কেন্দ্রগী এজুকেসন মন্ত্রী শ্রী রমেশ পোখ্রিয়াল 'নিশাঙ্ক' অমসুং মাইনোরিতী এফিয়র্স মন্ত্রী শ্রী মুখতার অব্বাস নকবিনা খুৎশম্নদুনা পকুর-২ (ঝার্খন্দ)দা ঙসি ভর্চুএল ওইনা অনৌবা জৱাহর্লাল নবোদয়া বিদ্যালয়গী উরেপ উয়ুং তমখ্রে। মসিগী মহৈলোশঙ অসি মাইনোরিতী এফিয়র্সনা "প্রধান মন্ত্রী জন বিকাস কার‍্যক্রম" (পি.এম.জে.ভি.কে.)গী মখাদা শাবনি। সেক্রেতরী, মাইনোরিতী এফিয়র্স, শ্রী প্রমোদ কুমার দাস; জোইন্ত সেক্রেতরী, শ্রীমতি নিগার ফতিমা, মাইনোরিতী এফিয়র্স; চিয়র্মেন, সি.বি.এস.ই., শ্রী মনোজ অহুজা, কম্মিসনর, এন.ভি.এস. শ্রী বিনায়ক গার্গকা লোইননা এজুকেসন, মাইনোরিতী এফিয়র্স মন্ত্রালয় অমসুং জে.এন.ভি.দগী মকোক থোংবা ওফিসিএলশিংনা থৌরম অদুদা শরুক য়াখি।

থৌরম অদুদা ৱা ঙাংলদুনা শ্রী পোখ্রিয়ালনা হায়খি মদুদি জে.এন.ভি.না খুঙ্গংগী অঙাংশিংদা ক্লাস ৬তগীনা ১২ ফাওবদা লেম্না মগুন লৈবা মোদর্ন এজুকেসন পীরি। এজুকেসন অসিদা সোসিএল ভেল্যু, ইনভাইরোন্মেন্তেল এৱেয়র্নেস, কল্লেক্তিব এক্তিবিতী অমসুং ফিজিকেল এজুকেসন য়াওরি। শ্রী পোখ্রিয়ালনা জে.এন.ভি. অসি শাবগী চঙগদবা শেনফম অসি লুপা করোর ৪২নি হায়খি অমসুং মসি চহী অনীগী মনুংদা শাবা লোইশিনগনি হায়খি। মহাক্না হায়খি মদুদি জে.এন.ভি. শাবগী থবক অসি মাইনোরিতী এফিয়র্সনা মপুং ওইনা শেল থাদবনি। মসিগী মথক্তা উত্তর দিনাজপুর (নোংচুপ বেঙ্গল), হৌরা (নোংচুপ বেঙ্গাল), নোংচুপ কমাং (অরুনাচল প্রদেশ), মমিৎ (মিজোরম)দা জে.এন.ভি. অহেনবা ৪ অমগা শানবগীদমক মাইনোরিতী এফিয়র্স মন্ত্রালয়না প্রধান মন্ত্রী জন বিকাস কার‍্যক্রম (পি.এম.জি.ভি.কে.)গী মখাদা অচঙবা তংখাই অমা পুথোক্লি। 

জে.এন.ভি. স্কুলগী মগুন অসি জে.এন.ভি.দগী পাস তৌদুনা থোক্লক্লগা সিবিল সর্বিস, মেদিকেল অমসুং ইঞ্জিনীয়রিং অসিনচিংবদা থবক তৌরিবা অসিনা তাক্লে হায়না শ্রী পোখ্রিয়ালনা হায়খি। হন্দক্কী চহী অসিদা মহৈরোই ২৮-২৯ সিবিল সর্বিস খনখি। হৌখিবা চহীদা জী মেন্সতা মহৈরোই ৪৪৫১, জী এদভান্সতা মহৈরোই ৯৬৬ অমসুং নীৎকীদমক মহৈরোই ১২৬৫৪ খনখি অমসুং মহৈরোই ১২না ইন্তর্নেসনেল য়ুনিবর্সিতীশিংদা হৌখিবা চহী অহুম্লোমসিদা মিং চনখি হায়না মখা তাখি।

অপুনবা ওইনা, খুঙ্গংগী অঙাংশিংদা অফবা মহৈ পীনবা হোৎনরিবা জে.এন.ভি. ৬৬১দা শেল থাদরি। হায়রিবা মহৈলোইশঙশিং অসি কো-এজুকেসনেলনি, রেসিদেন্সিএল ওই অমসুং নবোদয়া বিদ্যালয় সমিতিনা রিজনেল ওফিস ৮গী থোংদা চলাইরি। নৌনা সেংসন তৌখিবা জে.এন.ভি. ৬২গী মনুংদা। অনৌবা পার্মনেন্ত কেম্পস ৪৭ শাগৎপগী থবক হৌজিক খোঙজেল য়াংশিল্লি অমসুং বিদ্যালয় কেম্পস ১৫না চৎলিবা শেনবা চহী ২০২০-২১দা লোইশিনবা ঙমগনি হায়না শ্রী পোখ্রিয়ালনা হায়খি।

শ্রী নকবিনা মহাক্কী ৱারোল পীবদা হায়খি মদুদি, হৌখিবা চহী ৬ অসিগী মনুংদা, প্রধান মন্ত্রী শ্রী নরেন্দ্র মোদীনা চুচিংবা সরকার অসিনা সোসিও-ইকোনোমিক-এজুকেসনেল অমসুং থবক্তা মীৎয়েং থম্বা ইনফ্রাস্ত্রকচরশিং লৈবাকসিগী শোত্থরবা, অৱাৎপনা থল্লবা অমসুং মাইনোরিতীনা নম্না তাবা মফমদা "প্রধান মন্ত্রী জন বিকাস কার‍্যক্রম"গী মখাদা শেমগৎখ্রে। মহাক্না মখা তারদুনা হায়খি মদুদি এজুকেস মন্ত্রালয় অসিনা জৱাহর্লাল নবোদয়া বিদ্যালয় ৯৯ লৈবাক অসিগী শোত্থরবা, মাইনোরিতীনা নম্না তাবা মফমশিংদা ইহান হানবা ওইনা শেমগৎখ্রে অমসুং অসিগুম্বা জৱাহর্লাল নবোদয়া বিদ্যালয় কয়া কেন্দ্রগী এজুকেসন মন্ত্রালয় অমসুং মাইনোরিতী এফিয়র্স মন্ত্রালয়গা লোইননা শেমগৎলি।

শ্রী নকবিনা হায়খি মদুদি মাইনোরিতী এফিয়র্স মন্ত্রালয়না লৈবাক অসিগী শোত্থরবা অমসুং মাইনোরিতীনা নম্না তাবা মফমশিংদা লৈবা জৱাহর্লাল নবোদয়া বিদ্যালয়শিংদা স্মার্ত ক্লাস রুম ১১৭৩ হায়প্নবগীদমক করোর ৩৬ কাইথখ্রে। মহাক্না হায়খি মদুদি হায়রিবা জৱাহর্লাল নবোদয়া বিদ্যালয়শিং অসিনা মগুন লৈবা অমসুং শেল চঙদবা মহৈ কয়া লৈবাক অসিগী খুঙ্গংশিংদগী অমসুং শোত্থরবা অমসুং মাইনোরিতীনা নম্না তাবা মফমশিংদগী মহৈরোইশিংদা পীবদা অচৌবা থৌদাং লৌরি।

*****