জল শক্তি মন্ত্রালয়
পঞ্জাবতগী নুপী সরপঞ্চ অমনা “মীয়াম পুম্বগী ঈশিং”গী ইহৌ লুচিংখ্রে
“জল জীবন মিসন”গী লান্মীনা মহাক্কী খুঙ্গংবু খুন্নাইনা শরুক য়াবা থৌওংগী খুত্থাংদা শেমদোকখ্রে
Posted On:
04 OCT 2020 2:03PM by PIB Imphal
![](http://static.pib.gov.in/WriteReadData/userfiles/image/image001HGO7.jpg)
নুমিৎ অসিসু মহৌশাগুম ওইবা মিস কুলৱিন্দর কোর ব্রারগী অচিনবা অয়ুক অমনি। মহাক্না মহাক্কী ইমুং মনুংগী থবকশিং লোইশিন্নবা হাথু হাথুনা হোৎনরবসু মহাক্কী ৱাখলদি তুংদা ফমগদবা মীফমগী মতাংদা খল্লি। মহাক্কী নুমিৎ অসি স্তেকহোলদরশিং, সরকারগী ওফিসিএলশিং, কোর্পোরেৎশিং, এন.আর.আই.শিং অমসুং খ্বাইদগী মরু ওইরিবা মহাক্কী কাঙবুশিংগা উন্নবগী অচিনবা নুমিৎ অমা ওইগদৌরি। কুলৱিন্দরগী পুন্সি অসি অতোপ্পা ওফিসিএলশিংগা অদুমক মান্নবনি। অদুবু খেৎনবা অমদি লৈ। মহাক অসি পুম্নমক্কী অফবা তৌবদা পুন্সি কত্থোক্লবী পঞ্জাবকী বথিন্দা জিলাগী মেমহা ভগ্বানা খুঙ্গংগী সর্পঞ্চনি।
কুলৱিন্দরনা অঙাং ওইরিঙৈদগী হৌনা খুঙ্গংদা থক্ববা ঈশিং মরাং কাইদবগী মরম্না নুপীশিংনা থেংনরিবা অৱাবা কয়া উদুনা লাক্লবীনি। মহাক্না মখোয়গী পুন্সি মহিংবু শেমদোকপগী ৱাখল লৈখি অমসুং খুঙ্গংগী সর্পঞ্চ ওইরবা তুংদা মহাক্না হৈথোই-শিংথোইরবা থৌওংগা লোয়ননা হীরম অসিগী মতাংদা থবক তৌবা হৌরকখি। মহাক্কী ৱাখল্লোনশিং অসি য়াম্না ফজৈ অমসুং মসিবু থবক ওইনা পাঙথোক্নবগীদমক্তা অচৌবা শেনফমগী তঙাই ফদবা লৈখি। জল জীবন মিসন অসি হৌদোরকপগা লোয়ননা থবক থৌরম খুদিংমক মওং-মরিল তাবা হৌরকখি অমসুং অথুবা মতমদা মেহমা খুঙ্গংগী য়ূম্থোং খুদিংগী ওইনা ইমুং খুদিংদা তোতি ঈশিং পীবগী স্কিমগী অয়াবা পীরকখি।
মিসন অসি মখা তানা মাই-পাকহন্নবা হায়দুনা ভিলেজ ৱাতর অমসুং সেনিতেসন কম্মিত্তী (ভি.দবল্যু.এস.সি.)গী মেম্বরশিংনা য়ুম্থোং খুদিংদা চত্তুনা তোতি ঈশিং পুশিনবা অসিনা মতম অমসুং ইনর্জী কনবতা নত্তনা অকক্নবা চাংদা থক্নবা ঈশিং পীরগনি হায়বগী ৱাফম কয়া তাকখি। খুঙ্গংগী মনুংগী ইনফ্রাস্ত্রকচর শেম্বদা স্কিম অসিগী অপুনবা শেনফমগী ১০% থাদবগী তঙাই ফদবা লৈবা স্কিম অসিগী মতাংদা মঙোন্দা হায়রকখি। ইমুং খুদিংনা তোতি ঈশিংগী কনেক্সন ফংদুনা থবক তৌবগী মতম য়াম্না কায়থোকপা ঙম্নবা ইমুং খুদিংনা শেল খরা খরা খায়নবগী ৱাফমগী মতাংদা হৌদোক্লদুনা পুক্নিং থৌগৎপগী থবক চত্থবা হৌখি। অদুবু শেল পুথোকপা ঙমদবা ইমুং খরদি খুঙ্গংদা অদুমক লৈরম্বা থেংনখি। গ্রাম পঞ্চায়ৎনা মখোয়গী ওইনদি শেল খায়দ্রবসু য়ারে হায়খি। মখোয়গী তোতি পুশিনবদা চংবা শেনফম খুদিংমক পঞ্চায়ৎনা পুথোকখি। ঙসিদি অনৌবা তোতি ঈশিং পুশিনবগী ওইনা ভি.দবল্যু.এস.সি.না জেনেরেল ইমুংগী ওইনা লুপা ৫০০ অমসুং সেদ্যুল কাস্তকী ইমুংশিংগী ওইনা লুপা ২৫০ লৌরি।
মথংদা পাঙথোক্কদবা মশক থোকপা থবক অসিনা ঈশিংগা মরী লৈনবা শিংনবশিং অসি পঞ্চায়ত্তা পুথোকপা অসিনি। ইমুংগী নুপা অহলনা হায়বা অসিনা লোইরে হায়বগী চৎনবী অসিনা থৌওং অসিবু থবক ওইনা পাঙথোকপদা খ্বাইদগী চাউনা অয়েৎপা পীবা ওইখি। কুলৱিন্দরনা গ্রাম পঞ্চায়ৎপু সর্পঞ্চ ওইনা লুচিংলবসু গ্রাম সভাদা তসেংনা শরু য়াবা নুপীশিংগী মশিংদি য়াম্না য়ামলমদে। ঙসিদি চাউরাক্না নুপীগী ৮০%গী শরুক্না গ্রাম সভাদা শরুক য়াদুনা মখোয়গী ৱাখল্লোন ফোঙদোকপা য়ারে। থবক থৌরম কয়াদা শরুক য়ানিংবা অমসুং লুচিংবগী থৌদাং লৌনিংবী নুপীশিংগী ওইনদি করিগুম্বা থবক অমবু নুপী অমনা লুচিংবা উবদা য়াম্না পুক্নিং থৌগৎপগী ইথিল ফাওই।
জল জীবন মিসনগী আই.ই.সি. কেম্পেন অসিনা খুন্নাই অমবু লমজিংবগী য়াম্না চাউবা তেংবাং অমা ওইরম্মি। ঈশিং শেন্নবদা নুপীগী থৌদাং অমসুং মরু ওইবা পীবা অসি কেম্পেন অসিগী শরুক অমনি। ইমুং অমা চলায়রিবা অসি নুপীননি অমসুং মখোয়না ঈশিং শেন্নবা হেন্না হৈগনি হায়বগী খুঙ্গংগী নুপীশিংনা থাজবা লৈবা অসিনা মরী লৈনবা হীরমগী মরমদা খঙহন্নবা চাই নাইবা থৌওং পাঙথোক্নবা খুঙ্গং অসিদা নুপী খক্তগী ওইবা ভিলেজ ৱাতর অমসুং সেনিতেসন কম্মিত্তী অমা শেমখি।
জল জীবন মিসনগী মরম ওইদুনা খুঙ্গংশিংদা খোঞ্জেল থোক্তবা ইহৌ অমা হৌরি। তোতি ঈশিং পীবগী থৌওং অসিনা নুপীশিংগী পুন্সি অসিদা য়াম্না মপুং ফাবা অহোংবা অমা লাক্লে। ঈশিং লৌবা চৎপদা থেংনবা অৱাবা কয়া অমদগী কোক্লে। য়ুমদা তোতি ঈশিং লাকপদগী নুপীশিংগী মতমদসু য়াম্না অকোম্বা ফংলে। তোতি ঈশিং লাপকপদগী নুপীশিংনা স্কুল তম্বদগী তোকপগী চাং য়াম্না হন্থরকপগী ফিভম উবা ফংবা অসিসু য়াম্না মরু ওইনা উবা ফংবা অহোংবনি। নুপীমচা কয়া অমনা স্কুলদা নৌহৌননা অমুক মিং চনবগী চাংসু হেনগৎলে।
খুঙ্গংদা পীরিবা ঈশিংগী শেনবগী চাং অমসুং মগুন চাং নাইনা অমসুং মতম মতমগী ওইনা য়েংশিন্নবা হায়দুনা মীওই মঙানা শাবা কম্মিত্তী অমসু পঞ্চায়ৎকী মনুংদা শেম্লে। থক্নবা ঈশিং পীবগী থৌওংগা মরী লৈনবা থবকশিং পাঙথোক্নবা খুৎ-শা হৈরবা চেক শুবা মীওইশিং, মৈ-শেম্বশিং অমসুং পাইপকী থবক তৌবশিংদা হৌজিক লৈরিবা ইনফ্রাস্ত্রকচর অসিবু নীংথিনা শেন্নবা চঙবা থবক মচা কয়া শেম্বগী মতাংদা ত্রেনিংসু পীরি।
ঙসিদি মেহমা ভগ্বানা খুঙ্গং অসি খুন্নাইগী মীওই খুদিংনা থবক থৌরমশিংদা শরুক য়াবগী নীংথিরবা খুদম অমা ওইরে অমসুং মীওই ১৪৮৪ লৈবা খুঙ্গং অসিদা ১০০%গী চাংদা ইমুং খুদিংদা ঈশিং লেপ্তনা ফংহনবা অমসুং মসিগী থৌওংশিং অসিবু মাই-পাক্না চলায়দুনা জে.জে.এম. স্কিমবু মাই-পাকহন্নবা হোৎনরিবা থৌদাংশিং অসি অতোপ্পা খুঙ্গংশিংনসু মতৌ তম্বা য়ারে।
অদুবু কুলৱিন্দর কোরগী ওইনদি খোঙচৎ অসি হৌবতা ঙাইরি অমসুং মহাক্না হৌজিক থৌরাং য়াৎলিবা অসিদি গ্রে ৱাতর মেনেজমেন্ত তৌবা অমসুং খুঙ্গংদা সোলারগী মৈ খিনবা অসিনি। মহাক্কী লুচিং মখাদা মহাক্কী খুঙ্গংগী মনুংদা লৈবা নুপীশিংবু শেন্মিৎলোনগী ওইনা নিং-খা তম্বা ঙমহন্নবা ৱাখল লৈরি। মহাক্না মখোয়শিং অসিবু অপুনবা এস.ঐচ.জি. অমগী মখাদা থবক তৌবা হৌহন্নবা থৌওং কন্না চত্থরি। মহাক্না হায়খি, “খুঙ্গং অসিগী নুপীশিং অসিনা কান্নবা শেন্মিৎলোনগী থৌওং পায়খত্তুনা শেল-থুমগী হীরমদা নিং-খা তম্বা ওইদুনা ইমুং চলায়বদা তেংবাংবা ঙমহন্নবা ঐহাক্না হোৎনগনি”।
জল জীবন মিসন হায়রিবা ফ্লেগশিপ প্রোগ্রাম অসি রাজ্যশিংগা খুৎশম্নদুনা লৈবাক অসিগী খুঙ্গংগী ইমুং খুদিংদা ইং ২০২৪ ফাওবগী মনুংদা থক্না ঈশিং ফংহনবগী পান্দম থমদুনা পায়খৎপনি। হৌখিবা চহি ১দা লৈবাক শিনবা থুংবগী ইমুং করোর ২.৩০ হেনবদা থক্নবা তোতি ঈশিং পুশিলহনখ্রে। হৌজিক ফাওবগী ওইনা ইমুং করোর ৫.৫০না মখোয়গী ময়ুমদা অফবা থক্নবা ঈশিং ফংলে, হায়বদি খুঙ্গংগী অপুনবা ইমুংগী ৩০%। খ্বাইদগী নৌবা ওইনা সেপ্তেম্বর ২৯, ২০২০দা ইখিবা চিথি অমদা প্রধান মন্ত্রী শ্রী নরেন্দ্র মোদীনা মীয়াম অমসুং গ্রাম পঞ্চায়ৎশিংদা জল জীবন মিসন অসিবু মীয়ামগী ইহৌ ওইহন্নবা হায়খ্রবনি।
*****
(Release ID: 1661551)
Visitor Counter : 162