কোচিদা সাউদর্ন নেভেল কমান্দ(এস এন সি)না দোনিয়র এয়রক্রাফতা ভারত নেভিগী নুপী পাইলোৎশিংগী অহানবা কাংবু ওপরেসনশিংদা শীজিন্নরে। ২৭সুবা দোনিয়র ওপরেসনেল ফ্লাইং ত্রেনিং(দি ও এফ তি) কোর্সকী পাইলোৎ তরুক্কী মনুংদা য়াওরিবা নুপী পাইলোৎ অহুম, ২০২০গী ওক্তোবর ২২দা কোচিদা আই.এন.এস গরুরদা পাংথোকপা পাসিং আউদ থৌরমদা ‘মপুংফানা মথৌ পাংথোক্লবা মেরিতাইম রিকন্সাইনান্স(এম আর) পাইলোৎশিং’ ওইনা মাইপাক্না ত্রেনিং লোইশিনখ্রে।

থৌরম অদুদা এস.এন.সিগী চীফ স্তাফ ওফিসার(ত্রেনিং), রিয়র এদমিরেল এন্তোনি জর্জ, ভি.এস.এম, এন.এমনা চীফ গেস্ত ওইনা শরুক য়াখি অমসুং মিসন খুদিংমক্তা দোরিয়র এয়রক্রাফ পাইনবা মতিক চারবা পাইলোৎশিংদা মনাশিং পীখি। অহানবা কাংবুগী নুপী পাইলোৎ অহুম অদুদি লেপ্তনেন্ত সুবাঙ্গি শ্বারুপ(তিলহার, উত্তর প্রদেস), লেপ্তনেন্ত  দিবয়া শর্মা(মালবিয়া নগর,নিউ দিল্লি) অমসুং লেপ্তনেন্ত সিবাঙ্গি(মুজাফরপুর, বিহার)নি। হায়রিবা ওফিসারশিং অসি অহানবদা ইন্দিয়ান এয়রফোর্সকা লোয়ন্না পাইনবগী ত্রেনিং পাংথোকখি অমসুং দি.ও.এফ.তি কোর্স মমাংদা নেভিদা মতম খরা ত্রেনিং পাংথোকখি। এম.আর ফ্লাইংগীদমক শীজিন্নরিবা নু্পী পাইলোৎ অহুম অসিগী মনুংদা, ২০১৯গী দিশেম্বর ২দা লেপ্তনেন্ত সিবাঙ্গি নেভিগী অহানবা পাইলোৎ অমা ওইখি। 

কোর্স অসিদা থা অমা এস.এন.সিগী তোঙান-তোঙানবা স্কুলশিংদা গ্রাউন্দ ত্রেনিং পাংথোকখি অমসুং এস.এন.এস, আই.এন.এ.এস ৫৫০গী দোনিয়র ইসক্বাদ্রোনদা থা নিপালগী ফ্লাইং ত্রেনিং পাংথোকখি। লেপ্তনেন্ত দিবয়া শর্মাদা ‘ফার্স্ত ইন ফ্লাইং’ অমসুং লেপ্তনেন্ত সিবম পান্দেদা ‘ফার্স্ত ইন গ্রাউন্দ’ পীখি।

লৈখিদ্রবা লেপ্তনেন্ত সাইমন জর্জ পিনোমোতিল নিংশিংবা ওইনা পীবা ‘খ্বাইদগী থৌনা ফবা ত্রেনি’গী ফ্লেগ ওফিসার কমান্দিং-ইন-চীফ(সাউথ)রোল্লিং ত্রোফি লেপ্তনেন্ত কুমার বিক্রমদা পীখি। আইলেন্দর পাইলোৎ অমা ওইখিবা অমসুং ইসক্বাদ্রোনগী মথৌ পাংথোক্লিঙৈদা ১৯৮৫গী মে ১৭দা এয়র ক্রাস অমদা লৈখিদ্রবা থৌনা ফরবা ওফিসার অসি মতম চুপ্পদা নিংশিংদুনা লৈহৌনবা মসিগী ত্রোফি অসি আই.এন.এ.এস ৫৫০গী দাইমন্দ জুব্লি থৌরম মনুংদা ২০১৯গী জুন ১৮দা হৌদোকখিবনি।

*****