ইন্দিয়া মেতিওরোলোজিকেল দিপার্ত্মেন্ত (আই.এম.দি.)গী সাইক্লোন ৱার্নিং দিবিজনগী মতুং ইন্নাঃ

ঙরাং বে ওব বেঙ্গালগী নোংচুপ ময়াই থংবা মফমদা লৈখিবা দিপ্রেসন অদু নোংচুপ-অৱাং নোংচুপ মাইকৈদা চঙশিনখিদুনা দীপ দিপ্রেসন ওইনা শেম্লবা য়াই অমসুং ওক্তোবর ১২, ২০২০গী আই.এস.তি. ১১৩০দা হায়রিবা মফম অসিমক্তগী লেতিত্যুদ ১৫.৯° অৱাং অমসুং লোংগিত্যুদ ৮৪.৮° নোংচুপ্তা বিশাখাপতনমদগী কিলোমিতর ২৫০, কাকিনাদা (অন্ধ্র প্রদেশ)গী নোংপোক-খা নোংপোক থংবদা কিলোমিতর ২৯০ অমসুং নর্সাপুর (অন্ধ্র প্রদেশ)কী নোংপোক খা নোংপোক থংবা মাইকৈদা কিলোমিতর ৩৩০ রোমদা ময়াই ওইনা লৈরবা য়াই।

       হায়রিবসি নোংচুপ-অৱাং নোংচুপ তম্না অমসুং অন্ধ্র প্রদেশকী অৱাং থংবা মাইকৈদা হায়বদি নর্সাপুর অমসুং বিশাখাপতনমদা, কাকিনাদাগা নক্না ওক্তোবর ১৩, ২০২০গী অঙনবা অয়ুক্তা দীপ দিপ্রেসন ওইনা পুংদা কিলোমিতর ৫৫-৬৫তগীনা পুংদা কিলোমিতর ৭৫ ফাওবা য়াঙনা চঙশিল্লবা য়াই।

ফোর্কাস্ত ত্রেক অমসুং ইন্তেন্সিতীগী চাং মখাগী তেবল অসিদা পীরিঃ

ৱার্নিং:

(১) নোংজুগী ৱার্নিং

• ওক্তোবর ১২, ২০২০: মফম অয়াম্বদা খরদগী য়াইমরপ ওইনা চুবা নোংদগী মফম খরদনা অকনবদগী কা হেন্না কনবা নোং চুরবা য়াই অমসুং শাথিনা কনবা নোং (নোংমদা সেন্তিমিতর >২০)না মী তাদবা অন্ধ্র প্রদেশকী শমুদ্র খোংবালগী গোদাবরিগী নোংপোক অমসুং নোংচুপ, বিশাখাপতনম, বিজয়নাগরাম অমসুং স্রিকাকুলমজিল্লা অমসুং য়ানমদা, ওরিশাগী খা থংবদা লৈবা গঞ্জম, গজপতি, কোরাপুৎ, রাইগরা, নবুরঙ্গপুর, মাল্কনগিরি, খুর্দা অমসুং পুরি জিল্লা, অন্ধ্র প্রদেশকী খা থংবা শমুদ্র খোংবালগী কৃষ্ণ জিল্লা, তেলঙ্গানা, খা থংবা কোঙ্কান অমসুং গোৱা, খা থংবা মধ্য মহারাস্ত্রা, মরাথাৱারা, কর্নাতাকা, অমসুং অৱাং থংবা কেরলাদা অকনবা নোংদগী কা হেন্না কনবা নোং অমসুং খা ছতিশগরগী মী তাদবা মফমশিংদা কা হেন্না কনবা নোং চুরবা য়াই।
   
• ওক্তোবর ১৩, ২০২০: মফম অয়াম্বদা খরদগী য়াইমরপ ওইনা চুবা নোংদগী মফম খরদনা অকনবদগী কা হেন্না কনবা নোং চুরবা য়াই অমসুং শাথিনা কনবা নোং (নোংমদা সেন্তিমিতর >২০)না মী তাদবা তেলঙ্গানাদা, অকনবা নোংদগী য়াম্না কনবা নোংনা কর্নাতকা, রায়ালাসীমা, খা থংবা কোঙ্কান অমসুং গোৱা, মধ্য মহারারাস্ত্রা অমসুং মরাথাৱারাদা অমসুং য়াম্না কনবা নোংনা মী তাদবা অন্ধ্র প্রদেশকী শমুদ্র খোংবাল, খা থংবা ওরিশা অমসুং বিদর্ভাদা চুরবা য়াই।
• ওক্তোবর ১৪, ২০২০: পানা চুবা নোংদগী য়াইমরপ ওইবা নোংনা মফম অয়াম্বদা চুবদগী মফম খরদনা অকনবদগীনা কা হেন্না কনবা নোং চুরবা য়াই অমসুং শাথিনা কনবা নোং (নোংমদা সেন্তিমিতর >২০)না মী তাদবা অৱাং থংবা মধ্য প্রদেশতা, অকনবা নোংদগী কা হেন্না কনবা নোংনা মী তাদবা কোঙ্কান অমসুং গোৱা, খা মধ্য মহারাস্ত্রা অমসুং মরাথাৱারাদা অমসুং অকনবা নোংনা মী তাদবা খা থংবা মনুং হঞ্জিনবা কর্নাতাকা অমসুং শমুদ্র খোংবালদা চুরবা য়াই।

(২) নুংশিৎকী ৱার্নিং

• ওক্তোবর ১২, ২০২০: পুংদা কিলোমিতর ৫০-৬০ য়াঙবদগীনা ৭০ ফাওবা য়াঙবা স্ক্বালি নুংশিৎনা নোংচুপ ময়াই থংবা অমসুং থংনবা খা নোংচুপ বে ওব বেঙ্গালদা অমসুং খা ওরিশা-অন্ধ্র প্রদেশ-তমিল নাদু অমসুং পুদুচেরীগী শমুদ্র খোংবাল্গী শরুক্তা অমসুং পুংদা কিলোমিতর ৪০-৫০দগী ৬০ ফাওবা য়াঙবা নুংশিৎনা অৱাংনোংচুপ বে ওব বেঙ্গাল অমসুং অৱাং ওরিশাগী শমুদ্র খোংবালদা শিৎলবা য়াই।
• ওক্তোবর ১৩, ২০২০: ওক্তোবর১২, ২০২০গী নুংথিলদগী ওক্তোবর ১৩গী নুমিৎ য়ুংবফাওবদা স্ক্বালি নুংশিৎনা বে ওব বেঙ্গালগী নোংচুপ ময়াই থংবদা অমসুং অন্ধ্র প্রদেশকী শমুদ্র খোংবালদা পুংদা কিলোমিতর ৫৫-৬৫দগী ৭৫ ফাওবা য়াঙখৎলকপা য়াই অমসুং থংনবা বে ওব বেঙ্গাল, খা নোংচুপ বে ওব বেঙ্গাল অমসুং ওরিশা-তমিল নাদু অমসুং পুদুচেরীগী শমুদ্র খোংবালদা পুংদা কিলোমিতর ৫০-৬০দগীনা ৭০ ফাওবা শিৎলবা য়াই।
• গল্ফ ওব মান্নারদা পুংদা কিলোমিতর ৪৫-৫৫দগীনা ৬৫ ফাওবা য়াঙনা শিৎ স্ক্বালি নুংশিৎনা ওক্তোবর ১২ অমসুং ১৩, ২০২০দা শিৎলবা য়াই।

(৩) শমুদ্রগী ফিবম

• শমুদ্রগী ফিবম অসি নোংচুপ ময়াই থংবা অমসুং থংনবা অৱাং নোংচুপ বে ওব বেঙ্গাল, খা নোংচুপ বে ওব বেঙ্গাল অমসুং ওরিশা-অন্ধ্র প্রদেশ-তমিল নাদু অমসুং পুদুচেরী শমুদ্র খোংবালদা ওক্তোবরগী ১৩গী নুংথিল ফাওবা অমসুং গল্ফ ওব মান্নারদনা ওক্তোবর ১২-১৩, ২০২০ ফাওবাদা ফিবম ফত্তবদগী কা হেন্না ফত্তবা য়াই।

(৫) অন্ধ্র প্রদেশকী অৱাং থংবা শমুদ্র খোংবালগী নোংপোক অমসুং নোংচুপ গোদাবরি, বিশাখাপতনম, বিজয়নাগরাম অমসুং স্রিকাকুলম জিল্লা অমসুং য়ানমদা অকাই অতোই থোক্লবা য়াই।

• ইনা কুপ্পা শঙশিংদা অকাই অতোই থোকপা য়াই। পাৱর অমসুং কম্ম্যুনিকেসন লাইনশিংদা উশা ৱাশা তেকপদগী হাইরপ্না অকাই অতোই থোকপা য়াই। চেত্তবা/কন্না ফাজিন্দবা স্ত্রকচরশিংদা অকাই অতোই থোকপা য়াই।
• নোং কন্না চুবনা কৎচা লম্বীশিং ফিবম শোকপা য়াই।
• ফৌ, লফু, অৱাথবী পাম্বী অমসুং হৈকোল লৈকোল অমসুং দ্রমস্তীক উপাম্বীশিং অমসুং হোর্তিকলচর ক্রোপশিংদা অকাই অতোই থোকপা য়াই। শমুদ্র খোংবালদা লৈবা লৌউশিংউদা থুম চাইশিল্লকপদগী ফিবম শোকপা য়াই। কৎচা লৈরাইশিং কিন্থবা য়াই।

সিস্তেম অসি মীকুপ নাহুমশিংনা য়েংশিল্লি অমসুং মরী লৈনবা রাজ্য সরকারশিংদা চাং নাইনা পাউ পীরি।

অকুপ্পা মরোলগীদমক www.rsmcnewdelhi.imd.gov.in, www.imd.gov.inদা চঙবীয়ু।  

*****