రాబోయే నెలల్లో కోవిడ్ వ్యాప్తిని నివారించడానికి తీసుకున్న చర్యలను రాష్ట్ర ఆరోగ్యశాఖ అధికారులు, కేంద్ర మంత్రికి వివరించారు. రాష్ట్రంలోని వినోద కార్యక్రమాల కేంద్రాలు మరియు ప్రసూతి వార్డుల కోసం ప్రామాణిక కార్యాచరణ విధానాలను విడుదల చేయడం జరిగింది. సమర్థవంతమైన నియంత్రణ కోసం ‘సార్థక్’ యాప్ ను ఉపయోగించడం జరుగుతోంది. ఉత్సవాల సందర్భంగా సామూహిక సమావేశాలు, మేళాలను అనుమతించరు. విగ్రహ నిమజ్జనంలో 10 కంటే తక్కువ మంది పాల్గొనవలసి ఉండగా, పందిరి సమావేశాలకు, కార్యక్రమాలకు 100 మంది కంటే ఎక్కువగా హాజరుకాకూడదు.  రాష్ట్రంలో కోవిడ్ నిబంధనలకు ప్రాచుర్యం కల్పించడమే లక్ష్యంగా, 13 విభాగాలు మరియు 8 వర్టికిల్సు తో, "సహకారంతో సంరక్షణ" అనే ప్రచార కార్యక్రమాన్ని ఆగష్టు 15వ తేదీన ప్రారంభించడం జరిగింది.  

కోవిడ్ వ్యాక్సిన్ సరఫరా మరియు రవాణాను క్రమబద్ధీకరించడానికి తీసుకున్న చర్యలతో పాటు,  ప్రభుత్వ ఖజానా నుండి ప్రైవేటు ఆస్పత్రుల ఖర్చులను భరించడం ద్వారా ప్రజల ఉపయోగం కోసం వాటిని మార్చిన మధ్యప్రదేశ్ యొక్క ప్రత్యేకమైన నమూనా ప్రయత్నాన్ని, వారు కేంద్ర మంత్రికి వివరించారు.  రాష్ట్రంలో నెలకొన్న పరిస్థితులను పరిష్కరించడానికి వారు తీసుకున్న చర్యలు, తద్వారా వారు సాధించిన విజయాల గురించి బాధిత జిల్లాల అధికారులు కేంద్ర మంత్రికి తెలియజేశారు. 

జాతీయ వ్యాధి నియంత్రణా కేంద్రం (ఎన్.‌సి.డి.సి) డైరెక్టర్ డాక్టర్ సుజీత్ కె సింగ్ ఈ సందర్భంగా మాట్లాడుతూ, రాష్ట్రంలో కోవిడ్ పరిస్థితిని వివరించారు, శీతాకాలంలో ఎక్కువగా వ్యాప్తి చెందే అంటువ్యాధుల గురించి అప్రమత్తంగా ఉండాలని కోరారు.

కేంద్ర ఆరోగ్యశాఖ కార్యదర్శి, శ్రీ రాజేష్ భూషణ్, కేంద్ర ఆరోగ్య శాఖ అదనపు కార్యదర్శి శ్రీమతి. ఆర్తి అహుజా తో పాటు ఇతర సీనియర్ అధికారులు కూడా ఈ సమావేశంలో పాల్గొన్నారు.

*****