শেল-থুম মন্ত্রালয়
এ.দি.বি., ইন্দিয়ানা মহারাস্ত্রদা স্তেত লম্বী শেম্নবগী দোলর মিলিয়ন ১৭৭গী শেন্থংগী খুৎয়েক পীনখ্রে
Posted On:
19 OCT 2020 5:45PM by PIB Imphal
এসিয়ন দেভেলপমেন্ত বেঙ্ক (এ.দি.বি.) অমসুং ভারত লৈঙাক্না মহারাস্ত্র স্তেত্তা কিলোমিতর ৪৫০ শাংবা স্তেত হায়ৱে অমসুং অচৌবা দিস্ত্রিক্ত লম্বীশিংগী ফীভম ফগৎহন্নবগীদমক ঙসি দোলর মিলিয়ন ১৭৭গী শেন্থংগী খুৎয়েক পীনখ্রে।
মহারাস্ত্র স্তেত রোদ ইমপ্রুবমেন্ত প্রোজেক্তকীদমক খুৎয়েক পীনখিবশিংদি ভারত লৈঙাক্কীদমক খুৎয়েক পীখিবা শেলথুম মন্ত্রালয়গী দিপার্তমেন্ত ওফ ইকনমিক্স এফ্যার্সকী এদিসনেল সেক্রেতরী (ফন্দ বেঙ্ক অমসুং এ.দি.বি.) শ্রী সমীর কুমার খারে অমসুং এ.দি.বি.গীদমক খুৎয়েক পীখিবা এ.দি.বি.গী ইন্দিয়া রেসিদেন্ত মিসনগী কন্ত্রী দাইরেক্তর মিস্তর কেনিচি য়োকোয়ামানি।
শেন্থংগী য়ানচে অদু খুৎয়েক পীনরবা মতুংদা, শ্রী খারেনা প্রোজেক্ত অসিনা স্তেত অসিগী খুঙ্গঙ অমসিং ময়োল্লমগী মফমশিংগী মরক্তা হেন্না ফবা মওংনা শম্নহন্দুনা খুঙ্গঙগী মীশিংবু কৈথেল য়ৌবগী, থবক্কী খুদোংচাবা অমসুং সর্ভিসশিংগী হেন্না ফবা ফীভম ফংহল্লগনি হায়না হায়খি। চত্থোক চৎশিনগী ফীভম ফগৎহনবনা চাওখৎপা অমসুং পুন্সি হিংনবগী খুদোংচাবশিং স্তেত অদুগী অচৌবা ময়োল্লমগী মফমশিংদগী অনিসুবা থাক্কী ময়োল্লমশিংদা পাকথোক চাউথোরক্তুনা খেন্নবা ফীভম হন্থহল্লগনি।
মিস্তর য়োকোয়ামানা হায়খিবদা প্রোজেক্ত অসিনা মালেমগী খ্বাইদগী ফবা চৎনরিবা থৌওংশিং ইন্দুনা অহল ওইরবশিং, নুপী অমসুং অঙাঙগুম্বা খুদোংথিনিংঙাই ওইবা কাঙবুশিংবু ঙাকথোক্কদবা রোদ সেফতী ওদিত ফ্রেমৱর্ক শেমগত্তুনা লম্বী চত্থোক চৎশিনগী শাফনবা থৌরাংশিংগী মপাঙ্গল কনখৎহল্লগনি। প্রোজেক্ত অসিগী অতোপ্পা ৱাফম অমদি লনথুমগী ক্বালিতী অমসুং সর্ভিসকী থাক চাং চানা থম্নবগীদমক চহী ৫গী ওইবা পর্ফোর্মেন্সতা য়ুম্ফম ওইবা শেমজিন শাজিনবগী থৌদাং থিকাদারশিংদা পীদুনা রোদ মেন্তেনেন্স সিস্তেমগী ফীভম ফগৎহনবা অসিনি।
পুম্না য়েংবদা প্রোজেক্ত অসিনা অপুনবা অশাংবা কি:মি: ৪৫০গী ওইগদবা অচৌবা দিস্ত্রিক্ত লম্বী ২ অমসুং স্তেত হায়ৱে ১১ মহারাস্ত্রগী দিস্ত্রিক্ত ৭ থুংনা লেন-২গী থাক্তা ওনখত্তুনা নেসনেল হায়ৱেশিং, ইন্তরস্তেত লম্বীশিং, সমুদ্রগী হিথাংফমশিং, এয়রপোর্তশিং, রেল হবশিং, দিস্ত্রক্ত হেদক্বার্তরশিং, ইন্দস্ত্রিএ, এরিয়াশিং, এন্তরপ্রাইজ ক্লস্তরশিং অমসুং লৌউ-শিংউগী মফমশিংগা হেন্না ফবা মওংদা শম্নহল্লগনি।
প্রোজেক্ত অসিনা মহারাস্ত্র পব্লিক ৱর্ক দেভেলপমেন্ত প্রোজেক্ত স্তাফশিংবু লম্বী দিজাইন তৌবদা, মেন্তেনেন্সকী থৌরাং তৌবদা অমদি লম্বী চত্থোক চৎশিন তৌবদা শাফবা ফীভমগী মতাঙদা অইং-অশাগী খল হোংলকপগা চুশিন্ননবা অমদি অমাঙ অতা থোক্লুরবা মতুংদা হান্নগী ফীভমদা লায়না হঞ্জিল্লকপা য়াগদবা মওং থম্নবগীদমক মখোয়গী কেপাসিতী হেনগৎহন্ননবা ত্রেনিং পীবগী লমদসু মীৎয়েঙ থমগনি।
এ.দি.বি.না শাথিনা লায়রবা ফীভম মুত্থৎনবগী মখোয়গী থৌরাং পায়খৎ-পায়খৎনা নুংঙাই য়াইফবা, পুম্নমক কোনশিনবা, খাংবা কনবা অমদি তুং কোইগদবা এসিয়া অমসুং পেসিফিক ফংবা ঙম্নবগীদমক খোঙফম চেৎনা লেপ্লি। ইং ১৯৬৬তা লিংখৎখিবা বেঙ্ক অসি মফম ৪৯দগী মেম্বর ৬৮না মপু ওইরি।
****
(Release ID: 1666083)
Visitor Counter : 140