এজুকেসনগী কেন্দ্র মন্ত্রী শ্রী রমেশ পোখ্রিয়াল ‘নিশঙ্ক’না ওনলাইনগী থৌরম অমদা আই.আই.তি. জোধপুরগী পর্মনেন্ত কম্প্লেক্সতা ভর্চুএল ওইনা ইনোভেসন অমসুং ইনক্যুবেসন সেন্তর অমসুং স্পোর্তস কম্প্লেক্স হায়না কৌবা ফেসিলিতী অনি শঙ্গাখ্রে।  থৌরম অসি জল শক্তিগী কেন্দ্র মন্ত্রী শ্রী গজেন্দ্র সিংহ শেখাৱৎ অমদি এজুকেসনগী রাজ্য মন্ত্রী শ্রী সঞ্জয় ধোত্রেনা মথংশিৎনা গেস্ত ওফ ওনর অমদি স্পিসিএল গেস্ত ওইদুনা থৌরম অদু মপুং ফাহনখি। আই.আই.তি. জোধপুরগী বি.ও.জি.গী চেয়রমেন দা. আর. চিদম্বরমসু থৌরম অদুদা শরুক য়াখি।

ফজরবা কেম্পস অদু শেমগৎনবগীদমক ইন্সতিত্যুৎ অসিনা লম একর  ৮৫০ শিজিন্নখ্রে অমসুং গৃহ ৫ স্তার রেতিং ফংবগীদমক শ্রী পোখ্রিয়ালনা অপেনবা অমসুং হরাও নুংঙাইবা ফোংদোকখ্রে। মহাক্না য়াম্না মরুওইবা স্পোর্ত ফেসিলিতীশিং খুদম ওইনা ক্রিকেৎ, ফুতবোল, হোক্কী, বাস্কৎবোল, তেনিস কোর্ত, এথলেতিক্স ত্রেক, ভোলী বোল, য়োগা গ্রাউন্দ অমসুং কবদ্দী কোর্তশিং মালেমগী থাক্তা লৈরিবা  স্পোর্ত ফেসিলিতী অসি  ঙসি শঙ্গখ্রে হায়না মহাক্না ফোংদোকখি। মসিগী স্পোর্ত ফিসিলিতী অসিনা জোধপুর অমসুং অনকপদা লৈরিবা খুঙ্গংগী মফমশিংদা শান্ন-খোৎনবশিং অসি পাম্নবা অমদি শান্ন-খোৎনবগী থাক অসি হেনগৎহনবদা শুংশোই শোইদনা মতেং পাংলগনি।

আই.আই.তি. জোধপুর অসিদা পাংথোকপা য়াবা খুদোংথিবা মায়োক্নদুনা তৌগদবা লল্লোন-ইতিক্কী থবকশিং অসিদা স্তার্ত-অপ অসি মপুং-মরৈ ফাহন্নবগীদমক্তা রিসর্চ অসিদগী ইনভেন্সনফাওবা ইনোভেসন্দগী হৌরগা মপুং ওইবা ইনোভেসনগী ইকোসিস্তেম ওইহনবদা মতিক চারে হায়না মন্ত্রীনা ফোংদোকখ্রে। আই.আই.তি. জোধপুরনা অনৌবা য়ুগকী ইচং থৌনা পাংথোক্কদবা থবকশিংগী ক্লস্তর অসি ন্যুক্লিএৎ তৌনবা মাগী কেম্পসতা ইনক্যুবেশন অমদি ইনোভেসনগী সেন্তর অমা শেমগৎখ্রে। ইনক্যুবেশন অমদি ইনোভেসনগী সেন্তর অসিনা মসিগী ইকোসিস্তেম অসিদা চাউরবা থৌদাং অমা লৌগনি হায়না মহাক্না ফোংদোকখি। মসিগী পান্দম অসি তেক্নোলোজীগী লেন্দস্কেপ্তা অওনবা পুরক্কদা মওংদা হোংদোক্নবা বৈজ্ঞানিক ওইবা দিস্কোভরীশিং নত্রগা ৱাহন্থোক লৌবা ঈঞ্জীনিয়রিং ইনোভেসনশিং অসি এক্সপ্লোইৎ তৌরিবা স্তার্ত-অপশিং/ওন্তর্প্রিন্যুর অসি ফগৎহন্নবা দীপ তেক ইনোভেসনশিংদনি। মসিগী সেন্তর অসিগী ওইনা ফোকেল থীম অসি হেল্থকেয়র, এগ্রীকলচর, সাইবর-সেক্যুরিতী, মেনুংফেকচরিং অমসুং মেতাল প্রোসেসিং ইন্দস্ত্রীশিং য়াওনা শেন্মিৎলোনগী সেক্তর অসিদা শাফু পীবা মথংগী জেনরেসন্দা লংজিংবা এ.আই., আই.ও.তি. অমদি ৫জি.অসি মায়কৈ অমদা ওনশিলহল্লকপনি হায়বা অসিদা নুংঙাইবা ফোংদোকখি।

মহাক্না জোধপুরগী ইন্সতিত্যুৎ অসিনা য়ুম্লোন্নবা একাদমিক ইন্সতিত্যুৎশিং, নেস্নেল লেভেলগী রিসর্চ লেবোরেতরীশিং অমদি লোকেল ইন্দস্ত্রীশিংগী মতেংনা লিংখৎখিবা জোধপুর সিতী নোলেজ অমসুং ইনোভেসন ক্লস্তর(জি.সি.কে.আই.সি.) অসিনা মফম অসিদা লৈরিবা অচৌবা খুদোংচাদবশিং খরা অসি থমদুনা ওন্তর্প্রিন্যুরশিংবু ফগৎহনবদা মতেং পাংলগনি হায়না ফোংদোকখি।   ক্লস্তর অসিগী অহৌবগী পান্দম অসি য়াম্না মরুওইবা ভর্তিকেল অহুমদা-মেদিকেল তেক্নোলোজী, ক্রাফ্ত, ৱাতর মেনেজমেন্ত অমসুং গবর্নেন্সনি। মহাক্না ইন্সতিত্যুৎ অসিনা উন্নত ভারত অভিয়ান প্রোগ্রামগী মায়কৈরোমদা পায়খৎলিবা থবকশিং অসিগীদমক্তা থাগৎপা ফোংদোকখি।

অনৌবা এজুকেসন পোলিসী অসিনা আর্তিফিসিএল ইন্তলিজেন্স, থ্রী দি. প্রিন্তিং, বিগ দেতা এনালাইসিস অমসুং মছিন লর্নিংগুম্বা অনৌবা তেক্নোলোজী অসি চাউখৎহনবদা থৌদাং লৌগনি অমদি লৈবাক অসিনা মালেমসিগী লুচিংবা ওইবা ঙমহনগনি হায়না থোইদোকপা মওংদা ফোংদোকখি। মহাক্না মল্তীদিসিপ্লিনরী ওইবা ইনোভেসনগীদমক্তা নেস্নেল রিসর্চ ফন্দ শেম্নবগী মথৌ তাই হায়না ফোংদোকখি। মসি নেস্নেল এজুকেসন পোলিসী ২০২০গী এজেন্দাগী শরুক অমসুনি। অপুনবা মওংদা হোৎনরিবশিং অসিনা আই.আই.তি. অসিবু হায়র এজুকেসনগী মল্তিদিসিপ্লিনরী ইন্সতিত্যুৎকী সেন্তর অমা ওইহনবা ঙমগনি হায়না মহাক্না ফোংদোকখি। আই.আই.তি. জোধপুরনা মহাক্কী করিকলম অসি নেস্নেল এজুকেসন পোলিসীগী মওংদা শেম্নবগী মায়কৈদা খোংথাং কয়া অমা পায়খৎলিবশিং অসিগীদমক্তা মন্ত্রীনা শিংথানখি। আই.আই.তি. জোধপুরদগী এম্স জোধপুরগা লোয়ননা অপুনবা মওংদা মেদিকেল তেক্নোলোজীদা হৌদোকখিবা প্রোগ্রাম অসি য়াম্না মরুওইবা খোংথাং অমনি। অরোইবদা মহাক্না এজুকেসন মন্ত্রালয়না আই.আই.তি. জোধপুর অসি ফগৎহনবদা খোংজেল য়াংশিন্নবা লেপ্তনা মতেং পাংগনি হায়না ফোংদোকখি।

থৌরম অসিদা ৱাফম ফোংদোকপদা শ্রী শেখাৱৎনা প্রধানমন্ত্রী শ্রী নরেন্দ্র মোদীগী অথোইবা মিৎয়েংখাদা সরকারগী মায়কৈদগী পাংথোকখিবা মিৎয়েং শানবা এজুকেসন পোলিসী অসিবু শিংথানখি। মহাক্না আই.আই.তি. জোধপুরদগী ইনোভেসন অমদি ইনক্যুবেশন সেন্তর অমদি স্পোর্ত্স কম্প্লেক্স শানবা হোৎনরিবশিং অসিবুসু শিংথানখি। মসিগী ফেসিলিতীশিং অসিনা মহৈরোয়শিংগী কাংলুপ অসিবু চপ-চানা মতেং পাংগনি অমদি সরকারনা ফিৎ ইন্দিয়া অভিয়ান্দসু থৌদাং লৌগনি হায়নসু পনখি। মহাক্না লু নানবা অমদি থক্নবা ঈশিংগী মিশনগী লমদা অনৌবা রিসর্চকী মথৌ তাবগী মতাংদা মিৎয়েং থমখি।

শ্রী ধোত্রেনা মহাক্কী ৱাফম ফোংদোকপদা অনৌবা ফেসিলিতীশিং অসি হৌদোক্নবগীদমক্তা আই.আই.তি. জোধপুরগী মফমদা নুংঙাইবা ফোংদোখি। মহাক্না অনৌবা ইনোভেসন সেন্তর অসিদা ইনক্যুবেশন ৮ রেজিস্ত্রেসন তৌনবা অমদি তোঙান-তোঙানবা সরকারগী ওর্গানাইজেসন/ইন্সতিত্যুসনশিংদগী শেলগী তেংবাং ফংবা অসিগীদমক্তসু থাগৎপা ফোংদোকখি।

মসিগী সেন্তর অসিনা তেক্নোলোজীগী থোংদগী হেল্থ, এজুকেসন, এনভাইরোন্মেন্ত, এগ্রীকলচর অমদি থবকশিংগী লমদা থৌদাং লৌগনি হায়না মহাক্না ফোংদোকখি। অনৌবা নেস্নেল এজুকেসন পোলিসী-২০২০ অসি মল্তীদিসিপ্লিনরী, ফ্লেক্সিবল এন্ত্রী অমদি একজিৎ, একাদমিক বেঙ্ক ওফ ক্রেদিৎ, রিসর্চ এন্দ নেস্নেল রিসর্চ ফাউন্দেসন্দা মিৎয়েং থম্বা, লাইৎ বত তাইৎ রিগুলেসন্দা শাফু পী, অসিগুম্বা থৌরাং অসিনা মসিগী পোলিসী অসি তশেংনা ২১শুবা চহি চাগী পোলিসী শেম্লে হায়না মহাক্না ফোংদোকখি।

আই.আই.তি. জোধপুরদগী ইনক্যুবেশন সেন্তর অমসুং স্পোর্ত্স কম্প্লেক্স শঙ্গাবা অসি য়াম্না মতাং চাবা খোংথাংনি। ঙসি লৈবাক পুম্বনা খুদক্কী ওইনা তঙাই ফদবা তেক্নিকেল ওইবা সোলুসন অসিদগী ইন্দস্ত্রী ৪.০ আই.আই.তি., আর্তিফিসিএল ইন্তলিজেন্স, দ্রোন্স মছিন লর্নিং, দেতা এনালিতিক্স, ব্লোক চেন অমদি ৩দি. প্রিন্তিং তেক্নিক অসি ফগৎহন্নবা অমদি চুম্নগী মীয়ামগী অফবা পুন্সি অসি ফগৎহন্নবা হোৎনরি।  স্পোর্ত্স কম্প্লেক্স অসিনা নহা ওইরিবা মহৈরোয়শিংগীদমক্তা য়াম্না অথোইবা খুদোংচাবা ওইরগনি হায়না মহাক্না পনখি।  ঐখোয়গী প্রধান মন্ত্রীনা "ফিৎ ইন্দিয়া"গী খোল্লাও অসি পীখ্রে। নহা ওইরিবা খুদিংমক্না মহৈ তম্বগা লোয়ন-লোয়ননা হকচাং ফবা অমদি হকচাং কনবা মথৌ তাই।  

আই.আই.তি. জোধপুরগী দিরেক্তর প্রোফেসর সান্তনু চৌধরীনা হন্দক্তা মায় পাক্না পাংথোকখিবশিংগী মতাংদা পনখি।  মহাক্না আই.আই.তি. জোধপুরদগী হৌদোকখিবা অনৌবা প্রোগ্রামশিংগী তোপ-তোপ্পা অথোইবশিংদসু থোইদোকপা মওংদা হায়খি।  মহাক্না এম্স জোধপুরগা লোয়ননা থবক পাংথোক্লিবা মেদিকেল তেক্নোলোজীদা হৌদোকখিবা অনৌবা থৌরমশিংগী মতাংদসু  হায়খি।

মহাক্না আই.আই.তি. জোধপুরগী অনৌবা রিসর্চশিং, মরুওইনা সাইবর ফিজিকেল সিস্তেম, রোবোতিক্স, আর্তিফিসিএল ইন্তলিজেন্স, ৱাতর তেক্নোলোজীনচিংবা লমশিংগী মতাংদসু হায়খি। মহাক্কী ৱাফম ফোংদোকপা অদুদা মহাক্না জোধপুরদগী কোবিদ-১৯গী লায়চৎ অসি লান্থেংননবা শেমখিবা তোপ-তোপ্পা তেক্নোলোজীগী মতাংদসু পাও খংহনখি।  

আই.আই.তি. জোধপুরগী বোর্দ ওফ গবর্নেন্সকী অধ্যক্ষ দা.আর. চিদম্বরম্না মহাক্কী থৌরম মপু ওইবগী ৱাফমদা একাদমিক্কী ৱাখল-লৌশিং/রিসর্চশিং অসিগী কান্নবা লৌনবগীদমক্তা ওন্তর্প্রিন্যুর্শিপ্পু শৌগৎখি অমদি ইনোভেসনশিংসি হেন্না য়াংশিলহন্নবা আই.আই.তি. জোধপুরনা শেমগৎখিবা ফেসিলিতীশিংসি শিংথানখি অমদি চহি অমদা আই.আই.তি. জোধপুরদগী চাউখৎনবা তৌরিবা অসিদা হরাওবা ফোংদোকখি।  মহাক্না ইন্সতিত্যুৎ অসি লিংখৎখিবগী নুমিৎ অসিগী থৌরমদা দিরেক্তর প্রোফেসর সান্তনু চৌধরী, ফেকল্তীগী মীহুৎশিং অমদি স্তাফশিংগী মফমদা নুংঙাইবা ফোংদোকখি।

থৌরম অসি লোইরকপদা ইন্সতিত্যুৎ ফাউন্দেসন দে ওবজর্বেসন কম্মিতীগী চেয়রমেন প্রোফেসর এস.আর. ভাদেরানা থাগৎ ৱাহৈ ফোংদোকখি।

থৌরম অসি ইন্সতিত্যুৎকী ৱেবসাইত, য়ুত্যুব অমদি ফেসবুক্তা লাইভ ওইনা উৎখি। 

 

(Release ID: 1665459) Visitor Counter : 120