কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়
সরকারনা মখোয়গী নোদেল এজেন্সীশিংগী খুত্থাংদা মখা তানা লৌমীশিংদগী খারিফ ২০২০-২১গী মহৈ মরোংশিং লৈশিল্লি
Posted On:
06 OCT 2020 7:55PM by PIB Imphal
কে.এম.এস. ২০২০-২১ য়ৌরকপগী থবক হৌখ্রে অমসুং সরকারনা মমাংগী সিজনশিংদা তৌখিবা অদুগুম্না লৈরিবা এম.এস.পি. স্কিমগী মতুং ইন্না লৌমীশিংদগী এম.এস.পি.দা খারিফ ২০২০-২১গী মহৈ মরোংশিং মখা তানা লৈশিল্লি।
কে.এম.এস. ২০-২১গীদমক এফ.সি.আই. অমসুং রাজ্য সরকারগী এজেন্সীশিংগী খুত্থাংদা পঞ্জাব, হরিয়ানা, তামিল নাদু অমসুং উত্তর প্রদেশগুম্বা প্রোক্যুর তৌরিবা রাজ্য খরা অসিদা ফৌ লৈশিনবগী থবক কন্না চত্থরি। অতোপ্পা প্রোক্যুর তৌরিবা রাজ্যশিংদসু অথুবদা থবক হৌরগনি। ৫.১০.২০২০ ফাওবদা পুন্না লৈশিনখিবা ফৌ অসি এল.এম.তি. ১১.১৪ হেনখ্রে, মসি লুপা করোর ২,১০৩.৪৬কী এম.এস.পি. ভেল্যু ওইরিবা অসি লৌমী ৮৭,০০০ হেনবগী খুত্থাংদা লৈশিনখি।
রাজ্যশিংগী অপাম্বদা য়ুম্ফম ওইরগা মখা তানা খারিফ মার্কেতিং সিজন ২০২০গী তামিল নাদু, কর্নাতকা, মহারাস্ত্রা. তেলঙ্গনা, গুজরাত, হরিয়ানা অমসুং উত্তর প্রদেশ রাজ্যশিং অসিগীদমক হরায় অমসুং থাও মরুশিংগী এল.এম.তি. ২৯.৬৪ লৈশিনবগী অয়াবা পীখি। অন্ধ্র প্রদেশ, কর্নাতকা, তামিল নাদু অমসুং কেরেলা রাজ্যশিং অসিগীদমক য়ুবী অকংবা (চহি চুপ্পা পুথোকপা মহৈ-মরোং)গী এল.এম.তি ১.২৩ লৈশিন্নবা অয়াবসু পীখি। অতোপ্পা রাজ্যশিং/য়ু.তি.শিংগী ওইনা প্রাইজ সপ্পোর্ত স্কিম (পি.এস.এস.)গী মখাদা হৱাইশিং, থাওমরুশিং অমসুং য়ুবী অকংবা লৈশিন্নবগী প্রপোজেলশিং লাক্লবা মতমদা অয়াবা পীগনি মরমদি করিগুম্বা সেন্ত্রেল নোদেল এজেন্সীশিংনা রাজ্যনা খনবা প্রোক্যুরিং এজেন্সীশিং অসিগী খুত্থাংদা নোতিফাইদ তৌখিবা হর্বেসতিং পেরিবদ অসিগী মনুংদা হায়রিবা রাজ্যশিং/য়ু.তি.শিং অসিগী কৈথেলগী মমল অসি এম.এস.পি.দগী হন্থখ্রবদি হায়রিবা মহৈ-মরোংশিং অসি রেজিস্তর তৌরবা লৌমীশিংদগী হকথেংননা ২০২০-২১গী নোতিফাইদ তৌখিবা এম.এস.পি.দা এফ.এ.ক্যু. গ্রেদকী লৈশিনবা য়াগনি।
০৫.১০.২০২০ ফাওবদা সরকারনা নোদেল এজেন্সীশিংগী খুত্থাংদা তামিল নাদু অমসুং হরিয়ানাগী লৌমী ১১১দা কান্নবা পীদুনা লুপা করোর ১.০১গী এম.এস.পি.ভেল্যু ওইবা হৱাই মুক এম.তি. ১৪০.৩০ লৈশিনখ্রে। মসিগা চপ মান্ননা, অন্ধ্র প্রদেশ, কর্নাতকা, তামিল নাদু অমসুং কেরেলাগী সেঙ্কসন তৌবা ক্বান্তিতী এল.এম.তি. ১.২৩দগী কর্নাতকা অমসুং তামিল নাদুদা লৌমী ৩,৯৬১ কান্নবা পীদুনা লুপা করোর ৫২.৪০গী এম.এস.পি. ভেল্যু ওইবা য়ুবী অকংবা এম.তি. ৫,০৮৯ লৈশিনখ্রে। য়ুবী অকংবা অমসুং হৱাই উরোনগী ওইনা মমলশিং অসি এম.এস.পিদা নত্রগা মসিগী মথক্তা লৈরি। মরী লৈনবা রাজ্যগী সরকারশিংনা হৱাই মুকশিং লৈশিনবগী থবক পাংথোক্নবা শিল-লাংলি।
খারিফ মার্কেতিং সিজন ২০২০-২১গী মনুংদা লশিং মরু(কপাস) লৈশিনবসু ওক্তোবর ১, ২০২০দগী হৌখ্রে অমসুং ওক্তোবর ৫, ২০২০ ফাওবদা কোত্তন কোর্পোরেসন ওফ ইন্দিয়ানা হরিয়ানা অমসুং পঞ্জাবকী লৌমী ১৩৭তা লুপা লাখ ১৭৩.৮০গী এম.এস.পি. ভেল্যুগী কান্নবা ফংহন্দুনা এম.এস.পি.গী মখাদা বেল ৬২৭ লৈশিনখ্রে।
****
(Release ID: 1662230)
Visitor Counter : 97