ঙসি গান্ধী জয়েন্তিগী নুমিৎ অসিদা এম.এস.এম.ই.গী মন্ত্রী, শ্রী নিতিন গদকারীনা মহাক্কী পার্লিয়ামেন্তরী কন্সতিত্যুন্সী ওইরিবা নাগপুরদা দিব্যাঙ্কশিংদা মোবাইল খাদি সেলিং য়ুনিৎশিং য়েন্থোকপগা লোয়ননা আত্মানির্ভর ভারত অভিয়ানদা দিব্যাঙ্কশিং য়াওহন্নবা থৌরাং অমা হৌদোকখ্রে। ভিদিও কনফরেন্সকী খুত্থাংদা দিব্যাঙ্ক মীওই ৫দা শ্রী গদকারীনা ই-রকশোশিং য়েন্থোকখ্রে। মসিগী বেনিফিসরীশিংনা মনাক নকপা খুঙ্গংশিংদা তোঙান তোঙানবা খাদিগী ফী, রেদীমেদ ফীরোলশিং অসিগুম্বা খাদিগী পোত্থোকশিং, চান্নবা চীঞ্জাকশিং, মরু-মৱাংশিং অমসুং অতোপ্পা খুঙ্গংশিংদা শাজবা প্রদক্তশিং য়োনবা ঙমজরগনি।লাক্কদৌরিবা নুমিৎ খরা অসিদা অতোপ্পা মোবাইল খাদি সেলিং য়ুনিৎ ৫ য়েন্থোক্লগনি।

শ্রী গদকারীনা কে.ভি.আই.সি.গী থৌরাংশিং অসি থাগৎলদুনা হায়খি মসিনা দিব্যাঙ্ক মীওইশিংদা মতম শাংনা হিংনবগী পাম্বৈশং পীনবা খুদোংচাবশিং পীবা ঙমহল্লগনি। মহাক্না হায়খি মসিগা লোয়ননা াদি য়োনবা হেনগৎহন্দুনা খাদি আর্তিসেনশিংনা পোৎ পুথোকপা হেনগৎহল্লগনি। মহাক্না হায় ভারতকী জিলা খুদিংমক্তা লৈরিবা দিব্যাঙ্কশিংদা য়ামদ্রবদা অসিগুম্বা মোবাইল সেলিং য়ুনিৎ ৫০০ য়েন্থোক্নবা হোৎনরগনি।

“মসি লৈবাক অসিদা কে.ভি.আই.সি.না লৌখৎপা খ্বাইদগী অনৌব থৌরাং মখল অমনি। মোবাইল সেলিং য়ুনিৎশিং অসিগা লোয়ননা ঐখোয়গী দিব্যাঙ্ক ইচিল-ইনাওশিংনা ইকাই খুম্নবা অমদি সস্তেনেবল ওইবা হিংনবগী পাম্বৈ অমা ফংবা ঙমজরগনি। মখোয়না অতোপ্পা খুঙ্গংশিংদা খাদিগী পোত্থোৎশিং য়োনবা চৎপনা খাদি অসি মীওই মশিং কয়াদা য়ৌহনবা হেনগৎলগনি” হায়না শ্রী গদকারীনা ফোঙদোকখি।

খাদিগী মুগা শারিবা আর্তিসেনশিংদা লোকেল ইমপ্লোইমেন্ত ফংহন্নবা অতোপ্পা থৌরাং অমদা, এম.এস.এম.ই.গী এম.ও.এস. শ্রী প্রতাপ চন্দ্র সরাঙ্গিনা ওরিশাগী চৌদ্বারদা সিল্ক প্রদক্সন কম ত্রেনিং সেন্তরগী উরেপ উয়ুং তমখ্রে। মসিনা রাজ্য অসিগী ওইনা অফবা ক্বালিতীগী তুসর মুগা পুথোক্নবা অহানবা য়ুনিৎনি।

থৌরম অসিদা, শ্রী সরাঙ্গিনা হায়খি মসিনা লমদম অসিগী আর্তিসেনশিং চাউখৎহন্নবা অমসুং ওরিশাদা মুগা পুথোকপা হেনগৎহন্নবা অচৌবা খোঙথাং অমনি। মহাক্না হায়খি ওরিশা অসি অফবা ক্বালিতীগী মুগা পুথোকপগীদমক খঙনরি; অদুম ওইনমক মফম অসিগী মুগাগী ওইবা পোত্থোকশিং পুথোক্নবা অমসুং ত্রেনিং সেন্তর মথৌ তাবগীদমক মপালদগী পোৎচাকশিং লৈশিনবা মথৌ তারি। “মসিনা ঐখোয়গী আর্তিসেনশিং ত্রেনিং তৌবদা মতেং পাংবতা নত্তনা সস্তেনেবল ইমপ্লোইমেন্ত পীবসু ঙমহল্লগনি,” হায়না শ্রী সরাঙ্গিনা ফোঙদোকখি।

থৌরম অসি ভিদিও-কনফরেন্সকী খুত্থাংদা য়াওখিবা কে.ভি.আই.সি.গী চ্যেরমেন শ্রী বিনাই কুমার সক্সেনানা হায়খি, সিল্ক প্রদক্সন কম ত্রেনিং য়ুনিৎ অসিনা রাজ্য অসিগী মুগাগী লমদা পাঙথোক্লিবা থবক থৌরমশিংদা চাউনা কান্নবা পীরগনি অমসুং য়ুনিৎ অসি থা অনি অমসুং অহুম অসিদা মথৌ তৌবা হৌরগনি।

****