অকোইবগী ফিভম অমসুং ঊমংগী মন্ত্রালয়

সরকারনা উনগী-কবোকৈগী লৈফম খাক্তুনা থম্নবগী ৱাফম ঙাকখ্রে

স্তেত্না সরকারনা সেন্তরগা লোয়ননা লাক্লিবা চহী মঙা অসিদা উনগী-কবোকৈগী মশীং হেনগৎনবা ৱারেপ লৌমিন্নগদৌবনি

Posted On: 23 OCT 2020 7:24PM by PIB Imphal

এনভাইরোনমেন্ত ফোরেস্ত অমসুং ক্লাইমেৎ চেঞ্জগী স্তেতকী মিনিস্তর শ্রী বাবুল সুপ্রিয়োনা হায় মদুদি ভারত সরকারনা উনগী-কবোকৈ অমসুং মখোয়গী লৈফম অসি প্রোজেক্ত স্নো লিওপার্দ (পি.এস.এল.)গী মখাদা য়োকখৎতুনা লাক্লি। পি.এস.এল. অসি ২০০৯দা হৌদোকখিবনি। ইন্তরনেস্নেল লিওপার্দ দে ২০২০গী ভর্চুএল ওইনা পাংথোকপা মিতিংদা শ্রী সুপ্রিয়োনা হায় মদুদি সরকার অসিনা উনগী-কবোকৈগী লৈফম খাক্তুনা থম্নবগী ৱাফম ঙাক্তুনা থমগনি অমসুং মফম অদুগী ওইবা মীওইশিংদা মফম অদুগী ওইবা শিন্দোক-শিঞ্জিন তৌগনি। মিনিস্তরনা হায় মদুদি ইন্দিয়া অসি গ্লোবেল স্নো লিওপার্দ এন্দ ইকোসিস্তেম প্রোতেক্সন (জি.এস.এল.ই.পি.) থৌরমগী শরুক অমা ওইনা ২০১৩দগী ওইরক্লি।

ভর্চুএল ওইনা উন্নবা অসিদা শ্রী সুপ্রিয়োনা হায় মদুদি ইন্দিয়ানা অচৌবা লমহাং অহুম মফম খংদোক্লে মদুদি লাদাখ অমসুং হিমাচল প্রদেশকী অকোইবদা হেমিস-স্পিতি; উত্তরাখন্দদা নন্দা দেবী –গাংতোরি; অমসুং সিক্কিম অমসুং অরুনাচল প্রদেশকী অকোইবদা কানচেঞ্জুংগা-তাৱাং অসিনি। শ্রী সুপ্রিয়োনা হায় মদুদি স্তেত অমসুং ভারত সরকারনা পুন্না ৱারেপ লৌদুনা উনগী কবোকৈ অসি চহী মঙা অসিদা মশীং হেনগৎনবা হোৎনগদবনি।

ইন্দিয়াদা মখোয়গী লৈফম অসি নোংচুপ থংবা হিমালায়াদগী হৌরগা জম্মু অমসুং কাশ্মির, উত্তরাখন্দ, সিক্কিম অমসুং অরুনাতল প্রদেশনা কোনবা মফমশিং অসিদা লৈরি। মসিনা অমুকশু ইকোসিস্তেম অসি কাইহন্দনা থম্লি। হায়রিবা মখল কয়াগী ওইবা থৌরম অসিনা লৈবাক ১২গী ওইবা উনগী কবোকৈগী প্রোগ্রাম য়াওরি অমসুং মখোয় অসি লৈবাক অমগী অহানবা ওইনা লৌগদবা ওইরি অমসুং উনগী কবোকৈগী লৈফম অসি পাক চাওনা লৈরি হায়বা খংদোক্লি। হায়রিবা ভর্চুএল ওইবা থৌরম অসিদা শ্রী সুপ্রিয়োনা “হিমল সান্রাশক” অসি হৌদোকখি মদুগী মতুংদা আইন্না য়াদবা লমলক্কী শা করবার তৌবগী মরমদা ওরিগামি অমা ফোংখি।

ভারত সরকারনা উনগী কবোকৈ অসি হাই-অলতিচুৎ হিমালায়াগী মরুওইবা জিব অমনি হায়না লৌখ্রে।

সেন্তরনা জি.এস.এল.ই.পি.গী ৪শুবা স্তরিং কম্মিতিগী থৌরম অসি নই দিল্লীদা ২০১৯গী ওক্তোবরদা হৌদোকখি। মসিগী মীফম অসিনা “নই দিল্লী স্তেতমেন্ত”দা তাদুনা সেন্ত্রেল অমসুং খা-থংবা এসিয়াগী চীংগী ইকোসিস্তেম অসি উনগী কবোকৈগী মফম ওইনা খাক্নবা ৱারেপ তাখি।

অহানবা লৈবাক্কী ওইবা প্রোতোকোল অসি উনগী কবোকৈ অসিগী মশীং থীনবা মমাং চহীদা হৌদোকখিবনি। অতোপ্পা প্রোজেক্ত অমদা লমহাংশিং অসি শেমগৎগী থৌরাংশিং অসিদা পান্দম থম্লি।  

প্রোজেক্ত অসিনা অমুকশু স্তেত অমসুং য়ু.তি.শিংদা পুক্নিং থৌগৎতুনা মল্তি-স্তেকহোলদর লেন্দস্কেপ মেনেজমেন্ত, হুমেন-ৱাইলদলাইফ কনফ্লিক, ৱাইলদলাইফ ক্রাইম অসিদা অনৌবা লালোং পুথোক্নবা ৱারেপ লৌরি।

*****



(Release ID: 1667611) Visitor Counter : 4