জল জীবন মিশন অসিবু ঙাক্না চৎলদুনা মধ্য প্রদেশকী ছতরপুর জিলাগী বিজাৱর ব্লোক্তা মঝগাৱ খুর্দকী মীওই কাংলুপ্না চহি কয়াদগী চহি কয়াদগী নুপীশিংনা মফম অদুদা ঈশিংগী ফীভম্না অৱাবা মায়োক্নরম্বা শুনিং-হৈনিংদবা অমদি অনাবা অসি কোকহন্নবগী ৱাখল্লোন অসিদা ভিলেজ এক্সন প্লান অসি দ্রাফ্ত তৌখ্রে।    জল জীবন মিশন কম্ম্যুনিতী সেন্তরগী খ্বাইদগী মখা থংবা থাক্তা তৌবা থৌরাং তৌবগা লোয়ননা মফমদুদা লৈরিবা মীওই কাংলুপ অমদি খুঙ্গংগী পঞ্চায়েৎ অসি মপাঙ্গল কনখৎহন্নবা অমদি মীওই কাংলুপ অসিগী থৌদাং অসি মঙম লৈহন্নবা থবক পায়খৎখ্রে। মসিনা মফমসিগী মীওই কাংলুপকী মরক্তা মশানা মপু ওইজবগী ৱাখল্লোন পোকহল্লি, থাজবগী মওং ওইহল্লি অমদি লৈবাক অসিদা ঈশিং ফংহন্নবগী সেক্তর অসি হেন্না ফজনা থবক চত্থহনবা অমদি মতম শাংনা তুং-কোইনা নুং-পান শেংনা উবা ফংহল্লি।

মঝগাৱ খুর্দ অসিদা লৌউ-শিংউ তৌবা অসিনা মরুওইবা শিনফম ওইবা মীওই ১,৬২৫ লৈ। খুঙ্গং অসি মপুং ওইনা মাগী মথৌ তাবা পুম্নমক্কী ওইনা লৈমায়গী ঈশিংগা মখা পোল্লম্মি। গেহুগী লৌউ-শিংউ তৌনবগীদমক্তা দিসেম্বরদগীনা ফেব্রুৱারীফাওবগী থক্নবা ঈশিংগী ওইবা লৈমায়গী ঈশিং অসি চাং য়াম্না শিজিন্নথোকই। লৈমায়গী ঈশিংগী থাক অসি কালেন য়ক লাওবা মতমদা জুন্দা ঈশিং অসি খ্বাইদগী হন্থবা পোইন্তা লৈ।লৈরিবা লৈমায়গী ঈশিং অসি হেন্না শিজিন্নবনা লুরবা তানফম অসিদা অৱাবা কয়া মায়োক্নৈ।

ভিলেজ এক্সন প্লান অসি লৈরিবা ঈশিং ফংফমশিং, অফংবা হেন্দ পম্পশিং অমদি মথৌ তৌদ্রবা তোতী শম্বশিং অসি  মেপ তৌনবা খুঙ্গংগী পঞ্চায়েৎশিংনা পাংথোকখিবা সর্ভেদা য়ুম্ফম ওইদুনা শেমখিবনি। খুঙ্গং অসিদা মথৌ তাবা ঈশিং অসি ফংনবা খুঙ্গং অসিগী ইমুং চাদা ২০খক্তদা পাইপকী ঈশিং শম্লমখি অমদি হেন্দ পম্প ৮ অসি শিজিন্নৈ। ভিলেজ এক্সন প্লান্না তোতী ঈশিং শমখ্রে অমদি চত্থখিবা সর্ভে অসিদা য়ুম্ফম ওইরগা পাইপকী তিংনবা শেন্থং পীখ্রে। মীওই কাংলুপ অসিনা অচম্বা ত্যুবৱেল অমা শানবা, প্ম্প সেৎ অমা ইন্সতোল তৌনবা, ওভরহেদ তেঙ্কী অসি সোইহন-ঙামহন্দনবগীদমক্তা পল খানবা অমদি মৈ ফংহন্নবগী থবক পায়খৎনবা ৱারেপ লৌখ্রে। পব্লিক হেল্থ এন্দ ঈঞ্জীনিয়রিং বিভাগকী ওফিসিএলশিংনা মফমদুগী মীওই কাংলুপ অসিদা তেক্নিকেল ওইবা ৱারোলশিং ফংহনখ্রে। খুঙ্গংগী পঞ্চায়েৎকী মীহুৎশিংদা জল জীবন মিশন্দগী ঈশিং পি.সি.দি. লিতর ৫৫ ফংহন্নবা থৌরাং তৌগনি হায়না খংহনখ্রে। ইন্দিভিজুএল ওইবা সোক কীত্তগী গ্রে ৱাতর অসি নিংথিনা য়েংশিন্দুনা গ্রে ৱাতর অসিগী অপুনবা চাদা ৬০-৭০ অসি ওন্থোকপা ঙমদুনা য়ুম খুদিংদা ঈশিং ফংহনগদবনি হায়বা অসি খংনবগা লোয়ননা খুঙ্গংগী মীশিংনা গ্রে ৱাতর মেনেজমেন্ত অসিগী থৌরাং তৌখ্রে।   সোক পিৎ শানবা মফম লৈতবা য়ুমশিংগী ওইনা থৌরাং অসিগী মখাদা কম্ম্যুনিতী সোক পিৎ শানবা ৱাফম পুখৎখ্রে। ভিলেজ এক্সন প্লান্না শভম, ময়ামগী ওইনা ফী-শুফম অমদি ইরু লুজনবা কম্প্লেক্সকী মথৌ তাবা অদু হাপচিনখ্রে।

বিভাগনা থা ৩ চাংয়েং ওইনা থবক পাংথোক্লবা মতুংদা ঈশিং পীবগী মওং অসি য়েংশিন্দুনা থবক শিন্দোক-শিঞ্জিন তৌবগী থবক অসি গ্রাম সভানা ৱারেপ্নখিবগী মতুং ইন্না খুঙ্গংগী ও.অমসুং এম.গী অমদি মীওই কাংলুপ অদুদগী শিজিন্নবগী শেল খোমজিন্নবা ওইনা থৌদাং লৌগদবা পঞ্জায়েৎশিং/ভিলেজ ৱাতর অমসুং সেনিতেসন কম্মিতীদা খুৎশিন্নরগনি। গ্রাম সভানা মাগী মীফমদা পাস তৌখিবা মঝগুৱা খুর্দনা মিশন অসিগী মখাদা শেম্বা ইনফ্রাস্ত্রকচর অসি থৌরাং তৌবা, থবক পাংথোকহনবা, থবক চত্থহনবা অমদি য়েংশিনবগী থৌদাং লৌগদবনি হায়বগী ৱারেপ অসি পাস তৌখি।  খুঙ্গং অসিগী মীহুৎ খুদিংমক্না স্কীম অসিগী মখাদা শেমগৎপা ৱাতর বোদী অসি ইকাই খুম্নগদবনি অমদি ঙাক-শেনগদনি হায়বগী ৱাফম অসি য়ান্নখি।  খুঙ্গং অসিদগী মীওই অমত্তনা ৱাতর বোদী অসি মোৎশিলহল্লোইদবনি অমদি য়ুম খুদিংদা তোতী য়ৌহন্নবা অমদি থক্নবা ঈশিং অসি মাংহন্নদনবগীদমক্তা তোঙান-তোঙানবা গ্রে ৱাতর মেনেজমেন্ত তৌনবগী ৱাশক শক্কদনি।

*****