লেবর অমসুং এমপ্লোইমেন্তগী রাজ্যগী মন্ত্রী(আই/সি.) শ্রী সন্তোশ গঙ্গৱরনা লেবরশিংগী তুংগী য়াফন্নবগীদমক অমসুং হেন্না থবক ফংহনগদৌরিবা লেবর অমসুং এমপ্লোইমেন্তগী মরক্তা লৈরিবা বেলেন্স অদু হেন্না ফনবা মরু ওইনা ব্রিক্সনা চান্নবা গ্লোবেল এক্সন লৌখৎনবা হায়খ্রে৷

২০২০গী ওক্তোবর ১০দা ভর্চুয়েল্লী ওইনা পাংথোকখিবা ব্রিক্স মিনিস্তিরিয়েল অদুদা ৱা ঙাংলদুনা শ্রী গঙ্গৱরনা  অসুম্না ফোংদোকখ্রে মদুদি ৱর্করশিংগী য়াইফনবা অফবা সেফত ওইবা, হকশেল, ৱেলফেয়র অমসুং ৱর্কিং কন্দিসন অদু হেন্না ফহনবা অসি য়াম্না মরু ওই৷ লৈবাক অসিদা লৈরিবা মশাফনা থবক শুবা মীওই অমনা শেল-থুম হেন্না ফগৎহনবদা অচৌবা থৌদাং লৌই অমসুং হেন্না প্রদক্তিব ওই হায়না মহাক্না ফোংদোকখ্রে৷

ব্রিক্স লৈবাকশিংদা সেফত ওইবা ৱর্ককলচর অমা শেম্বদা য়াওরিবা তোঙান তোঙানবা ইসুশিং অদু খন্না নৈন্নবা রসিয়ন রাস্ত্রপতিগী মখাদা ব্রিক্স লেবর অমসুং এমপ্লোইমেন্ত মন্ত্রীশিংগী ভর্চুয়েল ওইবা মীফম পাংথোকখ্রে৷ থৌরম অদুদা দাইরেক্তর জেনেরেল আই.এল.ও., শ্রী গাই রাইদর, ৱর্করস অমসুং এমপ্লেইমেন্ত ওর্গনাইজেসন্দগী মীহুৎশিংনা শরুক য়াখি৷

কোবিদ-১৯গী শাফু অসি লাকশিন্নবা ওকুপেস্নেল সেফতী অমসুং হেল্থ মিজরশিং লৈহনবা মরু ওই হায়না মন্ত্রী অদুনা ফোংদোকখি৷

থবক শুফমদা ওকুপেস্নেল সেফতী ওইবা অমসুং হকশেলগী দাইনমিক অমসুং ইফেক্তিব ওইবা ফ্রেমৱর্ক অমা ফংহন্নবা ২০২০গী ওকুপেস্নেল সেফতীদা, হকশেল অমসুং ৱর্কিং কন্দিসন্সকী মতাংদা লৈরিবা কোদ অদু  ইকুই কুইদ্রিঙৈদা ভারতকী সন্সদনা পাস তৌখ্রে হায়না মীফম অদুদা শ্রী গঙ্গৱরনা  ফোংদোকখ্রে৷ মসিনা সেক্তর খুদিংমক্তা লিগেল প্রোভিজনশিংগী কোভরেজ হেন্না চাওথোকহনখ্রে হায়না মন্ত্রী অদুনা ফোংদোকখ্রে৷ " মদুগী মনুংদা য়াওরিবা য়াম্না মরু ওইবা ইনিসিয়েতিবশিং অদুদি শিন্মীশিংগী শুংশোই শোইদনা চহীগী ওইনা হকচাং চেক-এপ তৌবা, ত্রাইপার্তাইত বোর্দ অমনা তেক্নোলোজী হোংলিবা অদুগা চৎমিন্নদুনা দাইনমিক হেল্থ স্তেন্দর্দস ফ্রেমিং তৌবা, ইস্তাব্লিসমেন্ত পুম্নমক্তা নুপীশিংনা নুমিদাং ফাওবদা মশাগী অয়াবা অমসুং সেফতী মিজরশিং তৌদুনা নুপীশিং থবক শুনবা অয়াবা পীবা, ভিক্তিম অদুদা লোগী মখাদা পীরিবা কমপেন্সেসন অদুগী মথক্তা এমপ্লোইয়র অদুদা নল্লিবা পেনাল্তী অদুগী চাদা ৫০গী শেনফম অদু ভিক্তিম অমসুং সেফতী প্রোভিজনশিং চৎন্নবা য়েংশিনবদা অহুমশুবা পার্তী ওদিততা ফংহনবা অসিনা ওই" হায়না মহাক্না মখাতানা ফোংদোকখি৷ লেজিস্লেসন অদুদা ইস্তাব্লিসমেন্তশিংগী সেন্ত্রেলাইজ দাতা বেস অমা শেমগৎপা, ৱর্কপ্লেস রিক্সশিং অমসুং ওকুপেস্নেল দিজিসশিং ফংহনখ্রে৷

ন্যু ইন্দিয়া লেজিস্লেসন্দা য়াওরিবা সেফতী প্রোভিজনশিং খুদম ওইনা ৱর্করশিংগী অমসুং এমপ্লোইয়রশিংগী সেফতী কম্মিতীশিং য়াওনা প্রোভিজনশিং শন্দোক্না তাক্তুনা তোঙান তোঙানবা মল্তিলেতরেল ফোরাদা হায়রিবা মেকানিজমশিং অসি ফ্রেমিং তৌনবা ব্রিক্সতা শ্রী গঙ্গৱরনা  হায়খ্রে৷

সেফ ৱর্ক এনভাইরনমেন্ত অমসুং হেল্দী ৱর্কফোর্সকী য়াম্না মরু ওইরিবা শরুক অমা হায়বসি কন্তিজেন্সীগী মতমদা শেল-থুম মতেং পাংনবা য়ুনিভর্সেল সোসিয়েল সেক্যুরিতীগী মনুং চন্দুনা ফংহনবা অসিনা ওই৷ হায়রিবা হিরম অসিদা সোসিয়েল সিক্যুরিতীগী মতাংদা হন্দক্তা ইকুই কুইদ্রিঙৈদা চৎনখিবা ঐখোয়গী লেবর লেজিস্লেসন অদুনা লৈবাক অসিগী ৱর্কফোর্স মিলিয়ন ৫০০দা য়ুনিভরসেল সোসিয়েল প্রোজেক্সনগীদমক ফ্রেমৱর্ক অমা শেমখ্রে৷ অন-ওর্গনাইজ ৱর্করশিং, মাইগ্রেন্ত  ৱর্করশিং, মশানা থবক পীজবা মীওইশিং, অমসুং অনৌবা থবকশিং পাইখৎলিবা মীওইশিংদা সোসিয়েল সেক্যুরিতী কোভরেজ ফংহন্নবগীদমক স্কিমশিং ফ্রেম তৌনবা অখন্নবা ইনিসিয়েতিবশিং লৌখৎখ্রে৷

সোসিয়েল অমসুং ত্রান্সফোর্মেসন তৌদুনা লাইরবা হন্থনবা পাংথোকখিবা অতোপ্পা সেসন অদুগী মনুংদা ৱা ঙাংলদুনা শ্রী গঙ্গৱরনা  প্রধান মন্ত্রী শ্রী নরেন্দ্র মোদীগী লুচিং মখাদা ভারত সরকারনা লাইরবা মুথৎনবা অমসুং হোংলক্লিবা মালেম অসিদা  হেন্না চাওখৎপা পুরক্নবা কন্না হোৎনরি৷

মরু ওইবা সর্ভিসশিং খুদম ওইনা ফাইনান্সিয়েল ইনক্লুজন, খ্বাইদগী শোকহল্লবা মীওইশিংদা হেল্থ ইন্সুরেন্স ইস্কিম লেম্না ফংহন্দুনা অফবা হেল্থ কেয়র পীনবা, শেল-থুম শোৎথরবা ইমুং মিলিয়ন ৮০দা সবসিদাইজ  ক্লিন কুকিং ফ্যুল ফংহনবা, মৈ ফংদবা ইমুং মিলিয়ন ২৬তা লেম্না মৈ ফংহনবা, ইমুং মিলিয়ন ৫.৫তা থকপা য়াবা ইশিং ফংহনবা অমসুং ইমুং মিলিয়ন ১০৬তা লোত্রিন  শাবিদুনা হেন্না ফবা সেনিতেসন লৈহন্নবা মল্তি-দাইমেনস্নেল স্ত্রাতিজী পাংথোক্নবা মহাক্না হায়খ্রে৷ মসিগী খোংথাংশিং অসিগী মথক্তা হান্না মমাংদা চাওরাক্না লৌমী মিলিয়ন ১১১.৭দা কান্নবা ফংহনখ্রবা লৌমীশিংদা দাইরেক্ত ইনকম সপোর্তকী স্কিম অমা চৎনখ্রে হায়না শ্রী গঙ্গৱরনা  ফোংদোকখ্রে৷

তঙাই ফদবা মতমদা মীয়ামশিংদা থবক ফংহন্নবা অমসুং ঙাক শেন্নবা তোঙান তোঙানবা স্কিমশিং অদুসু মহাক্না হায়খ্রে৷ মসিগী মনুং চল্লিবশিং অদুদি নেস্নেল রুরেল এমপ্লোইমেন্ত গরেন্তী স্কিম,  স্কিল ত্রেনিং তৌদুনা মীয়ামশিংদা থবক ফংহন্নবা পান্দম থম্লিবা নেস্নেল লিবলিহুদ মিসন  লোঞ্চ তৌখ্রে৷ "অপীকপা অমসুং মাইক্রো ব্যুজিনেস এন্তরপ্রাইজেস অমসুং ইন্দিভিজুয়েলশিংদা কোলেতরিয়েল ফ্রী লোনশিং হেন্না পাকথোক চাওথোকহন্দুনা সেল্ফ এমপ্লোইমেন্ত তৌহনখ্রে, " হায়না মন্ত্রী অদুনা ফোংদোকখ্রে৷

কোবিদ-১৯ লাইনা-লাইচৎ অসিনা মালেম অসিদা অনৌবা চেলেঞ্চ অমা পুরকখ্রে হায়না শ্রী গঙ্গৱরনা ফোংদোকখ্রে অমসুং লাইরবা থিংনবা ঐখোয়না হোৎনরিবশিং অসি অমুক হন্না শেমদোকপা মথৌ তাই মহাক্না ফোংদোকখ্রে৷ কোবিদ-১৯ ক্রাইসিস  অসিগী পীরিবা শাফু অসিদগী ইকোনোমী অসি কন্নবা “সেল্থ রিলাইন্ত ইন্দিয়া কেমপেন্দ”গী মখাদা তোঙান তোঙানবা রিলিফ ওইবা খোংথাংশিং ভারতনা লৌখৎখ্রে হায়না মহাক্না ফোংদোকখ্রে৷ হায়রিবা খোংথাংশিং  অসিগী মনুং চল্লিবশিং অদুদি মাইক্রো, স্মোল অমসুং মেদিয়ম এন্তরপ্রাইজেসশিংগী মখোয়গী চাদিং অদু মেনশিনবা ঙম্নবা ক্রেদিত লাইনশিং হাংদোকপীবা, ৱর্করশিংগী সোসিয়েল সেক্যুরিতী কনত্রিব্যুসনশিং সবসিদাইস তৌবা, ৱর্করশিংদা থবক ফংদবা মীওইশিংগী কান্নবশিং হেন্না ফংহনবা, কন্সত্রক্সন ৱর্করশিংদা শেল-থুম মতেং পাংবা, স্ত্রিত ভেন্দরশিং চাওরাক্না মিলিয়ন ৫ রোমদা কোলেতরেল ফ্রী ৱর্কিং কেপিতেল লোন পীবা, থবক ফংহন্নবগীদমক মিসন মোদ কেমপেন্দ ওইবা মওংদা রুরেল পব্লিক ৱর্কশিংগা লোইননা অচৌবা এমপ্লোইমেন্ত লোঞ্চ তৌবা অসিনা ওই৷

ভারতনা লৈবাক অসিদা লাইরবা হন্থনবা এম.জি.দি. তার্গেত য়াম্না ঙন্না ফংবা ঙম্বা লৈবাক অমা ওইরে হায়না মহাক্না মখাতানা ফোংদোকখি৷"লৈবাক অসিদা ইকোনোমিক গ্রোত  চাং ৱাংনা লৈনবা অমসুং সস্তেনেবল দিভেলপমেন্ত গোলশিং ফংনবা  লাইরবা মুথৎপা অসিনা নেস্নেল দিভেলপমেন্ত এজেন্দাগী তৌদ্রবা য়াদ্রবা থবক অমা ওই,"  হায়না শ্রী গঙ্গৱরনা  ফোংদোকখ্রে৷

নেস্নেল অমসুং ইন্তরনেস্নেল লৈবাকশিংদা লাইরবা অসিনা অচৌবা সমস্যা অমা ওইরিবা অসিদা, হায়রিবা এজেন্দা অসি খ্বাইদগী মতম চাবা অমসুং চৎনবা য়াবা অদুনা মরম ওইরগা মন্ত্রীশিংগী দিক্লারেসনশিংদা পুনশিন্নখ্রে হায়না মহাক্না হরাও নুংঙাইবা ফোংদোকখি,  " হৌজিক লৈরিবা গ্লোবেল কন্তেক্স অসি য়েংলগা, লাইরবা অসি থেংনবদা অফবা এক্সন প্লানশিং অসি লৈহন্নবা ব্রিক্স লৈবাকশিংগা পুন্না চৎমিন্নবা য়াম্না মরু ওই হায়না মন্ত্রী অদুনা ফোংদোকখি৷

দিজিতেল ইকোনোমীদা মেবরগী তুংগী পুন্সি হায়না পাংথোক্লিবা সেসন অসিগী মতাংদা ৱা ঙাংলদুনা ঐখোয়গী পুন্সি অমসুং থবক অসি দিজিতাইজেসন অমসুং তেক্নোলোজিকেল এদভান্সমেন্তশিং খুদম ওইনা আর্তিফিসিয়েল ইন্তিলিজেন্স অমসুং রোবোতিক্সনা য়াম্না থুনা হোংহল্লে হায়না শ্রী গঙ্গৱরনা  ফোংদোকখ্রে৷ হায়রিবা অহংবশিং অসিনা লেবর মার্কেততা দাইরেক্ত ইফেক্ত লৈহল্লি৷ কোবিদ-১৯ অসিনা মালেম অসি অমগা অমগা তোঙান তোঙান তাহল্লে৷ হায়রিবা ফিভম অসিদা দিজিতাইজেসন অসিনা হোংলক্লিবা ফিভম অসি থেংন্নবা সরকার, ইন্দিভিজুয়েল অমসুং ব্যুজিনেসশিংদা  খুদোংচাবা পী হায়না মন্ত্রী অদুনা ফোংদোকখি৷

হৌজিক্তি দিজিতেল ইকোনোমী অসি ন্যু নোর্মেলগী চংদ্রবা য়াদ্রবা শরুক অমা ওইরে৷ তেক্নোলোজী ইন্নোভেসনশিং খুদম ওইনা তেলিৱর্ক তেলিমেদিসিন, ফুদ দেলিভরী অমসুং লোজিস্তিক, ওনলাইন অমসুং কন্তেকলেস পেমেন্তশিং, রিমোত লর্নিং অমসুং এন্তরতেনমেন্ত অসি তৌদুনা  " অফবা অমসুং চৎনবা য়াবা দিজিতেল ইকোনোমী লৈবা অমসুং চৎনবা অসিনা মালেমগী অমসুং লোকেল ব্যুজিনেসশিংদা পুক্নিং চিংশিন্নিংঙাই ওইরবা খুদোংচাবা অমা ভারতনা উৎলে অমসুং নৌনা থবক ফংহন্নবগী খুদোং চাবা অদুসু পীরে, " হায়না শ্রী গঙ্গৱরনা ফোংদোকখ্রে৷

দিজিতেল ইকোনোমীনা অনৌবা মখলগী থবকশিং খুদম ওইনা গিগ ৱর্ক অমসুং প্লেতফোর্ম ৱর্ক শেমগৎলিবা অসি পল্লদুনা মহাক্না অসুম্না ফোংদোকখ্রে মদুদি মসিনা মরম ওইরগা থবক শুবা মীওই অমনা তোঙান তোঙানবা এমপ্লোইয়রশিংগা পুন্না থবক তৌমিন্নদুনা সমাজ ঙাক শেনবদা অমসুং অতোপ্পা ৱেলফেয়রগী কান্নবশিং  লৌনবা অনৌবা মখলগী এমপ্লোইমেন্ত রিলেসনশিং  ফংহনখ্রে৷

তেক্নোলোজিকেল এদভান্সমেন্ত অমসুং দিজিতাইজেসন অসিনা লেবর লোশিং অসি চৎনহনবদা অমসুং কমপ্লাইন্স মেকানিজমশিং লাইথোকহনবদা মতেং পাংই হায়না মহাক্না ফোংদোকখ্রে৷ লেবর মার্কেত সিস্তেম অসিদা ত্রান্সপরেন্সী অমসুং একাউন্তেবিলিতী লৈহন্নবা, ঐখোয়না ইন্দস্ত্রিয়েল দিস্প্যুতশিং নিংথীনা লৈহন্নবা অমসুং ওনলাইন ইন্সপেক্সন সিস্তেম অমা পুথোকখ্রে৷"মসিগী ইলুস্ত্রেসন অসিনা ৱর্করশিংগী হক ঙাক শেনবদা মাই পাক্না তেক্নোলোজী শিজিন্নবা অদু উৎলে," হায়না শ্রী গঙ্গৱরনা  ফোংদোকখ্রে৷

দিজিতেল ইকোনোমীগীদমক ঐখোয়গী ৱর্কফোর্স অসি শেম শাদুনা লৈরিঙৈ অসিদা,  শিন্মীশিংগী অফবা নাতৈ চাবা, মপুং ফাবা অমসুং প্রেদক্তিব ওইবা থবক পীনবা অমসুং ইকোনোমিক গ্রোথ হেন্না লৈহন্নবা পান্দম থম্লিবা সস্তেনেবল দিভেলপমেন্ত গোল ৮ অসি ঐখোয়না মাংহল্লোইদবনি হায়না মহাক্না ফোংদোকখি৷ ঐখোয়না থবক্কী তুংগীদমক চংশিল্লিবা অসিদা লেবর মার্কেততা চাং চপ মান্ননা লৈহনবা, শুরিবা থবক্কী চপ মান্নবা মমল পীবা, সমাজ অসিগী সেক্সন পুম্নমক্না  চপ মান্ননা শরুক য়ামিন্নবা অমসুং ৱর্কর পুম্নমকপু ঙাক শেম্বিবা অসি য়াওহনবা তঙাই ফদে ৷ দিজিতেল ইকোনোমীদা লেবর ফোর্সশিংনা মতুং তারকপদা থেংনগদবা চেলেঞ্জশিং অদুগী চৎনবা য়াবা অমসুং সস্তেনেবল সোলুসনশিং পুথোকপদা ঐখোয় পুন্না থবক তৌমিন্নবা দরকার ওই হায়না মহাক্না ফোংদোকখি৷

দিজিতেল ইকোনোমী অসিনা থবক্কী মালেম অসি হোংহল্লে মদুনা মরম ওইরগা ব্রিক্স নেতৱর্ক রিসর্চ ইন্সতিত্যুতশিংনা চাং নাইনা নৈনবা অসিনা থবক্কী  তুংগী ওইবা এস্পেকশিং অসি হেন্না য়ান তাহনবদা অমসুং পোলিসী শেম্বা অসিদা মতেং পাংবদা হেন্না লাইহল্লগনি গায়না মন্ত্রী অদুনা ফোংদোকখ্রে৷ "থবক শষুরিবা শিন্মীশিংগী ঙক অদু ঐখোয়না নাথৈদনা ঐখোয়গী ৱর্কফোর্সকী থবক্কী খুদোংচাবশিং অদু ফ্লেক্সিবল নাইনা ফংবা ঙম্নবা  দিজিতেল ইকোনোমীদা লেবর ফোর্সশিংনা মতুং তারকপদা থেংনগদবা চেলেঞ্জশিং অদুগী চৎনবা য়াবা অমসুং সস্তেনেবল সোলুসনশিং পুথোকপদা ঐখোয় পুন্না থবক তৌমিন্ননবা তঙাই ফদে,” হায়না মহাক্না ফোংদোকখি৷

*****