এন.ঐচ.পি.সি. লিমিতেদনা মহাক্কী ফরিদবাদতা লৈরিবা কোর্পোরেত ওফিস্তগী ভিদিও কনফরেন্সিংগী খুৎথাংদা ৪৪শুবা চহীগী জেনেরেল মীতিং(এ.জি.এম.) ২০২০গী সেপ্তেম্বরগী তাং ২৯দা পাংথোকখ্রে৷ ২০১৯-২০ চহীগীদমক কম্পেনী অসিগী মেনেজমেন্তনা ইক্যুইতী সেয়র অমদা লুপা ১.৫০ পীবা অসিদা ২০২০গী মার্চ থাদা ইক্যুইতী সেয়র অমদা পীখিবা লুপা ১.১৮ অদুসু য়াওখ্রে৷ এন.ঐচ.পি.সি.গী সি.এম.দি. শ্রী এ.কে. সিংহনা এ.জি.এম.দা লৈরিবা শেয়রহোল্দরশিং, এন.ঐচ.পি.সি.গী বোর্দ মেম্বরশিং অমসুং এন.ঐচ.পি.সি.গী কম্পেনী সেক্রেতরীবু থাগৎখ্রে৷ কোবিদ-১৯ লাইনা-লাইচৎ অসিনা পীরিবা চেলেঞ্জশিং অসি থেংনা-থেংননা এন.ঐচ.পি.সি.না ফংলিবা মরু ওইবা এচিভমেন্তশিং অদু সি.এম.দি. অদুনা পুথোকখ্রে৷ এফ.ৱাই.২০১৯-২০ অসিগী মতমদা কম্পেনী অসিনা ফংখিবা অপুনবা রেভিন্যু অদু লুপা কোতি ৯,৭৭১.৫৯নি, ওপরেসন্স( নেত)দগী ফংখিবা রেভিন্যু অদুনা লুপা কোতি ৮,৭৩৫.৪১নি অমসুং নেত প্রোফিত এফতর তেক্স(পি.এ.তি.) অদুনা লুপা কোতি ৩,০০৭.১৭নি৷

এন.ঐচ.পি.সি.গী সি.এম.দি., শ্রী এ.কে.সিংহগা লোইননা দাইরেক্তর(প্রোজেক্ত) শ্রী রতিশ কুমার, দাইরেক্তর(পর্সোনেল) শ্র্রী এন.কে. জেইন, দাইরেক্তর(শেল-থুমগী)শ্রী এম.কে.মিত্তল, দাইরেক্তর(তেক্নিকেল) শ্রী ৱাই.কে. চৌবেহ, চীফ জেনেরেল মেনেজর(শেল-থুমগী) শ্রী আর.পি. গোয়ল অমসুং এন.ঐচ.পি.সি.গী কম্পেনী সেক্রেতরী শ্রী ভিজে গুপ্তনা ২০২০গী সেপ্তেম্বরগী তাং ২৯দা ভিদিও কনফরেন্সিংগী খুৎথাংদা পাংথোকখিবা ৪৪শুবা এন.ঐচ.পি.সি.গী চহীগী জেনেরেল মীতিং অদুদা শরুক য়াখিবগী শক্তম

২০১৮-১৯ শেঞ্জাগী চহী অসিদা খ্বাইদগী ৱাংনা ফংখিবা এম.য়ু. ২৪,১৯৩ অসি হেন্দোক্তুনা চহী অসিদা মিলিয়ন য়ুনিত(এম.য়ু) ২৬,১২১ খ্বাইদগী ৱাংনা ফংবা ঙমখ্রে হায়দুনা শ্রী সিংহনা ফোংদোকখ্রে৷ কোর্পোরেত ইন্সোলভেন্সী রিজোলুসন প্রোসেস(সে.আই.আর.পি.)কী খুৎথাংদা সিক্কিমদা তীস্তা VI ঐচ.ই. প্রোজেক্ত (৫০০ মেগা ৱাত) অসি চৎন্নবগীদমক সবসিদিয়রী কম্পেনী ওইনা মপুং ওইনা লৈরবা লেনকো তীস্তা হাইদ্রো পৱার লিমিতেদ অসি মাই পাক্না লৌশিনবা ঙম্বা অসিগী মতাংদা শ্রী এ.কে. সিংহনা মখাতানা ফোংদোকখ্রে৷ অসুমতৌদনা সিক্কিমদা রঙ্গিৎ স্তেজ- IV ঐচ. ই. প্রোজেক্ত(১২০ মেগা ৱাত) চৎনহল্লিবা কম্পেনী জল পৱার কোরপোরেসন লিমিতেদকী ক্রেদিতরশিংগী কম্মিতীনা কম্পেনী অসিবু মাই পাক্লবা কম্পেনী অমনি হায়না লাওথোকখ্রে৷ দিবঙ্গ মল্তিপরপোস প্রোজেক্ত(২৮০০ মেদা ৱাত)কী স্তেজ- II ফোরেস্ত ক্লিরেন্সকী রিসিপ্তকী মতাংদা শেয়রহোল্দরশিংদা খঙহনখ্রে৷

ওরিশা রাজ্যদা ৫00 মেগা ৱাতকী অতাওবা সোলর পৱার প্রোজেক্তশিংগী প্লান অমসুং তেক্নোলোজী শেমগৎনবা জোইন্ত ভেঞ্চর কম্পেনী(জে.ভি.শি.) অমা শেমন্নবগীদমক গ্রীন ইনর্জী দিভেলপমেন্ত কোরপোরেসন ওফ ওরিশা লিমিতেদ(জি.ই.দি.সি.ও.এল.)গা খুৎয়েক পীনখ্রে অমসুং নেপালদা হাইদ্রোপৱার প্রোজেক্তশিং শানবা নেপাল সরকারনা চলাইবা কম্পেনী হাইদ্রোইলেক্তিসিতী ইনভেস্তমেন্ত এন দিভেলপমেন্ত কম্পেনী লিমিতেদ(ঐচ.আই.দি.সি.এল.)কা পুন্না খুৎশম্নদুনা চৎমিন্নবগী খুৎয়েক পীনখ্রবা এম.ও.য়ু. অদুগী মতাংদা শ্রী সিংহনা হায়খ্রে৷ কম্পেনী অসিগী ২৮০০ মেগা ৱাত ইন্সতোল্দ কেপাসিতী হৌজিক হৌজিক শেম শারি অমসুং ৫,৯৪৫ মেগা ৱাত ইন্সতেল্দ কেপাসিতী লৈবা হাইদ্রোইলেক্ত্রিক প্রোজেক্তশিং শাবা লোইরদুনা চৎনবা য়াবগী স্তেজতা লৈরে হায়দুনা মহাক্না মখা তাখি৷

শ্রী এ.কে. সিংহ, সি.এম.দি.না ৱা ঙাংখিবা অদুদা পনখিবা য়াম্না মরু ওইবা অতোপ্পা পোইন্ত খরা অদুদি সোলর অমসুং ৱিন্দ পৱারদা হেন্না চাওখৎনবা হোৎনবা অসিনি৷ কম্পেনী অসিনা ভারত সরকারগী ন্যু এন্দ রিনিৱেবল ইনর্জীগী মন্ত্রালয়গী অল্ত্রা মেগা রিনিৱেবল ইনর্জী পৱার পার্ক(য়ু.এম.আর.ই.পি.পি.)গী মখাদা ওরিশা অমসুং তেলঙ্গনা অনি অসিদা ৫০০ মেগা ৱাত অমসুং কেরলাদা ৫০ মেগা ৱাতকী অতাওবা সোলর প্রোজেক্তশিং শানবা ফিরেপ লৌখ্রে৷ প্রোজেক্ত অনি ৪০ মেগা ৱাত অমসুং ১০০ মেগা ৱাত শেম শানবা তৌরিবা কম্পেনী অসিনা ওরিশাদা সোলর পার্ক কেপাসিতী হেন্না চাওথোক্নবা(১০০ মেগা ৱাততগী ১৪০ মেগা ৱাত ফাওবা) অয়াবা অদু এম.এন.আর.ই.দগী ফংখ্রে৷ অতোপ্পা কান্নবা সোলর প্রোজেক্তশিং তোঙান তোঙানবা রাজ্যশিং/য়ু.তি.শিং খুদম ওইনা তেলঙ্গনা(২৯৩ মেগা ৱাত), তামিল নাদু(২X২৫ মেগা ৱাত) অমসুং লেহ(৫০ মেগা ৱাত)দা শানবগী ওইথোকপা য়ানা লৈরবশিং অদুসু হায়খ্রে৷

ইন্তর স্তেত ত্রান্সমিসন সিস্তেম(আই.এস.তি.এস.)গীদমক পুন্না ২,০০০ মেগা ৱাত ওইবা ফোতোবোল্তেক প্রোজেক্তশিং শমজিন্ননবগীদমক সোলর পৱার দিভেলপরশিংদা লেতর ওফ এৱার্দ(এল.ও.এ.) এন.ঐচ.পি.সি.না ফোংখ্রে৷ সবসিদিয়রীস অমসুং জোইন্ত ভেনচর তৌদুনা ইন্সতোল্দ কেপাসিতী ২,২৫৮ মেগা ৱাত ওইবা তোঙান তোঙানবা প্রোজেক্তশিং এন.ঐচ.পি.সি.না পাইরি৷ হৌজিক লৈরিবা খুজিং অমা অসি লোইশিল্লকপা ফাওবদা জে.ভি.শিং অমসুং সবসিদিয়রীস য়াওনা ২০০০০ মেগা ৱাতকী ইন্সতোল্দ কেপাসিতী এন.ঐচ.পি.সি.দা লৈরগনি হায়না মহাক্না ফোংদোকখি৷ কম্পেনী অসিগী পর্ফোমেন্সকী মতুং ইন্না মেম্বরশিংগী তোঙান তোঙানবা খঙনিংবশিং অদুসু এ.জি.এম. অদুদা ফোংদোকখি৷

*****