জে. এন্দ কে.দা লৈবা জোজিলা তনেলগী থবক ঙসিদগী হৌনবী মতুং ইন্না চীং থুগাইদুনা হৌখ্রে‍। তনেল অসিনা এন.ঐচ.-১দা স্রিনগর তম্পাক অমসুং লেহ (লদাখ)কী মক্তা নোংজু-নুংশা খায়দনা শম্নহন্দুনা জম্মু অমসুং কাস্মিরদা (হৌজিক্না জে. এন্দ কে. অমদি লদাখ য়ু.তি. ওইখ্রবা) শেন্মিৎলোন অমসুং সোসিও-কলচরেলগী হীরম খুদিংমক্তা পুনশিন্নবা পুরক্কনি‍। মসিদা দ্রাস অমসুং কার্গিল ফাওদুনা স্রিনগর অমসুং লেহ শক্নহল্লিবা এন.ঐচ.-১গী জোজিলা পাসকী (হৌজিক চহি অমদা শুপ্নতগী থা ৬খক শীজিন্নবা য়ারিবা) মখাদা মিতর ৩০০০ ৱাংবা মফমদা কি:মি: ১৪.১৫ শাংবা তনেল হুৎপগী থবক য়াওরি‍। মসি গারী থৌবদা মালেমগী ওইনা খ্বাইদগী শাথিবা লম্বী মশাংশিংগী মরক্তা অমা ওইরি অমদি প্রোজেক্ত অসিসু জিও-স্ত্রেতেজিকেল্লি সেন্সিতিব ওইবা অমসু ওইরি‍।

প্রোজেক্ত অসিগী ৱাখল্লোন অহানবা ওইনা ইং ২০০৫তা পুথোরকখিবনি অদুগা দি.আর.ও.না বি.ও.তি. (এনুইতী) মোদতা ইং ২০১৩দা দিতেল প্রোজেক্ত রিপোর্ত (দি.পি.আর.) শেমখিবনি‍। প্রোজেক্ত অসি শিন্ননবা মরিরক হোৎনখিবদা মায় পাকখিদ্রবনি‍। মতুংদা প্রোজেক্ত অসি ২০১৬গী জুলাই থাদা এন.ঐচ.আই.দি.সি.এল.দা ই.পি.সি. মোদতা পায়খৎনবা শিন্নখিবনি‍। মদুগী থবক্না এম./এস. আই.তি.এন.এল. (আই.এল. এন্দ এফ.এস.)তা পীখিবনি‍। প্রধান মন্ত্রী শ্রী নরেন্দ্র মোদীনা লেহদা উরেপ উয়ুং তমখি অদুগা থবক অদু ১৯.৫.২০১৮দা হৌখি‍। থবক অদু জুলাই ২০১৯ ফাওবা চঙশিনখি, অমদি মদুগী মতুংদা এম.এস. আই.এল. এন্দ এফ.এস. শেনথুমগী খুদোংচাদবা মায়োক্নখি অমদি প্রোজেক্ত অদু লেপ্তুনা লৈখি‍। অসুম্না থিকা অদু ১৫.০১.২০১৯দা ককথৎখি‍।

মতুগী মতুংদা, ফেব্রুৱারী ২০২০দা, রোদ ত্রান্সপোর্ত অমসুং হায়ৱেজ মন্ত্রী শ্রী নিতিন গারকরিনা প্রোজেক্ত পুম্বা অমুক হন্না মচা খায়না য়েংশিনখি‍। শেন চঙবা হন্থহন্নবা অমদি পন্থরুরবা প্রোজেক্ত অদু অহেনবা মীৎয়েঙ চঙদুনা পায়খৎনবগীদমক ৱাফম অদু দি.জি. (আর.দি.) অমসুং এস.এস., এম.ও.আর.তি.ঐচ. শ্রী আই.কে. পান্দেনা লুচিংবা এক্সপর্ত গ্রুপ অমদা শিন্নখি‍। এক্সপর্ত গ্রুপ অদুনা খ্বাইদগী তেনবা মতমদা অমদি খ্বাইদগী শেন চঙদনা প্রোজেক্ত অদু লোইশিন্নবা প্রোজেক্ত কনফিগরেসনগী অমদি পায়খৎপগী ৱাফমশিং সজেসন পীখি‍।

তনেল এক্সপর্তশিং অমসুং স্তেকহোল্দরশিং মমুৎ তানা তানরবা মতুংদা, এক্সপর্ত গ্রুপ অদুনা মখোয়গী রিপোর্ত ১৭.৫.২০২০দা লানখৎখি অমদি মদুবু আর.তি.ঐচ. মন্ত্রীনা ২৩.০৫.২০২০দা অয়াবা পীখি‍। রিপোর্ত অদুদা পনবা য়াবা মখাগী ৱাফমশিং অসি য়াওরি‍:

১.      খমব্রাংনবা থোকফম/নান্থোকফম লম্বী য়াওদনা লেন অনিগী নাকল অনিগী ওইবা সিঙ্গল ত্যুব তনেল শাবা‍।

২.      কন্সত্রক্সন সাফ্ত ৩দগী ২দা হন্থহনবা‍।

৩.      তনেল অসিগী দিজাইন খোঙজেল পুংদা কি:মি: ৮০ ওইহনবা

৪.      জি.-মোর তনেল লোইশিনফমদগী জোজিলা তনেল হৌরকফম ফাওবদা তনেল অনিসিইগী মরক্তা নোংজু নুংশা খায়দনা শম্নহন্নবা কেতচ দামশিং, উন গেলরী, কৎ অমসুং কভর, দিফ্লেক্তর দামনচিংবা উন নিংখায়বদগী ঙাকথোক্নবা স্ত্রকচর য়াওবা কি:মি: ১৮গী (অপুনবা লম্বীগী অশাংবা কি:মি: ১২) এপ্রোচ লম্বী হাপচিনবা‍।

৫.      শেমদোক্লবা চঙগদবা শেনফম অসি লুপা করোর ৪৪২৯.৮৩ ওইখি অমদি মসিনা চৎপগী মতম হৌজিক পুং ৩.৫ হেন্না চঙলিবসিদগী তনেল অসিদা চৎপদা মিনত ১৫দা হন্থহনগনি‍।

৬.      জোজিলা তনেল অমসুং জি.-মোরদগী জোজিলা ফাওবগী মরক্তা নোংজু নুংশা খায়দনা শম্নহন্নবগীদমক উন নিংখায়বদগী ঙাকথোক্নবা ফীভম য়াওবা এপ্রোচ লম্বীগী পুনশিল্লবা প্রোজেক্ত পায়খৎপা‍।

প্রোজেক্তকী শেমদোক্লবা কনফিগরেসন:

পরিং উৎলিবা মেপ:

অয়াবা ফংলবা মতুংদা, এন.ঐচ.আই.দি.সি.এল.না ১০.৬.২০২০দা বিদ কৌখি‍। বিদ্দর অহুম্মক তেক্নিকেলগী অয়াবা ফংলবা মতুংদা শেনথুমগী বিদ ২১.৮.২০২০দা হাংদোকখি অমদি এম./এস. মেঘা ইঞ্জিনিয়রিং এন্দ ইনফ্রাস্ত্রচর লিমিতেদতা মখোয়না কোত তৌরকপা মমল লুপা করোর ৪৫০৯.৫০দা থবক অদু পীখি অমদি লেতর ওফ এক্সেপ্তেন্স (এল.ও.এ.) ২৫.০৮.২০২০দা পীখি‍।

জোজিলা তনেলদগী জি-মোর তনেল ফাওবগী এপ্রোচ লম্বীবু (কি:মি: ১৮.৬৩) নোংজু নুংশা খায়দনা শীজিন্নবা য়াহন্নবগীদমক চঙগদবা শেনফম দি.পি.আর.গী মতুং ইন্না লুপা করোর ২৩৩৫তা লেপখি‍। জোজিলা তনেল শেম শাবগী শেনফম চহিদা চাদা ৫গী চাংদা হেনগৎলকপগী য়েংলগা লুপা করোর ৬৫৭৫.৮৫তা অমদি প্রোজেক্ত অসিগী অপুনবা চঙগদবা শেনফম্না লুপা করোর ৮৩০৮তা এন.ঐচ.আই.দি.সি.এল.না লেপখি‍। মতৌ অসুম্না জোজিলা তনেল অমসুং জি-মোর ফাওবগী এপ্রোচ য়াওরবা পুনশিল্লবা প্রোজেক্তকী শেনফম লুপা করোর ১০৬৪৩দা লেপথোকখি‍। হৌজিক পুনশিল্লবা প্রোজেক্তকী লেপথোক্লিবা শেনফম অসি লুপা করোর ৪৫০৯.৫কী তেন্দর ফংলিবা অসিদা য়ুম্ফম ওইরগা চাংদম্নবদা প্রোজেক্তকী অপুনবা শেনফম লুপা করোর ৬৮০৮.৬৩ ওইরগনি‍। মতৌ অসুম্না প্রোজেক্ত অসি রিমোদেল তৌরবা অমদি থোকফম তনেল লৌথোকখ্রগা তনেল হুৎপদা তৌথোরকপা নুংশিং চঙফমশিং শেম্বদা শীজিন্নরবা মতুংদা মথি মকুমশিং পৈশিনবগী খুদোংচাদবা ফীভম ফহনখিবগী মথক্তা লুপা করোর ৩৮৩৫কী চাংদা শেন চঙবা হন্থরকপা য়াই হায়না পারি‍।

প্রোজেক্ত অসিগী মরুওইবশিং:

(১) জোজিলা তনেল শেম্বনা স্রিনগর, দ্রাস, কার্গিল অমসুং লেহ রিজনগী মরক্তা নোংজু-নুংশা খায়দনবা শাফবা মওংদা শম্নহল্লগনি‍। নোংজু নুংশা খায়দনা শাফনা শম্নহনগদবা লম্বী অসি লাল্লোং য়াৎপগী মীৎয়েঙদসু য়াম্না মরুওইবা ওইরি‍।

(২) জোজিলা তনেল শেম্বনা নিংথমথাগী মতমদা উন য়াম্না তাবনা মরম ওইরগা থা তরুক্লোম লৈবাক্কী মফম অতৈগা শম্নদনা লৈরিবা মফমশিং অসিদা শেন্মিৎলোন অমসুং সোসিও-কলচরেলগী ওইবা হীরম খুদিংমক্তা পুনশিন্নবা পুরক্কনি‍।

(৩) হৌজিক্কী ওইনা জোজিলাদা তনেল অমা হুৎপনা চহি চুপ্পা শম্নগদবা লম্বী অমী অমত্তা ঙায়রবা পাম্বৈ ওইরি‍। তনেল অসিনা লোইশিল্লকপা মতমদা অনৌবা ভারতকী পুৱারীদা মশক নাইবা এচিবমেন্ত অমা ওইরগনি‍। মসি লৈবাক্কী ঙাকশেলগীদমকসু লদাখ, গিলঘিৎ অমসুং বালিস্তানগী ঐখোয়গী ঙমখৈগী মফমশিংদা থোক্লিবা লান্মীগী পাক চাউরবা থৌওংশিং অসিগী য়েংবদা চাউনা মরুওইবা অমসু ওইগনি‍।

(৪) জোজিলা তনেল প্রোজেক্তনা কার্গিল, দ্রাস অমসুং লদাখ রিজনগী মীয়ামগী চহি ৩০গী অপামবা ফংহল্লগনি‍।

(৫) প্রোজেক্ত অসিনা এন.ঐচ.-১গী স্রিনগর-কার্গিল-লেহ শরুক্তা চত্থোক চৎশিন তৌবদা উন নিংখায়বগী খুদোংচাদবা থেংনহল্লরোই‍।

(৬) প্রোজেক্ত অসিনা জোজিলা পাস লান্দুনা চৎলিবশিংদা শাফবা ফীভম পীদুনা চৎপগী মতম পুং ৩ হেন্না চঙলমবদগী মিনত ১৫দা হন্থহল্লগনি‍।

(৭) প্রোজেক্ত অসিনা লমদমদুগী মীয়ামদা থবক পীগনি‍।

জোজিলা তনেলগী পনবা য়াবা ৱাফম খরা:

১.      অথু-অকাইগী থৈদোকফম কেরিএজৱেগী নাকল অনিমক্তা মিতর ৭৫০রোম লাপ্ননা ল‍ৈ‍। কেরিএজৱেগী নাকল অনিমক্তা চৎফম লৈ‍। মিতর ১২৫ লাপ্ননা অথু অকাইগী কোল তৌনবা নিচ অমসুং হাইদ্রেন্ত নিচ লৈরি‍।

২.      মৈহৌ লাংপোক তাক্নবা মেনুএল পুস বত্তন অমসুং অপীকপা ফাইয়র এক্সতিংগুইসরশিং দ্রাইভর ফুদিংমক্তা ফংহনগনি‍।

৩.      ইমর্জেন্সী কোল নিচশিংদা তেলিফোন অমমম খিনগনি‍।

৪.      মৈগী হাইদ্রেন্ত অমসুং হাইদ্রেন্ত নিচশিং, ফাইয়র এক্সতিংগুইসরশিং‍।

৫.      তনেলগী মৈ থান্নবগী সিস্তেম: তনেল লাইতিং সিস্তেম অসিনা তনেলগী চত্থোক চৎশিনগী শাফনবগী খ্বাইদগী মরুওইবা শরুক ওইরি অমদি মখাগীশিং অসি য়াওগনি:

        চঙফমগী মৈ থানবা (তনেলগী মচিন অনিমক্তা লৈবা একোমোদেসন সেক্সনশিংদা)

        মনুংগী মৈ থানবা (তনেল পুম্বা)

        থৈদোকফমগী মৈ থানবা

৬.      ভিদিও সর্ভিলেন্স সিস্তেম

        সি.সি.তি.ভি.-কেমেরাশিং: তনেল অসিগী সর্ভিলেন্স কেমেরাশিং তনেলগী ফক্লাঙদা পানগনি অমদি তনেল য়ৌদ্রিঙৈ অমসুং লান্থোক্লবা মতুংগী কেমেরাশিং উয়ুংশিং য়ুংদুনা পানগনি‍। দেতা অমসুং ভিদিও মেজশিং কম্ম্যুনিকেসন লাইনশিংগী খুত্থাঙদা থাগনি‍। মসি ফংনবগীদমক, ত্রান্সভরশিং অমসুং মিদিয়া কনভর্তরশিং হাপকনি‍।

৭.      শঙশিংদা মৈহৌ লাংপোক্কী এলার্ম সিস্তেম

৮.      তনেল মনুংদা এতোমেতিক ফাইয়র দিতেক্সন অমসুং সপ্রেসন সিস্তেম

লাইনিয়র হিত দিতেক্সন সিস্তেম মশাগী ওইবা কন্ত্রোল সিস্তেমগী খুত্থাঙদা এস.সি.এ.দি.এ. সিস্তেমগা শক্নগনি‍।

৯.      ইমর্জেন্সী তেলিফোন নিচশিং

        ইমর্জেন্সী কোল নিচশিং, ই.য়ু. স্তেন্দর্দকী মতুং ইন্না, তনেল মনুংদা মিতর ১২৫দগা হন্থনা কান্নরগা অমদি থৈদোকফম খুদিংমক্তা লৈগনি‍। ইমর্জেন্সী পোইন্তশিং অসিদা মখাগী মচাকশিং অসি লৈগনি:

        ফাইয়র এলার্ম পুস বত্তনশিং

        ফাইয়র এক্সতিংগুইসরশিং

১০.     সেন্ত্রেল কন্ত্রোল রুম অমগা শম্নবা ত্রাফিক কন্ত্রোল সিস্তেম‍।

***