অত্মনির্ভর ওইহন্নবা লৈবাক অসি হেন্না মপাঙ্গল কনখৎহন্নবা অরোন-অথুপ লৈতবা থৌশিলগা লোয়ন্না থবক পায়খৎনবা অমসুং থবক ফংনবা খুদোংচাবশিং পীনবা স্তিল ইন্দস্ত্রিশিংগী লুচিংবশিংদা স্তিল অমসুং পেত্রোলিয়ম অমসুং নেচরেল গ্যাসকী মিনিস্তর শ্রী ধরমেন্দ্র প্রধান্না অপীল তৌখ্রে। মহাক্না হায়খি থৌশিল ময়াম অমা শেমদোক্তুনা লন-থুম তান্নবগীদমক ইন্দস্ত্রিশিংদা মান্নবা খুদোংচাবশিং পীনবা সরকারনা পান্দম থম্লি।ললোন-ইতিক চৎথবা লাইহন্নবা নিংথিনা শেম্লবা থৌরাংশিং অমসুং থৌশিলশিং লৈরে।

‘অত্মনির্ভর ভারত: মিৎয়েং: স্তিল, কেমিকেল অমসুং পেত্রো-কেমিকেল সেক্তরগী দাউনস্ত্রিম ইন্দস্ত্রিশিং’ হায়বা হিরমদা স্তিল মিনিস্ত্রি অমসুং পেত্রোলিয়ম অমসুং নেচরেল গ্যাস মিনিস্ত্রিগা লোয়ন্না ইন্দিয়ান চেম্বর ওফ কমর্স এন্দ ইন্দস্ত্রি(আই সি সি)না শীন্দুনা ঙসি পাংথোকখিবা আই.সি.সি নেসনেল ই-কনফরেন্সতা চীফ গেস্ত ওইনা শরুক য়ারদুনা শ্রী প্রধান্না হায়খি অপীকপা সরকার অমসুং খ্বাইদগী ফবা লৈঙাক লৈহনবা অসিনা ঐখোয়গী ইন্দস্ত্রিশিংনা খুন্নাইগীদমক লন-থুম শেমগৎপা ঙমগনি। দরকার ওইবা মচাক-মথুমশিং পীদুনা ঐখোয়না ললোন-ইতিক্কী থবকশিং ফগৎহনগনি। লৈবাক অসিগী দরকার ওইবশিং ফংহন্নবা থৌরাং তৌনবা স্তিল ইন্দস্ত্রিশিংগী লুচিংবশিংদা মহাক্না তকশিনখি। মহাক্না হায়খি ঐখোয়গী অপুনবা থবকশিং অমসুং মতেং পাংনবা অসিনা অত্মনির্ভর ভারত অমা শেম্নবগী লম্বী য়াৎকনি।

শ্রী প্রধান্না হায়খি লাইচৎনা মরম ওইদুনা মনিং হল্লুবদগী লৈবাক অসি ফিবম ফগৎলক্লে অমসুং ভারতকী শেন্মিৎলোন হান্নগী ফিবমদা হল্লকপগী ফিবমশিং তোঙান তোঙানবা শেন-থুমগী ইঙ্গিৎশিংনা উৎলে। পোৎ-চৈ পুথোকপগী লমদা ফিবম ফগৎলকপা উরে, ২০১৯দা মপান্দা পোৎ-চৈ থাদোকপগী থবকশিং মাইনস ৬.৬ লৈখিবা অদু হৌখিবা থাদা চাদা ৫.৩দা হেনগৎলে। রেলৱেজ ফ্রেদ চাদা ১৫ হেনগৎলে, এফ.দি.আইসু হেনগৎলে অমসুং তোঙান তোঙানবা প্রোজেকশিংদা শেন থাদবসু হেনগৎলক্তুনা শেন-থুমগী ফিবম ফগৎলক্লে। শেন-থুমগী ফিবম হান্নগী থাক্ত হঞ্জিল্লকপা অমসুং মশাগী ওক্নবা পুথোকপা ভারত অমা শেমগৎপদা ইন্দস্ত্রি অমসুং ললোন-ইতিকশিংগী অচৌবা থৌদাং অমা লৈরি।

ভারতক্কী অতৈ মফমশিংগা লোয়ন্না ভারতকী নোংপোক থংবা শরুকশিং থোঙ মান্ননা চাউখৎনবা পান্দম থম্লিবা প্রধান মন্ত্রী শ্রী নরেন্দ্র মোদীগী মিসন পুর্বোদয়াগী মতাংদা শ্রী প্রধান্না হায়খি অত্মনির্ভর ভারত অমা শেম্নবা অমসুং মিসন পুর্বোদয়া থবক ওইনা পাংথোক্নবা ওরিসানা মরুওইবা থৌদাং অমা লৌগনি। মিনরেল য়াম্না ফংবা অমসুং অচৌবা হিথাংফমশিং লৈবগী ওরিসাগী খুদোংচাবশিং অসি ইন্দস্ত্রি চাউখৎনবগী অঙকপা খুদোংচাবশিং পীরে। স্তিল অমসুং পেত্রোকেমিকেল সেক্তর অনিমক অমসুং মখোয়গী মতেং পাংলিবা ইন্দস্ত্রিশিং অসিনা মখোয়গী থবকশিং পাকথোক-চাউথোক্নবগী খুদোংচাবশিং পীগনি। হিথাংফম্না মাংজিল থারিবা শেন-থুমগী ফিবম অসিনা ওরিসাগী অহোংবা পুরকপা ঙম্লগনি। ওরিসাদা কংফালদা ঈশিং লম্বীশিংদা সরকারনা থবক য়াম্না পায়খৎলে, পারাদিপ হিথাংফম অসি ভারতকী মাংজিল থাবা হিথাংফম অমা ওইরে। ধামরা অমসুং গোপালপুর হিথাংফমশিং মরুওইবা থৌদাং লৌরি। মরাং কাইনা ফংলিবা মিনরেলশিং, হৈশিংলবা শিন্মীশিং অমসুং ওরিসা সরকারগী ফজনা শেম্লবা থৌশিলশিং অসি শীজিন্নদুনা স্তিল পুথোকপগী থবক মাংজিল থানবা ইন্দস্ত্রিগী লুচিংবশিংনা হোৎনগদবনি।

কনফরেন্স অদুদা ওরিসাগী হোম, ইন্দস্ত্রি, ইনর্জি অমসুং এম.এস.এম.ই মিনিস্তর, ইন্দস্ত্রিগী লুচিংবশিং, আই.ও.সি.এলগী চিয়রমেন, ওরিসা সরকারগী সেনিয়র ওফিসিএলশিং অমসুং আই.সি.সিগী মীওইশিং শরুক য়াখি।

Mission Purvodaya envisioned by Shri @narendramodi calls for balanced development of India with eastern India leading the way. Odisha will play a key role in realising Mission Purvodaya and making of an #AatmanirbharBharat. pic.twitter.com/WRp7FM8gLg

— Dharmendra Pradhan (@dpradhanbjp) October 15, 2020

Port-led economy can be a game-changer for Odisha. GOI is doing massive work in inland waterways in Odisha. Paradip port has emerged as the numero uno port of India. Dhamra and Gopalpur ports are playing important roles.

— Dharmendra Pradhan (@dpradhanbjp) October 15, 2020

Multiple economic indicators are already suggesting a rebounding of Indian economy. Industry and businesses have a huge role to play in the economic recovery and making of an #AatmanirbharBharat pic.twitter.com/rDoAeb9Xhy

— Dharmendra Pradhan (@dpradhanbjp) October 15, 2020

*****