শুংদোক্ত্রিবা য়োৎ মপান্দা থাদোকপগী মতাঙদা, কম্মর্স অমসুং ইন্দস্ত্রী মন্ত্রালয়গী দিপার্তমেন্ত ওফ কম্মর্সনা মখাদা পীরিবা অশেংবা ৱাফমশিং অসি রেকোর্দতা থম্বা পাম্মী:

মপান্দা থাদোকপগী থৌরাংদা ১৯৯৮তা অথিংবা থম্লম্লিবসি কে.আই.ও.সি.এল.খক্তগীনি: ২১.০১.১৯৯৮তা থোকখিবা নোতিফিকেসন অমদা “কুদ্রেমুখ আইরন ওর কম্পেনী লিমিতেদ (কে.আই.ও.সি.এল.)না পুথোকপা কন্সেন্ত্রেতশিংদগী মখোয়না পুথোকচবা শুংদোক্ত্রিবা য়োৎকী পেল্লেত” হায়না অকক্নবা এন্ত্রী অমা মপান্দা থাদোকপগী পোলিসীদা হাপচিল্লম্মী‍। মতৌ অসুম্না মপান্দা থাদোকপগী পোলিসী অদু কে.আই.ও.সি.এল.না পুথোকবা শুংদোক্ত্রিবা য়োৎ পেল্লেতশিংখক্তগীনি, অদুগা মদু স্তীল মন্ত্রালয়গী মখাদা লৈদা লৈবা সি .পি.এস.য়ু. অমা ওইরিবা কে.আই.ও.সি.এল.গী খুত্থাঙদা ‘কেনেলাইজ’ তৌরম্মী‍।

কে.আই.ও.সি.এল.না পুথোকপা নত্তবা শুংদোক্ত্রিবা য়োৎ পেল্লেতশিংগীদমক্তদি খুজিন থৌরাংদা অহোংববা অমত্তা লৈতে: মখা তারকপা ওইনা, ২৬.০৯.২০১৪দা থোকখিবা নোতিফিকেসন অমদা কুদ্রেমুখ আইরন ওর কম্পেনী লিমিতেদনা পুথোকপা শুংদোক্ত্রিবা য়োৎ পেল্লেতশিংগী মপান্দা থাদোকপগী পোলিসী শেমদোক্তুনা ‘কেনেলাইজ’ তৌরমবদগী তোকহনখিবন‍ি‍। মখা তানা নোতিফিকেসন অদুদা কে.আই.ও.সি.এল.না পুথোকপা শুংদোক্ত্রিবা য়োৎ পেল্লেতশিং মপান্দা থাদোকপগী থবকসি কে.আই.ও.সি.এল. লিমিতেদ, বেঙ্গলোর নৎত্রগা কে.আই.ও.সি.এল. লিমেতেদ, বেঙ্গলোরনা অয়াবা পীরবা এন্তিতী অমা হেক্তনা তৌবা য়াই হায়বা পোলিসী কন্দিসন অমা হাপচিনখি‍। অদুম ওইনমক কে.আই.ও.সি.এল.না পুথোকপা নত্তবা শুংদোক্ত্রিবা য়োৎ পেল্লেতশিং মপান্দা থাদোকপগী পোলিসীগী মতাঙদদি শেমদোকপা অমত্তা লৈতে‍।

পেল্লেত মপান্তা থাদোকপগী দ্যুতী ২০১১দা লৈহল্লমদ্রে: শুংদোক্ত্রিবা য়োৎ পেল্লেত মপান্দা থাদোকপবু ভেল্যু এদেদ প্রদক্ত অমা ওইনা য়োকখৎনবগীদমক, মতম অদুগী শেনথুম মন্ত্রী শ্রী প্রনাব মুখর্জীনা ২০১১-১২কী বদজেত মীফমদা পীখিবা মহাক্কী ৱারোলদা “শুংদোক্ত্রিবা য়োৎ অসি ভেল্যু হাপচিল্লবা পেল্লেতকী মওংদসু মপান্দা থাদোকই‍। ভেল্যু হাপচিনবগী থৌওং অসি মচু তানা চত্থবা পুক্নীং থৌগৎনবগীদমক শুংদোক্ত্রিবা য়োৎ পেল্লেতশিং মপান্দা থাদোকপগী দ্যুতী মপুং ফানা কোমথোকপা পীরি” হায়না লাউথোক্লদুনা মপান্দা থাদোকপগী দ্যুতী ‘নিল’দা হন্থহনখি‍।

শুংদোক্ত্রিবা য়োৎ পেল্লেত মপান্দা থাদোকপগী থবক ২০১৪গী মমাঙদগী হৌনা চত্থদুনা লাক্লে: মপান্দা থাদোকপগী পোলিসীগী মতুং ইন্না এক্সপোর্ত সিদ্যুলদা অকক্ননা পন্দবা পোৎলমশিংদি মপান্দা থাদোকপদা মনীং তম্লি‍। মপান্দা থাদোকপগী দেতাগী মতুং ইন্না, শুংদোক্ত্রিবা য়োৎ পেল্লেত মপান্দা থাদোকপগী থবকসি ২০১১-১২তা মপান্দা থাদোকপগী দ্যুতীদা অহোংবা পুরক্ত্রিঙৈ মমাঙদগী অদুম্মক চত্থদুনা লাক্লে‍। ২০১৪গী নোতিফিকেসন মমাঙগী চহী তরাদা শুংদোক্ত্রিবা য়োৎ পেল্লেত মপান্দা থাদোকপগী দেতা এনেক্সচরদা পীরি অমদি মীয়ামগী মফমদা ফংলে‍। মরম অসিনা ২০১৪গী নোতিফিকেসনগা মরী লৈনহনবসি অরানবা ৱাফম্নি অমদি দেতানা য়াদবা ৱাফম্নি‍।

আইনগী ওইবা খোঙফম হৌজিকসু খন্নরি: দিপার্তমেন্ত ওফ লিগেল এফ্যার্সকী দিপুতী লিগেল এদভাইজরগী আইনগী ওইবা ৱাখল্লোন অসি দিপার্তমেন্ত অসিগী মকোক থোংবা ওফিসিএলশিংনা হৌজিক ফাওবা শৌগৎপা লৈত্রি অমদি ৱাফম অসিগী মতাঙদা মসিবু ওফিসিএল ওইবা আইনগী ৱাখল্লোন ওইনা লৌবা য়াদ্রি‍। অরোইবা আইনগী খোঙফমগী ৱাফম হৌজিক খন্নবগী থাক্তা লৈরি‍।

এনেক্সচর: শুংদোক্ত্রিবা য়োৎ পেল্লেতশিং

 

সে: নম্বর	চহী	চাং (এম.তি.দা)
১.	২০০৪-০৫	৫৩,৩২,৬০০
২.	২০০৫-০৬	৩৫,৪৭,৫৬০
৩.	২০০৬-০৭	৪,৩২,৫২০
৪.	২০০৭-০৮	২৩,৫৮,৪৯০
৫.	২০০৮-০৯	৯,০৯,০৮০
৬.	২০০৯-১০	২,৮৬,৭৪০
৭.	২০১০-১১	৮৬,৬২০
৮.	২০১১-১২	২,০৯,৬৭০
৯.	২০১২-১৩	২০
১০.	২০১৩-১৪	১৭,১২,৯৭০
	অপুনবা	১,৪৮,৭৬,২৭০

 

ৱাই.বি.

*****

(Release ID: 1662939) Visitor Counter : 140