লাক্কদৌরিবা হরাও-কুম্মৈগী পন্থা অসিগী মনুংদা রেলৱে স্তেসনশিং অমসুং ত্রেনশিংদা মী তিনবগী মশিং হেনগৎলক্কনি। মী তিনবগী মশিং হেনগৎলকপনা মরম ওইরগা থোকহনবা খুদোংচাদবশিং অসি মপুং ফানা থেংনবা ঙম্নবা, মরু ওইনা লায়চৎ অসিগী মনুং অসিদা কোবিদকী প্রোতোকল অকনবা মওংদা চৎনহন্নবা হোৎনবা মথৌসু তাই, চিয়রমেন-কম সি.ই.ও./রেলৱে বোর্দ, মেম্বর (ওপরেসন্স এন্দ বিজিনেস দিবেলপমেন্ত) অমসুং দি.জি./আর.পি.এফ.না ১৬/১০/২০২০তা ভিদিও কনফরেন্সিং তৌদুনা জোনেল অমসুং দিবিজনেলগী থাকশিংদা লৈবা ফিল্দ ফোর্মেসনগী ওফিসরশিংগা লোয়ননা ৱা খন্নখ্রে।

রেলৱে স্তেসনশিং অমসুং ত্রেনশিংদা কোরোনা ভাইরস শন্দোকপদগী ঙাকথোক্নবা রেলৱে এদমিনিস্ত্রেসন্না থোকপা গাইদলাইনশিংগী মতাংদা লাক্লিবা পেসেঞ্জরশিংদা অকনবা এৱের্নেস কেম্পন হৌদোক্নবা ফিল্দ ফোর্মেসনশিংদা খঙহনখ্রে। মখোয়দা কোবিদ প্রোতোকল চেকশিন্না ঙাক্না চৎনবসু খঙহনখি।

হরাও-কুম্মৈগী পন্থা অসিগী মনুংদা স্তেসনশিং অমসুং ত্রেনশিংদা মী তিনবা হেনগৎলকপা অসিনা মরম ওইরগা জোন পুম্নমক্তা নুপী পেসেঞ্জরশিংদা খুদোংথিবা থোক্তনবা থৌরাং লৌখৎপা মথৌ তারি। ত্রেনশিংদা চত্থোক-চৎশিন তৌরিবা নু্পী পেসেঞ্জরশিংদা খুদোংথিবা থকহন্দনবা “মেরি সহেলি” কৌবা অনৌবা থৌরাং অমা হৌদোকখ্রে। থৌরাং অসিনা নুপী পেসেঞ্জরশিংগী মরক্তা খুদোংথিবা থোক্লোই হায়বা শাফবা পোকহন্নবা পান্দম থম্লি অমদি নু্পী পেসেঞ্জরশিংনা থেংনবা খুদোংথিবাগা মরী লৈনবা সমস্যাশিং মপুং ফানা কোকহনগনি।

হ্যুমেন ত্রাফিকিং তৌবদা চেন্নবা মীওইশিংনা হরাও-কুম্মৈগী পন্থা অসিগী খুদোংচাবা লৌরগা ক্রাইম অসিদা খ্বাইদগী খুদোংথিবা নঙ্গনবা নুপী অমসুং অঙাংশিং ত্রাফিকিং তৌবা য়াই। লাক্কদৌরিবা হরাও-কুম্মৈগী পন্থা অসিগী মনুংদা হ্যুমেন ত্রাফিকিং তৌবগী অৱাবা অসি লাকশিন্নবা এক্সন প্লান খন্নখ্রে। ত্রাফিকিং তৌরিবা মীওইশিং খঙদোক্নবা অমদুং ফানবা কান্নগদবা অমদি অফবা দ্রাইফ অমা চত্থনবা ৱারেপ লৌখি।

ফিল্দ ফোর্মেসনশিংনা রেজর্ব তৌবা রেলৱেগী তিকেৎশিং কলা বজার তৌদুনা লাইরবা পেসেঞ্জরশিংদা মমল কানা য়োল্লিবা অসি য়েংশিন্নবা মখা তানা দ্রাইফ চত্থনবা য়াথং পীখি।

*****