কল্চর অসিনা মহৌশা অমসুং অকোইবগী ফিভমদা কান্নবা পীবা থবক কয়ামরোম তৌখ্রে৷

মহৌশা অমসুং অকোইবগী ফিভম কাইহনবদগী থোক্লকপা ফৎতবা ফলশিং কোবিদ-১৯না মরম ওইরগা থোকহল্লিবা লাইনা-লাইচৎ অসিনা মীওইবদা উৎখ্রে৷ অকোইবগী ফিভম ঙাক শেন্দুনা কাইহন্দনা থম্বা অসিনা মীপুং খুদিংমক্কী, কম্ম্যুনিতীশিংগী, ওর্গনাইজেসনশিংগী অমসুং সরকারশিংগী তৌদ্রবা য়াদ্রবা খোংথাং অমা ওইরি৷ তুংদা লাক্কদৌরিবা মীওইশিংদা হেন্না ফবা অমসুং অশংবা প্লানেত অমা ওইনা শিনরম্বা হায়বসি ঐখোয়গী ইথৌনি৷

ঐখোয়না চেকশিন থৌরাং লৌমিন্নবা সমাজ অমা, থবক তৌমিন্নবা সমাজ অমা অমসুং মশা মশামক্কীনি খন্না য়াম্না নুংশি চান্ননা শেম্বা সমাজ অমা মথৌ তাই৷ ঐখোয়গী ত্রেদিস্নেল ত্রেজরশিং অসি ঐখোয়না লেপ্পা লৈতনা য়েংশিনগদবনি অমসুং শেমদোক্কদবনি৷ পরমপরা অসি কাইহন্দনা থমগদবনি৷ হায়রিবা ইলিমেন্তশিং অসিগী সিস্তিমেতিক ইনকোর্পোরেসন্দা এদজুকেসন সিস্তেমদা  লৈরবা মতমদতা মসি পাংথোকপা ঙমগনি৷

আর্তশিং অসি কুরিকুলম অসিগী য়াম্না মরু ওইবা শরুক অমা ওইনা হাপ্নবা ঐনা স্কুলশিংদা হায়জখ্রে৷ মসিনা মহৈরোইশিংনা হেন্না কনফিদেন্ত লৈহনবদা, উৎথোক্তনা থম্লম্বা তেলেন্তশিং উৎথোকপদা অমসুং অনৌ অনৌবা ৱাখল্লোন পুথোকপদা মতেং পাংলগনি৷

কুচিপুদিদা নহা ওইরিবা মহৈরোইশিংবু ত্রেনিং তৌবীবগীদমক অমসুং চৎনবী অসি মাংহন্দুনা মতম শাংনা থম্লকপা অসিগীদমক দা. রজা রধা রেদী, কৌশাল্যা রেদী অমসুং মখোয়গী ইমুং মনুংবু  ঐনা থাগৎলি৷

কোবিদ-১৯ লাইনা-লাইচৎ অসিনা মরম ওইরগা মমাংগী থা খরা অসিদা থ্রেতরশিং অসমুং ওদিতোরিয়মশিং  থিংজিনখিবনা ভারততা লৈরিবা আর্তকী ইন্দস্ত্রীদা চাওনা শাফু পী৷

অসিগুম্লবা ফিভম অসিদা অসিগুম্বা নোভেল ইন্নিসিয়েতিবশিং অসি থাগৎনিংঙাইনি৷ তশেংবদি তেক্নোলেজী শিজিন্নবা অসিনা হেন্না ফবা পোতেন্সিয়েল ফংহল্লি অমসুং তেক্নোলোজী শিজিন্ননবা আর্তিস্তশিং অমসুং ইন্সতিত্যুসনশিংদা ঐনা পুক্নিং থৌগৎখ্রে অমসুং চৎনবী অসি শন্দোক্নবা অমসুং মাংহন্দনা থম্নবা অনৌবা এভিন্যুশিং ফংখ্রে৷

অসিগুম্লবা ভর্চুয়েল ফেস্তিবেল অসি পাংথোকপগীদমক য়ু.এন.গী রিসাইদেন্ত কোওর্দিনেতর, শ্রীমতি রেনতা দেসালিনবু ঐনা তশেংনা থাগৎলি৷

মথংগী থাদা মৈগী কুহ্মৈ দীপবলি পাংথোক্লগনি৷ চহী লিশিং অনিগী মমাংদা মীওইবা জাতিগীদমক  লৈবিরম্বা ভারতকী মুনি ঋশিনা শোনবিরম্বা লাইশোন: ‘থমাসো মা জ্যোতির্গময়া’ ৱাহন্থোক্না ‘অমম্বদগী অঙানবদা ঐখোয়বু লমজিংবিবা’ অসি  ঐনা হায়বা পাম্মী৷ মসিনা লাক্কদৌরিবা থাশিং অসিদা ঐখোয়বু লমজিংবিগদবা মঙাল ওই৷ মসি ঐখোয়না তাবা পাম্বা অমসুং ঐখোয়গী অকোইবদা উবা পাম্বা অইংবা অমসুং রিদম অদুবুনি৷ অসিগুম্লবা অখন্নবা এবিলিতীশিং অসিবু ফংহল্লিবা পোকপদগী পীথোরক্লবা আর্তিস্তশিং অসিবু ঐখোয়না থাগৎচরি৷ ঐখোয়গী কল্চরেল আর্ত মখল অসি য়োকখৎতুনা মালেম অসিদা লৈরিবা দাইভর্সিতী অসি ঐখোয়না য়োকখৎলসি৷

অচৌবা ৱল্দ কল্চরেল লেন্দল্কেপ অসিগী শরুক অমা ওইনা মসিগী মমিং লৈরবা ভারতকী পরমপরা অসিগী শরুক অমা ওইবা হায়বসি খুদোংচাবা অমনি৷

পরমপরা সেরিস অসিবু শিল্লি লাংলিবা অমসুং শরুক য়ারিবা মীওইশিংবু মখোয়না কন্না হোৎনদুনা মঙাল অসি মাংহন্দনা থম্বগীদমক ঐনা অমকপা অমতা লৈতনা থাগৎচরি!

অমু্ক্কা হন্না অসিগুম্বা প্রোগ্রাম অসি লোঞ্চ তৌবগীদমক মসিনা ঐবু অসু্ক্কী মতিক নুংঙাইবা পী৷ পার্তিসিপেন্তশিং,  প্রেক্তিসন্নরশিং অমসুং ভারতকী জগোই অমসুং ইশৈবু পামজবা মীওই পুম্নমক্কী তুংগী পুন্সিগীদমক ঐনা থৌজাল পীজরি৷

জই হিন্দ!”

*****