কেন্দ্রগী এজুকেসন মন্ত্রী শ্রী রমেশ পোখ্রিয়াল 'নিশঙ্ক'না ভর্চুএল ওইনা নেসনেল ইন্সতিত্যুৎ ওব তেক্নোলোজী জমশেদপুরগী নৌনা শাবা দাইমন্দ জুবিলী লেকচর হোল কমপ্লেক্স ঙসি শঙ্গাখ্রে। প্রোফেসর করুনেশ কুমার শুক্লা, দিরেক্তর নেসনেল ইন্সতিত্যুৎ ওব তেক্নোলোজী, জমশেদপুর অমসুং মন্ত্রালয় অসিগী মকোক থোংবা ওফিসিএলশিংনা থৌরম অসিদা শরুক য়াখি। প্রোফেসর করুনেশ কুমার শুক্লানা দাইস্তা নেঙশিনবীখিবা অথোইবা মীথুংলেনশিং অমসুং ওনলাইন মোদতা শরুক য়ারিবা পুম্নমক্তা তরাম্না ওকপগী ৱারোল থমখি।

Inaugurating the 'Diamond jubilee Lecture hall Complex’ of @jamshedpur_nit. @SanjayDhotreMP @PIB_India @EduMinOfIndia @mygovindia @DDNewslive https://t.co/mJjEdtAYdU

— Dr. Ramesh Pokhriyal Nishank (@DrRPNishank) October 20, 2020

শরুক য়ারিবশিংগী মরমদা ৱা ঙাংলদুনা শ্রী পোখ্রিয়ালনা হায়খি মদুদি ভারতনা তুংদা এজুকেসনগী লমদা লুচিংবা ওইরক্কনি অমসুং তোঙান-তোঙানবা লৈবাকশিংগী মহৈরোইশিংনা মমাংদা নালন্দা অমসুং তকশাশিলা য়ুনিবর্সিতীগী মতমগুম্না হায়র এজুকেসনগীদমক ভারত্তা লাক্কনি হায়খি। মহাক্না সি.এফ.তি.আই.গী মহৈরোইশিংনা ওন্ত্রপ্রিনর ওইনবা হোৎনদুনা লৈবাক অসিগী রিসোর্স্তা হেনগৎনবগীদমক থবক পীনবগীদমক হোৎনগদবনি হায়খি। মন্ত্রীনা লৈবাক অসিগীদমক লম্বী কয়াদা হোৎনখিবা  ইন্সতিত্যুৎ অসিগী এলুম্নাইশিং পনখি অমসুং পাকশন্না লৈরিবা এলুম্নাইশিং অসিবু পাউ ফাওনদুনা মখোয়গী লৌশিং, হৈশিংবা অমসুং এক্সপরিএন্সশিং অসি ইন্সতিত্যুৎ অসিবু হেন্না চাওখৎনবগীদমক শীজিন্নগদবনি হায়খি।

ইন্সতিত্যুৎ অসিনা উন্নৎ ভারত অভিয়ানগী মখাদা লমদম অসিগী খুঙ্গং কয়া লৌখৎপীখ্রে হায়খি। মহাক্না হায়রিবসিবু কোবিদকী মতুংদা চত্তুনা উন্ননিংবগী অপাম্বা ফোংদোকখি। মহাক্না হায়খি মদুদি ইন্সতিত্যুৎ অসিনা অতেনবা মতমগী মনুংদা প্রোফেসর কে.কে. শুক্লাগী লমজিং মখাদা এন.আই.আর.এফ. রেঙ্কিং ফগৎহনখ্রে। মহাক্না মেথমেতিক্স দিপার্ত্মেন্তকী ফেকলতীনা য়ু.এ.ই.গী অজমান য়ুনিবর্সিতীগা খুৎশম্নদুনা কোবিদকা মরী লৈবা অপুনবা প্রোজেক্ত ওইনা রিসর্চকী থবক পায়খৎলিবসিবুসু অখন্ননা পনখি।

মন্ত্রীনা লেকচর হোল কমপ্লেক্স অসিদা অলত্রা ঐচ.দি. প্রোজেক্তর, ভর্চুএল ক্লাসরুম, স্মার্ত ক্লাস রুম, নাম্মা শোইরবা মহৈরোইশিংগী খুদোংচাবা, গৃহা রেতিং, ইনর্জী সেবিং এল.ই.দি. শীজিন্নবা অমসুং ইলেক্ত্রিকেল ফিক্সচর শীজিন্নবা অসিনচিংবা অনৌবা খুদোংচাবা কয়াদা অপেনবা ফোংদোকখি। কমপ্লেক্স অসিনা তুংদা এন.আই.তি. জমশেদপুরনা অনৌবা এজুকেসন পোলিসী ২০২০গী পান্দম মরুওইনা দিজিতেল এজুকেসন অমসুং ইনক্লুসিব এজুকেসনগী লমদা মায় পাক্নবা হোৎনবদা মতেং পাংগনি হায়না থাজবা ফোংদোকখি।

শঙ্গাবগী থৌরম অদু হৌজিক রেজিস্ত্রারগী ফম পুরিবা প্রোফেসর এ.কে. চৌধুরিনা থাগৎ ৱাহৈ থমদুনা লোইশিনখি।

*****