হরিয়ানা অমসুং পঞ্জাবতা সেপ্তেম্বর ২৬, ২০২০দগী হৌদুনা খারিফ মার্কেতিং সিজন ২০২০-২১গী ফৌ লৈশিনবা হৌখ্রে। নোংচুপ থংবা উত্তর প্রদেশতা ওক্তোবর ১দগী ফৌ লৈশিনবা হৌখ্রে অমসুং চন্দিগরদা ওক্তোবর ২, ২০২০দগী অমসুং তামিল নাদুদা ওক্তোবর ৫দগী হৌখি। হায়রিবশিং অসি নই দিল্লীদা প্রেস কনফরেন্স অমদা পাউদম্লদুনা ভারত সরকারগী ফুদ এন্দ পব্লিক দিস্ত্রিব্যুসনগী সেক্রেতরী শ্রী সুধানশু পান্দেনা হায়খি ০৬.১০.২০২০ ফাওবদা হরিয়ানাদা এম.তি. ৪,৮২,৬৫৫, পঞ্জাবতা এম.তি. ১০,০৮,০২৮, চন্দিগরদা এম.তি. ৬,৯৪৫, উত্তর প্রদেশতা এম.তি. ১৫৪৫ অমসুং কেরেলাদা এম.তি. ১৮০৯ অমসুং তামিল নাদুদা এম.তি. ২৫,৫৫১গী ফৌ লৈশিনখি, মসি হরিয়ানা, পঞ্জাব, চন্দিগর, উত্তর প্রদেশ, কেরেলা অমসুং তামিল নাদুগী লৌমী ১,২৭,৮৩২দগী লুপা করোর ২৮৮২রোমগী এম.এস.পি.গী ভেল্যু ওইগদবা পুন্না এম.তি. ১৫,২৬,৫৪৩ ওইখি।

মখা তানা রাজ্যশিংদগী লাকপা প্রপোজলদা য়ুম্ফম ওইরগা তামিল নাদু, কর্নাতকা, মহারাস্ত্র, তেলঙ্গনা, গুজরাত, হরিয়ানা, উত্তর প্রদেশ অমসুং ওরিশা রাজ্যশিং অসিগী খারিফ মার্কেতিং সিজন ২০২০গী হৱাই অমসুং থাওমরু এল.এম.তি. ৩০.১৭ লৈশিনবগী অয়াবা পীখ্রে। অন্ধ্র প্রদেশ, কর্নাতকা, তামিল নাদু অমসুং কেরেলা রাজ্যশিং অসিগী য়ুবী অকংবা (চহি চুপ্পা হৌবা) এল.এম.তি. ১.২৩ লৈশিন্নবা সেঙ্কসন তৌখ্রে। অতোপ্পা রাজ্যশিং/য়ু.তি.শিংগী ওইনা প্রাইজ সপ্পোর্ত স্কিম (পি.এস.এস.)গী মখাদা হৱাইশিং, থাওমরুশিং অমসুং য়ুবী অকংবা লৈশিন্নবগী প্রপোজেলশিং লাক্লবা মতমদা অয়াবা পীগনি মরমদি করিগুম্বা সেন্ত্রেল নোদেল এজেন্সীশিংনা রাজ্যনা খনবা প্রোক্যুরিং এজেন্সীশিং অসিগী খুত্থাংদা নোতিফাইদ তৌখিবা হর্বেসতিং পেরিয়দ অসিগী মনুংদা হায়রিবা রাজ্যশিং/য়ু.তি.শিং অসিগী কৈথেলগী মমল অসি এম.এস.পি.দগী হন্থখ্রবদি হায়রিবা মহৈ-মরোংশিং অসি রেজিস্তর তৌরবা লৌমীশিংদগী হকথেংননা ২০২০-২১গী নোতিফাইদ তৌখিবা এম.এস.পি.দা এফ.এ.ক্যু. গ্রেদকী লৈশিনবা য়াগনি।

শ্রী পেন্দেনা হায়খি ০৬.১০.২০২০ ফাওবদা সরকারনা মখোয়গী নোদেল এজেন্সীশিংগী খুত্থাংদা তামিল নাদু অমসুং হরিয়ানাগী লৌমী ১৬১দা কান্নবা পীরিবা লুপা করোর ১.৪৫কী এম.এস.পি. ভেল্যু ওইগদবা হৱাই মুক এম.তি. ২০১.১৫ লৈশিনখ্রে। মসিগা মান্ননা, অন্ধ্র প্রদেশ, কর্নাতকা, তামিল নাদু অমসুং কেরেলাগী সেঙ্কসন তৌখিবা এল.এম.তি. ১.২৩গী মথক্তা কর্নাতকা অমসুং তামিল নাদুগী লৌমী ৩৯৬১দা কান্নবা ফংহন্দুনা লুপা করোর ৫২.৪০গী এম.এস.পি. ভেল্যু ওইবা য়ুবী অকংবা এম.তি. ৫০৮৯ লৈশিনখ্রে। য়ুবী অকংবা অমসুং হৱাই উরোনগী ওইনা মমলশিং অসি এম.এস.পি,দা নত্রগা মথক্তা লৈরি। হৱাই মুক্কী ওইনদি লৈশিনবা হৌনবা মশা মশাগী রাজ্য সরকারশিংনা থৌরাংশিং শিল্লি।

ভারত সরকারগী লৌউ শিংউগী সেক্রেতরী শ্রী সঞ্জে অগর্ৱালনা হায়খি কম্মিসন ফোর এগ্রিকলচরেল কোস্তস এন্দ প্রাইজেস (সি.এ.সি.পি.)গী রিকম্মেন্দেসনশিংদা য়ুম্ফম ওইরগা মরু লিংলমদাইগী পন্থা হৌরকপদা চহি খুদিংগী চুজাক অমদি গেহু, হৱাইশিং, থাওমরুশিং অসিগুম্বা লৌবুক্কী মহৈ মরোংশিং অমসুং ললোন-ইতিক তৌনবা মহৈ মরোংশিংগী ফিয়র এবরেজ ক্বালিতী (এফ.এ.ক্যু.)গীদমক মিনিম সপ্পোর্ত প্রাইজ (এম.পি.এস.) ভারত সরকারনা লাউথোকখ্রে। স্বামিনাথন কম্মিতী রিপোর্তকী রিকম্মেন্দেসনদা য়ুম্ফম ওইরগা, খারিফ ২০১৮-১৯গী পন্থাদগী হৌরগা পুথোকপদা চংবা মমলগী য়ামদ্রবদা শরুক ১.৫ ফংহনবা ঙম্নবা সরকারনা এম.এস.পি. লাউথোকখ্রে। প্রাইজ সপ্পোর্ত পোলিসীগী মখাদা লৌমীশিংগী পোত্থোক অদু কৈথেলগী মমলদা হন্থরকপা তারবদি মখোয়দা মতিক চাবা মমল পীগনি হায়না সরকারনা থাজবা পীখ্রে। এম.এস.পি. লাউথোকখিবগা লোয়ননা, সরকার/সেন্ত্রেল নোদেল এজেন্সীশিংগী খুত্থাংদা সরকারনা এম.এস.পি. নোতিফাই তৌখিবা মহৈ মরোংশিং লৈশিন্নবা থৌরাংশিং তৌরি।

শ্রী সেঞ্জে অগর্ৱাল হায়খি এম.এস.পি.গী মহৈ মরোংশিং লৈশিনবা অসি হৌখিবা চহিশিংদা শরুক কয়া থোক্না হেনগৎখ্রে। ২০০৯-১০দগী ২০১৩-১৪ অমসুং হৌখিবা চহি মঙাগী মনুংদা মরু ওইবা মহৈ মরোংশিং লৈশিনখিবগী চাংদম্নবগী ৱারোল মখাদা পীরি:-

মহৈ মরোং	২০০৯-১০দগী ২০১৩-১৪		হৌখিবা চহি ৫		মতমগা লোয়ননা হেনগৎলকপা
	ক্বালিতী (এল.এম.তি.দা )	এম.এস.পি. ভেল্যু (লুপা করোরদা)	ক্বালিতী (এল.এম.তি.দা )	এম.এস.পি. ভেল্যু (লুপা করোরদা)	ক্বালিতী	এম.এস.পি. ভেল্যুদা
ফৌ	১,৭৬৮	২,০৬,০৫৯	৩,০৬৯	৪,৯৫,০৪৩	১.৭৪	২.৪
গেহু	১,৩৯৫	১,৬৮,২০২	১,৬২৭	২,৯৭,০৭৩	১.১৭	১.৭৭
হৱাই	১.৫২	৬৪৫	১১২.২৮	৬৩,৫২৩	৭৩.৯৫	৯৮.৫১
থাওমরু	৩.৬৫	১৪.৫৪	৫৬.৩৬	২৪৯.৭১	১৫.৪৪	১৭.১৭

 

হৌখিবা চহিশিংদা সরকারনা হৱাইশিং অমসুং থাওমরুশিং লৈশিন্নবা অখন্নবা থৌরাং লৌখৎলি। প্রাইজ সপ্পোর্ত স্কিম (পি.এস.এস.)গী মখাদা হৱাইশিং লৈশিনবা অমসুং হৱাইশিংগী নেস্নেল বফর স্তোক তৌবনা ২০১৬-১৭দগী ২০২০-২১গী মনুংদা লৈশিনবা অসি ২০০৯-১০দগী ২০১৩-১৪গী মনুংদা হৱাই লৈশিনবদগী শরুক ৭৪ হেনগৎখ্রে। এম.এস.পি. লাউথোকখিবগা লোয়ননা পুথোকপদা চংবা মমলগী য়ামদ্রবদা শরুক ১.৫ লাউথোকখিবা অমসুং সরকারগী লৈশিনবগী পোলিসীনা মরম ওইরগা হৱাই লৈশিনবদা চাউনা হেনগৎহনবা ঙমখ্রে অমসুং হৱাই পুথোকপদা আত্মানির্ভর ভারত ওইবা ঙমহল্লি। মসিগা মান্ননা, ২০১৬-১৭দগী ২০২০-২১গী (রবি ২০২০গী পন্থা ফাওবা) মনুংদা থাওমরুশিং লৈশিনবা অসি ২০০৯-১০দগী ২০১৩-১৪গী মনুংদা থাওমরু লৈশিনবা অসিদগী শরুক ১৬ হেন্না হেনগৎখি।

লায়চৎনা থোকহনবা অপনবা অমসুং লোকদাউনগী হৌরকপা মতমদা লোজিস্তিক্কী থবক থৌরমশিংদা অকায়বা থোকপা অসিনা মরম ওইরগা লৈশিনবগী থবক চত্থবা লেপখিদে। হৌখিবা চহিগা চাংদম্নবদা চহি অসিদা লৈশিন্নবগী লৈরিবা সেন্তরশিংগী মশিং অসি শরুক অনি হেনগৎখি। লাক্কদৌরিনা মতমশিংদা লৌমীশিংদা মতিক চাবা মমলশিং পীনবা এম.এস.পি. ওপরেসনশিং মখা তানা চত্থনবা কেন্দ্র সরকারনা হোৎনরি। কে.এম.এস. ২০২০-২১ লাকপা হৌখ্রে অমসুং সরকারনা মখা তানা লৌমীশিংদগী এম.এস.পি.দা খারিফ ২০২০-২১গী মহৈ মরোংশিং লৈশিনখ্রে।

শহরী দি ভি প্রসাদ, সি.এম.দি., ফুদ কোর্পরেসন ওফ ইন্দিয়ানা হায়খি, লৈবাক অসিদা লৈরিবা লৌমীশিংদগী ফৌ লৈশিনবা অসিদা চৎলিবা কে.এম.এস. অসিদা হৌখিবা চহিগী চপ মান্নবা মতম অসিগা চাংদম্নবদা হৌজিক ফাওবগী ওইনা ৫% হেনগৎপগী রেজিস্তর তৌরকখ্রে। খ্বাইদগী য়াম্না লৈশিনবা ঙমখিবা অসি পঞ্জাবতা ওইখি মসিদা হৌখিবা চহিদা এম.তি. ২৪,৪৫২ লৈখিবা অসিদগী এ.পি.এম.সি. সিস্তেমগী খুত্থাংদা লৌমীশিংদগী ফৌ এম.তি. ৭,৮২,৬৮৫ হান্না লৈশিনখ্রে। লৈশিনবগী খোঙজেল লোয়ননা পঞ্জাব অমসুং হরিয়ানাদা লৌমীশিংনা এফ.সি.আই.দা স্তোকশিংদা লৈরিবা ফৌশিং য়োনবদা থৱায় য়াওরিবা অসিনা রাজ্যশিং অসিগী  লৌমীশিংনা অনৌবা ফার্ম এক্তশিং চৎনরপা মতুংদা এ.পি.এম.সি.শিংগী খুত্থাংদা এম.এস.পি. লৈশিনবগী ওপরেসনশিংনা মখা চত্থবগী মতাংদা লান্না খনবা অদু অরানবনি উৎখি। হৌখিবা খারিফ পন্থাগী মনুংদা চেং এল.এম.তি. ৪২০ (ফৌ এল.এম.তি. ৬২৬)গী লৈরিবা ক্বালিতী অদুদগী হেন্না চৎলিবা খারিফ পন্থা অসিগী মনুংদা লৈবাক শিনবা থুংনা এম.এস.পি.দা লৌমীশিংদগী চেং এল.এম.তি. ৪৯৫ (ফৌ এল.এম.তি. ৭৩৮) লৈশিন্নবা এফ.সি.আই. অমসুং রাজ্যগী এজেন্সীশিংনা পান্দম থম্লি। মসিদা পঞ্জাব অমসুং হরিয়ানানা মথং শিৎনা ২৩% অমসুং ৯% খ্বাইদগী য়াম্না শরুক তমখি।

২০১৯-২০গী মনুংদা লৈবাক পুম্বদা এফ.সি.আই. অমসুং রাজ্যগী এজেন্সীশিংনা লৌমীশিংদা লুপা করোর ২,০২,৬৯৬কী অপুনবা শেনফম অমা পীখ্রে অমসুং মসিগী মনুংদা লুপা করোর ৮২,৪৭৮না পঞ্জাব অমসুং হরিয়ানাদা পীখি অমসুং মসিনা অপুনবা শেমফমগী ৪০.৬৯% ওইখি। আর.এম.এস. ২০২০-২১গী মনুংদা লৈবাক পুম্বগী লৌমীশিংদা চাঊরাক্না লুপা করোর ৭৪,৮৮২গী শেনফম পীখ্রে অমসুং মসিগী মনুংদা লুপা করোর ৩৮,৭১৯না পঞ্জাব অমসুং হরিয়ানাগী লৌমীশিংদা পীখি অমসুং মসিনা অপুনবা শেমফমগী ৫১.৭% ওইখি।

ভারত সরকারগী তেক্সতাইলসগী সে্রেতরী শ্রী রবী কাপুরনা হায় ২০১৯-২০দা লশিং থাবা লম অসি হেক্তর লাখ ১৩৩.৭৪নি অমসুং লশিং পুথোকপনা বেল লাখ ৩৫৭নি। পুৱারীদা অমুক্তা ওইখিদ্রিবা মওংদা কোতন কোর্পোরেসন ওফ ইন্দিয়ানা রাজ্য ১২দগীলুপা করোর ২৮,৫০০কী মমল ওইবা বেল লাখ ১০৫.১৪ লৈশিনখি। 

২০২০-২১দা লশিং থাবা লম অসি হেক্তর লাখ ১৩৩নি অমসুং লশিংগী পোত্থোক অসি বেল লাখ ৩৬০ ওইগনি হায়না পানরি। এম.এস.পি.গী থবকশিং ফজনা পাংথোক্নবা সি.সি.আই.না খোঙথাং মপুংফানা লৌখৎখ্রে। সি.সি.আই.না লশিং থাবা রাজ্যশিংগী দিস্ত্রিক্ত ১২দা প্রোক্যুরমেন্ত সেন্তর ১৩৫ হাংদোকখ্রে। সি.সি.আই.না লৌমীশিংদগী ক্বান্তিতীগী অথিংবশিং থমদনা ফে.এ.ক্যু. গ্রেদকী লশিং পুম্নমক ফংদ্রিফাওবা এম.এস.পি.গী থবকশিং পাংথোকখিগনি।

ওক্তোবর ৬, ২০২০ ফাওবদা বেল লাখ ৩.১২গা মান্নবা লশিং কৈথেলদা থুংখ্রে। মরম অদুনা মমাং চহিগী মতম অসিগী অমত্তা লৈশিনখিদবা অদুগা য়েংনবদা হরিয়ানা, পঞ্জাব অমসুং রাজস্থান্দা বেল ২৩১১ লৈশিনবা ঙমগনি। লৈশিনগদোরিবা এম.এস.পি.গী ভেল্যু অসি লুপা করোর ৩৫,০০০ ওইগনি হায়না পানরি।

প্রজেন্তেসনগী মসিদা নম্বীয়ু

****

(Release ID: 1662672) Visitor Counter : 140