ভারত সরকারগী স্কীল দিবলপমেন্ত অমসুং ইন্তরপ্রেন্যুরশীপকী মিনিস্তর দাঃ মাহেন্দ্র নাথ পান্দেনা ইকাই খুম্নরবা প্রধান মন্ত্রী শ্রী নরেন্দ্র মোদীগী মহুৎ ওইনা অমসুং মশাগী শরুক ওইনা ঙসি ১১৫শুবা চহিগী ওইবা সেসন অসিদা পি.ঐচ.দি. চেম্বরবু থাগৎপা ফোংদোকখ্রে। মহাক্না ইকাই খুম্নরবা প্রধান মন্ত্রী শ্রী নরেন্দ্র মোদীগী লুচিং অমসুং কোবিদ মনুং অসিদা মহাক্না লৌখৎলিবা খোহথাং কয়া অসিবু থাগৎপা ফোংদোক্লি।   

দাঃ পান্দেনা হায় মদুদি স্কীল ইন্দিয়া হায়বা অসিগী ৱাখল্লোন অসি খোঙলম পরিং অমা ইন্দিয়া অমসুং মপান্দা শেম্বনি। মহাক্না হায় মদুদি স্তেত অমসুং দিস্ত্রীক্তশিংদা লৈরিবা ঐখোয়গী স্কুলগী ইকোসিস্তেম অমসুং স্কীল দিপার্তমেন্তনা পুন্না অনৌবা ৱাখল্লোন কয়া পুথোক্তুনা কোবিদ লায়চৎকী মনুং থা তরেৎ অসিদা লান্থেংনবদা মতেং পাংলি। স্কীলিং, রি- স্কীলিং, অপ-স্কীলিং অমসুং ইন্দস্ত্রী-কনেক্তা স্কীলিং অসি য়ু.এস.দি. ত্রিলিয়ন ইকোনোমী ৫গী অমসুং সেলফ-রিলিএন্তগী মিয়েং মসি ফংনবা তঙাইফদবা লৈরি হায়না পনখি।   

দাঃ পান্দেনা আত্মানির্ভর স্কীলদ ইম্প্লোয়ি ইম্প্লোয়র মেপ্পিং (এ.এস.ই.ই.এম.)গী মরুওইবাগী মতাংদা পনখি, মফম কয়াদা তৌরক্লিবা দিমান্দ অমসুং মসি ফংহন্নবা দেতাবেজ অমনি। দাঃ পান্দেনা য়ানিংবা পীরি মদুদি পি.ঐচ.দি. চেম্বরনা স্কীল দিবলপমেন্ত অমসুং ইন্তরপ্রিন্যুরশীপ মিনিস্ত্রীদা মতেং পাংবদা অচৌবা থৌদাং অমা লৌগনি অমসুং সরকার অসিদা পুন্না স্কীল ইন্দিয়া মিসন অমসুং হায় ইকোনোমিক ত্রাজেক্তরি অমসুং সেলফ-রিলিএন্ত ইন্দিয়াদা চাওরবা থৌদাং লৌগনি।

মালেমগী ওইনা ইন্দিয়ানা স্কীল কেপিতেল ওইনবগী পান্দমদা স্কীল দিবলপমেন্ত অমসুং ইন্তরপ্রিন্যুরশীপ মিনিস্ত্রীনা ২০১৪-১৫দগী লৈবাক অসিদা মীওই করোর ৫ হেন্না স্কীলদা থবক তৌদুনা লাক্লি। লোয়ননা, মিনিস্ত্রী অসিনা স্কীল দিবলপমেন্ত অসিগী লমদা অতৈ লৈবাক কয়াগা এম.ও.য়ু. সহি তৌনদুনা লাক্লি অমসুং ইন্দিয়াগী নহা কয়া হৈ-শিংবগীদমক মালেমদা মশক তাক্তুনা লাক্লি।

****