ফাইনান্স অমসুং কোর্পোরেত এফিয়র্সগী য়ুনিয়ন মিনিস্তর শ্রীমতি নির্মালা সিথারামন্না ঙসি ইন্তরনেস্নেল মোনেতরী অমসুং ফাইনান্সিএল কম্মিতি (আই.এম.এফ.সি.)গী, মিনিস্ত্রীএল-লেবেলগী ওইবা ইন্তরনেস্নেল মোনেতরী ফন্দ (আই.এম.এফ.)গী প্লেনরি মিতিংদা ভিদিও-কনফরেন্সকী খুত্থাংদা শরুক য়াখ্রে।   

মিতিং অসিগী খন্ন নৈনবা অসি আই.এম.এফ. মেনেজিং দাইরেক্তরগী গ্লোবেল পোলিসি এজেন্দাদা তাইতল ওইনা “কেতালাইজিং এ রিসালিএন্ত রিকোভেরি” অসিদা বেজ তৌবনি। আই.এম.এফ.সি.গী মেম্বরশিং অসিনা কম্মিতি অসিবু অপদেৎ তৌদুনা কোবিদ-১৯ অসিবু লান্থেংনবা অমসুং মসিনা শোকহল্লিবা অসিদা লৌখৎলিবা থৌদাং অমসুং খোঙথাং কয়া অমা লৌখৎপনি।   

মিতিং অসিদা ৱা ঙাংবদা শ্রীমতি সিথারামন্না হায় শম্লপনা হায়খি মদুদি আত্মানির্ভর ভারত অসিগী মখাদা য়াম্না থুনা অমসুং হেন্না চেৎশিনবা শেন্মীৎলোন অমা ইন্দিয়াদা লৈরে। মহাক্না পনখি মদুদি ভি-মওং মান্না ফগৎলক্লিবা অসি হাই-ফ্রিক্বেন্সি ইন্দিকেতরশিংদা উবা ফংই মদুদি পি.এম.আই. শুংবা অসিনা ২০২০গী সেপ্তেম্বর অসিদা চহি নিপাল অসিদা খ্বাইদগী ৱাংবা ওইরি, হায়রিবা অসিনা মেনুফেকচরিং সেক্তরদা য়াম্না অকন্বা ফগৎলকপা অমা উৎলি। কঞ্জুম্মরশিংগী চাদিংদা পুক্নিং চিংশিন্নবা হন্দক্তা দোল্লার বিলিয়ন ১০গী খোঙথাং অমা লাউথোকখ্রে। 

ফাইনান্স মিনিস্তরনা অমুকসু আই.এম.এফ.কী মেনেজিং দাইরেক্তর মিস ক্রিস্তানিয়া জিওর্জিবাবু থাগৎপা ফোংদোকখি অমসুং আই.এম.এফ.বু মখোয়না মালেমদা পীরিবা ইকোনোমীগী ওইবা পাউতাকশিং অসিদা থাগৎপা ফোংদোকখি।  

ইনকম পীক্না লাকপা অমসুং চাওখৎলক্লিবা লৈবাকশিংনা প্রজা মিলিয়ন কয়া অমা লায়রবগী পনখৈদা লৈতনবা হোৎনবদা অৱাব কয়া অমা মায়োক্নরি। শ্রীমতি সিথারামন্না হায় মদুদি হায়রিবা লৈবাকশিং অসিনা ফগৎনবা হোৎনরিবা অসি করিগুম্বা মওং অমদা হন্থনা লৌরোইদবনি।

আই.এম.এফ.সি. অসি চহি অমদা অনিরক উন্নৈ, অহানবদা এপ্রিলগী ফন্দ-বেঙ্ক স্প্রীং মিতিং মনুংদা অমসুং অমনা ওক্তোবরগী এনুএল মিতিংদা। কম্মিতি অসিনা মালেমগী ওইবা ইকোনোমী শোকহনবা অসিদা খন্ন-নৈনৈ অমসুং আই.এম.এফ.শিংদা হিরম অসিগী থবক্তা পাউতাক পী। হন্দক্কী চহি অসিদা কোবিদ-১৯না মরম ওইদুনা স্প্রীং অমসুং এনুএল মিতিং অনিমক ভিদিও-কনফরেন্সগী খুত্থাংদা পাংথোক্লি।

****