بجلی کی وزارت کے پاور گرڈ کارپوریشن آف انڈیا لمیٹیڈکی ڈائریکٹر (آٖپریشن) محترمہ سیما گپتا نے کاروبار میں خواتین کے لئے 17 ویں سالانہ اسٹیو ایوارڈز میں لائف ٹائم اچیومنٹ-بزنس زمرے میں گولڈ اسٹیوی ایوارڈ جیتا ہے۔

کاروبار میں خواتین کے لئے اسٹیوی ایوارڈ کے تحت خواتین ایگزیکٹو افسروں، صنعت کاروں، ملازمین اور خواتین کے ذریعے چلائی جارہی عالمی کمپنیوں کو اعزاز دیا جاتا ہے۔

اسٹیوی ایوارڈز کو دنیا کا اہم کاروباری ایوارڈز سمجھا جاتا ہے۔ اس سال کے لئے طلائی چاندی اور کانسے کا اسٹیوی ایوارڈز جیتنے والوں کے نامو ںکا فیصلہ دنیا کے 180 سے زیادہ کاروباری پیشہ وروں کے اوسط اسکور کی بنیاد پر کیا جائے گا۔

ایوارڈ کے لئے محترمہ سیما گپتا کے نام کی سفارش کرتے ہوئے جیوری نے عام طور پر مردوں کے غلبے والے صنعت میں ان کی بہترین لائف ٹائم حصولیابیوں، اپنے کام کے شعبے میں ٹھوس مہارت کے ذریعے قائدانہ صلاحیت کا مظاہرہ کرنے اور کمپنی کی کامیابی میں ان کے رول کے لئے ستائش کی ہے۔ جیوری نے کہا ہے کہ ان کا کیریئر اور کامیابیاں ان کی جانفشانی اور عزم کو پیش کرتی ہیں۔ جیوری نے انہیں انجینئرنگ کے شعبے میں ہندوستان کی خواتین کے لئے ایک تحریک اور ایک رول ماڈل کی شکل میں دیکھا۔

پاور گرڈ کے بارے میں:

دنیا کی سب سے بڑی بجلی کی ترسیل کمپنیوں میں شامل پاور گرڈ بھارت سرکار کی بجلی کی وزارت کے انتظامی کنٹرول کے تحت مہارتنا سی پی ایس ای ہے اور بھارت کی مرکزی ترسیلی خدمت ہے۔

...............................................................

م ن، ح ا، ع ر

U-6394