হকশেল অমসুং য়াইফ-য়ুম্বালগী কেন্দ্রগী মন্ত্রী দা. হর্শ বর্ধন্না মধ্য প্রদেশকী জিলা পুম্নমক্কী দিস্ত্রিক্ত কলেক্তরশিং অমসুং কেন্দ্রগী হকশেল মন্ত্রালয়গী মকোক থোংবা ওফিসিএলশিং য়াওদুনা মধ্য প্রদেশকী মকোক থোংবা ওফিসএলশিংগা লোয়ননা ঙসি খন্ন-নৈনখ্রে।

লৈবাক অসিগী কোবিদ ত্রেজেক্তরী অসিগা মধ্য প্রদেশকী লৈরিবা অদুগা চাংদম্নদুনা দা. হর্শ বর্ধন্না হায়খি মদুদি “ভারতকী নাবা ফগৎপগী চাং অসি হৌজিক ৮৯%রোম ওই অমরোমদা মধ্য প্রদেশকীনা ৯০.৫৫% ওইরি। এম.পি.গী শীখিবা কেসকী চাং অসি ১.৭৩% ওইবগা লোয়ননা লৈবাক অসিগী লৈরিবা চাংচৎতগী খরা খজিক হেল্লি।” কেসশিংগী মশিং তপ্না-তপ্না হন্থরক্লি অসিদা মহাক্কী ৱাখল্লোন অদু নৌহৌনা ফোঙদোক্লদুনা হায় করিগুম্বা মীয়াম্না কোবিদকা চুনবা চৎন-লোনচৎ ঙাক্না চৎলবদি কোবিদ শন্দোক্লিবা অসি লাকশিনবা ঙমগনি।

মাস্ক উপ্পা, ফিজিকেল দিস্তেন্সিং থম্বা অমসুং চাং নাইনা হেন্দ হাইজিন তৌবগী তঙাই ফদবা অমসুং কান্নবশিং অদুগী মতাংদা প্রজাশিংগী মরক্তা এৱের্নেস পীনবা প্রধান মন্ত্রী নরেন্দ্র মোদীনা জন অন্দোলন হৌদোকখিবা অসি থাগৎলদুনা দা. হর্শ বর্ধন্না রাজ্য অসিগী ওথোরিতীশিংদা হরাও কুম্মৈ অমসুং নীংথমথাশিং অসি পুন্না তাশিল্লিবা লাক্কদৌরিবা থাশিং অসি চেকশিন্নবা খঙহনখি।

রাজ্য অসিনা ভারতকী লৈরিবা এক্তিব কেসশিংদা শরুক তম্লিবা অসি মমাংদা ১০%রোম ওইরম্বদগী হৌজিক ২% খক্তদা হন্থরকপদা থাগৎলদুনা দা. হর্শ বর্ধন্না ইন্দোর, ভোপাল, জবলপুর, সগর, খার্গোন অমসুং উজ্জেনদা লাইনা অসিগী লৈরিবা ত্রেজেক্তরী অসিগী মতাংদা মীপাইবসু ফোঙদোকখি। ভোপাল অমসুং ইন্দোরদা রিপোর্ত তৌরকখিবা নোংমগী কেসশিং অসি ২০০কী মথক্তা ওইরবসু উজ্জেন অমসুং সগরনা রাজ্য অসিগী ওইনা সি.এফ.আর. খ্বাইদগী হেন্না ৱাংলি। মন্ত্রীনা হায়খি রাজ্য অসিদা তৌখিবা তেস্তশিংগী ৫০% হেনবদি আর.তি.-পি.সি.আর.দা য়ুম্ফম ওইরবসু রাজ্য অসিগী গপাল, জবলপুর, সগর, পোজিতিবিতী রেৎ অসি ৬.৭১% ওইদুনা লৈবাক অসিগী লৈরিবা চাংচৎ অসিদগী হেল্লি।

লাক্কদৌরিবা থাশিং অসিদা কোবিদ লাকশিন্নবা লৌখৎখিবা খোঙথাংশিংগী মতাংদা রাজ্য অসিগী হেল্থ ওথোরিতীশিংনা মন্ত্রীদা খঙহনখি; রাজ্য অসিগী এন্তরতেনমেন্ত পার্কশিং অমসুং মেতর্নিতী ৱার্দশিংগী ওইবা স্তেন্দর্দ ওপরেতিং প্রোসিজরশিং ফোঙখ্রে; মপুং ফানা লাকশিন্নবা ‘সর্থক’ এপ শীজিন্নরি; হরাও-কুম্মৈগী মনুংদা মীয়াম তিনবা অমসুং মেলাশিং পাঙথোকপদা অথিংবা থম্বা; মীতম ঈশিংদা থাদবদা মীওই ১০দগী হেন্দবা অমরোমদা পন্দলদা মী তিনবগী চাং মীওই ১০০দগী হেন্দবা; অগস্ত ১৫দা বিভাগ ১৩ অমসুং ভর্তিকেল ৮গা লোয়ননা লোঞ্চ  তৌখিবা ‘সহয়োগ সে সুরক্ষা’ অভিয়ান আই.ই.সি. কেম্পেন অসিনা রাজ্য অসিদা কোবিদকা চুনবা চৎন-লোনচৎ ঙাক্না চৎহন্নবা পান্দম থমখি।

কোবিদকী বেক্সিন দেলিবরী তৌবগী লোজিস্তিক স্ত্রীমলাইন তৌনবা লৌখৎলিবা খোঙথাংশিং অমসুং এক্সচেকরদগী অচংবা শেল পুথোক্তুনা লনাই হোস্পিতালশিং পব্লিকনা শীজিন্ননবা ওন্থোকপগী মধ্য প্রদেশকী তোপ-তোপ্পা মোদেল অদুগী মতাংদসু মখোয়না কেন্দ্রগী মন্ত্রীদা খঙহনখি। শোকহল্লবা জিলাশিংগী ওফিসিএলশিংনা মখোয়না ওইরক্লিবা ফীভম অসি লাকশিন্নবা লৌখৎপা খোঙথাংশিং অমসুং হায়রিবা অসি পাঙথোকপদা মাই পাকখিবশিংগী মতাংদা মন্ত্রীদা খঙহনখি।

নেস্নেল সেন্তর ফোর দিজিজ কন্ত্রোল (এন.সি.দি.সি.)গী দিরেক্তর দা. সুজীৎ কে সিংহনা রাজ্য অসিগী কোবিদকী ত্রেজেক্তরীগী মতাংদা ফোঙদোকখি অমসুং মখোয়দা নীংথমথাশিংদা হেনগৎকনবা ইনফ্লুয়েঞ্জা অসিদগী চেকশিন্নবা খঙহনখি। 

মীফম অসিদা কেন্দ্রগী হকশেলগী সেক্রেতরী শ্রী রাজেশ ভুশন, এদিস্নেল সেক্রেতরী(হেল্থ) শ্রী আর্তি অহুজা অমসুং অতোপ্পা মকোক থোংবা ওফিসিএলশিংসু শরুক য়াখি।

****