কেন্দ্রগী গৃহ মন্ত্রী, শ্রী অমিত সাহনা ত্বীত সিরিজ অমদা ঙসি লৌখিবা মন্ত্রী মন্দলগী ৱারেপ অনিগীদমক প্রধান মন্ত্রী শ্রী নরেন্দ্র মোদীবু থাগৎপা ফোঙদোকখ্রে‍।

শ্রী অমিত সাহনা হায়খিবদা দীন দয়াল অন্তয়োদয়া রাস্ত্রিয় অজীবিকা মিসনগী মখাদা জম্মু অমসুং কাস্মির অমদি লদাখকীদমক লুপা করোর ৫২০গী অখন্নবা পেকেজ অসিনা খুঙ্গঙগী লমদা লৈবা নুপী লাখ ১০ হেনববু পুন্সি মহিংগী লম্বী পীদুনা অমদি মরোমদোম লেপচবা ঙমহন্দুনা শেন্মিৎলোন অমসুং মপাঙ্গল কলহনবদা অচৌবা ইনোৎ পীরগনি‍।

কেন্দ্রগী গৃ্হ মন্ত্রীনা হায়খিবদা স্তার্স প্রোজেক্ত অসি “ভারতকী মহৈ মশিংগী লমদা মশক থোকপা নুমিৎ অমনি! মোদী মন্ত্রী মন্দলনা লুপা করোর ৫,৭১৮কী দি ‘স্ত্রেঙথনিং তীচিং-লর্নিং এন্দ রিজল্ত ফোর স্তেত (স্তার্স) প্রোজেক্ত’ পায়খৎনবা অয়াবা পীখ্রে‍। এন.ই.পি.গী পান্দমশিংগা চুননা, মসিনা ক্বালিতিদা য়ুম্ফম ওইবা তমশিনবগী ওইরকপা ফীভমদা অহেনবা মীৎয়েঙ থমগনি‍।”

শ্রী অমিত সাহনা মখা তাখিবদা “অরিবা পল অসি নমখায়দুনা, পি.এম. মোদীগী লৈঙাক্কী স্তার্স প্রোজেক্ত অসি মমুৎ তানা তমশিনবদা য়ুম্ফম ওইগনি অমদি মহৈ মশিংগী মতিং হেনগৎহনবদা মতেং ওইগনি‍। মসিনা ওজাশিংগীদমক কেপাসিতী বিল্দিং থৌওংশিং পীদুনা অমদি স্কুলগী মহৈ মশিংগী মওংবু য়েংশিনবদা মীৎয়েঙ থমদুনা মহৈ মশিংগী মতিং ফগৎহনবদা মতেং ওইগনি‍।”

*****