তুরিজম মন্ত্রালয়গী ওক্তোবর ২৪, ২০২০দা পাঙথোকখিবা "বুন্দিঃ অকাও পরৈ চল্লুরবা রাজপুৎ কেপিতেল অমগী আর্কিতেকচরেল হেরিতেজ" হায়না মিংথোনবা দেখো অপ্না দেশ ৱেবিনার পরিংদা রাজস্থানগী বুন্দিদা মীৎয়েং থমখি। মতম অমগী মমাংগী  মেদিভেল ভারতকী শক্তিগী ময়োল-লম ওইরম্বা মফম অসিগী মনুংদা, অপীকপা পুৱারীগা শাগোন্নরবা শহর মচা কয়া ঙসিদি কনা অমত্তনা মখোয়গী নক্নবা জিওগ্রাফিকেল কন্তেক্সকী ৱাংমদা খঙনদ্রে। দিল্লী, জয়পুর, জৈশল্মর, উদয়পুর, অহেমদবাদ, লখনৌ অসিনচিনবা ভারতকী মরুওইবা পুৱারীগা শাগোন্নবা অমসুং প্রোভিন্সিএল সিতীশিং অসিদা মীৎয়েং ফনা চঙজবা তারবসু মনুং হঞ্জিনবা মীনা চৎনদবা ভারতকী অপীকপা শহর অমসুং তাউনশিংদি তুরিস্ত, এন্থুজিয়াস্ত অমসুং স্কোলারশিংনা পীগদবা মীৎফমদগী হেন্না তারি।

হরাউতি হায়না খঙনবা হারা রাজপুতকী প্রোভিন্স ওইরম্বা খা-নোংপোক থংবা রাজস্থান্দা লৈবা বুন্দি অসি অসিগুম্বা মফম অমনি। ৱেবিনার অসি আর্কিতেক-অর্বান প্লান্নর, মেনেজিং প্লানিং অমসুং অর্বান ইনফ্রাস্ত্রকচর অমসুং এয়রপোর্ত, স্পিসিএল ইকোনোমিক জোন, ত্রান্সপোর্তেসন অমসুং অর্বান রিদিবেলপমেন্ত, মেত্রো রেল, ইনভাইরোন্মেন্তেল সস্তেনেবিলিতী অমসুং স্লম রিহেবিলিতেসন য়াওনা চহী ২৫ হেনবগী এক্সপরিএন্স লৈরক্লবা দিজাইন অর্বানিস্ত চরুদত্ত দেশ্মুখনা পীখি। শ্রী চরুদত্ত দেশ্মুখনা আর্কিতেকচরেল হেরিতেজশিংগী লনশিং করম্না শেম্লকপগে হায়বা অমসুং ২১শুবা চহী চাদা থেংনরিবা খুদোংচাদবাশিং, বুন্দিগী আর্কিতেকচরেল হেরিতেজ অসিবু বুন্দি অমসুং খা-নোংপোক থংবা রাজস্ত্রহান্দা তুরিজম চাউখৎনবগী লম্বী অমা ওইনা শীজিন্নবগী মনুং হঞ্জিনবা ৱাখল্লোন কয়া থমখি।

বুন্দি অসি স্তেপৱালগী শহর অমসুং ছোতি কাশি হায়রগসু খঙনৈ। ঙল্লিঙৈ মতমদা, বুন্দিগী অকোইবদা লৈবা মফমশিং অসি পরিহার ত্রাইব, মীনানা নম্না তাবা তোঙান-তোঙানবা লোকেল ত্রাইবশিংনা খুন্দা লৈতাদুনা লৈরম্মি। কোন্নথংদদি, হায়রিবা মফমশিং অসি জৈতা মীনাদগী ১২৪২দা বুন্দিবু লৌশিনখিবা রাও দেবনা পাল্লবা মতুংদা মসিগী অকোইবা মফমশিংবু হরাবতি নত্ত্রগা হরোতি হায়না থোনখি। মসিদগী চহী ২০০গী মতুং ফাওবা, বুন্দিগী হরাশিং অসি মেৱারগী সিসোদাইস্কী ভসাল ওইরম্মি অমসুং রাওগী মিংথোন্দা ১৫৬৯ ফাওবা পাল্লম্মি, মসিগী মতম অসিদা নিংথৌ অকবরনা রন্থম্বোর লানবন পীথোক্লবা মতুংদা অমসুং চঙজরবা মতুংদা রাও সুর্জন সিংহবু রাও রাজাগী মিংথোল পীখি। ১৬৩২দা, রাও রাজা চত্তর সালনা নিংথৌ ওইনা পাল্লে, মহাক য়াম্না শাথিবা, চৎনরোল ঙাক্না চৎপা অমসুং অচুম্বা চৎপা বুন্দিগী নিংথৌশিংগী মনুংদা অমা ওইরম্মি। মহাক্না বুন্দিদা কেশোরাইপতান অমসুং চথ্র মহলদা কেসবরাওগী লাইশঙ শারম্মি। মহাক্কী রতন সিংহনা পাল্লিঙৈ মতমদা মহাক্কী মপানা লৈখিদ্রবা মতুংদা  মপুবোক রাও রতন সিংহগী মতুংদা মহাক্না নিংথৌ ওইনা পানখি। রাও চত্তর সাল হারা রাজপুৎ ত্রুপশিংগী লুচিংবা ওইনা সমুগরগী লানফমদা ১৬৫৮তা মহাক্কী অতোনবা মচানুপা ভারত সিংহ রাও ভাও সিংহগা লোইননা থৌনা ফনা লান শোক্নরবা মতুংদা লৈখিদে, মহাক্কী মচানুপা অহল ছত্তর সিংহনা মপাগী মহুৎ শিন্দুনা বুন্দিগী নিংথৌ ফম্বাল কাখি।

ফোতো

মুঘলগী মতুং তারকপা মতম

১৮০৪দা রাও রাজা বিশন সিংহনা কর্নেল মোন্সোন্দা মরাথা এম্পাইয়র অমসুং পিন্দারিশিংনা লেপ্পা লৈতনা মহাক্কী স্তেৎপু লান্দারকপা মতম অমসুং কিংদম অসিবু ১৮১৭দা ইকাই খুম্নবা নমদুনা উৎহনখিবা, হোল্কারদগী মাইথিরদুনা হল্লকপা মতমদা মতেং পাংখি। মসিগী মতুংদা, বিশন সিংহনা বৃতিশ ইস্ত ইন্দিয়া কম্পেনীগা পুন্দুনা ফেব্রুৱারী ১০, ১৮১৮দা মহাকপু ঙাকপী শেনবীখি। বুন্দিগী ময়াদা সুখকী প্লেজর পেলেস শাবগী দাইত্য মহাক্না পুখি।

মহারাও রাজা রাম সিংহ মীয়াম্না খ্বাইদগী ইকাই খুম্নবা উৎখিবা শেন্মিৎলোন অমসুং লৈঙাক্কী রিফোর্ম পুরকখিবা অমসুং সংস্কৃৎ তম্নবা মহৈলোইশঙ লিংখৎখিবা মীশক অমনি। চহী ৬৮ নিংথৌ খুবম পায়রদুনা মহাকপু রাজপুৎকী ইকাই খুম্ননিংঙাই ওইরবা মীশকশিংগী মনুংদা অমা ওইখি অমসুং রাজপুতাশিংগী মরক্তা খ্বাইদগী "কঞ্জর্বেতিব ওইবা নিংথৌ মচা ওইখি। ১৯৪৭দা ভারতপু খাইবোক খাইখিবা মতমদা, বৃতিশনা মখোয়গী প্রিন্সলী স্তেৎ অদু সোবরিন ওইনা থাদোকখি, মসিনা মখোয়দা ইন্দিপেন্দেন্ত ওইনা লৈগদ্রা নত্ত্রগা নৌনা শেম্লক্লবা ভারত নত্ত্রগা পাকিস্তান্দা য়াওগদ্রা হায়বগী ৱারেপ লৌজবা তারম্মি। বুন্দিগী নিংথৌনা য়ুনিয়ন ওব ইন্দিয়া ওইখিবা ভারত্তা য়াওবা হায়না ৱারেপ লৌখি। মসিনা বুন্দিগী ইন্তর্নেল এফিয়র্স পুম্বা দিল্লীগী চুপ্লি মখাদা লৈখি। বুন্দিগী অরোইবা নিংথৌনা এপ্রিল ৭, ১৯৪৯দা ইন্দিয়ন য়ুনিয়ন্দা তিনবা হায়না খুৎয়েক পীখি।

মরুওইবা অমসুং তোপ-তোপ্পা মায়কৈ

হোরা রাজপুৎশিং অসি য়াম্না শাথিবা, শিবা কিদবা চহী নৌরিঙৈদগী হৌনা মখোয়গী লম ঙাক্নবগীদমক লান শোক্নবদা লানফমদা থৱাই থাগনবা কাংবু ওই। মসিনা মরম ওইদুনা হোরাগী অঙাং অমনা বুন্দিগী নিংথৌ খুবম অসি অঙাং ওইনা তাংকক কয়াদা পানখি। মরম অসিনা, নিংথৌ মহারানি, দিৱান অমসুং ধাই মা হায়বসি বুন্দিগী নিংথৌ লৈঙাক্তা অমসুং রাজনিতীগী থবক থৌরমদা য়াম্না মরুওই।

বুন্দিগী শহর অসি অসুম্না তারাগর চীংদা চঙশিনখি। লানবন অসিগী চীংখোঙ মক্তদা অপীকপা খুন্দা লৈতাবা লম অমা শেমগৎখি। নিংথৌ কোনুংনা তম্পাক অসিবু উবা য়াবা  অঙম্বা চীং অমদা লৈদুনা অকোইবা চীংগী লমশিং উবা ফংখি। গর মগল অসি মরুওইবা অমসুং বুন্দিগী অতিয়া থংবা লানবন অসি বুন্দি মখাদগী য়েংলকপদা উখি। মথংগী চহী ২০০ লৈরবা মতুংদা অপুম্বা ক্লস্তর অসি শেমখি। গর মহল অসি অৱাবা তারবা মতমদা বুন্দিগী মীয়াম্না য়েংবদা নুংঙাইবা মীৎয়েংফম ওইখি অমসুং তারাগর অসিনা চীংগী হেক মতোন্দা শহর অসিবু ঙাকপী শেনবীরিবা অমা ওইনা লেপখি। য়ুম অসিগী মপান থংবা শরুক্তা মচু কয়া তৈবনা মঙাল অমা থোকহল্লি অমসুং বুন্দিগী লম্বী শোরোক্তা জোধপুর নত্তনা ভারতকী মফম অতৈদা উবা ফংদবা মচু অমা উবা ফংহল্লি। বুন্দিগী য়ুম অয়াম্বা লম্বীদগী উবা মথক থংবা ফ্লোরশিংদা ঝারোকা য়াওই, মসিনা মঙাল অমসুং নুংশিৎ চঙহল্লি। চত্থোক চৎশিন অমসুং পাউ ফাওনবা য়াহনবগী মথক্তা, হায়রিবা লম্বীশিং অসিনা ৱাল্দ সিতী অসিগী মমাই অমা ওইনা মরুওইবা থৌদাং লৌরি।

বুন্দিগী দর্ৱাজা অসি মখাগী অসিগুম্না মখল খায়দোকপা য়াইঃ-

ক) তারাগরগী চঙফম থোং, খ্বাইদগী লিরবা দর্ৱাজা

খ) ৱাল্দ সিতী অসিগী দর্ৱাজা মরি

গ) মপান থংবা শহরগী ৱালগী দর্ৱাজাশিং

ঘ) ৱাল্দ সিতী অসিগী মরুওইবা লম্বীশিংদা লৈবা দর্ৱাজাশিং

ঙ) অপীকপা দর্ৱাজা

কোৎৱালি দর্ৱাজা অমসুং নাগর পোল অসি সর্দার বজার লম্বীদা ৱাল্দ সিতী অসিগী মনুংদা শাখি।

ৱাতর আর্কিতেকচর

খুন্দা লৈতানবগী থাক্তা ঈশিং য়োক্নবগী পাম্বৈ উৎপা মেদিবল ইন্দিয়ন সিতীশিংগী খ্বাইদগী ফরবা খুদম অমসুং ঈশিংগী আর্কিতেকচরগী খ্বাইদগী নাল্লবা খুদম। ৱাল্দ সিতী অসিগী মপান থংবা শরুক্তা লৈবা বাওরিস অমসুং কুন্দশিংগী মফমশিং অসি ৱাল্দ সিতী অসিগী মনুংদা লৈবা বাওরিস অমসুং কুন্দশিং অসি কন্ত্রোল তৌদুনা লৈবনা খুন্নাইনা খন্নবগী মতুং ইন্না ইথিল পী।

বুন্দি অসি হারা কোনুংগী মনুং অমসুং অকোইবদা লাইশঙ চাম্মা হেন্না লৈবনা ছোতি কাশি হায়নসু খঙনখি। মুঘল সমরাজ্যগী ভসাল স্তেৎ অমা ওইবা তারবসু, হারাগী নিংথৌশিং অসি মখোয়গী হিন্দু ধর্ম অমসুং নাৎকী চৎনবী কয়া অসিবু ঙাকচখিবদা নত্তনা হারা হেজিমোনীগী চহী চামরি হেন্না পানখিবা মতমদা লাইশঙ মশিং থীঙমদনা শাখি। বুন্দিগী হৌরকঙৈগী অঙনবা শরুক্তা শারম্বা লাইশঙশিং অসি ক্লাসিকেল নাগরাগী মওং মতৌ ওইরম্মি, অদুগা অকোনবগী মতমদনা অনৌবা লাইশঙশিংগী মওং মতৌ অসি মহৌশাগী হাবেলিগী আর্কিতেকচরেল মওং মতৌগা ক্লাসিকেল নাগরাগী স্তাইলগগী পুনশিল্লবা মওং মতৌ ওইখি। জৈন লাইশঙশিংনা ইন্ত্রোবর্ত ফোর্মদা শাবা অহুমশুবা লাইশঙ মওং ওইখি, মসিদা সর্পেন্তাইন তোর্না গেৎৱেগী ফিবমদ, অচৌবা ক্যুবোইদ অপেক মাস অমসুং সেন্ত্রেল কোর্তয়ার্দকা লোইননা গর্ভাগৃহাদা নাগরা স্তাইল সিকার্স য়াওবা জৈন লাইশঙগী মওং য়াওরি। মরিশুবা লাইশঙগী মওংনা তোংখৎপা নত্ত্রগা ঙমখৎপা মওংগী লাইশঙ ওইনা লাকখি। মখোয়গী চাওবগী চাংদা মোনুমেন্তেলিতীগী ফিবম য়াওবসি বুন্দিগী লাইশঙশিংগী মওং মতৌ অমনি। মসিগী মরম অমা হায়বা তারবদি নক্নবা মরীনি। লাইশঙগী মওং মতৌ খেন্নবা অমসুং শাগৎপা মতমদা ক্লাসিকেলদগী নত্ত্রগা হান্ননা লৈরবা ফিবমদগী থৈদোক্লকপা অসি নীং তম্বা অমসুং লোকেল কম্ম্যুনিতী কয়া শরুক য়াই হায়বা তাক্লিবনি।

বুন্দিগী আর্কিতেকচরেল হেরিতেজ অসি তাইপোলোজী তরুক থোক্না খায়দোকপা য়াইঃ-

১) গর (লানবন)

• তারাগর

২) গর মহল (নিংথৌ কোনুং)

• ভজ মহল
• ছত্তর মহল
• উম্মেদ মহল

৩) বাওরি (স্তেপ ৱেল)

• খোজ দর্ৱাজা কি বাওরি
• ভাৱল্দি ভাওরি

৪) কুন্দ (স্তেপ তেঙ্ক)

• ধভাইজি কা কুন্দ
• নাগর কুন্দ অমসুং সাগর কুন্দ
• রানি কুন্দ

৫) সাগর মহল (লেক পেলেস)

• মোতি মহল
• সুখ মহল
• শিকার বুর্জ

৬) ছত্রি (সেনোতাফ)

• চৌরাসি

তারাগর লানবন – রারাগর লানবন অসি রাও রাজা বায়র সিংহনা ১৩৫৪দা ফুৎ ১৪২৬ ৱাংবা চীংদোল অমদা শাখি। লানবন অসিগী ময়াইদা মতম অমদা কা হেন্না চাওবা গার্ভ গঞ্জাম নত্ত্রগা 'থন্দর ফ্রোম দি ৱুম' কৌবা কেনন অমা খিল্লম্বা ভিম ভুর্জ লৈ। অকোনবা মতোন য়াওবা য়ুম্থক, লাইশঙগী কলম, অমসুং শামু অমসুং থম্বালগী মোতিফশিং য়াওরদুনা কোনুং অসি রাজপুৎ স্তাইলবু ইকাইখুম্নরি। লানবন অসিদা হজারি দর্ৱাজা, হাথি পোল, নাউ ধান, রতন দৌলাখানা, করিখানা, রতন নিয়াবস, চত্র মহল, বাদল মহল অমসুং মোতি মহল য়াওরি।

সুখ মহল – অপীকপা, মথোল অনি ৱাংবা কোনুং অসি হৌখ্রবা নিংথৌশিংগী কালেন থাদা খাঙফম ওইরম্মি। জৈৎ সাগর পাৎকী মপান্দা লৈবা কোনুং অসি রাও রাজা বিষ্ণু সিংহনা ১৭৭৩ এ.দি.দা শাখি।

রানি কী বাওরি – বুন্দিদা স্তেপৱেল ৫০দগী হেন্না লৈ অমসুং মসিবু য়াম্না চুম্না স্তেপৱালশিংগী শহর হায়না খঙনরি। 'ক্বিন্স স্তেপৱেল্স' হায়নসু খঙনবা রানিজি কী বাওরি অসি নিংথৌ ওইনা পানখিবা বুন্দিগী রাও রাজা অনিরুধ সিংহগী মহারানি অতোনবী রানি নাথবতিজিনা ১৬৯৯দা শাখিবা য়াম্না মমিং লৈবা স্তেপৱেলনি। মথাং কয়া লৈবা স্তেপৱেল অসিনা গজরাজগী অহকপা ময়েকশিং মখোয়গী মনাতোন্না মনুংদা চঙশিল্লদুনা উৎলি, অদুগা বাওরিগী উখোঙশিংদগী ঈশিং থক্লিবগী মওং উৎলি। মসিগী কা হেন্না ৱাংখৎলবা থোংনা মসিবু উবদা কৌশিল্লিবোই খলহল্লি।

য়ুম্বী ৮৪গী সেনোতাফ – মমিং অসিনা তাক্লিবগুম্না, য়ুম্বী ৮৪ য়াওবা সেনোতাফ অসি য়ুম্বী ৮৪না ঙাকপা স্ত্রকচর অমনি। বুন্দিগী মহারাজা রাও অনিরুধনা শাবগী অয়াবা পীরদুনা সেনোতাফ অসি নিংথৌ মচা অসিবু নুংশিনা তাকপী তম্বীরক্তুনা চাওরকখিবা মহাক্কী নর্স দেবগী নিংশিং খুবম ওইনা শাখি। মীয়াম্না পাম্নবা লমকোইবশিংগী পুক্নিং চিংশিল্লিবা মফম অমা ওইনা, মসিগী ফজরবা স্ত্রকচর অসি শজি, শামু অমসুং অপ্সারা কয়া হক্তুনা লৈতেংই।

বুন্দিদা লমকোইবশিংনা অহোংবা মমলগী হোতেল কয়া লৈবগা লোইননা কোইবা য়াবা মফম কয়া অমা লৈ। মনা মশিংতমক চাবা মীওইশিংনা দা ভাতি অমসুং তোঙান-তোঙানবা মখলগী স্পাইসী ওইবা চৎনিশিং মহাও তংবা য়াই।

ৱেবিনার অসিবু শম্লপনা হায়রদুনা, রুপিন্দর ব্রার, এদিসনেল দিরেক্তর জেনরেলনা লম কোইবা অমসুং লম ইনশাং, নাৎ অমসুং হেরিতেজ কয়া খঙনবা হোৎনবগী মরুওইবশিংগী মতাংদা পনখি। তুরিজম মন্ত্রালয়গী ইনক্রেদিবল ইন্দিয়া তুরেইস্ত ফেসিলেতর সর্তিফিকেসন প্রোগ্রাম্না লমদম অদুগী লোল মুন্না খঙবা স্কিল লৈতবা লমদম অদুগী মীওই কয়াবু ইমুং মনুংগী চানবা পুশিনবা ঙম্লবা মীওই অমা ওন্থোকপা ঙমহল্লে। মসিনা মীয়াম্বু লোকেল হেরিতেজশিং, ফোল্কলোর অমসুং নাৎ ঙাকপা অমসুং লমকোইবশিংদা তাকপীবদা মতেং পাংলগনি।

মহাক্না লাইচৎ অসিগী মনুংদা, মাস্ক উপ্পা, খুৎশা হামদোকপা অমসুং সোসিএল দিস্তেন্সিং ঙাকপগী তঙাইফদবসু পনখি।

দেখো অপনা দেশ ৱেবিনার সেরিস অসি ভারতকী ইনাক খুল্লবা দাইবর্সিতীশিংবু এক ভারত শ্রেস্থা ভারতকী মখাদা উত্থোক্নবা হোৎনরি। পরিং অসি নেসনেল ই গবর্নান্স দিপার্ত্মেন্ত, ইলেক্ত্রোনিক অমসুং ইনফোর্মেসন তেক্নোলোজী মন্ত্রালয়গা পুন্দুনা লান্থোক্লি। ৱেবিনার অসিগী থৌরমশিং অসি https://www.youtube.com/channel/UCbzIbBmMvtvH7d6Zo_ZEHDA/featuredদা অমসুং তুরিজম মন্ত্রালয়, ভারত সরকারগী সোসিএল মীদিয়া হেন্দলশিংদা ফংবীগনি।

মথংগী "ক্রুজ ইন গঙ্গা" হায়না মিংথোনবা ৱেবিনার অসি ওক্তোবর ৩১, ২০২০গী নুমিদাং পুং ১১ তাবা মতমদা পাঙথোক্লগনি।

***************