হকশেল অমসুং য়াইফ য়ুম্বালগী কেন্দ্রগী মন্ত্রী শ্রী অশৱিনি কুমার চৌবেহ অমসুং সাউথ ইস্ত এসিয়া এফিয়র্সকী য়ুনাইতেদ কিংদমগী রাজ্যগী মন্ত্রী লোর্দ তারিপ অহমেদনা ভিদিও কনফরেন্সিংগী খুৎথাংদা লৈবাক অনিগী মরক্তা লৈরিবা হেল্থ সেক্তর অদুগী মতাংদা বাইলেতরেল রিলেসনশিং খন্না নৈনখ্রে৷ হৌজিক হৌজিক লৈরিবা কোবিদ-১৯ ভেক্সিনগী স্তেতসকী অকুপ্পা মরোলশিং, লৈবাক মীয়ামদা মতম চানা য়ৌহন্নবা অমসুং লাইনা-লাইচৎ অসি থিংন্নবা লৈবাক অনিনা হোৎনরিবশিং অসিগী মতাংদা খন্না নৈনখি৷

কোবিদ-১৯না ঐখোয় মীওইবদা ঐখোয় ময়াম পুম্নমক অমতা ওইনা পুনশিন্নবা অমসুং লাইনা-লাইচৎ অসিবু অরৈবা পাঙ্গল থাদদুনা মাই পাক্না মাইথীবা পীন্নবগী খুদোংচাবা অদু ফংহল্লে হায়না শ্রী চৌবেহনা ফোংদোকখ্রে৷ “চহী চা কয়া ভারতনা মালেম অসি অমতনি হায়না তাক্লিবা ‘ভাসুদাইভা কুতুমবাকমগী স্পিরিত’ অদু সপোর্ত তৌখ্রে৷” মতুং তারকপদা হ্যুমেনিতী অসিগীদমক কলচরেল এতিচুদ অসিনা কমদৌনা য়াম্না মরু ওইবা থৌদাং লৌগদগে হায়বদু শন্দোকনা তাক্লদুনা হায়রিবা “লুরবা মতম অসিদা হায়রিবা লাইনা-লাইচৎ অসি ইমুং অমগুম্না তেংনবগী মথৌ তারে” হায়না মহাক্না মখাতাখি৷

হকশেলগী মতাংদা লেপ্পা লৈতনা মতেং পাংন্নবগীদমক লৈবাক অনিগী মরক্তা ২০১৩দা জেনেভাদা সহি তৌনখিবা মিমোরেন্দম ওফ অন্দরস্তেন্দিং অসি নিংশিংলদুনা, “হেল্থ সেক্তরদা লৈরিবা ভারত-য়ু.কে.গী বাইলেতরেল রিলেসন অসি য়াম্না কল্লি৷ লৈবাক অনি অসিগী মরক্তা লৈরিবা কোওপরেসন অসি মতমগী মতুং ইন্না হেন্না মপাঙ্গল কনখ্রে” হায়না মহাক্না ফোংদোকখি৷

লৈবাক অনি অসিগী মরক্তা কোওপরেসন পীনবা হেঙ্গৎন্নবগীদমক মথংগী অপুনবা মীফমদা অয়ুশমান ভারতপু থীম অমা ওইনা হাপ্নবগী তঙাই ফদবা অদু পুথোক্তুনা হকশেলগী রাজ্যগী কেন্দ্রগী মন্ত্রীনা লৈবাক অনি অসিগী মরক্তা লৈরিবা মরী অসি হেন্না কন্নবা ই-হেল্থ, গ্রগ রিগুলেসন্স, রিগুলেতরী কোওপরেসন, ফার্ম এক্সপোর্তশিং, কোলাবোরেতিব রিসর্স, কেপাসিতী বিল্দিং হায়রিবা হিরমশিং অসিদা মখাতানা মতেং পাংন্নবা ফোংদোকখ্রে৷

হায়রিবা থৌরম অসি ভারতনা অমসুং য়ুনাইতেদ কিংদমনা কোবিদ-১৯ ভেক্সিনগীদমক পাংথোক্লিবা থবক থৌরমশিং অসি খন্না নৈন্নবা সাউথ ইস্ত এসিয়াগী য়ু.কে.গী রাজ্যগী কেন্দ্রগী মন্ত্রী লোর্দ তারিপ অহমেদনা পাংথোকপনি৷ লুরবা মতম অসিদা হিদাক লাংথক্কী মতাংদা ভারতনা মতেং পাংবগীদমক প্রধান মন্ত্রী শ্রী নরেন্দ্র মোদীবু মহাক্না ফোংদোকখ্রে৷

*****