মালেম অসি কোবিদ-১৯গী লায়চৎ অসিনা পীরিবা অৱাবা অসি মায়োক্নদুনা লৈবনা মরম ওইরগা চহি অমা মখায় অসি মরাই চাইথরকখ্রে। মতম হৌখিবগা লোয়ননা বেক্সিনশিং পুথোরক্তবা অসিনা হেল্থক্যের সিস্তেমদা আশা থম্বদি হেনগৎলক্লি অমরোমদা হেল্থক্যের ৱার্করশিংনা লায়না অসি নারকপা য়াবগী ফীভমদা মখা তানা লৈরি। সমস্যা অসি কোকহন্নবা, আই.আই.তি. খরগপুরগী কম্প্যুতর সাইন্স অমসুং ইঞ্জিনীয়রিং বিভাগকী রিসর্চরশিংনা আইমেদিএক্স কৌবা তেলিমেদিসিন সিস্তেম অমা পুথোকখ্রে।মপ্যই.আই.তি. েন্ত প

সিস্তেম অসিদা হোমক্যের লোয়ননা হোস্পিতালগী হেল্থক্যের সর্ভিসশিং পুনশিল্লি। লায়চৎ অসিনা মরম ওইরগা অথুবদা মথৌ তারিবশিং অসি য়েংলগা, ফিজিসিয়ন অমগা লাপনা কনসল্তেসন তৌবগী খুত্ধাংদা অনাবা মীওইশিংদা মখোয়গী য়ুমদা ক্রিতিকেল হেল্থ ক্যের সপ্পোর্তকী খুদোংচাবশিং সিস্তেম অসিনা ফংহল্লি। সিস্তেম অসি স্তেন্দর্দ ব্রাউজর অমা হেক্তনা অমদি মোবাইল দিবাইজতগী একসেস তৌবা য়াগনি।

সিস্তেম অসিদা অনাবা মীওই অমনা মহাক্কী ইমেল আই.দি. নত্রগা মোবাইল নম্বর পীদুনা একাউন্ত অমদা সাইন-অপ তৌগনি। মতুংদা অনাবা মীওই অসিনা হোস্পিতাল অদুগী বিভাগ অমা খন্দুনা, মরু ওইনা নুংঙাইত্রিবা অদু হাপতুনা অমসুং মথৌ তাবা মেদিকেল রেকোর্দশিং স্কেন তৌদুনা অপলোদ তৌরগা কনসল্তেসন তৌনবা রিক্বেস্ত অমা তৌবা য়াগনি। হোস্পিতালগী এদমিনিস্ত্রেসন্না রিক্বেস্ত অসি প্রোসেস তৌরগা দোক্তর অমা এসাইন তৌগনি। দোক্তর অদুনা লোগ ইন তৌরগা অনাবা মীওই অদুগী এপ্পোইন্তমেন্তগী তাং অমসুং মতম অমা পীরক্কনি অমসুং সিস্তেম অসিনা মরোলশিং অসি অনাবা মীওই অদুগী ইমেল অমসুং এস.এম.এস.তা খঙহল্লক্কনি। ভিজিৎকী নুমিৎ অদুদা দোক্তরনা অনাবা মীওই অদুগা ভিদিও কনফরেন্সিং শীজিন্নদুনা লায়েংগনি অমসুং অনাবা মীওই অদুদা প্রেসক্রিপসন অমা ইদুনা ইমেলদা থাগনি। অনাবা মীওই অদুনা মহাক্কী একাউন্তদগী প্রেসক্রিপসন অদু দাউনলোদ তৌবা য়াগনি।

লম অসিদা লুচিংলিবা রিসর্চর ওইরিবা প্রোফেসর জয়েন্তা মুখোপধ্যানা হায়খি, “হোম আইসোলেসন অমসুং হোম ক্বারেন্তিনগী কেসশিংগী মশিং হেনগৎলক্লিবা অসিদা সিস্তেম অসিনা হৌজিক ওইরিবা ফীভম অসিদা মথৌ তাবশিং ফংহন্নবা হোৎনরগনি। মসিনা অহল ওইরবা অনাবা মীওইশিংগী ফোলো অপ অমসুং লায়েংবদা মতেং পাংলগনি।”

আই.আই.তি. খরগপুরকী ওন-কেম্পস হেল্থক্যের সিস্তেম ওইরিবা আইমেদিএক্স অসি মীয়াম্না মখোয়গী য়ুমদগী শীজিন্নরি।

দিরেক্তর, প্রোফেসত ভি কে তিৱারীনা ফোঙদোকখি, “এপ্রিলদা ঐখোয়না কোবিদ হেল্থক্যের সর্ভিসশিং ফংহন্নবা আর এন্দ দি প্রোজেক্ত নিপাল লাউথোকখি। মসিগী তেলিমেদিসিন প্রোজেক্ত অসিনা ঐখোয়গী মীয়ামদা পীগদৌরিবা কান্নবশিং অসি য়েংলগা, হায়রিবা প্রোজেক্তশিং অদুগী মরক্তগী মরু ওইবা অমনি। ‌ঐখোয়গী কেম্পস অসিনা মীপুম শুনা মথৌ তৌবা হৌরকপদা মহৈরোয়শিং য়াওরগা মীওই ৩০০০০গী ময়ানা হেল্থক্যের সর্ভিসশিং মথৌ তাগনি অমসুং তেক্নোলোজী অসিনা হায়রিবা মীশিং অসিদা মপুং ফনা হেল্থক্যের ফংহন্দুনা হেল্থক্যের স্তাফখৈদা অৱাবা পীবা হন্থহল্লগনি। ঐখোয়না ফিজিকেল দিস্তেন্সিং তৌহন্নবা হোৎনরিবা অসিদা কেম্পস অসিগী মীশিংনা হেল্থক্যেরগী মথৌ তারিবশিং অদু ফংহন্নবা দিজিতেল প্লেৎফোর্ম অসি পুথোকপা অসিনা চান্নবা ওইখি। ঐখোয়না ভিদিও কনফরেন্সিংগী খুত্থাংদা ময়ুমদা কনসেল্তেসনগী খুদোংচাবা ফংবা য়াবা ঐখোয়গী মেদিকেল কার্দ পাইনশিংগীদমক য়ুজর একাউন্তশিং শেম্লি”।

সোফৱেয়র অসি ঙসি গান্ধী জয়েন্তীগী টৌরমদা হৌদোকখি অমসুং কেম্পস রেসিদেন্তশিং লোয়ননা ইমপ্লোইয়ীশিংগী ইমর্জেন্সী হেল্থক্যের সর্ভিসশিং পীরিবা ইন্সতিত্যুসন অসিগী দা বি সি তোই তেক্নোলোজী হোসইতালদা সোফৱেয়র অসি ইন্তিগ্রেৎ তৌগনি হায়না প্রিন্সিপল মেদিকেল ওফিসরগী লোয়শঙদগী দা সমরি দাস গুপ্তানা ফোঙদোকখি।

দিপুতী দিরেক্তর প্রোফেসর এ কে ভত্তাচার্য়না ফোঙদোকখি, “ঐখোয়গী ও.পি.দি. পেসেন্ত মশিং অসি য়াম্না য়াম্বনা, হোস্পিতালদা লাকপা অসি য়াম্না ৱাবা ওইবনা মখোয়দা মসিনা য়াম্না কান্নবা ফংহল্লগনি। লোয়ননা ঐখোয়গী মহৈরোয়শিংদা মসিনা কান্নবা ফংহন্দুনা মখোয়না হোস্পিতাল অসিদা ঙাইদুনা লৈবগী মতমসু হন্থহল্লগনি।”

দিরেক্তর তিৱারিনা মখা তারদুনা তেক্নোলোজী অসি আই.আই.তি. খরগপুরগী অনৌবা সুপর-স্পেসিএলিতী হোস্পিতালগী খুত্থাংদা কেম্পস অসিগী মপান্দা লৈরিবা মীওইশিংনা শীজিন্নবা য়াহন্নবা মহাক্না থৌরাং তৌরি হায়না ফোঙদোকখি। রিসর্চরশিংনা তেক্নোলোজী অসিগী কোপীরাইৎ লৌরবা ভর্জন অসি কম্মর্সিএলাইজেসন তৌনবা হেল্থক্যের এম.এস.এম.ই.শিংগা ফাও ফাওনখ্রে। ত্রাইএল বেসিস্তা ৱেস্ত বেঙ্গল সরকারনা স্বাস্থ্য ভাবনদা বেস মোদেল অমা ইন্সতোল তৌখ্রে। বেজ মোদেল অসিগী অহানবা ত্রাইএলশিং বাংলদেশতা চত্থরি।

****