তুরিজম মন্ত্রালয়
ঙসি য়ুনিয়ন তুরিজম মিনিস্তর শ্রী প্রাহলাদ সিংহ পতেলনা রাজ্য/য়ু.তি ২১গী মিনিস্তরশিং/ওফিসিএলশিংগা লোয়ন্না ভর্চুএল মীফম পাংথোকখ্রে
মিনিস্ত্রিনা অথুবা মতমদা পোলিসি শেম্বা লোইশিন্নবা দ্রাফ নেসনেল তুরিজম পোলিসিদা মখোয়গী অনিংবা ৱাখল্লোনশিং ফোঙদোক্নবা শ্রী পতেলনা রাজ্যশিং/য়ু.তিশিংদা হায়জখি
Posted On:
16 OCT 2020 6:16PM by PIB Imphal
ঙসি নিউ দিল্লিদা কলচর অমসুং তুরিজমগী রাজ্য মন্ত্রী(ইন-চার্জ) শ্রী প্রাহলাদ সিংহ পতেলনা রাজ্য/য়ু.তি ২১গী মিনিস্তরশিং/ওফিসিএলশিংগা লোয়ন্না ভর্চুএল মীফম অমা পাংথোকখ্রে। ২০২০গী ওক্তোবর ১৫দা পাংথোকখিবা মীফমগী মখা চৎথরকপা মীফম অদুদা রাজ্যশিং/য়ু.তিশিং ১৫গী তুরিজম মিনিস্তরশিং/ওফিসিএলশিং, তুরিজমগী সেক্রেতরি য়োগেন্দ্র ত্রিপাথি, তুরিজমগী দিরেক্তর জেনেরেল মীনাক্সি শর্মা অমসুং তুরিজম মিনিস্ত্রিগী অতৈ সেনিয়র ওফিসিএলশিংসু শরুক য়াখি।
মীফমদা খন্নখিবা ৱাফমশিং :
১. লৈবাক মনুংগী তুরিজম য়োকখৎনবা রাজ্যশিং/য়ু.তিশিংগী মরক্তা চৎথোক-চৎশিন নুংঙাইহনবা
২. তুরিজম অমসুং হোস্পিতেলিতি সেক্তরদা রাজ্যশিং/য়ু.তিশিংনা খুদোংচাবশিং ফংহনবা
৩. চেকশিন-থৌরাংগী চৎন-পথাপশিং ঙাক্নবা সিস্তেম ফোর এসেসমেন্ত, এৱারনেস এন্দ ত্রেনিং ফোর হোস্পিতেলিতি ইন্দস্ত্রি(সাথি)গী থবক পায়খৎপা
৪. লৈফমশিংগী অচৌবা দেতাবেজ অমা শেমগৎনবা তুরিজম মিনিস্ত্রিগী নেসনেল ইন্তেগ্রেদেত দেতাবেজ ওফ হোস্পিতেলিতি ইন্দস্ত্রি(নিধি)গী থবক পায়খৎপা য়াওনা তুরিজম অমুক হিঙ্গৎনবগীদমক থবক পায়খৎপা
ফোতো
মীফম অদুদা তুরিজম মিনিস্তরনা হায়খি কোবিদ-১০ লাইচৎ মনুংদা খ্বাইদগী শোকহনবশিংগী মনুংদা তুরিজমসু অমনি। অদুবু মরী লৈনবশিংগা লেপ্তনা ৱারি শানবা অমসুং কেন্দ্র অমসুং রাজ্য সরকারশিংনা থবক কয়া পায়খৎপদগী তপ্না তপ্না অমুক হিঙ্গৎলক্লে অমসুং তুংদা খোঙজেল য়াংখৎলক্লগনি হায়বগী থাজবা লৈরে। হৌজিক ওইরিবা অরুবা ফিবম মনুংদা তুরিজম মিনিস্ত্রিগী সাথি অমসুং নিধি শীজিন্নবা অসি য়াম্না মরুওই।
মহাক্না হায়খি মমাংদা ঐখোয়গী রেজিস্তার তৌরবা হোতেল ১৪০০ লৈরমখি অদুবু নিধিগী থবকশিংনা মরম ওইদুনা হৌজিক ঐখোয়গী রেজিস্তার তৌরবা হোতেল ২৭০০০ লৈরে অমসুং মশিং চাংনাইনা হেনগৎলক্লি। মসিনা ঐখোয়দা লমকোয়বা মীওইশিং অমসুং হোস্পিতেলিতি ইন্দস্ত্রিগী দেতা ফংহল্লে। সাথিগী থবকশিং শীজিন্নবা অসিনা লমকোয়বা মীওশিংগী থাজবা হেনগৎহনগনি অমসুং মসিনা কোবিদ-১৯ লাইচৎনা থোকহনবা অৱাবশিং থেংন্নবা থৌরাং তৌনবা হোস্পিতেলিতি ইন্দস্ত্রিগী মতেং পাংগনি।
ফোতো
মহাক্না হায়খি য়ু.তি চান্দিগরনা অফবা থবকশিং পায়খৎতুনা চান্দিগরগী হোতেল ১১০গী মনুংদা হৌজিক হোতোল ১০৮ নিধিদা অমসুং হোতেল ৮৩ সাথিদা রেজিস্তার তৌরে। মখোয়গী রাজ্যশিংদা লমকোয়বা লাকপা মীওশিংগী মরক্তা থাজবা লৈহন্নবা অমসুং দেতা লৌশিন্নবা মসিগী প্লেফোর্ম অনি অসি রাজ্যশিংনা শীজিন্নগদবনি।
মিনিস্ত্রিনা অথুবা মতমদা পোলিসি শেম্বা লোইশিন্নবা দ্রাফ নেসনেল তুরিজম পোলিসিদা মখোয়গী অনিংবা ৱাখল্লোনশিং ফোঙদোক্নবা শ্রী পতেলনা রাজ্যশিং/য়ু.তিশিংদা হায়জখি।
শ্রী পতেলনা হায়খি লৈবাক মনুংগী তুরিজম য়োকখৎনভবা মিৎয়েং থমদুনা তুরিজম মিনিস্ত্রিগী ‘দেখো অপ্না দেস’ খোঙজং রাজ্যশিংনা শরুক য়াগদবনি। তোইনা উদ্রিবা অনৌবা মফমশিংদা লমকোয়বা মীওইশিং লাক্নবা মখোয়গী রাজ্যশিংগী অনৌবা মফমশিংগী মতাংদা সেকেন্দ ৩০-৪০গী ভিদিও প্রোমোসনশিং রাজ্যশিংনা শেমগদবনি। রাজ্যশিংগী মরক্তা লমকোয়বা মীওইশিং নুংঙাইনা চৎথোক-চৎশিন য়ানবা রাজ্যশিংনা চপ মান্নবা চৎন-পথাপ ইন্নবা হোৎনবীয়ু।
মিনিস্তরনা হায়খি গাইদশিং ত্রেনিং পীনবা ওনলাইন প্রোগ্রাম ইনক্রেদিবল ইন্দিয়া তুরিস্ত ফেসিলিতেতর সর্তিফিকেসন প্রোগ্রাম(আই আই তি এফ) অসিনা ভারত শীনবা থুংনা থবক ফংহন্নবগী খুদোংচাবা অমা পীরে। হৌজিক থবক অসিদা মীওই ৬০০০ রোম শরুক য়ারে অমসুং মতিক চারবা মীওইশিং ই-মার্কেতপ্লেসতা থোরকপা হৌরে অমসুং থবক অসিনা লমকোয়বা মীওইশিং লমজিংবা অমসুং ভারতকী মশক উৎপদা অচৌবা খুদোংচাবা অমা পীরে।
মীফম অদুদা মেঘলয়গী চীফ মিনিস্তর কোনরাদ কোংকাল সঙ্গমানা হায়খি মেঘলয়না কোবি মতমগী কান্নবা লৌরে। মখোয়গী মরী লৈবশিংগী ত্রেনিং পাংথোক্লে, তুরিজমগী ৱেবসাইত ফগৎহল্লে, অনৌবা ভিদিওশিং পুথোক্লে অমসুং রাজ্যগী লম্বী-থোং ফগৎনবা থবকশিং কন্না পায়খৎলে। উরান স্কিমনা অৱাং-নোংপোক্তা চৎথোক-চৎশিনগী ফিবম ফগৎহল্লে অমসুং শিল্লোংদগী দিল্লি ফাওবা ফ্লাইত পাইনবা হৌজিক রাজ্য অসিদা থবক পায়খৎলি।
কেরলাগী তুরিজম মিনিস্তর কাদাকামপাল্লি সুরেন্দ্রননা হায়খি লোন ওইনা মতেং পাংদুনা, প্রোপর্তি তেক্স পীবগী মতম শাংদোক্তুনা, হোতেলশিংগী থবক তৌদবা মতম মনুংগী মৈ অমসুং ঈশিংগী বিলশিং কোকথোক্তুনা তুরিজম ইন্দস্ত্রি মতেং পাংনবা কেরলা সরকারনা থবক কয়া পায়খৎলে। ওক্তোবর ১০দগী রাজ্যশিংগী মরক্তা চৎথোক-চৎশিনগী থবকশিং রাজ্য অসিদা হাংদোক্লে অমসুং হোংলক্লিবা মতম অসিদা অনৌবা খোঙজংশিং পায়খৎনবা থৌরাং তৌরে।
ওরিসাগী তুরিজম মিনিস্তর জয়তি প্রকাস পানিগ্রহিনা হায়খি লৈবাক্কী অতোপ্পা মফমশিংদগী লমকোয়বা মীওইশিং লাকপা হৌরে। অদুবু রাজ্য অসিদা লাইশঙশিং লমকোয়বা লাকপশিংগীদমক হাংদোক্ত্রি।
মিজোরমগী তুরিজম মিনিস্তর পি.য়ু রোবার্ত রোমাৱিয়ানা হায়খি লমকোয়বা মীওইশিংগী থাজবা হেনগৎহন্নবা মখোয়না থবক পায়খৎলি অমসুং রাজ্য অসিদা মাইস, গোল্ফ অমসুং এদভেঞ্চরগী থবকশিংগী অনৌবা কয়া পায়খৎলে।
তামিলনাদুগী তুরিজম মিনিস্তর থিরু. ভেল্লামন্দি এন. নতারজান্না হায়খি রাজ্য অসিদা তুরিজমগী থবক হান্নগুম হোনবা রাজ্যনা এস.ও.পিশিং পীরে অমসুং লমকোয়বা মীওইশিং তরাম্না ওক্নবা হৌজিক রাজ্য অসি থৌরাং তৌরে।
সিক্কিমগী তুরিজম মিনিস্তর বেদু সিংহ পান্থনা হায়খি রাজ্য অসি হৌজিক রাজ্যশিংগী মরক্তা চৎথোক-চৎশিনগী অথিংবা লৈত্রে অমসুং মখোয়না তাঙ্কক ওইনা তুরিজমগী থবকশিং অমসুং লমকোয়ফমশিং হাংদোকপা হৌরগনি।
তুরিজম মিনিস্তরগী লমজিং মখাদা তুরিজমগী থবকশিং শৌগৎনবা তুরিজম মিনিস্ত্রিনা মরী লৈনবশিংগা লোয়ন্না চোকথবা লৈতনা থবকশিং পায়খৎলি। লৈবাক মনুংগী তুরিজমগী থবকশিং ফগৎহন্দুনা তুরিজমগী ইকোনোমি হিঙ্গৎহন্নবা তুরিজম অমসুং হোস্পিতেলি ইন্দস্ত্রিগী মরী লৈনবশিংগী মীহুৎশিংগা মিনিস্ত্রিগা মখা তানা ৱারি শান্নরি। ইন্দস্ত্রি অসিনা থেংনরিবা অৱাবশিং খন্ননবা তোঙান তোঙানবা কাংলুপশিংগা হৌখিবা থা ৬ অসিদা মিনিস্ত্রিনা পরিং নাইনা মীফম কয়া পাংথোকখ্রে।
কোবিদ-১৯ লাইচৎ মনুংদা তুরিজম মিনিস্ত্রিনা পায়খৎখিবা থবকশিং :
লমকোয়বা মীওইশিংনা লৈফম থিবা অমসুং তোঙান তোঙানবা লমকোয়ফমশিং থিবদা মতেং পাংনবা লৈবাক অসিদা লৈরিবা হোতেলশিংগী অপুনবা নেসনেল দেতাবেজ অমা শেমগৎনবগী অথুবগী ওইনা দরকার ওইবা অদু মালেমগী কোবিদ-১৯ লাইচৎ অসিনা খুদোংচাবা অমা পীরে অমসুং দেতা ফংবা অসিনা লৈবাক অসিদা তুরিজম চাউখৎহন্নবা থৌশিলশিং শেম্বদা য়াম্না মরুওইবা অমনি।
মিনিস্ত্রিগী নিধি পোর্তেলদা লৈবাক অসিদা লৈরিবা হোতেলশিং রেজিস্তার তৌনবা তুরিজম মিনিস্ত্রিনা রাজ্য সরকারশিংগী মতেংগা লোয়ন্না থবক পায়খৎলে। ২০২০গী জুলাই ৮দা থবক হৌখিবা পোর্তেল অসিদা ২০২০গী ওক্তোবর ১৩ ফাওবদফা হোতেল ২৫৭৮৬ রেজিস্তার তৌরে।
কোবি-১৯গী অৱাবশিং থেংন্নবা থৌরাং তৌনবা সাথিগী মখাদা হোস্পিতেলিতি ইন্দস্ত্রি মতেং পাংনবা তুরিজম মিনিস্ত্রিনা ক্বালিতি কাউন্সিল ওফ ইন্দিয়া(ক্বিউ সি আই)গা পুন্না থবক পায়খৎলে। থৌরাং অসি প্রধান মন্ত্রীগী অত্মানির্ভর ভারতকী মখাদা পায়খৎপনি। ৱাখল্লোন অসিনা ইন্দস্ত্রি অসিদা কোবিদগী নিয়মশিং খঙহনবা খক নত্তনা স্তাফশিং অমসুং লমকোয়বা লাকপা মীওইশিংগী মরক্তা থাজবা লৈহনগনি অমসুং অশোই-অঙাম থোকহন্দবা ঙমগনি।
হোম মিনিস্ত্রি অমসুং হেল্থ অমসুং ফেমিলি ৱেলফিয়ার মিনিস্ত্রিগী পাউতাকশিং মতুংইন্না লমকোয়বা লাকপা মীওইশিং মখোয়না অশোই-অঙাম থোকহল্লোই হায়না রাজ্যশিংনা থাজবা পীরে। হোস্পিতেলিতি ইন্দস্ত্রিগী থবকশিং লাইনা পাংথোকপা য়ানবা মখোয়না পায়খৎলিবা থবকশিং রাজ্যশিংনা ফোঙদোকখি। লৈবাক মনুংগী তুরিজম য়োকখৎনবা লৈরিবা খুদোংচাবশিং অমসুং দেখো অপ্না দেস য়োকখৎনবা থবক পায়খৎনবগী দরকার ওইবশিং অদু মীফম অদুদা শরুক য়াখিবশিংনা য়ানিংবা ফোঙদোকখি।
******
(Release ID: 1665362)
Visitor Counter : 116