মিশন ওলেমপিক সেল (এম.ও.সি.)না তার্গেত ওলেমপিক পোদিয়ম স্কীম (তি.ও.পি.এস.)কী শরুক অমা ওইরিবা শুতিং, বেদমিন্তন, বোক্সিং, পেরা স্পোর্তস, ৱেতলিফ্তিং অমসুং হোকী, মশান্না তরুক অসিদা এথলেতশিংগী লুপা করোর ১.৫কী মথক্তা ওইবা ফাইনান্সিয়েল প্রোপোজলশিং অদু খন্ননবা ঙসি অঙনবদা ওনলাইনগী মীফম অমা পাংথোকখ্রে। কমিতী অসিনা ৱেতলিফতর মিরাবাই চনুনা মহাক্কী কোচ অমসুং ফিজিয়োথেরাপিস্তকা লোইননা য়ু.এস.এ.গী কেন্সাসতা থা অনীগী ওইবা ওভরসীস ত্রেনিং প্রোগ্রামগা লোইনা-লোইননা মহাক্না মতম কুইনদগী লোইনরক্লবা অশোকপা অদুগীদমক্তসু রিহেবিলিতেশন তৌনবগীদমক্তা চাউরাক্না লু লাখ ৪০গী প্রোপোজল অদু সেঙ্কশন তৌখ্রে। ৱারেপ অসিগী মতাংদা ৱা ঙাংলদুনা, য়ুনিয়ন  মিনিস্তর ওফ  য়ুথ এফিয়রস অমসুং স্পোর্তস, শ্রী কিরেন রিজিজুনা হায়খি, “ঐখোয়ানা ওলেমপিক্কীদমক্তা থাজবা ঐখোয়গী এথলেতশিংদা খ্বাইদগী অফবা ফেসিলিতীশিং পীনবা মিৎয়েং থম্লি। কমিতী অসিদা য়াওরিবা এক্সপার্তশিংনা ফাওখি মদুদি মিরাবাইনা ত্রেনিংগা লোইননা বু.এস.তা খ্বিদগী হেন্না ফবা রিহেবিলিতেশন প্রোগ্রাম ফংগনি, অমসুং মরম অদুনা মহাক্কী কোচ অমসুং ফিজিয়োথেরাপিস্তসু মহাক্কা লোইননা চৎমিন্নরিবনি। ঐহাক্না থাজৈ মদুদি মশিগী এক্সপোজর অসিনা মহাক্না ওলেমপিক্কীদমক্তা শেম-শাবদা য়াম্না চাউনা মতেং পাংগনি।”

অতোপ্পা ৱারেপশিং অদুদা মখাদা পীরিবশিং অসি য়াওরি:

শুতিং:

কমীতী অসিনা হীজিক চত্থরিবা কোরোনা লাইচৎ অসিনা মরম ওইরগা শুতরশিংনা মখোয়গী য়ুমশিংদা লৈবা মশাগী রেঞ্জশিংদা ত্রেন তৌবা য়ানবা এম্যুনিশন লৌনবা শুতরশিংগী প্রোপজল অদু সেঙ্কশন তৌখ্রে।

বোক্সিং:

কমিতী অসিনা ভিকাসকৃষ্ণনগী মহাক্কী পার্সোনেল কোচ রোন সিম্স জুনিয়রগা লোইননা য়ু.এস.এ.দা  থা অহুমগী ওভরসীস ত্রেনিং প্রোগ্রাম (সেপ্তেম্বর ৭তগী হৌরগা)গী অয়াবা পীখ্রে।

বেদমিন্তন:

কমিতী অসিনা কিদম্ব্রি স্রিকান্থ, সাইনা নেহৱাল অমসুং লাক্স্য সেন, শান্নরোই অহুম অসিগী দেনিশ ওপন সুপর ৭৫০দা শরুক য়ারুনবা সেঙ্কশন তৌখ্রে। মখাতানা দেনমার্ক্তা সেনগী ত্রেনিং অমসুং সারলোরলক্স ওপনদা শরুক য়ারুনবসু সেঙ্কশন তৌখ্রে।

পেরা স্পোর্ত:

কমিতী অসিনা শরদ কুমারগী কোচ য়েৱহেননিকিতিনগী কোচিং তৌবগী ফীস অদু তোকিয়ো পেরালিম্পক্স ফাওবগী ওইনা চহি অমগীদমক সেঙ্কশন তৌখ্রে।

হোকী:

কমিতী অসিনা ইন্দিয়ন মেন্স হোকী তীমগী ফোরেনগী ফিজিয়ো চৎখ্রবা মতুংদা, ফিজিয়োথেরাপিস্ত আর.বি. কন্ননবু অহানবগী ওইনা থা অহুমগীদমক এপোইন্ত তৌবগী প্রোপোজল সেঙ্কশন তৌখ্রে।

কমিতী অসিনা এস.এ.আই. সেন্তরশিংদা ত্রেনিং চত্থরিবা এথলেতশিংগীদমক্তা কোবিদ-১৯দগী ঙাকথোক্নবা লৌখৎখিবা পাম্বৈশিং অদুগী মতাংদসু খন্নখ্রে। কমিতীগী মেদিকেল এক্সপার্তশিংনা ভাইরস অসি শন্দোকপদগী ঙাকথোক্নবা ‌এক্সপার্তশিংনা  অমসুং এ.এস.আ.ই অমসুং এস.ও.পি.শিংনা শেমখিবা ক্বাররন্তিনগী প্রোসেস অসি য়াম্না চেকশিন্না চত্থগদবনি হায়নাসু হায়রকখি।

*****